وليد بضحك: خلاص معلش معلش ابقى خد هدوم منى يا عم مش حوار
رغد بضحك وهى بتحضن الدبدوب الكبير: مروان انت احمد ربنا انهم حطوا بدلتك أصلا
مروان بصياح وصوت عالى قليلا: مانتى مش فاهمة أصلا البدلة بتتغير من بلد ل بلد ف اللى هوا انا هنا فى أمريكا مش هحتاج بدلتى من الأساس لانهم هنا هيدونى بدلة أصلا الجديدة واللى هلبسها طول الفترة اللى هقعد فيها هنا
هالة بضحك: يا عينى يابنى خلاص معلش خد من إيهاب ووليد
أمانى: معلش يا عمو مروان
مروان: انا هتصل أشرشحلهم عنينا
مروان كمل بتمثيل العياط: رغد عملوا فيا مقلب
انتى كنتى فين كنتى علطول بتساعدينى فى ترتيب الشنط بتاعت السفر
انتى كنتى علطول بتساعدينى عااا عملوا فيا مقلب الكلاب
مفيش أى هدوم
رغد: خلاص يا برنس حقك عليا طب أعيط معاك طيب
إيهاب ووليد كانوا بيضحكوا على منظروا لأنه قاعد فى الأرض وحواليه الشنط وكل الهدايا
وحاطت إيده على راسه بينتحب
رغد: خلاص يا مروان هوا بإذن الله خير وعسى في الأمر خير
مروان بصياح: خير إيه خير من غير هدومى يعنى أمشي فى الشارع بلبوص عشان تكونى حضرتك مرتاحة وفى ثمة السعادة
كلهم ضحكوا ووليد وإيهاب بقوا على الأرض من الضحك
رغد ضحكت وقالت: لاء بس بجد خير لعله خير يا مروان متقفلش الدنيا كدة يا عم
طب مش يمكن كانوا هيتسرقوا
مروان: طب قومى لمى الحاجات دى
وفين بقا تلفونى اتصل بيهم اشرشح لمتينهم
____
يزن بضحك: زمانه شاف المقلب
محمد بضحك: ايوة ياض يا يزن
أدم: أصلا هيتصل دلوقتى أكيد وهيزعلك يا يزن وأكيد عمره ما هيكلم جدو
يزن: دافع عنى يا جدو بقا
محمد بضحك: يابنى انا معاك متخافش
إبراهيم: طب استفادتوا إيه من اللى انتو عملتوه ده
مالك بضحك: ان الضابط مروان عيسي محمد
هيبقى بلبوص أمريكاااا
الشباب كلها ضحكت ومعاهم محمد
علا: يارب صبرنى يارب الهمنى الصبر أستحمل أحفادى وجوزى جرا إيه يا محمد ده ابراهيم نفسه معملش معاهم
انت تعمل
محمد بضحك أكتر وهوا بيحاول يجمع كلامه من نفسه اللى متقطع من الضحك: ايوة طبعا .. عشان حفيدى الضابط مروان يبقى ... بلبوص أمريكا او يبقى منتن عشان .. مش معاه غير الهدمة اللى عليه بس
ضحكوا كلهم مع جدهم
.
.
.
.
.
فجأة سكتوا كلهم لما لقوا ان اللاب بتاع يزن بيتصل
فيديو كول من مروان
يزن وهوا بيحاول يكتم الضحك: هيشك فيا أول واحد طبعا
ادا اللاب ل إبراهيم وعلا
وهنا ردوا
مروان: طبعا طبعا ما أكيد مش هيرد عشان هيبقى هوا السبب الكلببببب
طب ورب الكعبه المشرفه يا يزن اما أخلص المأمورية هنا وأجيلك انت والباقى لأن عارف انهم مساعدينك
ما هخلى فى جسمكوا حتة سليمة
معاذ معرفش يكتم ضحكوا فقال: ليه يعنى هتخدنا فى البوكس بتهمة إيه
محمد بضحك أكتر: بتهمة جعل الضابط مروان بلبوص أمريكاا
كلهم معرفوش يكتموا ف ضحكوا على كلام محمد
مروان: اااه ياربى يا جدو هوا انت كمان متفق معاهم
يارب صبرنى يارب رغد مرات خالى اى حد يجى يكلمهم انا مش بعيد أطلعلهم من اللاب وهما معصبينى بضحكهم أكتر
بعد ما كمل كلامهم كلهم ضحكوا أكتر
يزن بضحك: بس شهادة حق بابا وتيتا وأدم معملوش الحاجة
بس جدو عمل وكلنا عملنا يالهوى فصلتتت
مروان انا هغير إسمك وأسميك بلبوص أمريكا
رغد بضحك هى كمان: خلاص اهدى اهدى انت كدة هتكسر اللاب ف هاتوا وروح انت
محمد بضحك: مع السلامة فى حفظ الله ورعايته يا بلبوص أمريكا
مروان وهوا بيصيح: ماشي يا جدو ما انت قول براحتك ما انت مش هيحصلك حاجة
بس ماشي أخلص أم المأمورية الزفت دى وأجيلكوا
رغد وهى بتاخد اللاب منه: أبغى أجولك شيء بس أستحى
مروان: خييير
رغد: خير اللهم اجعله خير
كملت بضحك شديد
مروان انا هغير اسمك انا كمان وأسميك كدة
وهروح على الإنستا واحط الصورة اللى انا كنت مغفلهالك
وأكتب انظروا ولأول مرة بلبوص أمريكا الحصري
بسملة هتفرح فيك أوى يعنى
يزن بضحك: ايوة يا بت يا رغد فاكرة الصورة اللى انتى غفلتهاله
محمد وهوا بيكح: زورى وجعنى من كتر الضحك على بلبوص أمريكا الحصرى والصورة ياخرابى الصورة حرفيا فصيلة
مروان: رغد انتى معايا ولا معاهم
رغد: معاك يا بلبوص أمريكا الحصري
هالة: معلش يابنى معلش هما كلهم متربوش
كلهم كانوا بيضحكوا عند علا وإبراهيم
وعند هالة كلهم كانوا بيضحكوا برضو
هالة: تعالى يابنى اوديك اوضة ترتاح فيها من الرحلة وأجبلك هدوم من إيهاب
مروان فعلا دخل الأوضة وهالة جابتلوا هدوم من إيهاب
رغد وهى لسة بتضحك: خلاص يا شباب شكلوا زعل بس انا بصراحة مش قادرة أفصل ضحك
رغد قرأت فى سرها قرأن وأذكار عشان تبطل ضحك
واستغفرت ربنا
وادت اللاب ل هالة اللى خرجت بعد ما ادت هدوم لمروان
عشان تتكلم وهى استنت شوية
لحد ما مروان يغير وبعدين خبطت وهوا سمحلها بالدخول
وهى دخلت ووشها فى الأرض وقالت: انا اسفة
مروان: اخرجى يا رغد
رغد: خلاص أسفة والله اسفة
مروان: مش مسامحك اخرجى
رغد عبست شوية وقالت: خلاص عشان خطرى عشان خطرى
انا أسفة ان انا ضحكت اسفة
مروان: اخرجى برة بقا يلا
رغد: لا اله الا الله خلاص بقا انا أسفة أربوك أربوك
مروان: الموضوع يضحك بس انتى عارفة انه غلط ومع ذلك ضحكتى مع انك كنتى لازم تساعدينى فى أى حاجة
وانا زعلان منك انتى بالذات اخرجى يلا انا مش مسامحك
رغد فضلت ساكتة شوية وفى دماغها " منك انتى بالذات"
رغد فى ثوانى كانت معيطة وحطت إيدها على وشها: خلاص انا أسفة والله مش هعملها تانى
مروان: لاااء مش هسام ... قبل ما يكمل جملته لقاها بتعيط
ف سكت وفضل باصصلها
رغد وهى لسة حاطة إيدها على وشها وبتعيط: خلاص أربوك انا أسفة أسفة بجد
عارفة انه مجرد موقف وحاجة صغيرة بس يمكن انت حسيت بزعل وخذلان من عيلتك ويمكن حسيت بإهانة
واحراج فأنا أسفة جدا انا ساعتها ضحكت ومهتمتش لكل الأسباب دى
ولا اهتميت ليك
انا أسفة أربوك
مروان قام وقف أدامها وقال: خلاص متعيطيش يا رغد انا مسامحك
رغد وهى بتبصله بعياط: بجد
مروان: اه بجد بطلى عياط بقا
مبحبش أشوف اختى بتعيط يلا بطلى عياط
شبح ابتسامة ظهر على وجهها وسط دموعها التى تنزل على وجهها هى بالفعل تحبه وكثيرا وهوا كذلك
حبهم لبعض مجرد اخوة وفقط
رغد وهى تمسح دموعها وقالت بإبتسامة: ايه رأيك نروح نجيب هدوم وبما ان الدكتور چى-كى انهاردة ادانى مكافأة
ف أنا ده يعتبر أول مرتب مع ان ده خامس يوم تقريبا او تالت يوم بس شاف ان شغلى حلو ف دى مكافأة لشغلى
مروان بإبتسامة: ماشي نروح نجيب هدوم بس لاء ان نجيب بمكافأتك خليها ذكرى ليكى
رغد: هتبقى ذكرى أول يوم جيت فيه أمريكا يعنى مش حوار واعتبرها اعتذار اشطات
مروان ضيق عينيه: مش هعرف أقنعك لأنك عنيدة بس اشطا يعنى
رغد: يلا دلوقتى دلوقتى العشاء أذنت صليها وانا كمان هصليها
وبعدين نروح اشطات
مروان بإبتسامة: اشطات يا اوختشي
رغد بضحك: اخويااا
مروان بضحك: اوختشي
رغد راحت على اوضتها علطول واتوضت وصلت
وعدلت خمارها وخرجت
وهوا كان لسة خارج
رغد وهى بتتنطط: يلاا
مروان بضحك على طفولتها: يلا
وليد: رايحين فين
رغد: رايحين نجيب هدوم
وليد ضحك ومروان ضربه ووليد وقع على الأرض
بس هوا لسة بيضحك
مروان: يااض بس بطل ضحك
وليد: حاضر حاضر يابن ال ايدك تقيلة
رغد ساعدته يقوم من الأرض
هالة: تروحوا وتيجوا بالسلامة خلى بالك من رغد يا مروان
دى مجنونة
مروان: حاضر
مروان ورغد خرجوا وركبوا العربية
ومروان اللى ساق
رغد: هوا انت هتمشي بسرعة ولا هتقعد كتير معانا
مروان: هقعد معاكوا شهرين
رغد بفرحة وهى بتسقف: ده بجد هييه كنت بحسبك هتمشي بسرعة كويس هتقعد معانا كتير
مروان ضحك على جنونها وقال: عاملة إيه فى مايو كلينيك
رغد: تمام الحمد لله بخير وانت عامل إيه فى شغل الضباط
مروان: صعب سيكا بس بحبه
رغد: ربنا يوفقك ويعينك وييسر امرك وأحوالك فيه يارب وتبقى ناجح فيه دايما وبالحلال طبعا
مروان: الدعاوى القمر من أختى القمر فى قلبى جدا يعنى
رغد: استنى صحيح علاقتك ب بسملة عاملة إيه
مروان: كنت اتخانقت معاها قبل ما تيجيلى المأمورية دى
وفضلنا قاطعين بعض لحد ما جه معاد الطيارة وكنت فى المطار وهى جت واتأسفت وسلمنا على بعض قبل ما أمشي لأن هقعد شهرين
رغد: اه يا واد يا مسيطر بس المشكلة بسبب إيه
مروان: غيرة
رغد: اهااا يالهوى يا مروان انت غيرتك ياخرابى عليها صعبة جدا بجد فاكر اختك يوم اما ضربتها عشان كانت لابسة قصير زيادة عن اللزوم ويوم اما يبقى وليد مش موجود كنت انت بتعوض مكانه الغيرة مكنتش بسلم منكوا ومن غيرتكوا أبدا حقيقي
مروان بضحك: احسنن يلا طيب انزلى وصلنا لمول أهو
رغد: اشطاات ياسطا يلا
رغد ومروان نزلوا ودخلوا المول واشتروا الهدوم
وخرجوا الإتنين وراحوا على البيت
وكلوا مع هالة
ومروان مش موجه كلامه ل وليد ولا إيهاب
وليد: خلاص يا برنس حقك عليا
إيهاب: خلاص يابنى احنا أسفين
مروان: بس ياض انت وهوا امشوا من هنا
وليد: طب هوا مش هيرضي صح
إيهاب: انت لسة بتعاند من صغرك
مروان: ابعدوا عن الشاشة والا هقوم أضربكوا
الإتنين بعدوا وقعدوا على جمب خوف من مروان
رغد: طول عمرك شخصيتك قوية بجد ايه رأيك يا مروان تعلمنى أكون شخصيتى قوية كدة زيك
مروان بصيلها وقال: انتى عارفة ان أى حاجة هقولها
انك مش هتنفذيها صح
رغد: صح
مروان: خلاص اسكتى بقا
رغد: عنينا حاضر ياسطا
طب مفيش أمل
مروان: لاء
رغد: طب تمام شكرا
هالة: خليكى كدة يا بنتى انتى قمر
استعانك بربنا شيء كويس
وبراءتك شيء كويس
عدم الشتايم شيء كويس
.
.
.
.
.
.
بنت بتسأل مصطفي حُسني وبتقول انها مضايقة جداً لانها مَبتعرفش ترد على حد اما بيضايقها ولا بتعرف تاخد حقها منه !
قالها اتوسل إليكى , خليكى زى ما انتى بالبراءة وطيبة القلب اللي انتي فيها دي .
قالها انتى من الناس اللى "الرسول عليه الصلاة والسلام" .. قال فيهم " اقرب المؤمنين مجلساً منى يوم القيامة الموطئون اكنافا الذين يألفون ويؤلفوون "
وقال كمان ان من أشر الناس منزلة عند الله يوم القيامة من أتقاه الناس لفحشه ولسوء لسانه اى يخافون منه لطول لسانه معهم.
- إوعوا حد فيكم يزعل انه قلبه ابيض وطيب وانه مبيرضاش يضر حد حتي لو باللسان , انتم فيكم صفة من صفات الله ( اللطف ) .. يعني محدش فيكم يزعل ويقول ع نفسه ( ضعيف ) عشان انت قوي بالصفه اللي ربنا خلقها فيك وهي ( اللطف ) مَتخليش اللي حواليك يأثر عليك بكلامه الساخر .. انت مزروع فيك اللي مَتزرعش فـ قلبه زيك .. 💙
.
.
.
.
منقول ...
حبيت أنهى الحلقة بالكلام ده لأن حبيته جدا ويارب تبقوا استفادتوا من الكلام ده
مع السلامة 💗
______