قسر الرواسن

بارت ٩

السلام عليكُم ..

البارت ٩ من قصه "قـسَـر الـرواسَـن"

ما زلت أقول..
‏لو ماتت كل الأشياء
‏سيجيء زمان يشعرنا.. أنّا أحياء
‏وتثور قبور سئمتنا
‏وتصيح عليها الأشلاء
‏ويموت الخوف.. يموت الزيف.. يموت القهر
‏ويسقط كل السفهاء
‏لن يبقى سيف الضعفاء
‏-فاروق جويدة
...
رواسـن..
للعصر رحنه للصالون حفتلي ،ام الصالون وسوتلي مساكات ونوب فتحت شعري وكالت .. شتحبين اسوي الج كلتلها

صفنت وغمضت عيوني، حيل وهمست .. قصي كارية

هزت راسها وكالت .. تمام تدللين رغم شعرج، حلو بس يلوكلج تكصينه لان بيضه وجهج دائري حلو يصير عليج

صدك ولله كصته لحد ركبتي وشسورته، باوعت لنفسي بالامراية التغير فضيعع ويجنن كلش لايك اليه طلعت من الغرفة الي انا بيها ،لان هو مركز جبير شفت البنات مخلصات وكاعدت منتضراتني باوعلي وشهكن سجى وزهراء وعمتهن كرصتهن، ورادت تنزع النعال وهن طفرن ويضحكن بصوت

زهراء،،،،،،عزااا عزززا صلاوات، ع نبي لج رواسن شطالعه شهل تغير تجنننين عمةةة، اريد اقص شعري

جان ترد عمتها .. اكص عيونج ورا كعدي، ونجبي وانتِ يمة بالعافيه كُلش حلو التغير

-تسلمين خالة
باوعت للبنات سجى حافه هي، جانت ماحافه هاي اول مرة فـ صاير تغير اما زهراء حافه ومقصرة حواجبها وهن اخوات بهاء كُلش حلوات بس مايشبهنة ابد كلهن عيونهن سود بس، هو خضر بقت بس نورس ماشفتها يمكن تطلع تشبهة بعد ماعرف

جنت صافنه جان تصيح، رشا .. يلا بهاء اتصل تأخرنه

هزيت راسي وكمت طلعنه اجرنه سيارة ورجعنه

ومن وصلنه جان بهاء واكف بالباب، ويمة رجال
نزلنه سلمن البنات ع رجال وصاحلة ابو ريمة
رفعت راسي جان اشوف بهاء صافن عليه وعاكد حواجبه شمر الجكارة، بالكاع واشرلي ادخل
مريت من يمهم فشلة اطب بدون ماأسلم كلت السلام عليكم رد الرجال

-وعليكم والسلام مبروك خوية، بالرفاه والبنين

هزيت راسي ورديت .. الله يبارك بيك
دخلت شفت البنات يسلمن ،ع وحدة عرفتها نورس ورشا صاحتها ام ريمة عرفت الي برة رجلها

تقربت منها اريد اسلم ابتسمت، وصاحت .. يمااا فدوة مرت الغالي شهل جمال شهل نزاكة صدك لو كالوا صام وفطر ع عسل

خجلت من كلامها وهي لبقه بالكلام، ماعرف شنو اجاوبها فـ كلتلها .. تسلمين حبيبتي
كمشتني دك بوس
وتكول .. والقران رغم مااعرفج، بس احبج ع محبت اخوية رواسن حطي بهاء بعيونج فدوة لكلبج

هزيت راسي وكلتلها .. تدللين

ابتسمت وردت .. فدوة الكلبج ،حبيبتي مايدلل عليج ظالم