قسر الرواسن

بارت ٢٣

مساء الخير يا عصافير كلبي مو بس الابطال يتغزلون عيني احنه هم 😉😂

بارت -23- من قصة قـسَـر الـرواسَـن

رواسن .. وكفت بنص الشارع، تايها اناا وين رايحه
ماعندي غير بهااء اي بهاء هو، يخلصها منه

رحت ركض البيته بعد عني ٣ شوارع
اركض والهث وبطرك التراك مال البيت

طبيت بالشارع الي بي بيته انتبهولي الحرس واحد تقدملي يركض واحد طب، البهاء

اجاني الحارس يريد يعرف شبيه عباله احد يركض وراي وانا عفته واركض، للبيت طلع بهاء من البيت مخترع واجه ركض بأتجاهي ويصيح .. شبيييج ولج شبيييج رواااسن هديتي، حيلي شكوو شبيج

اريد احجي من الركض ماكدر ،بس اللهث

نزع سترته، وحطها ع جسمي لان تراكي كُلش ضيك
دخلني للبيت وبس يصيح ويريدني احجي صاح للحرس كاللهم روحوا لبيتها شوفوا شكوو

لزمت ايدة وكتله .. للا لا مو البيت مابي شي ميسم ميسم بهاااء

عكد حواجبه وكال .. منو، ميسم ؟

كعدت ع كرسي وهو جابلي مي ورجع كال .. ولج منو ميسم هبطتيني

شربت المي وكتله .. بنت خالتي بهاء، بنت خالتي

صفن وكال .. بس لا هاي الي جانت ،تجيج بالمستشفى

هزيت راسي كال .. شبيهاا

كتله .. الحيوان رجلها ديضربهااا، بهاء راح يموتهاا
وكمت ابجي بصوت

كال .. فهميني رواسن ليش، دايضربها

-هو دوم يضربها وبدون سبب

رد .. وين صاير بيتها

رديت العنوان وكف هو اتصل ،ع شخص انطا بيت ميسم ونوب قفل الموبايل وكال .. روحي الغرفتج القديمه بيها ملابس الج بدلي هذني وتعاي للسيارة ركض

هزيت راسي وطبيت للغرفه، بدلت بسرعه وطلعت صعدت ويا وهو يهدئ بية وماعرف شنو راح يسوي

وصلنه لبيتها وكف بهاء ردت انزل، كمش ايدي وهمس .. دقائق

رجعت كعدت وجان توكف، همرات كبال بيتها
نزلوا عساكر دكوا الباب حيل وجان يفتحه هو النذل كان سكران سحبوا حطوا بالسيارة وراحوا
كال بهاء .. روحيلها جيبيها وتعاي

نزلت بسرعه ركضت فتحت، الباب وطبيت اسمع صوت بجيها بصوت عالي ركضت فتحت باب غرفتها واشوفها نايمة بالكاع وحلكها ،وخشمها ينزفون دم وجها بي اثار ضرب

من شفتها هيج كمت ابجي وياها ،ونينها وشهكاتها يشك الكلب شك ،وكفتها وهي تبجي اخذتها للحمام غيرت ملابسها وردت اخذها همست .. اكو عباية ورة الباب انطينياها

رحت جبتها لبستها وغطت، وجهة احتضنتها وطلعت بيها شفت بهاء فاتح الباب الورة ونازل مدري وين
صعدت ميسم وصعدت، وراها وجان يصعد بهاء وحرك السيارة عرفته نزل علمود لا يحرجها