قسر الرواسن

بارت ٢

كلما اخرج من كآبتي ، يصدمني الواقع بأشياء تعيدني إليه ، كانه كتب عليا أن أعيش بهذا الاكتئاب القابع بصدري ، لا احد يعلم معنى أن تغادر غرفتك بحثً عن هواء نقي يعدل من مزاجك المضطرب ، حتى تأتي وساخة البشر فتعيدك إلى غرفتك المظلمة ، كأنهم يقولون لك نحن أسوء من  ذلك الشعور السيء القابع في صدرك

البارت -2- من قصة "قـسـر الـرواسـن"

كمت ابتعد عنهم ورافعه السلاح عليهم اثنينهم بلعت ريكي وكمت ابلعم

حجه هذا الي جان يتحرش بميسم وكفته مامتوازنه

-تعاي ليش خفتي هلكدج وترفعين سلاحح بوجهي

ماحجيت شي  بس ارجع ليورة ابتعد عنهم

جان يتقرب هذا الي لابس سلاح بكتفة سحب الي جان يتحرش بميسم بنترة ودفعه ع حرس واشرلهم يصعدو بالسيارة والتفتلي وكال

،،،،،،،،نزلي الاسلاح لا اتصرف ،وياج تصرف مو زين

انا مارديت عليه سحبت اقسام رجع كال بتحذير.. نزلي السلاح

ضليت رافعته بس اعترف جنت خايفه خوف مو طبيعي خايفه اطب بمشكله جبيره خايفه ياذوني واني اريد بس اطلع منا ماريد هذا المكان يترك اثر بروحي ماريد هذا المكان يوصخني

ميسم كمشت جتفي حيل بخوف وتنكث نكث
كام يقترب عليه واني ماعرف بالسلاح زين مجرد اعرف اسحب اقسام وبعمري ما رميت
خفت يعرف ويستقوى عليه

نترت بصوت .. ديربالككككك تقترب ولله اقتلك
وحركت السلاح حتى اخوفه

هو تنهد مثل المنزعج من الوضع رجع ليوره
هستوه يريد يحجي وجان تجي نجوى تركض

اطمئن قلبي من اجت  باوعتلي هي بخزرة وصاحت

-هيثمم علي اخذوا البنات جوة

جان يحجي هذا ابو عيون الخضر وهو يباوع لنجوى بخزرة

- كثرن حساباتج ست نجوى

جان نجوى تنزل راسها وماحجت شي تفاجأت ليشش شمسوية نجوى وعلى يا حسابات يحاجيها
التفتتله هو انتبهلي وكفت
باوعلي بس كلشي ميشوف مني لأن لابسه جبه ومغطيه وجهي بنقاب حتى عيوني ما مبينه
خليت ومشيت

واسمع نجوى تعتذر منه

-اعتذر منك وحسابها ويانه وان شاءلله ماتتكرر

طبيت انا جوة ،ورة شوية طبت نجوى للغرفة دفعت الباب برجلها وصاحت بية

انتتتتت شلووووون طلعينننن برااا ،وترفعين اسلاح ع الرجال انت تعرفينه هذذذذا منو

ضحكت بأستهراء وكلتلها .. ومنو مثلاً ،واحد من طليانج

ضربت ميز التواليت برجلها وصاحت ... اشكككك حلكج شك حيوانه تردين طيحين حظنه لو، شايف وجهج ولله مايعوفج بحالج ليشش نزلتي ليشش