قسر الرواسن

بارت ٤٠

اللـيله ﭼـنها اخـر محـطه

اللـيله عاجـر

انـه خايـف ما تـصح ايام بـيها  اتلـگه باﭼـر

لـ جواد زغير

بارت -40- من قصة "قـسَـر الـرواسَـن"

ثاني يوم رجعوا أهل بهاء لاربيل واني مستمره بدوامي لمن الطلاب اتفقوا ع سفرة وانا ديسألوني اروح لو لا رُضاب ومرسلين سجلن بس انا ماكدرت خاف بهاء ميقبل كالن سجلي واذا ماقبل حذفي اسمج كلتلها .. لا ماكدر الا انطي خبر

رجعت للبيت، تغديت وكعدت ارسم للساعه بـ ٤ دخل بهاء سبح وحضرتله غدة وكعدت اكل ويا ع واهس ورة الغدة سويت جاي وكعدت كتله .. بهاء اليوم طلاب قسمنه، اتفقوا ع سفرة لل**** وانا عاجبني اروح وياهم تقبل

باوعلي بـ حيرة وكال .. المكان بعيد حبيبي وبس تخلصين امتحانات نصف السنه اخذج وين ماتردين

كتله .. مو بهاء ع لمه ،زملائنه واول طلعنه النه

تنهد وكال .. ماعرف ولله متردد ماعاجبتني السالفه

-حباب بهاء الطلعه، وية طلاب القسم وصديقاتي ونبي هاي سفرة وبعد اي سفرة تصير بالقسم ماطلب منك

رد .. لا يروحي مو هيج بس وداعتج خايف عليج يعني تطلعين، وحدج ماراهمة

باوعتله بنظرات توسل كال .. افكر بالموضوع لليل اردلج خبر

هزيت راسي وكمت طبيت سبحت اريد اصحصح علمود ادرس ،طلعت من الحمام انشف بشعري
وجان يصيح بهاء .. اروح فدوة وقربان لهل طول

كلبت شعري بغرور وكتله .. شعبالك دادة كمر وديمشي ع كاع

حمحم حك، شعره بلا مبالاة وكال .. ممكن تستقرين نانسي عجرم

عوجت حلكي وكتله .. اووي ع كيفك تامر حسني

كام يضحك ،وانا مشيت بأتجاهة فتح حضنه كعدت باسني وانا درت وجهي حاوطت رقبته
وهمست .. احضنك وأغنيلك انا حاير وين اضمك

اهتزت كتوفه بضحكه وهمس .. غنيلي خلي احن الج اكثر

ابتسمت وهمست بغناء .. انا عايش عُمري لاجلك لا تضن بيوم ازعلك، المهم عندي انتَ ترضى وماتفارك عيني لحظه مرة ابوسة ومرة اشمك

باسني حيل و شم ركبتي ابتسمت وكمت عدلت الروب ودامشي وجان يرجع سحبني ضحكت بصوت وكتله .. اريدد اروح ادرس كافي رومانسية عيب دادة عيببب اخجل

دفعني ع تخم وانا اضحك وهو كام يغرد

لليل وانا بدأ شغلي اركض ورا ها وافقت وهو يكول بعدني وانا اقنع بي نوب كام يخبث من شافني حابة الروحه حيل استغلني، تعاي رقصيلي وانا مسوية روحي مكرودة ماعرف شنو الرقص بس عرف شلون ستغلني الخبيث استسلمت رقصتله وهو فاك عيونه متفاجأ من الخبرة المضمومه همس .. ااا دالبنت خبره