قسر الرواسن

بارت ٢٥

صباح الخير ألتي تَخرُجُ من فمِكِ
رايةٌ بيضاء
يلوِّحُ بِها الناجونَ من الليلِ

بارت -25- من قصة" قـسَـر الـرواسَـن"

تكول مرسلين نفتح جادرين بابهم عليمن تبجي ع اخوها ع ابوها ماتعرف ،وحتى للامتحان ماجتي
انقهرت عليها ودعيت ربي ،يغفرلهم وان شاءلله مئواهم الجنه

دخلت للامتحان واحس تشوش عقلي بكلام مرسلين  وحتى دمعتي صارت، بطرف عيني
وزعوا الاسئله ومثل مامعلمني، بهاء قبل لا اشوفها اقرأ سورة الفاتحه ،وصدك ولله قريت ورفعتها ضليت اباوعلها واسترجع معلوماتي

حليت كل الاسئله لمن وصلت لاخر سؤال بنجرت
اضطريت اسلم الورقه لان خلص الوقت طلعت مقهورة وضايجه ،خاف ارسب بالرياضيات

رجعت للبيت فتحت الباب ودخلت شفت بهاء كاعد، بالمطبخ وبيدة كتاب مندمج بي ، دخلت انتبهلي

سد الكتاب وكال .. ها بوية جاوبتي؟
تنهدت بقهر وكتله .. تركت السؤال ماعرفت اجاوبه !
هز راسه وكال .. ولا يهمچ هو الخسران

ضحكت ودموعي بعيني ابتسم وكال .. ولا تستقر السجاجه ،لا تنقهرين ولج حتلو درجه، ع حافه هو منو يريد درجات ومعدل بالثالث المهم طلعي من الثالث وعود سججي، بالسادس

ضحكت وكتله .. الله كريم يلة ،رايحه ابدل

غسلت وتغديت وأخذت استراحه وكعدت ادرس وهو طلع عنده شغل ضروري ف كمت الشي الصعب اعوفه عليه بالليل يشرحه إليه
لمن رجع بالليل كعد يشرحلي وسوالي اسئله

اخذت الاسئله منه وكعدت ،احل بيها وهو يكلب بموبايلة
حليت كُل الاسئله الا تعريف جنت دوووم انسى مادري ليش الا هل تعريف شكد ما اقرأ ينسي
فـ شفت بهاء ملتهي بالموبايل

كمت وسحبت الكتاب وماحس ،غير رجع سحبه وكال .. هااا هااا بسم الله ماكلنه هيج

ضحكت وكتله .. لاا ولله اريد اراجع تعريف، دوووم انسى

كال .. خلصتي هسة

هزيت راسي

اخذ ورقه الاجوبة وكال .. التعريف الي دوم تنسينة اريد تكتبينه ٥٠ مرة

رفعت حواجبي بصدمة .. لا بربك

هز راسه وكال .. ترة هل شي المصلحتج يضل براسج ابد ماتنسينه

اخذت ورقه وقلم وكعدت اكتب بالتعريف ،وهو يصحح كتبته ٥٠ مرة وحفظته مثل اسمي

لمن تعبت رجعت  راسي ليورة وهو خلص تصحيح كال .. عندج اخطاء بسيطه بس، تمام مسيطرة ع مادة

كتله .. شكد اخذت!

- ٨٥ وتعاي خلي اشوفج اخطائج حتى ماتكرريها بالامتحان

انا ضليت مرجعه راسي لان انسطرت فدنوب ونعست
ماحس غير رفعني بأيد وحدة عدل كعدتي ورتب شعري وكال .. مو وقت نعوسه يلاا، عيونج هنا