قسر الرواسن

بارت ٣١

تـراها سـنيني تـمشي وماتـرد لـصباي
مـثل ممـشى الـنهر مايلـتفت مـيه

الچـبيرة اسـتصغرتها وعـدت مـن الـ آه
زحـمة الـيوم اذا غـثتني الـشويه

لـ محمد الطالبي

بارت -31- من قصة "قـسَـر الـرواسَـن"

صار بوجهنة حيدر مدنك يدك حاسبه وبهاء يسجل
رفع راسه وعيونه ،ورة ميسم يباوعلها وفاتح عيونه ع وسعهن بهاء انحرج ظل يباوع الميسم ونوب الحيدر ،طلعت ميسم ركض وحيدر باوع البهاء وبعيونه اسئله

وانا دنكت ودخلت للمطبخ
حيدر يعرف ميسم، بس مايعرفني لان انا جنت لابسة نقاب و ميسم لا ،وكفت ورة باب المطبخ وجان
اسمع حيدر كال البهاء .. شتسوي هاي بيتك بهاء !!
تعرف انا وياك وين شفنها واتوقع تذكرها زين

رد بهاء .. مو كلشي، نشوفه نصدكه

وكف حيدر ونتر .. بهااااااء شلوون تدخل هيج شكول لبيتك هاي تشتغل، وية نجوى انتَ موووشفتها بعينك
وبعدين شتصير من زوجتك

رد بهاء برود .. لو ماعرفها، زين فلا ادخلها البيتي

- بهاء تحجي صدك

مارد بهاء

- بهاء زوجتك !!!

كال بهاء .. شبيها

حيدر .. زوجتك ،الي رفعت السلاح علينه

بعد ماسمعت، شي خليت وطبيت جوة
كعدت ع تخم وامسح بوجهي شلون هيج صار وتشاوفوا ،بهاء بعد مادخل وانا للساعه ١٠ طبيت للغرفه تمددت وضليت افكر بالسالفة

نص ساعه، ودخل بهاء سويت نفسي نايمة واسمع بس صوت خطواته وهو يبدل وينزع بالمحابس والساعه ،نوب توضه وصلى تفاجأت بهاء مايتأخر لهيج وقت بالصلى

خلص صلاة وتمدد بصفي، ورة شوية حسيته لزك نفسة بضهري وهمس .. عبالي راحت حبيبي وداعتج
لان انتِ كلتلي بـ ٥ تروح واحنه اجينه الا ١٠ دقائق ودك ال ٦ ماتوقعتها بعدها يمج وغوربت الدنيا

درت وجهي عليه باوعتله وكتله .. لا حبيبي لا غلطك ولا غلطي ،مكتوبلهم يتشاوفون ويعرف كلشي
خلي يولي الموضوع لا تزعج روحك

سحب راسي، باسة وكال .. اهم شي عندي انتِ خو ما ضايجه

هزيت راسي بـ لا
خلص هذا اليوم ومر اسبوعين وبعد شهر واسبوع لامتحانات نصف السنه وجان يصدمني بهاء بموضوع

جنت متمدده ،ع تخم وحاطه المخدة ع نص وجهي وجان يدخل بهاء صافن ع موبايلة وكف فوك راسي
عدلت كعدتي دار الموبايل عليه وكال .. اقري

كمت اقرة وعاكدة حواجبي كتله .. اي شبي !!

كعد بصفي وكال .. شاركي بمسابقه الرسم

صفنت عليه وكتله .. ماكدر بهاء، انا دادرس وامتحاناتي بعدلهن شهر ونص لازم اشد حيلي علمود ادخل وزاري