رواية حضرة الضابط زوجى .
الفصل الثامن و العشرون
بقلمى / هدير خليل
عدت الايام و فات اكتر من شهر بدون احداث على ابطالنا هشام لسه مقبوض عليه و مستمرة التحقيقات معاه اما عمر فهو كان بيتابع التحقيقات من بعيد اما فيروز كانت فاكره لما تهرب من سجن هشام ليها هتقدر ترجع لحريتها و حياتها قبله بس اكتشفت حتى و هشام وهو بعيد قادر يسجنها بقيوده
الممرضه :- يا مدام يا مدااام
فيروز مردتش عليها لانها كنت سرحانه و دموعها مغرقه وشها و محستش غير و حد بيشدها
الممرضه :- خدى ياختى شنطتك خلتينى اجرى وراكى كل ده
فيروز ( بهستريا ):- مش عايزه ..مش عايزه
الممرضه :- هو ايه ده اللى مش عايزاه انتى مجنونه ولا ايه
فيروز بتمسك بقوة فى الممرضه
فيروز :- انتى ..انتى بتشتغلى مع دكتور ممكن تساعدينى
الممرضة :- يا ست انتى سيبينى هو انتى مجنونه
فيروز :- ابوس ايدك تساعدينى انا مش عايزاه العيل ده عايزاه اسقطه
الممرضه ( وهى تحرك شفاتيها بطريقة شعبيه ):- هو انتى منهم جاتكم داهيه مليتوا البلد رواحى ياختى لابوه خليه يستر عليكى انا مليش فى الشغل الشمال
فيروز :- استنى بس ساعدينى انزله و هديكى اللى انتى عايزاه
الممرضه ( بتردد ):- و انتى حالتك ايه علشان تدينى
فيروز ( بلهفه ):- الفلوس اللى انتى عايزاها بس تخلصينى منه
الممرضه :- انا هاخد منك ٣ الف و الدكتورة هتاخد ٥ الف
فيروز :- ماشى ماشى هجبهملك بكره
الممرضه :- بكرة ايه الله يخرب بيتك انتى فاكره نفسك راحه تدبحى فرخه هاتى رقمك و انا هظبط الدنيا مع الدكتورة و اتصل بيكى تيجى انتى و الفلوس معاكى
فيروز:- ماشى بس متتاخريش عليه
الممرضه :- متقلقيش يومين تلاته كده و اتصل بيكى يالا سلام انا اتاخرت على العيادة بسببك اهو هاخد كلمتين حلوين من الدكتور
فيروز :- ماشى
مشت فيروز بعد ان تبادلة هى و الممرضه الارقام و لم تلحظ تلك العيون التى كانت تراقبها منذ ان خرجت من بيت اهلها
الممرضة وجدت من يمسكها بقوة
الممرضة ( بخوف ):- خير يا بيه و الله ما عملت حاجه
نيكولاس :- كانت عايزاه منك ايه
الممرضة :- هى مين يا بيه
نيكولاس :- انتى هتستهبلى يا روح امك البت اللى كانت وقفه معاكى
الممرضه ( بتردد و خوف ):- كانت ..كانت
نيكولاس :- انطقى
الممرضه :- كانت عايزاه تسقط
نيكولاس ( بصدمه ):- هى حامل
الممرضه :- ايوه يا بيه لسه الدكتور قالها كده هى حامل فى شهر كده
نيكولاس:- نهار اسود على راى سهر كمان كشفت عند دكتور و عايزاه تسقط ده هشام هيدفنها وهى حيه ..هو دكتور الزفت اللى بتشتغلى عنده هو اللى هيعمل ليها العملية
الممرضة :- لا يا بيه انا قولت ليها على دكتورة هى اللى هتسقطها
نيكولاس :- خدى الفلوس دى و الرقم ده اى حاجه تحصل تبلغينى بيها و خلى بالك حياة العيل ده مقابل حياتك انتى فاهمه
الممرضه :- فاهمه يا بيه
مشى نيكولاس و ركب سيارته و رفع هاتفه ليجرى اتصل باحد رجاله الذى كلفه بمراقبة فيروز حتى يتحدث مع الممرضه ف هشام اوصاه ان يرقبها هو بنفسه
نيكولاس :- هى فين
الرجل :- فى البيت و ابوها استلمها شتيمه و كان هيمد يده عليها بس لما شافنى سكت و دخلت البيت
نيكولاس :- تمام عينك متغيبش من عليها لغاية ما اجى
قفل مع الراجل الذى يراقب فيروز و اتصل برقم اخر
نيكولاس :- الو
مصطفى :- الو مين معايه
نيكولاس :- انا نيكولاس صديق هشام نجم
مصطفى :- اه تمام عايز ايه
نيكولاس:- كنت عايز اقابل هشام
مصطفى (بسخرية ):- هو حد قالك انى مدير اعمله ولا يكون هشام نزل فى فندق ف عايز تشوفه
نيكولاس:- ايه ده كله انا سالتك سؤال يتقدر تعمله يا متقدرش
مصطفى:- اقدر بس اعرف سبب الزيارة
نيكولاس:- عايز اطمن عليه و اطمنه على مراته
مصطفى ( بستغراب ):- هما مش اطلقوا و عمر هيتجوزها
نيكولاس:- نعععععععم طلق مين ومين يتجوز مين انا عرف انه يوم مش فايت و هشام هيموتنى لما يشوفنى انا عارف
مصطفى:- انت لسه عايز تشوف هشام
نيكولاس:- ايوه لازم اشوفه
مصطفى:- تمام ادينى ساعتين ثلاثة كده و هظبط الدنيا و اتصل بيك
نيكولاس :- تمام مستنى اتصلك
فى منزل عمر و لينا
عمر :- يووووووووه عايزاه ايه يا لينا
لينا ( بعصبيه):- عايزه اطلق يا عمر انا خلاص و تعبت منك وقرفت من العيشه معاك
عمر ( بيمسكها من شعرها ):- انا مش قولت متقوليش الكلمة دى تانى طلق مش هطلق
لينا بتبعد ايد عمر من شعرها
لينا ( بزعيق و عصبيه ):- انت ايه ياخى بقولك مش عايزك انت معندكش دم مششششششش عايزك انسان سادى و زباله و....آآآآه
عمر ضرب لينا بقلم لينا بتمسك بطنها بالم و بتبص ل عمر بكره كان اول مرة يشوف النظرة دى فى عين لينا
عمر :- لينا....
لينا مستنتش تسمع حاجه منه و كانت تمشى بسرعة باتجاه غرفتهم و لكن توقفت فى منتصف الطريق و صرخت صرخه انخلع بها قلب عمر ، جرى عليها عمر و سندها قبل ان تسقط ارضا
عمر ( بياخدها فى حضنه بخوف ):- لينا حبيبتى ايه بيوجعك لينا انا اسف و الله انا مش قصدى انا مكنتش عايز اضربك ولا كنت هتجوز انا كنت بغيظ هشام و بنتقم منه علشان سابنى زمان لواحدى ان...
لينا ( بتمسك فى عمر بخوف و تبكى ):- عم...عمر ..ابنى ...
عمر بص مكان ما بتبص لينا لقيها بتنزف ، عمر خاف اكتر من لينا هتسيبه ف حضنها بقوة و هو بيبكى
عمر ( بيبكى ):- متسيبنيش متسيبنيش
لينا بتضرب عمر بضعف فى صدره
لينا ؛- فوق يا عمر ..ابننا بيموت ..علشان خاطرى الحقه
عمر بيفوق على نفسه و بيشيل لينا و ييجرى بيها و بيركب عربيته وهى فى حضنه و ساق بسرعة و وصل للمستشفى وهو يصرخ فى كل من يشوفه امامه
عمر :- فين لينا حصلها ايه
الدكتورة :- ولادة مبكرة لازم تدخل العمليات دلوقتى
عمر :- اعملى اى حاجه اهم حاجه لينا
الدكتورة :- امضى على الاقرار ده و احنا هندخلها العمليات
عمر :- انا عايز اشوفها
الدكتورة :- تقدر تشوفها لغاية ما العمليات تجهز
عمر دخل ل لينا و لقيها بتصرخ من الالم
لينا :- عمممممممر آآآآآآآآه
عمر :- معلش يا حبيبتى استحملى شويه
لينا ( بخوف ):- متسيبنيش
عمر :- مش هسيبك بس استحملى شويه
لينا :- آآآآآه لو جرالى حاجه امممم خبى بالك من ابنى و...و قوله انى بحبه اوى
عمر :- هششششش انتى هتقومى بسلامه و تربيه و تشوفيه وهو عريس و انا هكمل علاجى بس علشان خاطرى
دخلت الدكتورة و معاها ممرضين و سرير نقال لنقل لينا لغرفة العمليات
الدكتورة :- جاهزه
لينا ( بخوف ):- عمر
عمر :- انا هدخل معاها
الدكتورة :- بس ...
عمر :- اجهز فين انا مش هسيب مراتى
الدكتورة :- ساعدوا علشان يجهز
دخلت لينا العمليات و عمر جهز و حصل لينا فى غرفة العمليات عدت الساعات على عمر و لينا كإنها زمن لم يشعروا بالراحة الإ عندما وصل اميرهم الصغير
ولكن عمر رفض ان يحمله فهو خاف ان يسقط منه ، و بعد ساعة كانت لينا فاقت من المخدر و وجدت عمر يمسك بيدها كطفل صغير يغشى ان يفقد امه
لينا :- عمر
عمر ( بلهفه ):- ايوه يا حبيبتى فى حاجه وجعاكى
لينا :- فينه
عمر :- فى الحضانه
لينا ( بخوف ):- ليه هو تعبان
عمر :- متخفيش هو بس علشان اتولد قبل معاده
لينا :- عايزاه اشوفه
عمر :- حاضر هخليهم يجيبوه
الممرضة جابته و اعطته ل لينا وفضلت لينا تلعب فيه و مبسوطة بيه و نسيت كل الالم اللى كان فيها لما شالته و بتحمد ربنا على النعمة دى
لينا بصت لعمر لقيته بيبص عليهم بسعاده و دموعه نزله منه من غير ما يحس
لينا :- شايف حلو ازى
عمر بيقعد جنب لينا و بياخدها فى حضنه و بينظر لابنهم
الممرضه :- يتربه فى عزكم بس شكله اول فرحتكم اصل الاستاذ خاف ليشيله
لينا :- انت مشفتهوش
عمر :- شوفته بس مشيتهوش
لينا :- ليه
عمر بص للممرضه و اعطاها فلوس مباركة المولود ، بعد ان غادرت الممرضه
لينا :- ليه مشلتهوش يا عمر ولا انت شاكك انه مش .......
عمر حط ايده على شفايفها يمنعها من الكلام
عمر ( بيسند جبينه على جبينها ):- اول مرة متفهمنيش .. انا عمرى ما شكيت فيكى عارف اللى عملته معاكى غلط بس انتى بدل ما تهدينى و تقوليلى ليه بتروحى شقة واحد عزب و طفى جنون غيرتى روحت تعملى العكس و تزودى جنانى ..كان هيكون ايه احساسك لو شوفتينى طلع من شقة واحدة و انتى بتكلمينى و اقولك انى فى النادى ..انا بحبك و ابنى ده كنت بتمناه من ربنا انه يكون منك برغم رافضك للخلفه انا عارف انك استحملتينى كتير جنانى و عصبيتى و مرضى سامحينى يا لينا سامحينى و ادينى فرصه اخيرة
لينا :- فرصك خلصت من بدرى يا عمر
عمر :- لي....
لينا بتضع ابنهم فى يد عمر اللى مسكه بخوف انه يقع
لينا :- اتعالج علشان خاطر ابنك يا عمر انا صفحه و اتقفلت من حياتك
عمر :- مش هسيبك يا لينا
لينا :- انا تعبانه و عايزاه انام
عمر :- ماشى
لينا غمضت عنيها و نامت و كذلك فعل الصغير الذى اتت لممرضة لاخذه لتضعه فى الحضانه و عمر بقى بجوار لينا و هو يفكر فى قرار لينا الذى لم يقبله لا قلبه ولا عقله و يفكر كيف يسترد حبيبته ذات الراس العنيد
يا ترى هشام هيعمل ايه لما يعرف بحمل فيروز و اردتها فى الجهاض ؟
يا ترى لينا هتسامح عمر ولا هتصر على قرارها ؟
انتظروا الفصل ال قبل الاخير
يتبع 👋👋👋👋👋
*********************