البنت صرخت ونادت اخوها بسرعة وهوا جه
_ بص ده طلع واحد وتقريبا وقع هنا والموجة جت عليه فدفنته بالرملة
_يانهارى ده مدفون
_طب طلعه من الرملة دى
الشاب طلعه
والبنت شافت نبض رقبته وإيده
وقالت: عايش عايش
_ طب تعالى نخده البيت وافحصيه وشوفى ماله
بس هوا ملوش أهل ده ولا إيه
ده بصي كان مدفون ازاى هارسوح ده جسمه مولع
_طب قومه بسرعة
الشاب ده شاله وراح عند العربية
ودخله فيها
والبنت هى اللى ساقت العربية وراحت عند بيتهم
والشاب شاله ودخل وحطه على الركنة
وهى جت فحصته وقالت: عنده حمى شديدة أوى
ده ممكن يموت احيه محتاجة علاج وحقنة ...&&
_ طيب اروح أجيب
_ مش هينفع تسيبنى معاه لوحدى طب هروح أنا بسرعة
بس لازم ياخد شاور ينفع تساعده وتحميه لحد ما أجى وأجيب العلاج
_تمام ماشي وهلبسه هدوم من معايا بس خلى بالك من نفسك وخدى تلفونك
_ حاضر حاضر
البنت مشيت تروح تجيب العلاج
والشاب ده ساعده وملا البانيو وحطه فيه بالراحة
والشاب لسة مفتحش عينه ولا صحى هوا لسة مغمى عليه
خلصه وخرجه من الحمام ولبسه هدوم من عنده وسابه على السرير لحد ما أخته تيجى
وشوية وجت وطلعت وخبطت على الباب
_ ادخلى بسرعة يا رغد
_السخونية هديت من الشاور ولا لسة
_ مش راضية تهدى ده انا اما حطيته فى الماية
الماية سخنت يا رغد
_ هديله حقنة البرد دى بس المشكلة انه لازم ياكل عشان مش يغمى عليه
هوا ليه لسة مصحيش
_ مش عارف ده انا شوية وكنت هغرقه عشان يصحى
_ حصل خير حصل خير بإذن الله هيبقى كويس وبخير بإذن الله
رغد حضرت الحقنة وإدتهاله فى دراعه
وقالت: انا هنزل أجيب كمادات وأعمله كمادات
_ تمام
رغد نزلت جابت كمادات وتلج وماية ساقعة
وادتها لوليد
وقالت: اعمل انت بقا
وليد: هاتى اشطا
وليد بدا يعمله كمادات والساعة بقت اتنين بالليل وهما لسة بيعملوله كمادات
رغد: وأخيرا السخونية نزلت
وليد: الحمد لله
وليد قعد على الركنه اللى فى الاوضة
ونام عليها
وقال لرغد تروح تنام فى اوضتها
وراحت وناموا الإتنين
***
_ بص مش عارفة بس هوا ممكن يصحى دلوقتى
انا هنزل أعمل أكل عشان اما يصحى ياكل علطول
عشان الحقنة والعلاج اللى خدهم وعشتن باين عليه ضعيف ومش بياكل
_ اشطا وانا هشوفه هيصحى ولا لاء
رغد نزلت تعمل الأكل وخلصت وطلعت ولقته صحى
_ الحمد لله صحى
الشاب انتبه ليها
وحس انه عارفها
_ ايوة الحمد لله هاتى الأكل بقا
رغد ادته الأكل وقالت: خليه ياكل كويس يا وليد الحقنة شديدة يعنى ميستحملهاش اللى واكل كويس ف مابالك ده وباين عليه ضعيف مش بياكل خليه ياكل كويس
وليد: سامع يا استاذ مش عارف اسمك إيه بس سامع بتهمل فى صحتك ليه كدة حرام عليك
رغد بضحك: حلوة استاذ مش عارف اسمك إيه دى ما علينا
رغد جابت بقيت العلاج وادتهوله وقالت: اتفضل يا استاذ برضو معرفش اسمك إيه اشرب دول بسرعة ولازم تاكل كويس
وليد بضحك: اهو انتى كمان قلتى استاذ معرفش اسمك إيه
رغد بصتله وضحكت وبعدين بصت للشاب وقالت: هوا حضرتك أخرس
الشاب قال بإستغراب شوية: إيه اخرس لاء بتكلم عادى اهو
رغد: الحمد لله تحيا مصر الراجل طلع اهو بيتكلم وكمان مصرى زينا يا واد يا وليد كنت بحسب ان هوا مش بيرد علينا عشان مش فاهمنا وهوا أجنبى
وليد بضحك: إسمك إيه يا أستاذ متعرفنا اسمك بقا
رغد: طب استنى نخمن احنا
وليد: محمد
رغد: محمود
وليد: شادى
رغد: هادى
وليد: سامر
رغد: يمكن أحمد
وليد: طب أسر
رغد: إبراهيم
وليد: إسماعيل
رغد: طيب استنى يا وليد يمكن يبقى مسيحى
جرجس
وليد: اه تصدقى يا بت كرولس
رغد: حسن ومرقص طيب
وليد: فادى او فارس
خالد: بااااااس انا اسمى خالد الحمد لله انتو الإتنين غلط
وانا مسلم
رغد بتذمر طفولى: اااه مكنتش على لسانى
وليد بنفس التذمر: ولا انا برضو
خالد ضحك على تذمرهم
وليد: يااه ايوة كدة يابنى اضحك خلى الشمس تطلع
رغد: ده انت كنت شايل طاجن ستك لموخذة يعنى
بس فرفش كدة
وليد: ايوة بقا حكايتك إيه
رغد: ثوانى خلينى أتخيل انت حد موتك ورماك عند البحر ودفنك عشان مفيش حد يلاقيك صح
وأكيد عندك أهل بيدوروا عليك دلوقتى
وفجأة انت تبقى فاقد الذاكرة ومش فاكر حاجة
وتتعذب وتعذبنى معاك
إيه ده لحظة وانا ايه اللى دخلنى فى الموضوع
قصدى تعذب أهلك معاك
انا بتخيل كتير صح
وليد بضحك: صح منا قلت أم روايات عمرو عبد الحميد والقصص الخيالية دى هتلحس دماغك
رغد: يا عم ده كاتب جمر و كتاباته ..
وليد مسكها من قفاها وقال: مين ده اللى جمر ياروحمك
رغد بتمثيل العياط: خلاص يا وليد مش كدة والله ما ينفع كدة انا بتهان
وبتهان أوى كمان وبعدين الراجل ياخد عنى فكرة ان انا عبيطة هوا انا كدة بس مينفعش يفتكر عنى كدة
وليد: بعيد عنك دى عبيطة وجاموسة كمان
رغد: طب شكرا يالى كنت فاكرككك أخويا من نفس الأم والأب
وليد: بت بت انتى هبلة يلا روحى اعمليلنا شاى
ولا أى حاجة نشربها
رغد: حاضر حاضر يا برووود
رغد خرجت برة عشان تعملهم حاجة يشربوها
وليد: اسف هى رغاية سيكا بس او سيكات ما علينا
المهم انت دلوقتى كويس الحمد لله
بس كل الأول
وقلنا انت بيتك فين عشان نوديك هناك
عشتن مش هينفع نسيبك لوحدك
انت عندك حمى شديدة شوية بس دلوقتى الحمد لله بقيت كويس بس مضمنش يحصلك حاجة
خالد: شكرا لحضرتك جدا وشكرا لأخت حضرتك على المعاملة دى
انا مشوفتهاش حتى فى قرايبى
وشكرا على العلاج ده
بجد شكرا
وليد: الشكر لله ده من واجبنا
المهم انك مرتاح
خالد: ايوة جدا وشكرا لحضرتك تانى
وليد: بقولك إيه انا اسمى وليد بلاش حضرتك دى وبعدين
بطل تشكر كتير كدة
خالد: حاضر يا وليد
وليد: انت باين عليك مش صغير ولا كبير يعنى يمكن سكة تلاتة وعشرين سنة صح
خالد: خمسة وعشرين
وليد: اها يعنى اهو لسة صغير
مش كبير أوى
وانا تمانية وعشرين وبعد حوالى يمكن أسبوع
هتم تسعة وعشرين
خالد: كل سنة وانت طيب
وليد: وانت طيب يلا كل كويس لحد ما رغد تجيب حاجة نشربها
رغد بعد شوية جت ب كوبايتين قهوة بلبن
رغد: استنى يا فندم شيشة تفاح هجيبها قبل القهوة
وليد: نعم ياختى شيشة تفاح
رغد: اه
وليد: لاء عاوزة شيشة برتقال
رغد: ابو صرة ده
وليد: ايوة هوا ده
رغد: عنينا يا فندم انت تؤمر
بس ياريت توسع من هنا عشان ده مكان أكل عيش وهنرش ماية
وليد بضحك: هتموتى وتبقى قهوجية
رغد: ياااه حصل تخيل كدة أروح لبابا وأقوله ان انا عاوزة
ابقى قهوجية افتحلى قهوة تبقى قريبة من البيت
هيرد عليا ويقول ..
وليد: يابنتى هوا انتى طيب ولد وانا معرفش
طب انا دلوقتى مخلف تلت بنات وولدين ولا اربع بنات وولد
ما هوا فهمينى انتى مستحيل تبقى بنت
رغد ضحكت وقالت: حصل اوى انا بجننه اوى بجد
وليد: امشي يا مجنونة يلا روحى البسي
رغد: ليه
وليد: عشان هنوصل خالد بيته وهروح معاكى المستشفى
وبعدين أروح ل إيهاب أسلم عليه وأشوف هشتغل إمتا
رغد: خلاص اشطات يا برنس
رغد خرجت وراحت اوضتها تلبس
وليد قام وفتح دولابه
وطلع طقم وقال: بما ان ده ادهول واتبل ماية بسبب الكمادات ف خد ده البسه
خالد: لاء شكرا جدا ليك كفاية اللى عليا ده واما اروح البيت هغسلهولك واجيبهولك لحد عندك
وليد: وانا مطلبتهوش منك اعتبره هدية منى بما انى قابلت واحد من مصر يا عم يلا خدهم الإتنين هدية وانا هقول لرغد تجيبلك هدومك وتكويها
خالد: شكرا يا وليد بجد
وليد: الشكر لله يابنى قلتلك بطل تشكر كتير كدة
خالد: حاضر حاضر يا عم متزقش
وليد دخل الحمام غير وخرج
وبعديه دخل خالد وغير وخرج
وليد: جهزت تصدق بالله الطقم مكنش حلو عليا كدة
لاء انا كدة أغير
بس مبروك عليك الطقم
يلااا جامد
خالد كان لابس بنطلون بوى فريند أسمر
وعليه سويت شيرت أبيض وجاكيت جينز أسمر
ووليد كان لابس بنطلون جينز أبيض وتيشيرت أبيض بكم
ع الكامر وجاكيت باللون الكافيه
خالد: وانت الطقم شكله جامد عليك برضو
وليد: مبحبش أتكلم عن نفسي كتيشر
خالد ضحك والإتنين خرجوا برة
ونزلوا يستنوا رغد
رغد بصوت عالى من اوضتها: اوف بقا يا وليد قلنا نازلين يا عم ما تهدى
وليد: يا بنتى بقا اخلصي
رغد: حاضر حاضر
رغد نزلت
وكانت لابسة جيبة سادة كافيه
وهاى كول أسمر
والخمار كافيه
وكوتش أبيض
وليد: أخيرا يا رغد
رغد: شكلى حليوة
وليد: اه بس مش كدة خفيف
رغد كان فيه إيدها جاكيت جينز أسمر: ما اهو هلبسه
وليد: يابنتى يلا اخلصي بقا انتى بتكونى قايمة من النوم بتغسلى وشك بالعافية أصلا يعنى مش بتهتمى ببشرتك
إيه بقا اللى مأخرك
وليد مسك وشها وفضل يمسح فيه وقال: كنت بحسب حاطة مكياج
رغد: مش حاطة يا عم والله يلا نمشي الراجل مستنى
وليد: مانتى اللى اخرتينا
رغد: مانت كمان اهو بتأخرنا أكتر
وليد ضيق عينه وقال: ماشي
وليد خرج هوا وخالد اللى بيضحك عليهم
ورغد جابت شنطتها الكروس اللى باللون الاسود
وورقة المنحة بتاعتها
وخرجت وراهم
وركبوا العربية وراحوا التلاتة الأول على عنوان بيت خالد
وخالد نزل ووليد نزل وراه ولسة رغد فى العربية
وليد: عاوز حاجة يا خالد
خالد: إيه ده انتو هتمشوا
وليد: اه المهم انك وصلت بالسلامة
خالد: لاء مش هينفع اطلعوا معايا اشربوا حاجة
وليد: شكرا يا خالد
خالد: والله ما هتمشوا. لاء
وليد بص ل رغد وقال: بيفكرنى بواحدة علطول بتحلف عليا ولازم أنفذ عشان متصومش التلت أيام
رغد بصت الناحية التانية وبعدين بصتله وشاورت على نفسها وقالت: انت قصدك أنا
وليد بضحك: اه انتى
رغد بضحك: عاوزنى أصوم يعنى وانا تعبانة
وليد: لاء ياختى يلا تعالى يعنى كان لازم تحلف يا خالد
خالد بضحك: عشان ترضوا
رغد: طب انا هركن العربية وجاية
وليد: ماشي متدخليش فى حد بس
رغد بصتله بعصبية مصطنعة: بس يلا يا برود انت
رغد مشيت شوية بالعربية وركنتها فى حتة قريبة من البيت
وقفلتها وراحت عند البيت تانى
ودخلوا التلاتة
وأول حد قابلهم كان أمل
أمل: إيه ده انت رجعت ليه
ما كنت تفضل برة البيت أحسن
كنت حتى مش هصطبح بوشك ده
***
رأيكوا ...
انتهى ..