قسر الرواسن

هدية ١مليون

مساء الخير ع عيونك الحلوة
شُكراً ع واحد مليون وشُكراً ع كلامكم الحلو
وهذا بارت الهدية الي وعدتكم بي

استمتعوا ....

رواسن .. هاي شنووو بهاااء

رفع راسه بستغراب .. شكو ؟

-ليش هيج ليششش؟

رد .. شبيج باااابا شبيج شمسوي ؟

رجعت عطت .. بهااااااء ليشششش هيججججج

نترت .. وجعععع شنووووو ولج

ضحكت بصوت وكتله .. ليش هيج ،حلو ادبسز

شال المزهرية يريد يشمرها عليه وانا شردت وهو يصيح .. طايحه الحظ ام لسانين فلنفص

رجعت طلعت واضحك بصوت شمرته بوسه وهو خازرني ،كعدت بصفه واباوعله بنظرات بريئة
استغفر ودار وجهة،ضليت اباوع للبلازمه
طلع ممثل تركي يخببل ثنائي هو والبطلة حلوين
بس انا عيني صدت ع بطل فكيت حلكي عليه
التفتت لبهاء ندسته وكتله .. بهاء شوف هذا غير يجنن

باوع للبلازمه ورجع يباوعلي بطرف عينه ،وانا مبتسمه جان يكول .. شوف البطله، غير جسمها عود فرنسي عاد مثل العندي نصها لحم

التفتتله مصدومه اشرت ع نفسي وكتله .. انا نصي لحم

رفعت كتوفه وكال .. الحليم تكفيه اشارة

صحت .. بهاااااااء

نتر .. وجع شبيج

هزيت راسي ورجعت، اباوع للبلازمه منتظره البطل يطلع صدك ولله شوية وطلع مصلخ بس بالبجامه
ويريد يلبس قميص

حجيت بصوت عالي .. اي هنا العضلات الرشاقه مو
العندي يضرب باجه من الصبح

زمخ .. قز القرط دوري البلازمه

رديت .. ما اريد اتمعن بالكاريزما

فتح عيونه بخزرة وتقرب سحل اذني طفرت بوجع
- اييييي بهااء اذنيييي

كال .. خربانه ولج فدنوب اشك راسج هسة بالطاولة

كتله .. لعددد حلال عليك، وحرام عليه

نتر .. وعلي اذا تصدصد عيونج منا ومنا افكسهن الج

انا حميت فدنوب فـ كتله .. وانتَ هم اذا تصدصد عيونك افكسن الك

فتح عيونه ع وسعهن ،وانا طفرت .. ولله ولله فلت من لساني هو مزرف شسويلة والقرآن موقصدي هذا الجلب لساني يجفص بكيفه

كال .. ولج رواسن تتجاوزين وتهددين فلنفص
تفكسين عيوني وتكوليها بكل صلافه

هو مخنزر عليه وانا اطفر بتوسل كمت امشي ناحيته
واشمر بوسات من بعيد واسوي نفسي بريئة واحرك بعيوني بلطافه حسيته شوية هدء وخفت خزرته يماااي فلك فلكه عيونه تخووف تخوووف شلون عيون البزونه بالظلمه حييل اخاف من خزرته