اريد ان اخبئك داخلي واختبئ بداخلك ."
بارت -34- من قصة "قـسَـر الـرواسَـن"
رواسن .. عكدت حواجبي وكتلة .. شنسوي بيت اهلك
رد .. معليج ويلة، كومي لبسي شي فوك تراكج وتعاي ركض
ماكلت لا بدلت ورحت، ويا ألبيت اهلة وحاجيته بالسيارة هم ماجاوبني سكتت وصلنه للبيت فتحه ودخلنه شغل اضوي الصالة، كعدت ع قنفة وهو كال هسة اجي
ضليت صافنه شعنده بهاء اليوم ،شوية واجه بيدة لابتوب مالته حطة كبالي ع طاولة عكدت حواجبي وسحبت الابتوب ظليت صافنه !
مامصدكة الي دتشوفه عيني، قربته ع اسمي اريد اصدك خاف تشابه بالاسماء ولو اسمي فريد من نوعه
رواسـن عُثمان غانم .. الدرجه .. الدرجه .. الدرجه
وبالنهاية .. ناجحه
دنكت راسي حطيت ايدي ع وجهي ،وكمت ابجي بصوت ابتسم بهاء وكام حضني وطبطب ع ضهري وكال .. الف الف مبروك بنيتي، تستاهلين التعب التعبتي مو هين
همست .. بهاء مداصدك حققت حلمي
رد .. ولو بعد الف عام هم تحققينة، لان عندج اصرار
واصرارج الي خلاج توصلين الحلمج
شهكت بصوت وكتلة .. بهاء تأكد ،من الاسم الله عليك
ضحك بصوت وكال .. تأكدت قبلج ميت الف مرة وكم رواسن اكو هي هل وحدة بكل الدنيا، ومشيبة كلبي
مديت ايدي وكتلة .. اكرصني خلي اصدك بهاء خاف اطلع بحلم
هز راسة وتقرب باس شفتي وكال .. يلا، بدال الكرصة
مسحت دموعي وابتسمت رجعت باوعت للابتوب وكتلة .. بهاء يعني انا نجحت
ضحك حيل ومسح وجهة مصدومه، ولله مصدومه باس ايدي وهمس .. فديت انا الصيدلانية
بجيت بصوت وحضنته ماتخيلت بعمري يجي هذا اليوم بعد ما جنت فاقده الامل
هذا اليوم كان من الاجمل الايام بحياتي ترك بصمة اتذكرها طول عمري واذكر فضل بهاء عليه رخيت بحضنه واهذي بكلمات شكر لربي العالمين وشكر اله هو سندي وحبيبي وشكر لنفسي الي قاومت كل التعب وكل الذل الي عاشته، واليوم حققت حلمي رسمياً
حط ايدة ع راسي وهمس .. عوضج الله عن كلشي وان شاء لله التعويض الطول عمرج والابتسامه ماتختفي من شفايفج ،انا سويت كل الي اكدر عليه واساس الفضل لربي سبحانه وتعالى ومن بعده الج لان انتِ التعبتي مو انا انا فقط جنت مُسند الج وراح ابقى طول عمري ان شاء لله كلما تلتفتين تلكيني بضهرج
رفعت راسي ودموعي بعيني
همست بصوت مبحوح .. ثق برب العز لو اجة اليوم وطلبوا روحي الك انطيها بدون تفكير ،افضالك هواي عليه وانا بفضلك اليوم من بعد ربي وصلت لهذا المستوى دوم ادعيلك بصلاتي الله يصبرك ويطول بعمرك ويخليك سند وخيمة ع راسي
بأس ايدي وكال .. ماريد روحچ اريد بس قربج يمي ويله هسة نروح للبيت؟
هزيت راسي
وكف وكفت ويا بس جسمي تعبان احس من الفرحه بعد ماكدر اوكف حيلي نهد استندت عليه حطيت راسي ع كتفة وامشي وهو حاضن خصري طفة الاضوية وطلعنه من بيت اهلة ،صعدنه بسيارة وتحرك للبيت وصلنه دخل السيارة ،ودخلنه سوة للبيت فتح باب المطبخ
طبينه للبيت اظلم التفتتله وكتلة .. ليش البيت اظلم
رد .. ماعرف هسة اشوف الحرس واجي ابقي هنا لا تتحركين وتعثرين بشي
هزيت راسي .. تمام لا تتأخر، ترة عقلي يكوم يتخيل جني يسحبني من ورا
ضحك وطلع ضليت انتظر خمس دقايق واجت الكهرباء
باوعت للمكان وشهكت ،الكاع كلها ورد احمر تدل ع طريق درت ظهري شفت بهاء مرتجي ع باب وطابك ايدي ومبتسم
باوعتله بعيون مدمعه اجة يمي كمش ايدي
وكال .. امشي ع طريق مال ورد
كتله بصوت مهضوم .. بهاااء
ابتسم وكال .. اششش امشي يلا
مشيت ع ورد اخذني الطريق لغرفتنه طبيت
اباوع للغرفة كلها نشرات ونفاخ وطاولة كبيرة عليها كيكة ثلاثه طوابق وبيها صورتي بـ لبُنان ومكتوب "عيد ميلاد سعيدة يا احلى صيدلانية "
شهكت وكمت ابجي بصوت سحبني الحضنه ويهدء بية وكال .. هااي شنو رواسن مو كلنه بعد ماكو دموع كافي حبيبي انا غير مسويلج هاي المفاجئة علمود تفرحين على شنو تبجين ابوية انتِ
رديت بشهكة .. بهاء هذا هواية حييل هواية قلبي بعد ميتحمل مفاجئات
رد .. كل هذا قليل كدامج، اريد افرحج اكثر بس ماعرف شلون
غمضت عيوني حيل وكتله .. بهاء قلبي ،حيوكف من الفرحه
ابتسم وكال .. اصيرج قلب واب وام وزوج وسند وكلشي ظل بنفسج بالماضي اصيرلج
وداعت عيونج امحيلج كُل الماضي واسجلج مستقبل يشهد عليه الكل ،اعيشج الطفولة الي ماعشتيها لحظه بالحظه ،واسويلج كلشي انحرمتي منه
واعوضج عن كل ليلة نمتيها مقهورة
مسحت عيوني وكتله .. ماريد شي بس الله يحفظك اليه بهاء انا وياك عرفت معنى السعادة معنى الحُب والاهتمام معنى السند ابد لتعوفني انا روحي صارت شمعه ،وتطفي بدونك
رد .. شلون اعوفج وانتِ زهره نبتت بأغصان كلبي
يلا مسحي دموع مااتفقنة هيج
مسحت عيوني ورفعت روحي احتضنت وجهة بيدي وبسته ردت ابتعد سحبني بقوة ورجع باسني
ابتعدت عنة خلة شعري ورة اذني وكال .. يلا تعالي قطعي الكيك قبل يومين عيد ميلادج وكلت اسوي فدمرة وية شهادتج فديت انا احلا من يكبر ويصير عمره ٢٢
ضحكت وكفنه قطعنه الكيكه سويه ..عشنه ليلة مليئة بالشغف والحب والاحساس
اعيد واكرر هذا الكلمة "الحمدلله والشكر ربي"
ع كل شيء
.
.
.
يوم جديد وصباح مشرق فتحت عيوني وصبحت بوجهة
شفتة غافي ع صدري بست راسة
وعدلت نومتة وكمت
اخذت المنشفة والبرنص وطبيت للحمام
سبحت وطلعت، وهو نايم
نشفت شعري ورجعت لميته بالخاولي
رحت للميز مال جرباية سحبت موبايلة فتحت الرمز جان حاطه اسمي بالانكليزي ومواليدة
عرفته لأن مره سألته كتله .. بهاء شنو رمز موبايلك ذيج المره من فقدت حاولت افتحه وعندي ثقه كامله كاتب اسمي جان طم وطير الثقه وتحلق بالسماء
نوب كلت لا رواسن هسة مخلي مواليدج وهم كتبته وطم حلق طير النورس حلق
ضحك وكال .. ثقتج بمكانها حاط اسمج
-شلون واني كتبته انكليزي وعربي ومافتح
رد..اسمج بالإنكليزي ومواليدي
نرجع للواقع ..نفتح الرمز ،رحت للرسائل دزيت للحارس الي دوم يجيب الريوك بصفتي بهاء
خرجت من الرسايل ورحت للمنبهة خليته يدك خلال ١٠ دقايق بين مااحضر الريوك
ورجعت الموبايل يم راسة طلعت رحت للمطبخ
طلعت الاجبان والعسل وسويت بيض
شوية واجه هو للمطبخ
سابح وينشف بشعره باوعلي وهمس .. صباح الفُل والياسمين ع هل وجه الحلو
ابتسمت ورديت .. حبيبي صباحك مسك
اندك الباب مال سياج الي برا
هو عكد حاجبة لان موصيهم مايدخلون لهنا
لمن هو يطلب شي
كتلة .. هذا الحارس ترة وصيت صمون من موبايلك
تمشة لللباب وكال .. ادبسز تراسل بكيفها يكلك كو*** انا هنا
ضحكت بخنسة وهو راح فتح، الباب ظل يحجي ويا شوية وطب حط الصمون وكعد ع طاولة
وكال .. فلنفص يتورط الي يخلي موبايل بيدج اني زمال شلون اكلج ع رمز
ضحكت وكتله .. يا شبيك ولله حاجيته ،بصفتي انتَ
رد .. حتلوو ماتراسلين اي شخص ولا تحجين وياهم ولا تباوعيلهم اصلاً
ابتسمت ونداريت، صرت ورة الكرسي مالته بسته بخدة وهمست .. فدديت اليغار اسفه حبيبي ولله بعد ماتتكرر
سحبني كعدني بحضنه وكمنه نتريك كال .. بعد كم يوم اريد نروح لبيت اهلي
كتله .. تمام اني هم اتونس ضايجه
هز رأسه ..دك موبايله طلع عنده شغل ضروري حتى ريوكه ماكمله بدل وباسني وطلع
وانا نضفت البيت وخلصت شغلي وخابرت نرجس وميسم خبرتهن بنجاحي وماقصرن هلاهل ودك وركص
وحاولت اسحب لسان نرجس واعرف الخبرية بس الفلنفص ع كولت بهاء ،لوتية ماتلكف
كالت الاسبوع الجاي تجي تضل يم امها يومين وبعدها تجي يم ميسم تبات يوم واحد توسلتلها تجي يمي هم ماقبلت تكول زوجها ميقبل وكوة قبل تبات يم ميسم لان امها حاجته كالتله صديقات سنين وميسم وحيدها ماكو رجال وياها حتى مايقبل فـ وافق بس يوم واحد
كالتلي .. تعااي انتِ يم ميسم باتي ويانه
رديت .. لا وين ميقبل بهاء كلش كلش اذا قبل يخليني اروح ساعات وارجع
- حاولي تقنعي بوسة ما بوسة زعله هل سوالف ما الحبايب
ضحكت وكلتلها .. ماتمشي عنده هاي السوالف هو اذا شي عنده ممنوع فـ مستحيل يصير مرغوب
كالت حاولي ويا وسوي هيج وحطي هيج وميسم تهز بيدها وتدردم .. انا شعندي كاعدة يمجن ابنية سنكل عوذة بالله منجن ومن سيرت الرياجيل
كالتلها نرجس .. دبلة سكتي ام حلك كتلج خلي ازوجج لحماي ماقبلتي طبج طوب جان صرنه جناين
طفرت ميسم كالتلها .. ولججج نرجس لا تخليني اسبج واسب حماج ع الحرية، الي عشتها صارلي سنه
كامت تقزز روحي من سيرت الزلم
رديت انا .. هيوو مو كل اصابيعج سوة
عوجت حلكها وكالت .. لا كلها سوة بيج حض قنعي العينتين مالتج وتعاي تهي بهي، ولكم اجمل شي الحرية لا رجال يغار عليه ولا رجال يجتفني
الله يبعدني من هذا المرض "الرجال "
كلتلها .. خوش راح اقنعه بس مو كلمه اكيدة لان حقه
السالفه مو هينه ابات برة البيت هو مايسويها مو نوب انا وان شاءلله تقنعين وتاخذين حمى، نرجس وتصيرن جناين البيت وتضلن طربكن بي
نزلت دك غلط عليه وانا ونرجس ميتين من الضحك
حمى نرجس متزوج بس مايصير عندة اولاد ،وزوجت حمى نرجس تريد تزوجه فـ خاطبتله ميسم وميسم من سمعت طالبين ايدها شالت روحها للسمة وركعتها
تكول ماطول حصلت ع حريتي شبيه مخبلة ارجع نفسي لنفس القفص ونوب متزوج ويعع
سدينه الاتصال و كعدت اباوع للبلازمه حسيت راسي كام يوجعني هو اخر فترة جان زين بس هسة راجع الوجع
رحت تمددت بالغرفه، كام يأذيني بعد اكثر واحس خشمي يريد ينزف ودمام براسي من الخلف
كمت اخذت ،بندول ورجعت تمددت اريد انام ماكو انتهيت حتى بجي كمت ابجي شفت لفاف بهاء ع مكتب كمت اخذته شديت راسي بي
كوة هدء راسي وغفيت
لمن حسيت ع بهاء ،يبوس بيه رفعت نفسي حضنته
همس .. شبي راسج حبيبي
كتله .. رجع يوجعني مثل قبل بس هسة اكثر
تنهد و رد .. خاف، بقيتي تباوعين للتلفزيون ساعات طويلة او تلعبين بموبايلج
كتله .. انا جنت، اباوع للتفزيون بس ماطولت تقريباً نص ساعه
كال .. انتبهي لاكلج وازني بين حلى والملوحه لا تكثرين ولا تقللين ،لان الملوحه والحلويات تسوي صُداع برأس ماشي
هزيت راسي وكتله .. اسويلك غدة
رد .. لا يروحي متغدي برة وانتِ تغديتي
- اي
كمت حضرتله الحمام سبح وطلع حاضني ويسولف وياي
وجان يدُك موبايلة باوع للرقم تنهد و رد
ضل يستمع للمتصل، دنك راسه وهمس .. اتركه الله موجود لا شحده يوصل ماعنده شي يمي اكسر رجلي
اذا وصل
هز راسة سد، الموبايل كتله .. شكو بهاء !
رد .. لا حبيبي ماكو شي
رفعت تك ،حاجب وكتله .. بهااء شتفقنه مو مانضم ع بعض !
مسح وجهة باوعلي وكال .. عصام طالع من السجن
بهتت ملامحي ،بلعت ريكي انتبهت النفسي عدلت كعدتي و رديت بلامُبالاة .. وطز شعلينه احنه بي
سكت هو و رجع دنك ع لابتوب وانا عود ارسم بس بالي راح بعيد حتى، الرسمه خربت تنرفزت شكيتها وكمت وهو ضلت عينه وراي
طبيت للغرفه كعدت، ع تخم و رجعت راسي ليورة
ضجت من الضوة كمت طفيته ورجعت كعدت
حسيت راسي رجع يصل عليه بس الالم نص يعني فقط بجهة ،وحدة وتضرب ع عيني لزمت راسي حيل وكمت اهز برجلي اهز اهز اهز لمن وكفت ضربت التخم برجلي ولازمة راسي بألم
يالله شبي راسي ،راح يموتني سحبت الفاف شديت راسي بي وخشمي موتني يريد ينزف بس مدينزف
تمددت ع جرباية غطيت راسي حيل وكمت اتخيل
دوائر وأشكال مخربطة واللوان احمر اخضر اصفر والخ ...
كمت ابجي من اللالم خو الدمام يدك بخلف رأسي
دم دم دم ،وجان ينفتح الضوة حسيت ألم زاد عطت .. طفيي الضوووة
وجان يزمخ بية .. صووووتج ادبسزز
رفعت راسي وكتله .. داكلك طفيي ،ضووة شبيك
باوعلي ابجي وشادة راسي كال .. هاي لان عصام طلع من السجن ؟؟؟؟
نرفزني وانا مدري شجاني كمت اصيح .. انعللللل ابو عصااام لابو اهله وياااا لابو اليوم الي اجيت بي انا
كمت شمرت الديباج و ردت اطلع وجان يسحبني بهاء حيل وكال .. شوو صايرة تعلين صوتج شنوو شايفتني، ماردج ادفنج هنا ومحمد اذا عليتي صوتج عليه وانعل ابوج لابو خيرج يلة امشي ولي
دفعني من فانيلتي انداريتله خزرته وجان يقابلني بخزرة اقوى وشد ع ايدة يصبر نفسه ،عفته وطلعت رحت الغرفتي سديت الباب وطفيت الاضوية وكرفصت ع نفسي اون من راسي
ألم وصوت دمام وجع بخشمي واحس نص وجهي نشل ماعندي القابلية احركه ،ضليت ع هاي الوضعية للاربعه الفجر هسة انام وهسة انام وهسة انام وماكو هجرني النوم والالم اخذ نص حيلي
كمت طلعت ،من الغرفه الفجر صار ضوة الصالة بعيني ضغطت ع عيوني حيل بألم ،رحت للمطبخ طلعت ثلج وكعدت ع كرسي حطيت ثلج ع جهة الي توجعني وغمضت عيوني حسيت المكان خدر أرتاحيت
جان افز ع صوت باب المطبخ رفعت راسي
دخل بهاء باوعلي، وعكد حواجبه لان شكلي خربان فدمرة عيونه مورمات اثنينهن والجهة الي يوجعني راسي منها كلها مورمه ومنتفخه ،بس احط ايدي عليها تأذيني
كال .. شدسوين شبيج تبجين !
مسحت وجهي، و رديت بصوت مهضوم .. راسي يوجعني
سحب كرسي وكعد كبالي .. شلون يعني يوجعج اوصفيلي
عدلت كعدتي، ورجعت راسي ليورة وكتله .. الالم يصير نص جهة الوجه ودمام براسي وخشمي احسة يريد ينزف
- وين يصير الدمام !
أشرت ع خلف رأسي كال .. تتحسسين من الضوة ؟
هزت راسي تنهد و رد .. اشك بشي وعسى الله لا يكولها اخذتي بندول
رديت .. اخذت وحدة بـ ١٢ وحدة بـ ٢ وهسة وحدة
فتح عيونه ع وسعهن .. صدككك تحجين ولج
- شسوي بهاء راسييي، داموت والقرآن مدتحس بيةة
- كومي تمددي حاولي ترخين نفسج يلة
كمت امشي وهو، وراي عفته ودخلت الغرفتي
تمددت ومادري شلون غفيت ،لمن للصبح حسيت بهاء يكعد بية يريد ياخذني للمستشفى كتله .. بهاء نعسانه ولله ماكدر اكوم لل٥ الفجر يالله غفيت
كال .. براحتج كلت ،اخذج هسة خاف ماتتحملين بعد بس احسن خليها ع باجر لان حجزتلج عند اخصائي
هزيت راسي وهو طلع غطيت وجهي وكبل غفيت
ماكعدت لل٢ كمت رتبت جربايتي وكفت كبال الامرايا عيوني مورمه بس احسن من البارحه وسواد تحت العين عدلت شعري وطلعت مالكيت بهاء ولا داكتو رحت غسلت ولكيت بهاء ،جايب غدة تنهدت سحبت كرسي وكعدت خليت ايدي ع راسي شصار البارحه الخطأ مني لو منه
انا جنت بحالة حرجه جنت رايدة الظلمة والهدوء
وهو اجه يكلي كل هذا علمود عصام
عصام شنو وابجي واضوج عليه !!
طز ان كان بالسجن او طلع يعني جد نرفزني
انا لو اريده يبقى بالسجن جان رجعت اشتكيت عليه او اذا عنده واسطات ويطلع اكدر اكول البهاء يطلعلي حقي من عيونه وينيمة بالحبوس بس انا كلشي ماريد الله ياخذ حقي اريدهم بس يبتعدون عني
وانا خطأ مني عليت صوتي ع بهاء وهو يكره هاي الفقرة الي بية
تنهدت وكمت، حطيت الاكل وكعدت اكل
خلصت كمت صليت وكعدت انتظر بهاء شوكت يجي تأخر
للساعه ١٢ بالليل يالله رجع جنت متمددة بغرفتنه دخل هو ،باوعلي بعدم الاهتمام اخذ ملابس وراح للحمام وراها دخل ينشف براسة كتله .. احطلك عشة
هز راسة بـ لا وطلع
تنهدت عرفته زعلان رجعت راسي ليورة انتظره شوكت يدخل بس بعد مادخل للغرفه
نزلت من الجرباية لبست روب فوك ملابسي وطلعت لكيته كاعدة بالحديقة والجكارة بحلكة وصافن ع سمة
تقربت منه انتبهلي بس ماحجه شي
جان مدد رجلي وحاط وحدة فوك الثانية
وكفت بصفة رجعت ،شعري ليورة ونداريت كعدت بحضنه ،باوعلي بهدوء بس ماحجه شي سحب نفس من الجكارة وشمرها
احتضنت ركبته وهو حط ايدة ورة ضهري
ولا انا الحجيت ولا هو ظلينه ساكتين
تقريباً ربع ساعه وهمست .. اسفه بهاء لا تضوج مني
ولله فقدت السيطرة ع نفسي لان جان وجع راسي ساطرني واريد بس هددوء
غمض عيونه حيل وكال .. هو انا لو كادر اضوج منج واعصب عليج جان كصيت لسانج
باوعتله براءة وكتلة .. اذا ترتاح كصة
صك ع اسنانة بغضب غمض عيونه تنهد ودنك باسني حيل وعض لساني وحط عيونه بعيوني يباوعلي بغضب انا خنست من نظراته وضميت راسي بصدرة
سمعته رجع تنهد بصوت عالي وشدد ع حضني
همست بصوت خافظ .. بهائي ابقى حاضني لتعوفني بيوم
حط ايده ع شعري دنك باسه وضل يشمر حسرات
ثاني يوم العصر طلعنه لدكتور، اخصائي دخلنه جان الدكتور بعده ماجاي وانا اسمي اول اسم
فـ تأخر الدكتور وجان يطلع السكرتير وكال الدكتور ابنه مسوي حادث فـ اضطرينه نرجع وماكدرنه نروح الدكتور ثاني لان تأخر الوقت ولازم نحجز بالبداية
وبهاء كال هذا احسن دكتور بكُل بغداد فـ نشوف دكتور ثاني زين وراح يحجزلي عنده باجر يصادف جمعه فـ ع عكبة
صدك ولله اول مارجعنه حجزلي بهاء وثاني يوم صادف جمعه عبالي بهاء راح يبقى بالبيت بس شو طلع من الصبح خابرته مارد
للعصر يالله اتصل عليه كال عندي شغل تفاجأت شنو من شغل واليوم جمعه
نوب تأخر لل٢ يالله رجع انقهرت وضميتها بكلبي ليش صاير يتأخر واليوم جمعه وهو الجمعه يقضيها بالبيت ! ثاني يوم السبت ،العصرية طلعنه للدكتور دخلت انا اول اسم ودخل وياية بهاء بالبداية سلام وبعدين كال الدكتور .. احجيلي بابا بالتفصيل الممل شنو تحسين وشنو الاعراض
بديت احجي .. دكتور انا بالبداية كان وجع عادي يهدء بندول بس ورة فترة زاد الوجع عندي وعبالي لان تعب وارهاق من الدراسة كانت عندي امتحانات فـ ورة الامتحانات انتضمت بأكلي بصحتي لان هملتها وقت الامتحانات عبالي هذا السبب لوجع راسي
بس دكتور صارلي فترة الوجع يجيني غير شي مو وجع طبيعي
رد .. شلون يعني
كتله .. بالبداية يصير بنصف الرأس نوب ينزل الوجع ع خشمي واكوم اتخيل اشكال وفكري يتخربط ودمام براسي
- وين يصير الدمام بالمضبوط
- خلف راسي والجانبين
- تحبين تتجهين للظلام والهدوء !
- اي
- تتحسيين من الضوء لو امر طبيعي
- لا دكتور اذا صار الضوء، بعيوني يزيد الالم
هز راسه وكال .. عندج احد من اهلج بي داء الشقيقه
صفنت شوية وكتله .. نعم والدي بس ماجنت اعرفها شنو ولحد هسة ماعرفها هو هم كان يبتعد عن الضوضاء ويكعد بالظلمة
رد .. اسمعي بنتي داء الشقيقه.هي حالة صحية شائعة، تبدأ عادة في سن مبكر، حيث تسبب نوبات من الصداع الشديد مع الإحساس بالنبض في الرأس مصحوبًا بالغثيان والقيء والحساسية المفرطة للضوء والصوت مع عدم القدرة على مواصلة الواجبات والأنشطة اليومية، وعادةً ما يكون في جانب واحد، كما يمكن أن تسبب نوبات الصداع النصفي ألمًا كبيرًا لساعات أو أيام
- زين دكتور شنو سببها !
- السبب الحقيقي للشقيقة غير معروف لكن يربط العلماء الشقيقة مع الأسباب الوراثية، حيث تزداد فرصة الإصابة بالشقيقة عند من لديهم تاريخ عائلي، وتبين أن 90% من مصابين الشقيقة يعاني أحد والداهم منها.
عكدت حواجبي وكتله .. وشنو اعراضها بالمضبوط ؟
رد .. تبدأ قبل يوم أو يومين من الصداع الفعلي للشقيقة حيث يلاحظ بعض التغيرات الطفيفة ومنها:
تغيرات في المزاج.
الرغبة في تناول أنواع معينة من الطعام.
الإمساك.
زيادة العطش وشرب الماء.
التثاؤب بكثرة.
تيبس في عضلات الرقبة.
ظواهر بصرية مثل رؤية أشكال متعددة أو بقع ساطعة أو وميض من الضوء.
الشعور بوخز في الساقين أو الذراعين.
خدر في أحد جوانب الوجه أو الوجه كاملًا.
صعوبة في التحدث.
سماع أصوات وموسيقة.
ظهور حركات اهتزازية وحركات لا إرادية.
فقدان مؤقت في الرؤية.
وراح انطيج هاي الاطعمة تبتعدين عنهااا نهائياً حتى بعون الله تشفين ولو هو داء الشقيقه نسبة قليل من الشفاء لكن يخف الالم
القهوة اساااس الصداع لكن تكدرين تتناوليها مرة بالاسبوع
والاجبان المعلبة مثل الكيمر عرب والخ
التحلية الحلويات تسبب الالم برأس مو فقط الي عنده شقيقه لا بصورة عامه الحلويات الي تنوكل بكثرة تسبب ألم بالرأس
عندج البرودة تهيج الشقيقه بنسبه 90% الجو البارد أو تبدلات الضغط الجوي أو الرياح العاصفة أو تبدلات الإرتفاع في درجات الحرارة جميعها قد تثير الشقيقة.
الحالة النفسيه الاكتئاب يثير الشقيقه ابتعدي عن البجي الاكتئاب لان بسرعه راسج يصدع
وكذلك الشقيقه تثير الاكتئاب يعني وقت ماتهيج عندج الشقيقه حاولي تنعزلين وحدج او الاهل يحاولون يتركونج براحتج لان حالتج النفسيه وقت ماتهيج تسيئ
التفت البهاء وكال .. راح اكتبلها ادوي تلتزم بيهن عندي علاج تستخدمه مرتين باليوم وعلاج اخر تستخدمه فقط وقت صداع الرأس تهيج الشقيقه
بهاء كال للدكتور .. دكتور الها علاج !
رد .. حتى الآن لا يوجد علاج شافٍ للمرض، ولكن الأدوية تُساهم في تقليل معدل ظهور الشقيقة ووقف الصداع بمجرد أن يبدأ تناول الأدوية المناسبة إلى جانب قيام المريض بإجراءات وتغييرات بنمط الحياة ممكن أن تؤدي إلى تحول هائل في مجرى مرض الشقيقة.
سكت بهاء وعينه عليه ،كتبلي الدكتور العلاج وطلعنه
همس بهاء .. هذا الجنت شاك بي وخايف منه
ضليت ساكته كعدت انا بالسيارة وراح بهاء اشترى العلاج ورجعنه للدكتور حددلي العلاج وطلعنه
.
.
.
.
للحكاية بقيه
الكاتبه .. رباب حيدر