قسر الرواسن

بارت ٢٨

لا يمكنك أن ترى صورتك في الماء وهو يغلي كذلك لا يمكنك أن ترى الحقائق وأنت غاضب أنتظر حتى تهدأ ، ثم أعط قرارك كي لا تندم .
.
.

بارت -28- من قصة "قـسَـر الـرواسَـن"

سكتت ودنكت راسي
رجع سأل بصوت اعلى .. شتعرفين انتِ عن ماضي شتعررررفين

مارديت وهو وصلة جوابي بمعنى اعرف كُلشي

ماحس غير دفع ،الطاولة وصاح .. منووووو حجااااالج منوووووو ولجججج منووووو حجاللللج

ابتعدت بخوف وكتله .. اذا مو اليوم عرفت راح اعرف غير يوم لان شلووون تريدني اصيرلك علاج وانا ماعرف جرحك شنو !

لزم راسه حيل ورجع كال .. منو حجالج

سكتت لان مستحيل اكله رشا واخرب علاقته باخته
ماحس غير عتني من فانيلتي حيل وصاح .. ولج منووووو سولفج احجييييييي

بلعت ريكي بخوف .. انا سمعتك من تعاركت وية حيدر

رخت ايدة وكال .. يعني جنتي تتصنتين مثل عادتج

هزيت راسي بـ لا

زمخ .. لااااا جنتيييييي تصنتين ولجج شوكت تستحين ع نفسج وتبطلين هاي العادة ليششش دخلين نفسج بمواضيع ماتخصج

- بهاء انا اريد انسيك الماضي مثل ماسويت وياي

ضحك باستهزاء وكال .. التهي بنفسج ومعليج بالناس
متزوجلي وحدة، حشرية بكلشي تدخل نفسها
روحي انسي ماضيججج بالبداية وتعاي نسيني ماضي انا ماريد شفقج، عليه انا مو خطية عبالج مامنتبه النظراتج شلون متغيرة وتباوعلي بشفقة
اذا انتِ تقبلين احد يشفق عليج فـ انا مااقبل
وماريدج تسوين وياي، مثل ماسويت وياج
انتِ غير وانا غيرررررر خوش التهي بنفسج
ولا ضلين تدورين ورة الرايح والجاي لو تركزين بحياتج شوية جان هسة انتِ بخير بس اظاهر انتِ فكر وتحبين الاهاين

رواسن .. كانت كلماته، مثل الجمر حركت كلبي حرك
ماتوقعت بيوم يعيرني بهاء ماتوقعت بيوم يطلع منه هذا الكلام
تمنيت ارجع للذل ا،لي عشته قبل ولا هسة ذلت انسان عليه ، ماحجيت ولا كلمة وهو جان وجهة احمرر وايدة ترجف

ماعرف شسوي، دمعت عيوني بس ماردت ابجي كباله واذل نفسي اكثر توجهة الباب المطبخ فتحته بهدوء ودخلت رحت كبل الغرفتي قفلت الباب وطفيت الضوة وتمددت ع جرباية ومابدر من عندي ردة فعل

طول الليل كان ،كلام بهاء يدك بكلبي قبل لا يدك بأذني ،احس روحي احتركت حتى بجي تمنيت ابجي وارتاح بس مداكدر مادري ليش بس صافنه واتذكر كلمة كلمة

للساعه بـ ١٢ الضهر، وانا مانايمة تخيلوا حاولت انام لكن النوم مايجيني ،سمعت دكت الباب بهدوء ضليت ع وضعيتي جان يهمس بصوت .. رواسن فتحي الباب مارديت رجع كال .. رواسن، مو احجي وياج فتحي الباب خلي نسولف ،رواسن حبيبتي فتحي يلة بنيتي