قسر الرواسن

بارت ١٩

لا أعلم ماذا يصيبني هذه الايام من شعوراً ، شعور يجعلني اختنق " هل هو اشتياق " لا أعلم

قـسَـر الـرواسَـن
البارت -19-
لاتنسون التصويت

رواسن .. تقربت بكُل برود فتحت الجرار وطلعت سجينه حادة  واباوعله بأبتسامة شريررة ونظرة تحدي،  فتح عيونه وبلع ريكة

رفعت ايدي اليسرة واشرتلة بأصابعي الخمسة
وكتلة .. منا للخمسة اذا ماطلعت من هذة البيت عدلة فـ اطلع جنازة

خزرني وهمس .. ذبيها لا اطيح حظج

ضحكت بأستهزاء وكتله .. تؤ صارن قديمات هنّ والمسدس بعد ماكو شي يخوفني حتى الموت
بالحالاتين انا راح اطلع منا
ان كُنت عدلة او ميته
اطلع يعني اطلع شئت ام ابيت
وعود من تنزلني بالتابوت شمني خاف اظل بنفسك

خزرني و رد .. سخيفه

-واحد ،اثنين ،ثلاثة،

تقرب عليه بسرعه يريد يسحبها، ضغطت بالسجينه ع وريدي وشكيته

وهو صاح بصوت خايف ورجع ليورة .. انتِ مخببببللة ذبيهااااا نعل ع اهلج بت الخررررررة

-لا تستهز بية انا، افعال مو بس كلام

غمض عيونه حيل وكال .. عووفي السجينه ايدج جاي تنزف، خلي اضمدها

-چؤ مو قبل ماتنطيني، حريتي

هز راسه وكال .. اي اييي يلا عوفي السجينه

-الـ اي مشيها ع داكتو مو، عليه افتحلي الباب يلا

صاح .. كتلجج اي يعنييي اي، يلا انطينياها

رجعت اعد .. اربعه،اربعه ونص،
اباوعلة يرجف وجهة صار كركمي
داكول خمسة

وجان يغمض عينه وصاح بصوت يرجف .. طلعيييي روحي روحي هاج هذا المفتاح روحي شمري السجينه لا تتأذين يلا روحي اخذي حريتج معليه بيج معليه

بس خليها براسج هاي تصرفاتي كلها خوفاً عليج من الشارع لأن ينهش لحمج
شمر المفتاح عليه دنكت اخذته واباوعلة بحذر لا يقشمرني كمت امشي وية الكاونتر بعيد عنه

طلعت من باب المطبخ ركض وجان اسمع صوت هز الكاع هز

وكفت ردت ارجع بس هزيت راسي وطلعت اركض فتحت باب الشارع وطلعت للشارع العام وجان تجي بالي ضحكتة وكلمتة من يكول حسيتج علاجي
لو بنيتي لو فرحته بأول يوم الي بالمعهد
ومن وكفلي بالمستشفى

ولمست ايدة من سلم وكال هاي طريقة السلام تدل عن ان الشخص مُسالم ويحُب السلام

وكفت وبلعت ريكي بخوف ورجعت للبيت اركض واصيح .. بهاااااااء بهااااء

طبيت للمطبخ وجان اشوفة واكع من طولة لا ايد ولا رجل وخشمة تارس الكاع دم

دنكت عليه ابجي همست .. بهاء كووم حباب ولله خايفه بهاء اسفه كوم كووم، حباب