قسر الرواسن

بارت ٨

"مـسَاء الـخيـر ع عُـيونـكم الحـلوة "

البـارت الـ ٨ من قـصـه "قـسَـر الـرواسَـن"

.. طشن سنين المحبة ومن بگاياهن شلم ؟
مره تغفى جروحي بيَه ومره أحن وانلچم

اليوم من بعد اربعه اشهر من، الحادث واكفه كبال الامراية وبهاء يفتح بالشاش

وخر الشاش كُلة ،وانا صافن ع نفسي بالامراية
تغير بوجهي فضيع وعملية التجميل، زايدتني جماال
وجهي صافي واحلا من قبل صحيح بعدها، اثار العملية قليلة بس النتيجه كلش، حلوة

درت وجهي ع بهـاء والدموع بعيني ابتسم هو وكال .. ملعونه عملية التجميل، زايدتج جمال فوك جمالج وين اضمج نوب

ضليت ساكته بس بداخلي فرحانه لأن جنت كلش خايفه ع وجهي نوب هو ،دك موبايلة باوعله وطلع

وانا ظليت اباوع لنفسي بالامرايا 

.
.
.
سجى
رجعت من المدرسة بعد شهر المتحاناتي، اخر السنه حطيت جنطتي بالغرفه وسبحت وطلعت انشف بشعري جان اشوف ،موبايلي يلمض رحت شفته بهاء متصل عليه ٤ مرات

رديت عليه بفرحة صارنه، هواي مفتقدين صوته ..الووو هلاوو بهاء

رد .. هلة بيج شلونج البنات، عمتي شلونهن ادك عليجن ولا وحدة ترد قلقتني

كعدت ع جرباية وكتله .. لا انا هستوني اجيت من المدرسة ،وزهراء بعدها بالكلية وعمتي ورشا بالسوك انتَ شلونك

-الحمدلله سمعي سجاوي بس تجي، عمتي كليلها خلي تدك عليه

كتله .. ان شاءلله

-شخبار دراستج، محتاجه شي

-لا الحمدلله سلامتك

-شدي حيلج سجاوي صيري سباعيه، وانتبهي لدراستج

هزيت راسي وكتله .. اي اكيد الله يسهل

-ان شاءلله يالله اخذي، راحتج بوية

سديت الموبايل

مشطت شعري وكعدت انتظر ،عمتي لا انوب انام وانسى

شوية واجت كلتلها ورحت انام لان كُلش تعبانه اول ماخليت راسي ع مخدة طفرت ع صوت صياح عمتي
طلعت من الغرفة ركض شكو

شفت البنات ملتمات ع، عمتي وعمتي الموبايل ع اذنها وتحجي

-لا يمة بهاء مو هيج تصدمني انا طول عمري افكر بيك هسة متعوب هسة رجع تذكر ماضية الاكشر ولا ليلي ليلي ولا نهاري نهار انتم ،ربيتكم بدم كلبي وانتَ معزتك تختلف عن الكُل انتَ الي بقيت طول عمرك وحيد ومحد نصفك انتَ ماخذ كلبي كلة تالي تجي بكل برود تكول عمة، تزوجت وصاررلك شكد اربعه اشهُر عيب بحقي وبحقك انا مو هيج ربيتك

ضروف شنوو شنو ضروفك الي ،تجبرك تزوج اربعة اشهر وضام عن اهلك ابد ما يوم حاسبتك بس اليوم شكيت كلبي يا بهاء، بهاي سوايتك روح يمة
ان شاءلله تتهنى بيها تريد اخواتك يجن تدلل، بس انا ماكدر لا اجي ولا تجيني