قسر الرواسن

بارت ١٢

الـسلام عـليـكم ..

بارت -12- من قصة."قـسَـر الـرواسَـن"
.
.
.
صارت هوسة وهلاهل عماتة ،عرفتة دخل فتح الباب والهوسة ورا طلعن نسوان عمة وهو سد الباب وضل يباوعلي وانا كاعدة
تقرب رفع البركع باس كصتي وكال .. شبيج، ترجفين ابوية ربع ساعه واطلع اخذي راحتج

ماحجيت شي وهو اتوجه الغرفة ،الملابس
وكال .. راح ادخل لغرفة الملابس وانتِ بدلي براحتج.

هزيت راسي وهو دخل وانا نزعت البدلة ولبست تراك وفوكه روب وشعري اصلاً قصير مايصير بي تسريحه

وتقريباً ربع ساعه وهو طلع وانا كاعدة ،ع جرباية طبن عماته شافني وهلهلن والبنات ظلن يركصن ويدكن ع باب شوية وطلعن ، ورجع هو دخل جايب عشة

وكعدنه ناكل وافكر شلون راح نّام واكو سرير واحد

خلصت انا كعدت ع تخم وهو، اخذ صينية وطلعها
واسمع صوت هوسة برة
شوية ودخل قفل الباب وكال .. كومي نامي ع سرير وانا راح انام ع تخم

كتله .. لا عادي انتَ نّام ،بمكانك وانا راح انام هناية

هز راسة بالرفض وكال .. لا يلا ،كومي

تنهدت ورديت .. بهاء خاف متعود ع مكانك عادي ولله انام هناية ماكو مشكلة

مسح وجهة بصبر وكال .. ابوية انتِ ليش تعاندين قابل اخليج تنامين ع تخم  لان متعود، ع مكاني كومي نامي ماتعبانه

- اي ولله راسي كُلش يوجعني

أشرلي اكوم وكال .. تردين اقلل، درجة السبلت

كتله .. اي عفية شوية لان باردة
هز راسة وراح قلل الدرجه وطب الغرفة الملابس
طلع ديباج و تمدد ع تخم وصار، هدوء بالغرفة بس صوت انفاسنه

لمن قطع الصمت صوت ،موبايله
رفعه واسمعه يحجي .. ممم خلي يمك صدك يلا جاي اخذة خلي وحدة بين مااجي لحد يتقربلة اي يلا جاي بسرعه

كام بسرعه ،راد يطلع كتلة .. شكو خو ،ماكو شي

رد وهو يفتح الباب .. لا بس داكوتا ضايج ،من الصوت العالي، ويريد يتهجم ع الحرس اروح اجيبة لا يأذيهم

هزيت راسي وهو طلع شوية ودخل شايل، داكوتا سد الباب وطفة الضوة وتمدد ،ع تخم وحطة بحضنه رفعت راسي شفته يمسد ع راسة بهدوء
وهو كبل نام همستلة .. ليش يضوج من الهوسة؟

باوعلي وكال .. متعود ع هدوء دوم ،يرافقني ونكعد سوية ،بأماكن فارغة فـ مامتعود ع هوسة

-من شتريته هو هيج؟
.
.
-لا تعود ع عيشتي وحيدنه بالبيت ،وكتلج نطلع بأماكن هادئة مثل ع جسر الجادرية بليل او بحدائق فارغة

رفعت حواجبي وكتله .. راح تعقدوني، وياكم

ابتسم و رد  .. لا ابو روح ،المرحة مايتغير