قسر الرواسن

بارت ١٣

أي يعنوان الجَرايد كَلها تقرأك ببلاش .

بارت-13- من قصة "قـسَـر الـرواسَـن"
.
.
.

ورة يومين واكفه كبال الامراية ،جنت لابسة لبس رسمي كامل لونه مشمشي ويا حذاء كعب اسود وجنطة صغير تلبس بالكتف لونها اسود

عدلت شعري ورشيت، عطر وطلعت لكيت بهاء ينتظرني بالصالة باوعلي وابتسم .. دومج حلوة وتلفتين الانظار

دنكت ضليت ساكته
مد كف ايدة الية رفعت راسي باوعت بعيونه جان يهمس .. مثل اي، اب من ياخذ طفلة لتسجيل السنه الدراسية

دمعت عيوني جان يكول .. ديربالج، تبجين ترا هسة ابطل واعوفج واطلع للشغل

مسحت عيوني .. هههه لااا ولله مابجي بس صدكني هذني دموع الفرح

رفع حواجبه وكال .. احتفظي ،بيهن لنفسج

كمت اضحك وامسح بعيوني وهو مبتسم، وبعدة مادّ كف ايدة
تقربت بهدوء وحطيت ايدي بأيدة
كمش ايدي حيل ودنك باسها يحرجني بتصرفاته
سحبت ايدي بخجل

ماحجه شي ،طلعنه وداكتو يركض، كبالنه قفل بهاء الباب ،وصة الحرس ع داكتو وصعدنه بالسيارة

طلعنه من البيت والسيارة هدوء
بهاء انتبه لايدي ترجف من التوتر لزمها حيل
وكال .. حتى تتخلصين، من التوتر والقلق تحلي بالثقة
كلما زادت ثقتج بنفسج كلما كدرتي تعبرين عن نفسج. وتواجهين الاخرين بسلاسة

-شلون اتحلى بالثقة

انتبه للطريق وكال .. اول خطوة
تدربي تحجين وية ،نفسج بثقة
وثاني خطوة العمل لازم تطبقين كلشي تدربتي بحياتج
حتى يصبح أمر طبيعي احنه مو فقط نقرأ ونستمع لا نطبق هم ،اليوم انتِ راح تسجلين بمعهد وبداية دراسة جديدة شي طبيعي، تحسين بتوتر بس بمرور الايام تتعودين ويصبح أمر جداً طبيعي

ثاني شيء المشاركة في، النقاشات الصغيرة شاركي بالكلام وين ماجنتي هاي الحوارات الصغيرة راح تساعدج وتخليج تكدرين تشاركين بنقاشات اكبر كذلك الاصدقاء الايجابين، الهم دور في تنمية الشخص واذا كانوا الاصدقاء سلبين ابتعدي عنهم

ثالثاً عندج قراءة الكتب الثقافية ومشاهدت الافلام الي بيها عبرة والقصص الواقعيه كذلك، الها دور في الثقة بالنفس واهم شي ماتقرين شيء يهين المرأة او يقلل من قيمتج، كأنسان راح تخسرين كلشي بنيتي لان راح يبقى كلام الاهاين براسج وترجعين للصفر

رابعاً صيري طريفة واجتماعية ،لا تبقين تتصرفين برسمية ع هذا وضعج يبتعد عنج الكل وعبالة مغرورة
صح ما اكلج اضحكي اربعه وعشرين ساعه و تتصرفين تصرف طفولي، لا تصرفي بتساوي الي يطلب منج مساعدة ساعدي الي يسألج سوالي طبيعي عادي جاوبي واضافةً من تحجين وية شخص ابتسمي شوية لا تحسسي انتِ كوة دتحجين ويا