قسر الرواسن

بارت ٥

‏" لا أنكر اني يوماً سئمت الحياة
ولا أنكر ضعفي عند بعض الظروف
ولكن بداخلي روح تمنحني القوة كلما
تذكرت ان الله اذا احب عبدا إبتلاه .!

ألـسـلام عـليـكم "مسأوكـم الله بـالخـير

اعرف مقصرة وياكم فـ هذا بارت طويل لعيونكم الحلوة ❤️

البـارت -٥- من قـصـه "قـسَـر الـرواسَـن"

فتحت عيوني مكان هادئ ،مابي اي صوت تحركت احس جسمي، بي خمول جنت نايمة ،ع جرباية ام نفر واحد عدلت كعدتي، و ايدي ع راسي
كمت استرجع بذاكرتي، وانا ،اباوع للمكان الكاعدة بي عبارة عن غرفه كبيررة، بيها باب رفيع وباب، ثاني كبير يصير، طلاكتين

وكفت ع رجلي دخت، ردت اوكع بس كمشت، بمكتبة صغيرة بصفي فارغه، وبيها بس كتاب واحد

كمت امشي واحس راسي يوجعني ،وصلت للباب الطلاكتين اريد افتحه ،ماينفتح كمت اعيط ،بصوت عالي

فتحووووو البااااب اريددد اطلععع ،شتردون مني فتحوا .. منووووو، انتمممم فتحولي الباب شمسويتلكمم، وينككممممم واجهووووني ..
انبح صوتي، وانا اعيط

كعدت ورجيت راسي، ع باب
ودموعي صارت، تنزل بغزارة
رجعت احجي بصوت عالي .. شتردون مني، اريد اطلع ولله مامأذية، احد ليش تردون تأذوني افتحولي، الباب

مااجاني رد

رفعت راسي شفت باب ،رفيع ،وكفت اتوجهت، اله فتحت، الباب طلع حمام
خابت امالي من جديد ،رجعت ادك بالباب، واعيط ومحد يرد عليه

ظليت اباوع بأنحاء الغرفة عسى، الكة مهرب بس الغرفة كانت مقفلة، حتى شباك مابيها بس واحد صغيررر كلش بالحمام

رجعت للجرباية، راسي موتني وجع، وجوعاانه تمددت ،اون من الوجع وارجف ،من الخوف شراح يسون بية، خاف يعتدون عليه، والقران اقتل نفسي ولا ،احد يمس شرفي

سمعت طكت الباب، فزيت طفرت

جان اشوف نفس، الابنية الي خطفتني حطت صينية مغلفة بالكاع بُسرعه ،وتريد تطلع وانا ،طفرت ركضت وراها بس مالحكتها، طبكت الباب بسرعه

ظليت اضرب بالباب، واصيح بعلو، صوتي .. ولججج نذذذذذلة الله لا يوفقججج ،فتحيلي الباب حيوووانه شمسويتلج لا، اعرفج ولا تعرفيني، ليشششش خطفتيني المسمومة، المسلعمه ،ولله اذا الزمج الا افصم كتوفج، فتحييييي الباب، حقيرررة ،من الله ياخذ روحج وروح، اشكالج القذرة

ضربت الباب برجلي، وكعدت بلكاع حطيت ايدي ع راسي ورجعت ابجي واشهك بصوت وكلما تجي، فكرة انو يأذوني ارجع انهار وادعي، لربي يخلصني منهم

،رفعت راسي، مسحت عيوني وباوعت للصينيه، بيها مشاوي ومغلفه ،دفعته بيدي

ودرت وجهي شوية، ورجعت باوعتلها بجوع

تقربت منها فتحتها ،وكمت اكل ودموعي تختلط وية كل لكمه احطها، بحلكي

خلصت لفيت ،الغلاف ع اكل البقه وحطيتها، ع صفحه حسيت، جسمي استند رجعت باوعت بأركان الغرفه وكعت عيني، ع مكتبة وجان بيها كتاب وكفت مقابيل المكتبة سحبت ،الكتاب جان يخص"التمنيه بشرية "

فتحت اول صفحه مكتوب

ليس عندي موهبة خاصه......انه مجرد فضول !

"البرت انيشتاين"

الفصل الاول"كيف يرى كل منا، العالم من حوله"
حينَ خرجنا، الى هذا العالم كانتَ ،عقولنا فارغة كقُرص، كمبيوتر صلب لم، توضع بيه معلومة واحدة بعد .... بمضي الايام يخزن، هذا القرص الصلب معلومات من العالم، الخارجي....... من الوالدين..المدرسة..المجتمع...وسائل الاعلام.....الاصدقاء

ومن تجاربنا الشخصية

هذه المعلومات، التي يتم، تخزينها (حتى ،اخر يوم في حياتك) قوم بيرمجة عقلك ،كي يرى العالم بطريقة، معينه

ماريد اقولة لك هو
انتَ ترى لعالم، في ضوء ،برمجتك السابقه

في ضوء تجاربكَ، الشخصية التي مرت في ،حياتكَ
كي اقرُب لك الفكرة، دعني اسألك سؤال

كيف تنضر للمرأة، المدخنه؟

للاجابه عن هذه السؤال يعتمد، بالاساس ع الشخصيات التي تعرفت، عليها انتَ في حياتك.....وهذه البرمجه ،هي من تحدد نضرتك، لهذه المرأة......فلو كانت امك، مدخنه فستتقبل الامر ببساطة ...اما لو كنت ،من عائلة محافظة
فستجد هذا الموضوع خارج تمامأ ،عن حدود الاحترام ،نضرتك للعالم صنعاها، تجاربك الشخصية ...هل فهمت، مااعنيه؟

تجاربك الشخصية، هي من تحدد لك ماهو، الخطأ وما هو الصح ماهو ،الجيد وماهو السيئ ،وماهو المناسب والغير مناسب

باوعت للكتاب وشمرته، ع مكتبه مالي خلك هاي سوالف ،رجعت تمددت ع جرباية، وافكر شراح يسون بية ومنو ذولة ،خايفه كلش خايفه اول ،مرة اخاف هيج

ظليت لليل كلة ،ابجي وافكر ،انُ ليش الله سبحانه مدايستجيب لدعائي، ويعذبني بدنيتي، معقولة غاضب عليه ساعه، اسب ابوي بحركة كلب وساعه اعاتب، امُي لان عافتني، وساعه احاجي نفسي،لمن عيوني اخذتهم النوم

ثاني يوم اسمع صوت ،عصافير فتحت عيوني عبالي المكان مهجور

كمت ع حيلي وكفت، يم الباب دكيته وتوسلت الهم يفتحوا الي بس ماكو ،احد يرد عليه

دخلت للحمام سحبت الطبله وصعدت عليها خررب غير الشباك عالي فتحته ومديت ايدي كمشت بالحدايد ورفعت نفسي باوعت للمكان مثل ماتوقعت مو مهجور لكن داخل منطقه هادئه وسكانها قليل

كمت أصيح .. اكووو احدد هنايةةة اني مخطوفه عفيههه اذا احد يسمعني خلي يساعدني ساعددددونيييي اني مخطوفه

خرب حضي ماكو احد شلون بيه تعبت من الوكفه هيج ردت انزل بس اني مرتفعه عن الكاع كلش
عزه بس اهد الشباج كبل اتكسر

حاولت ازحزح بروحي وطفرت بعيد عن الطبله بس غير وجعتني رجلي لأن الطفره بعيده
طلعت من الحمام وبقيت واكفه بالغرفه صافنه شسوي

درت وجهي شفت، الاكل مال البارحه ماهو واكو بدالة صينية بيهة كيمر عرب، وعسل وفوارة مال جاي

عرفت فاتحين الباب بدون ماحس
رفست الباب بحركت ،كلب ورجعت اصيح .. فتحولي الباب ،حسبي الله ونعم الوكيل، تقشمروني بالسم الجاي تدزونه، الله لا يوفقكم، وعسى حوبتي ماتتعداكم

حسيت نفسي، احجي وية الحايط لان محد يرد عليه
كمت فتحت الباب مال ،حمام غسلت وفتحت شعري نكعته بالمغسلة، وطلعت ينكط وراي

من الجوع كعدت اكل، واحس تعب بجسمي، فضيع مو مال نوم ،اريد اسبح واغير ملابسي، وامشط شعري وارتاح ،احس الهدوم ثكال عليه وهمي اثكل منهم

اكلت ،لكمتين سندت ،نفسي بيهم

رجعت باوعت بأنحاء الغرفة فارغه، بس المكتبة وكرسي والجرباية، واكو بالحايط، سبلت

صفيت ضهري، وية الحايط واحتضنت وجهي
بألم......بقهر.....بـيتم......بتعب...بوحدة

ضليت ع هل وضعيه ساعه، اتمدد بالكاع ساعه احتضن، وجهي ساعه، ابجي وماعرف دنية، ضهر المغرب ماعرف

لمن حسيت بالباب، انفتح بس بدون، صوت ندفعت صينية اكل ونقفل، تخبلت جنيتتتت ديحسسوني حيون ينطونه ،علف ويسكتوا

كسرت الباب ،تكسر كلبت المكتبة جانت، خشب تكسرت تكسر كمشت، الكتاب شكيته ،بالنص صارت كل ورقة بمكان ،تعبت تعبت كلش ،وكعت بالكاع صرت، ابجي بأنهيار وجع

ليشش ربيي ،هيج ليش بعمررري ماكتلك ليش خليتني يتيمة وبعمري، ماكتلك ليش خليتني وحيدة وبعمري ماكتلك، كلمة ليش بس اليوم اريد اكلك ليششش ،تعبتتتت ربي الدنيا هدت حيلي ،مارايد تاخذ عمري ،ليش شتريدني بعد اشوف من اذية

عسى حوبتيييي ،ماتتعداكم عسى نار جهنم، تحركم واحد واحد، تعبت ظليت متمددة بلكاع، واناشغ

حرب وأسلحه وانفجارات ودم، وانا بثوب ابيض وجهي متكشط ،وكلة طين واكفة بنص كبه الامام الكاظم عليه السلام ،وجان يطلع شخص ،رفع سلاح بوجهي وضرب، طلقه بنص كصتي ،بس ماطلع دم

شهكت فزيت وجهي، عركان وايدي ترجف تذكرت، هذه حلم استرخيت ،باوعت لانحاء الغرفه نفس الهوسة ،بس لفتت نظري جنطه متوسطة الكبر

كمت ع حيلي فتحتها جان الكة ملابس

تنهدت وطلعت لبسه ،طبيت للحمام غسلت بتعب وبدلت جان تراك بيتي، بي كبر عليه بس، ارتاحيت احسن من البنطرون والبدي، الجانن خانكاتني

وكفت انشف، بشعري دورت بين، الغراض ع مشط مالكيت فـ ضفرته كبل ،وكعدت بنص الهوسة

ظليت اباوع للوضعيه ،بتعب لمن انتبهت لورقة من الاوراق مال الكتاب الي شككته

رفعتها وضليت اقرأ بيها

مهما قست الضروف، لا تفقد شعورك بالايمان ..او بالامل او بالحب .. اسمح لنفسك، بالمجازفة .. اسمح لنفسك، بالمخاطرة .. سترتكب الاخطاء، مهما حاولت واحياناً، لا يمكن ان تنجب لذلك لكن تعلم ،من اخطائك اسمح لنفسك بأن، تحيا .. اسمح لنفسك بأن تكون، حراً .. احُب ،نفسك .. واحُب ،من انت .. واحُب الجميع .. وقدر دروس ،الحياة ع طول الطريق .

خلصت الورقة كلبتها، الصفحه الثانية فارغه بس جان بيها رسم طريق طويل، وشخص متمسك بحبال ويتقدم، نحو الامام

عفست الورقة بيدي وشمرتها ،ورجعت ليورة ورجيت راسي ع جرباية ،عرفت نيتهم مايردون يأذوني بس شنو ،يردون ماعرف

.......
في مكان اخر.....
عدى يوم كامل، ع فقدان رواسن، ونرجس كلساع تتصل عليه تريد اخبار عنها، ونجوى تروح يُمنى وترجع يُسرى

وكلساع تتصل ،ع فلان ومتوترة ومرت يومين وماكو حس لرواسن
انا شبعت بواجي، لا ليلي ليلي ..
ولا نهاري نهار، رواسن مو بس بت خالتي ..
رواسن اختي وروحي، من الدنية وسندي الوحيده
الي وكفتلي، بحياتي صارتلي ،ام واخت واكثر فقدانها، اخذ حيلي كلت، لنجوى تقدم شكوى، بس ماتقبل وتعاركت وياها، وضربتني ورادت تطردني، من البيت بس توسلت، بيها
يالله خلتني، لان اذا اطلع من بيتها
حلم اسمع، خبر عن رواسن

لمن ثالث يوم، انا كاعدة ع كرويته ،وايدي ع راسي طلعت نجوى، من غرفتها وكالتلي .. ميسم ،كومي وياي بسرعه بس المكان، الي راح ندخله اذا حجيتي بي الاحد اموتج، ولله

فتحت عيوني وكلتلها .. ويننن ماخذتني، ماروح لمكان

جان تلبس جنطتها ،وتنتر بيه .. ميسم مو،وقت طناكيرج امشييي، غير ادور ع رواسن

تقربت منها .. ليش تندلين مكان، رواسن

هزت راسها بـ لا وكالت .. شاكة ،بشخـص

عكدت حواجبي ،وكلتلها .. منو هو وشنو يريد، من رواسن

زمخت بيه بصوت .. كااافي حجي، جزعتيني امشييي

سكتت سحبت جنطتي ،وطلعت وراها وقفت تكسي وكالتلة تاخذنه، ألمنطقه راقيه ومعروفه، بغداد ظليت فاتحه حلكي هاي وين تريد تاخذنه ،ظلت توصفلة البيت

لمن وكفت السيارة كبال بيت ،كبيرررر وجميل بمعنى الكلمة نزلنه من السيارة وكفنه، كبال سياج جانوا
واكفين بمقدمة السياج حرس

كالت نجوى لواحد، منهم .. سيد بهاء الدين هنا؟

عدل وكفته وكال .. منو ،حضرتج

جات ترد نجوى .. اريد، احجي ويا

رفع حواجبه، وكال .. وبصفتج منو تحجين، ويا

تنهدت وردت .. عندي ويا علاقه ،سطحية ومعرفه قديمة وحالياً واكعه، بشدة واريد يوكفلي

جان يباوع للحرس الي بصفه وهز راسه اله
فتح السياج وطب ظلينه واكفين، خمس دقايق

جان يطلع الحارس ،وكال .. تفضلوا

طبينه انا ونجوى اباوع بداية البيت، حديقه جداً كبيررر ومصفوفه ع صفحه، سيارة حديثه

عبرنه الحديقه ودخلنه بمكان، خارج البيت اشبه بالاستقبال .. قنفات بالون ،النيلي الغامق وثريات كبار المكان ،عبارة عن فخامة

همست النجوى .. ولجج وين ،ماخذتنه بيت منو هذا عبالك بيت رئيس وزراء

جان تكرصني وهمست .. سوي نفسج ،طبببيعية لا تفضحينة عبالك مشايفه

مسحت الكرصة، ورجعت همست .. نجوى ، انا خايفه

ردت بصوت ناصي .. اشش صوت ،رجلين يمكن اجة

نفتح الباب وطب واحد بيدة، صينية قدم كهوة وياها كاسات مي ،انا بس شربت مي اما نجوى ،عبالك بيت الخلفوها تشرب كهوة وماخذه راحتها

هزيت ايدي بستهزاء وظليت، اباوع بانحاء المكان
رُبع ساعه، ونفتح الباب وانصدمت ،من الي شفته كبالي ،دخل الرجال ،نفسه ابن عم الولد الي تحرش بيه ،اباوع لبسة وعطرة وساعته ،ومحبسة الي بي شذرة نوع من العقيق كل شي بي، يدل ع الوسامه
ولكن وجه بي نوع من البرود، سلم بصوت عالي ممزوج ،بالبحه الرجولية

-السلام عليكم

جان توكف نجوى، وردت السلام .. وعليكم والسلام شلونك، سيد بهاء الدين

هز راسه ورد، ببرود .. اهلاً بيج وبلي جاي ،وياج تفضلي

انا من كامت نجوى، كمت وياها ومن كاللهة تفضلي كعدت، وياها بس مانطقت، ولا حرف

وجان تبدي نجوى، بالكلام .. سيد بهاء انا ،صارلي ثلاثة ايام كلبي يم بنت، اختي ريح كلبي وكلي عندك بالي يمها، ولله راح اموت من القلق النفسي

باوعلها برود وتقرب من الطاولة ،حط ايدة عليها وميل راسه وكال، بهدوء .. وان كتلج عندي، راح يفرق عندج شيء !

دنكت راسها نجوى، ورجعت كالتله .. شلون ماتفرق عندي سيد بهاء هاي ،بت اختي من دمي ولحمي

ابتسم بستهزاء، ورفع طرف حاجب وكال .. هه، بت اختج !

جان تبلع ريكها نجوى وباوعتلي ورجعت باوعتله وكالتلي .. اا اي سيدي، بت اختي

هر راسه وكال .. سامعه بهذا المثل " المية تكذب الغطاس" ينطبق عليج

مسحت وجها حسيتها توترة وكوة شادة، اعصابها جان تكلة .. سيدد بهااء رواسن ،عندك

ثبت نظرة عليها وكال بصوت عالي .. من تحجي احجي عدل مااحب، صيغة الامر
واذا هيج ميته ،ع بت اختج روحي دوريها ،شوفيها وين ،واضافةً لا تعودين رجلج ع هذا البيت ،لا يصير دفانج ،فكري بكلامي زين وبطلي، مثاليات لان تضرج

وانتهى الكلام راح يرافقج، الحارس لباب البيت و مثل مادخلتيلة، راح طلعين منه وهاي المرة بسلام فـ حافظي ع حياتج، السليمة افضل
ونقر بأصبعه ع طاولة بهدوء وكف، حط ايدي بجيوب البنطرون وطلع ،وجان يجي الحارس ،اخذنه وصلنه لباب البيت

وكفت نجوى تكسي، وطول الطريق صافنه وماحجت ولا حرف هل معقولة، خافت من تهديدة لو اكو سالفه براسها ،وصلنه لبيتها اول مادخلنه، كلتلها .. نجوى رواسن واضح عنده

هزت راسها وكالت .. اعرف ومتأكدة، مية بـ مية

-لعد خلي نشتكي ،عليه

باوعتلي بخزرة وكالت .. انتِ مخبلة ،لو بعقلج هذا يشمرج، ورة الشمس

نترت بيها، بصوت عالي .. وطبه طوووب داكلج رواسن ،عنددده

جان تمشر الجنطه، وعاطت بوجهي .. وشنو بيدينه ميسم، هذا مو اي واحد، هذااا بهاء الـدين  يسحكنه برجليه

رجعت عطت،بيها .. و رواسنننننن

مسحت وجها ،وكالت .. تستااااهل هاي، الرعنه خلي تفيدها الوكاحه كلتلهاااا، لا تحطيييين راسج بررراسه خلييي شيسوي ،براحته لمن يملللل، ويعوفججج بس عاندت الا تجيب المشاكل، لنفسها

كعدت ع كرويته وكلتلها .. وهسة شنوووو، نسكت

خلت شعرها، ورة اذنها وكالت .. لعد شنسوي اكيد ماراح ،يأذيها

ضربت الطاولة برجلي، وكلتلها .. شمدريججج يمكن يريد يإذيها لان رفعت، سلاح بوجهة

مسحت وجها ،وردت .. ماعرف بس اكيد، مايأذيها علمود هاي الشغلة هذا تلكي، رايد منها شي

ركزت وياها، وكلتلها .. وشنو ،الشيء

تنهدت، وكالت .. ماعرف

سحبت جنطتي، وكلتلها .. انا راح اشتكي ،وانتِ ضلي هنا

باوعتلي وردت، بهدوء .. اذا اشتكيتي ،يأذيها ويأذيني ويأذيج

هزيت راسي ،ورديت .. خلي، انا قابلة

هزت راسها ،وكالت .. طبج طوب ،الشكوى تصير بأسمج خلي يسحلج، سحلة الجلاب

عفتها وطلعت الدنيا طافيه بعيني ،اهم شي اريد اخلص رواسن من هذا ،رحت كبل لمركز الشرطة ماعندي غير هاي الطريقة

،،،،،،،،،

مر اسبوع كامل وانا بهذا، المكان يستغلون وقت نومتي ويجيبون اكل، وملابس واحتياجات
كمت احاول اظل كاعدة، حتى اصيدهم بس ماعرف شلون يعرفوني نايمة

مليت من البجي والصياح، والتوسل ومحد يرد عليه كأنما حيوان يحجي، وحده

الغرفه سويتها عبارة، عن هوسة الكتاب الي ،مشككته والمكتبة الي كسرتها ،وكلما يطكن طناكيري ،ارجع اسوي الكتاب اوراق صغار، لان وين اروح لو اقرأ بي لو اشككه

لحد ما مرة من المرات سويت نفسي، نايمة تقريباً ساعه كامل .. وجان اسمع فتحت، الباب وطبن اثنين بنات وحدة بيدها اكل ولثانية، تحط علاكة غراض ع مكتب ويمشن بحذر، حتى لا اكعد

باوعت للباب مفتوح وانا،سويتها طفرة، رادت تكمشني وحدة بس دفعتها،وكعت بالكاع والثانية فاهية صلختها براجدي نيمتها بصف ،هذيج ،وصلت للباب وجان يوكفون بوجهي ،اثنين لابسين ،قوط سود وبأحزمتهم اسلحه ، دفعت واحد داريد، اطلع جان يكمشني البنات الاثنين وانا كمت ارفس بيهن، واعيط ابد ماكدرلي طبكتهن راس براس

لمن حط واحد وصلة، ع خشمي بدون مايلمسني دخت حاولت، اقاومه رفسته بطنه ،بس بعدين ماحسيت غير، ضباب وكعت بنصهم

ماعرف شكد ظليت، ع هل حالة احس بين الكاعدة والنايمة وريحه ،بودرة هاي الي يحطوها ع خشمي تسطرني سطر

لمن حسيت بأيد، تمسد، ع شعري فتحت عيوني كمت اباوع بغواش، ولعبان نفس مو طبيعي، شفت نفس الشكل الغاضب، نفس النظرة الحادة بعيونه عرفته رغم شايفته بس ،مرة وحدة

كحيت وصارت توضح، الصور بعيوني من شافني كعدت شد ايدة ،ع شعري بغضب وهمس .. صلفه و وكحه ،ماينكدرلج

عدلت كعدتي ولازمة راسي، بوجع وكمت احجي بثكل كوه اجر الكلمة .. شتررررريد ،منيي الله ياخذك، يعني مااخلص منككك

وكف عدل بوتينة، وكال .. تؤ تعودي عليه، وبطلي مشاكسات شوية، لا تخليني اغير ،معاملتي وياج

ضربت الجرباية، بطرف ايدي وعطت .. شتغيرررر حيوووان شتغير طلعني منا لا
بعدني مامكملة حجي، وكمش حلكي بيدة ،ضغط عليه وكال .. لسااااانج اخر مرة اسمعج، تغلطين مرة ثانية اكصه ،واخلي بيدج

دفعني ورفع رجله ع جربايه، عدل قيطانه وباوعلي بخزرة، ودار وجهة دايطلع وانا كمت اصيح ورا وركضت عسريع ،اريد اطلع جان يسد الباب بوجهي

كمت اعيط واملخ بنفسي، واضرب بالباب واغلط عليه وعلى نفسي وع ابوية، وماخليت واحد ماغلطت عليه

انهاريت ع نفسي بالضرب، اريد اموت واخلص
.. و مثل كل مرة، ظليت يم الباب اون
واضرب ،بي وساعه اتوسللهم يفتحونه وساعه اسب بيهم

لمن نمت شوية ،وفزيت بردانه وسن يطك بسن
وجسمي متكسررر و،نحوول مو طبيعي

كمت للجرباية تغطيت ،وارعش من البرد
رجليه احسهن، قطع ثلج

ظليت ارجف لمن ،عيوني عم عليها، السواد .. وبعد ماحسيت بشيء
...

بـهـاء الـديـن .. أملَ أن انسىَ ماضيَ ،طفوليَ مُحىَ حياتيَ بالكاملَ، أصَبحت أنسان بائسَ، قاسيِ أنانيَ ارىَ ألناس بعيني، كـشياطينَ أي يُعقل هذا؟
لا أستطيعَ، تحمُل ذاتيِ
لا أستطيعَ نسيانَ ،تُلك النظرات
ولا أستطيعَ ،البكاء أيضاً!
أنسان جـامدَ يُأذي ألمقابل، حتى يرضىَ نفسُه
مابيديِ، أنا ألناس تراني ظالمَ
وعائلتيَ تراني، مظلوم
وأنا أنظر للنفسيِ ،كـ ضحيه بلاني الله فيها
أما كُيف ستنظرَ ليِ ،تُلك ألمرأة إلتي أصبحت صراعاً بين قلبي وعقلي
هل ستّقبلنُي ،بعيوبيَ
هل ستّقبلني، بماضيَ
هل ستّقبلُني بما يقول، الناس عنيَ
ام ماذا؟

#بقلمي

كاعد كبال الابتوب، صافن عليها .. طول، اليوم ماكامت من فراشها ،ولا صاحت ولا عاركت، شبيها ليش خانسة ،قلقتني عليها

ظليت كاعد منتظرها ،تكوم اريد اطمئن ،عليها حتى اطلع لان عندي شغل ،بس ماكو توقعت متقصدة تسوي هيج حتى ينفتح الباب مثل كل مرة

بس ماكدرت اغلس ،قلقتني ،رجعت الكرسي ليورة سحبت الموبايل، خابرت وكتلة

افتح الباب خلي، البنات يشوفنها شبيها ،ولا تخلي مفتوح لا اقفلة، لمن يدكن البنات الباب يالله تفتحة انتبهو اوفتحوا ،عيونكم زين

،،،،،،حاضر سيدي

رديت كتله .. بس يجن ،البنات دك عليه
سديت الموبايل، وشويه واتصل
رديت وظليت منتظر طلعت البنات ،شوية وجان يكول .. سيدي البنات ،يكولن صايرة جمر وتهذي

طفرت من مكاني، كتلة .. اقفل الباب عليها، انا جاي

كمت عسريع سحبت ،سويج السيارة وطلعت، قفلت البيت وصعدت بالسيارة ،مريت بالبداية للصيدلة

اخذت احتياجات ،خافظ حرارة ومقياس ،ولاصقات
ورحتلها

رواسن .. برودة بجسمي ،مو طبيعية اسناني طك سن بسن ايدي، ورجلي ترجف
جنت بين الكاعدة، والنايمة
حسيت بنفس البنات الي، يدوم يجن

وحدة وخرت الديباج والثانية، لزمت كصتي وشهكت

-عززا ولج هاي مصخنة، لا تنشمر

ردت الثانيه .. امشي نطلع، خلي الحارس يكول لسيد بهاء

بعدها غطني وطلعن وانا عيوني، رجعت تطبك ،لمن حسيت برودة قوية ع وجهي، شهكت وفتحت عيوني

جان اشوفه كاعدة مقابيلي، وايدة ع كصتي حطيت ايدي ع ،كصتي لكيت حاطلي، لاصقات حرارة، ردت اشيلها، جان يكمش ايدي حيل، وخرها رجعت رفعتها جان، يصيح بيه .. كافييي عناد عناد، عنااااد حتى وانتِ مريضة

خنست ،نوب رفعت عيوني ،باوعتلة بتعب
وكتلة .. بردانه

جان تتحول نظراته من، غضب الى حنية
وكف سحب البطانية الثاني، وغطاني
هدئت شوية ،ردت ارجع انام جان يفززني صوته ،كلش عالي رغم يحجي طبيعي .. كعدي اكلي حتى انطيج، علاج

رديت بنترة .. ماريد

هز راسه ورد، ببرود .. مو على، مزاجج

فتحت عيوني حيل وكتله بصوت عالي .. لا بكيفي وبمزاجي مو، تقتل القتيل وتمشي ،بجنازته

هز راسه وكال .. انتِ مايمشي، وياج العيني ،واغاتي

جان يكوم يطلع ،عبالي راح بعد مايجي، ماحس غير شوية وفتح الباب وطب ،كومني بنترة وبيدة حبل ثخين ،دفعته بس جان اقوة مني شد ،ايدي ليورة وعدل كعدتي غصب عني

حاولت اقاومة بس، لا جسمي يكدر خدران من الصخونه
ولا لساني يكدر ،جد كلش تعبت ومنا ،المرض سطرني سطر فـ رضختلة

كام يوكلني شوربة ،اكل لكمتين وتعقدت ،اريد احرك ايدي كتلة .. افتح ايدي

باوعلي ومارد، رجع ديريد يوكلني درت وجهي

جان يكمش فكي، حيل بيدة حسيتة راح ينكسر دارني وحط ،الخاشوكة بحلكي غصب

باوعتله بخزرة وجان يرد، الخزرة بعيونه الخضر خنست ودنكت ،عيوني ولله تخوف خزرة، اهل العيون الخضر

ظل يوكلني، لمن شبعت كتلة بعد ماريد بس، ولا اهتملي رجع يوكلني، لمن همست بهدوء .. ولله شبعت ماريد

باوعلي ،وهز راسه ،حط الشوربة ع ميز، وسحب شراب خبطة وفتحه حط ،بخاشوكة وقربها، لحلكي شربتها ،وكشت نفسي من كد ما مر كتلة .. انطيني مي

رد ، وهو يسد بالشراب .. مايصير خلي، الدوة يستقر بمعدتج

شفته دار وجهة، وسحب شراب، ثاني كتله .. بس لا حتنطيني ،ثاني

هز راسه وكال .. اخر واحد

كتله .. لاا ماريدد، هاهيه هسه اصير زينه

مارد عليه عبالك، يكلي رأئيج مو مهم فتح الشرب الثاني حط ،بالخاشوكة وقربة لحلكي كتله .. ماااريد مااخذ ولله، هسه اتقيئ من المرورة

غمض عيونه، ورجع باوعلي وكال .. اخذي، بالفرولة مو مر

بعدت وجهي ليورة ،وكتله .. هسه يطلع، بس مظاهر

هز راسه بـ لا وكال .. اكبر غلط، تهتمين للمظاهر اشربي وحكمي

ظليت دايرة وجهي جان يزمخ بيه .. يلااا مو، احجي وياج

تأفأفت وشربته صدك، جان حلو كلش

خمس دقايق وقرب الكاسة، مال المي الحلكي
كتلة .. افتح ايدي انا اشرب، ترة مو وضعيه هاي

رفع حواجبه وكال .. تؤ انتِ مو امان ،وانا مالي خلكج من اطلع، افك ايدج

طنكرت ماشرب المي جان، يرفع جتوفه بمعنى بكيفج

وكف ذب الكراتين مال ،الدوة بالسلة الصغيرة

ورجع كعد حط ايدة ع كصتي، تنهد بعدها ،حارة نوب جاب المقياس حطة بحلكي، وانا كوه متحملة الوضعية ،و عيني ع مي صدك عطشانه والدوه بعده بحلكي كتله .. انطيني مي

سحب الكاسة وانطاني ،شربت ورجعها لمكانه
وكال .. تمددي خلي اخلي، الاصقات

كتله .. شلون، اتمدد فكي ايدي شبيك ولله ماسوي شي

مارد عليه وخر الديباج، وسحب رجليه ومددني وانا طنكرت والدمعة بطرف عيني ،مذلة بالقرأن مذلة

ظل يسويلي، لاصقات وانا، من شربت العلاج واكلت ارتاحيت فـ بدون مادري، غفيت

مادري شكد نمت وجان احس بحروره، تكفخ بوجهي فتحت عيوني شفتة، حاط وجهة بوجهي ويتنفس سريع
ماحس غير باسني بهدوء وبسرعه، تحولت بغضب
اريد ادفعه تذكرت ايدي مشدودة ،فـ بسرعه دفعته برجلي طفر، هو وكأنما حس ع نفسه ،وكف يمسح بوجهة وانا اعيط عليه، من كل كلبي

.. نذذذذل حيوووان ،انتَ ماتخاااف الله، شلوون شلوووون تسويهااا ،فكككك ايدي، فكككككها

حط ايده ع حلكة يأشرلي، اسكت وكال .. اش اشش مادري بنفسي، بعد ماتتكرر

رجعت عطت بصوت .. أفتح ايدي بسرعه ،افتحهااااا
تقرب فتحها وانا وكفت، دفعته حيل ،وصحت بوجهة

طلعنيييي منااا كااافي لعبتها لنفسي صارلي سبوعين هناية شتررريد، منييي كاافي ،باوعلي وحط ايدة بجيوبة هز راسة، وتقدم يريد يطلع

ركضت قبلة وكفت ورة الباب وكتلة .. رجلي ،ع رجلك طلعني منا وبعد ،لا تشوفني وجهك

مسح وجهة وحجه ببرود .. امشي، كعدي ماريد استخدم وياج، اسلوب ثاني

عطت بوجهة .. ماكوووو كعدي، طلعنيييي منا
لااا تشووف نفسك عليه اذا انتَ
"بـهاء الـدين المـجيد "

فـ انا رواسـن عثمان غانم
الي قبلك ماكدرولي، مو تجي انتَ تفرض، نفسك عليه
وتحاول ،تقيدني خوش

باوعلي بهدوء ورافع تك، حاجب ومشة سحب الكرسي وكعد بالعكس ،سحب جكارة وصار يدخن ويباوعلي، واحد يتحدى الثاني، بنظراته انا اباوعله بمعنى اطلع وغصباً عنك وهو يقابلني بنظرة باردة بمعنى ماتطلعين، تعودي ع هذا الوضع

من شافني مُصرة ع موقفي ،ومكابلة، الباب مااوخر عنه طفة الجكارة، واجة بأتجاهي، صار مقابلي ،دنك عليه وصار وجهة بوجهي ،حط ايدة بجيوبة ابدد ماركزت بهاي الحركة ولا، عرفت نيته الكشرة

ماحس غير بحركة، سريعه سحب ،وصلة من جيبة كمش راسي حيل وحط ،الوصله ع خشمي بالبداية قاومته وضربته مرتين ،ع ايده بس بعدين مثل كل مرة ضعفت ودخت، حيل ردت اوكع حط ايدة ورة ضهري، وشالني ضربته ع صدرة وكوه ،نطقت وكتلة
حيوووان ،وبعدها فقدت
.....
ميسم ..
طلعت من مركز الشرطة، بعد ماقدمت شكوى عليه رجعت، للبيت سألني رجلي وين جنت ،حجيتلة كلشي تخبل شلون مقدمة، هيج شكوى ع هذا الشخص، طلع يعرفه ،انطاني راجدين وكال اتنازلي عن الشكوى، بس انا كتلة لو تذبحني ،مااتنازل ،ضربني ضرب حد الموت، وماتراجعت عن كلمتي لمن تعب، عافني وطلع

ومرت يومين، رحت للمركز اشوف وين ،وصلت الشكوى وجان يكولولي، سقطت الشكوى تخبلت شلوون وليش، مايقبلون يجاوبوني

سويت عركة شكبرها ،بالمركز لان عرفت سكتوا بالواسطات وصلت السالفة، المدير المركز لان فضحتهم فضيحه اجه، المدير طلبني للمكتب، مالته دخلت كال تفضلي ،كعدت ع كرسي

جان يكول .. كولي بابا شنو، مشكلتج

كمت ابجي بقهر وكتلة .. عمو انا اريد، اشتكي ع ،واحد خاطف ،بنت خالتي

هز راسه، وكال .. منو هذا؟

مسحت عيوني وكتله .. بـهـاء الـديـن الـمجـيد ال##

تنهد وكال .. شجابج ع، هذا الشخص

كمت اشهك وكتله .. الحظ عمو الحظ

عدل كعدته وكال .. سمعي بنيتي، انا ماكدر اسوي اي شي الا عندج دليل عليه ،بصفتي شنو اروح، اعتقلة بتهمة باطلة

وكفت وكتله .. بس عموو ولله هو، خاطفها حتى اعترف بكلامة

هز راسه وكال .. هذا اخر كلام عندي، الله شاهد بس كالولي وحدة تصيح بنص، المركز اجيت ،افتح قضية عليج بس من شفتج، ابنية صغيرة بكد بتي، تعاطفت وياج ويالله بابا من يصير ،عندج دليل تعاي وناخذلج حقج وحق بنت خالتج

طلعت من المركز خايبة، ودموعي تجري يالله ،شحال رواسن، هسة فشلت انا فشلت بمساعدتها، شسوي شسوووي يالله وكفت شويه اجت بالي فكره اخذت تكسي وطلعت وكفت كبال نفس البيت
مسحت دموعي ورجعت شعري ليوره تقدمت ..

كلت للحارس .. اريد سيد بهاء الدين

باوعلي الحارس من فوك ليجوه بأستهزاء
وكال .. روحي بابا روحي مالنه خلكج ترى طاكتنه الشمس وروحنه طالعه

نترت بي .. وشعليةةةةة اني منو طاكك ع ايدك وكالك اوكف بالشمس صيحي لسيد بهاء لا افضحكم هنا ولله اخزيكم بنص المنطقه

خزرني و رد .. حتى نلفج بجيس ونشمرج ورا البيت

فتحت عيوني ع وسعهن وصحت .. اي مثل ماسويتوا بت خالتي موووو موتوهاااا شسويتوووا بيها جلاب كمت أصيح
وهذا يريد يسكتني مايكدر لمن انفتح الباب عبالي بهاء الدين جان يطلع رجال ورا كلب

تقرب مني كلشي ماحجه بس انطاني موبايل واشرلي احجي همست .. الوو

اجاني صوته .. تردين بت خالتج تبقى سليمه ابتعدي ولا تأثرين عليها لأن ممكن كثرت مشاكلج تضوجني طلقه براسج وبراسها واريح نفسي

شهكت .. لااااا الله عليك لاااا لا تسويلها شي فدوه ارتجاك عوفها شتريد منها ولله مو قصدها ترفع السلاح بوجهك بسببي صار كل هذا بسببي انتقم مني اني اخطفني اني اقتلني اني بس عوفها ولله مالها ذنب بشي

همس .. ششش الي عليه كلته والباقي يمج

ردت احجي سد الموبايل كمت ابجي بصوت تقرب الرجال أخذ مني الموبايل ورفع رأسه للحرس
وكال .. وصلوها للمكان الي تريده

عطت .. ماريددددددد هي هم عوزهاااا تخطفوني
الله لا يوفقكم مجرمين حقراء

خليت وكمت امشي بالشارع وابجي اخذت تكسي ورحت لبيت نجوى ،نزلت دكيت الباب اكثر من مرة يالله فتحته، اعرف هي هيج يوم تجي تستريح بيتها

فتحت الباب انصدمت من شكلي عبالها علاء ضاربني
بس من حجيتلها كلشي ضلت ساكته صحت .. هسة شلووووون

رفعت كتوفها وكالت .. مابيدي، شي اسوي

نترت بيها .. لاا بيدج امشي، خلي نروح البيته نستفزة ونصور اعترافه ونقدمة للشرطة

انا كلت هيج وهي كامت، تضحك بصوت عاليه

وهزيت ايدها وكالت .. ومن كل عقلج، يخليج طلعين يذبحج ويدفنج بيتة، مو خوفاً منج لا يكدر بسهولة ينطي رشوة ويطير ،دليلج وبغمضة، عين ولج هذولة عائلة من جد واب، روسهم جبيرة بالدولة فنه، اليفك

حلكة وياهم يمحون، اثرة وبذات هذا بهاء ،ماعرف ليش انسان معقد
وبارد بالكلام بس نااااار بالافعال، ابتعدي عنه اشرفلج وانا، اضملج حياة رواسن، اصلاً راح يعيشها، ملكة شايفه هاي الڤلة الي دخلنة ،الها راح يعيشها بيها وشمدريج مايحولها بأسمها، هم لا تخافين ع رواسن، خافي ع نفسج، باجر عكبة راح ،تشوف عينج من رواسن الي تفتر بالشوارع ع شغل، الى رواسن تمشي وراها حماية ،وابصقي بوجهي، اذا ماصار هيج

ظليت ساكته كلامها، فر مخي فر عفتها وطلعت
..........

تكول رواسـن .... ستثكلوني هدوم موته
وكلها رادت مني تخلص
ياهو منكم شاف روحي
وياهو منكم يندل بيا عين طافت
جفـيت وصـــار گلـبي تگول واداي
الســلام يــروش جم دفــان بيـــــه
صار گلبي
زفة طيور النوارس كلش أبيض

هيج انا صرت بعد طعنت #ابوية #عمي #خالتي
بين قوسين (اهلي)

فتحت عيوني بنفس الغرفة، الي صارت سجن الية
عدلت كعدتي شفت، كبالي اكل مسلفن
باوعتله ورجعت ،لنفس نومتي

وروحي اشتهت تسمع، اغنية السعد الحلي (الوكت)

كمت ادندن بصوت

ولانه ولانه يا يمة الوكت ذلة ولانه
ولانه ولانه ويدمعي بلل الهدمي هدمي
ولانه، ولانه لا انت التحب، فركه ولا انه
انه اتلفت شبابي، يايمة شبابي شبابي
بس سوالف بس سوالف ،دخيلك يدولابي
يدولابي ،تلف مكلوبي وين ،ام الي بية

وينج عني يمة هيج، عفتيني بسهولة، شكلتي الروحج من عفتي طفلة بنص ناس مجرمين ،ليش استسلمتي للموت ،ليش مو مثل البنات عندي ام تخاف عليه
تدرين يمة اتمنى، انام بحضنج يكولون حضن الام حنين ،و امان وانا محتاجه الامان

يمة تعبانه اخذني، يمج حبابة ،اريد اشكيلج شسو بية
يمة تعبوني، هضموني، وبجوني
يمة بعمري، ماحسيت بالحنان ،لا منج ولا من ابوية
ليش يمة اذا ربي، مايحبني خلي ياخذني
يمة ابنادم، مارحمني ،ابنية بنص وحوش
تعبت انا، اريد انتحر ،بس اخاف ولله اخاف
اريد حضنج، اريد امممم مثل الناس ،اريد ام تحن وتحس وتخاف عليه
تعبانه كلش تعبانه، يوم، اخذيني يمج لا تعوفيني بنص هاي الوحوش

غفيت وراودني حلم
مغوش

وحدة لابسة اسود وتلطم
ونسوان محاوطاتها، ويواسن بيها
وهي تملخ بروحها، وتصيح
ربيييييي امانتك، هاي ربييي
صياحها خوفني
ختلت ورة الباب واباوعلها

وجان واحد، يحط ايدة ع كتفي سحبني
وانا مشيت ويا ،جان تصيحني بصوت عالي

رواسننننن

ردت ادور وجهي عليها، جان يسحبني نفس الشخص
حيل وجان ترجع ،تصيح رواسنننن

ماحس غير فزيت من الحلم بطفرة ،وكعت من الجرباية ،مسحت وجهي عركانه صفنت شوية منو هاي المرة امُي؟ ؟؟؟
بس مداذكر شكلها زين انا شايفه امُي بس بالصور ،وكفت ع رجلي مخترعه، من الحلم
طبيت للحمام غسلت، وطلعت

باوعت للاكل جعت، سحبت الصينية وفتحت
السيلفون، وكعدت اكل بجوع

وصوت المرة مايروح، من راسي خلصت اكل ،ورجعت تمددت ع جرباية

شوية وراحت عيني، ع اوراق مال الكتاب، الي شلعته محطوط ع مكتبة وكفت، كمشته جان اشوفه مكبوس ،هذا منو اله خلك يجمع، بالاوراق ويكبسهم؟

فتحت اول ورقه جانت مكبوسة بالمكلوبة
باوعت عليهة مكتوب صفحه ٢٦

بداية الورقة "التوازن النفسي "

-من اعلى المراتب، التوازن النفسي، ان لا تسعى لتصحيح ،الظن السيئ بك ،،من اكرمك فأ اكرمه ومن استخف بك ،فأكرم نفسك عنه
الدكتور... ابراهيم فقي

-الانسان يبحث، عن تقدير المجتمع فأذا كان المجتمع يقدر رجال الدين كثر المتدينون وان كان، المجتمع يقدر اللص كثر اللصوص

الدكتور....علي الوردي

حبيت هذني المقتطفين

رجعت الكتاب ،و تمددت وبعدها مر أسبوع كامل ع نفس الوضع وصارلي ،شهر محبوسة هنا
مليت وجزعت من ،كثر مابجي واتوسل بي يطلعني

لمن يوم من الايام، نفتح الباب وانا، كاعدة رفعت راسي شفته بهاء

طب وسد الباب ورا وكال .. شلونها، الاميرة النائمة

هزيت راسي بأستهزاء وكتله .. زينه تكوم ،وتكعد تدعيلك شوكت تلفك الكبور

ابتسم وكال .. تؤ تؤ هاي مامقبولة، منج مو معيشج اميرة بمعنى الكلمة

عدلت كعدتي وكتله .. انا بت ،الرافدين ما متعودة ع عيشة الاميرات متعودة اتعب واعيش نفسي بنفسي

هز راسه وكال .. والنعم، منج

سحب الكرسي وكعد كتلة .. شوكت يخلص، سجني

ابتسم وكال .. من يحقق اليريدة، سجانج

رفعت حواجبي وكتلة .. ها وشيريد، سجاني

مسح وجهة وجاوبني ببرود .. يريدد

عكدت حواجبي ورديت .. شنو يريد؟

جان يرد بهدوء .. مسجونته

خزرته ،ونترت بي .. بلا سوالف، ماصخه شتريد مني

ماجاوبني شمرت، الديباج وكمت صحت
بوجهة .. دكاافي، لعبتها لنفسي احجييييييي شنو تررريد، ترة تعبتني ولله تعبتني، فككك عني ياخه من الساعه، السودة الشفتك بيها

ركضت للباب ضربته ،برجلي حيل وصحت

كللهم خلي يفتحوووووا، كللهممممم ،خرررة بيك وبيهم افتحووووووا ،الباب ،انعل ابوكم لابو الجابكم الله ،لا ينطيكم ان شاءلله

تقربت علي دفعته، حيل واصرخ رجعت ضربته ع صدرة
تخبلت فردور وهو صافن، بوجهي ماحس غير طفة الجكارة بيدي هدئت بسهولة وظليت، صافنه بوجهة

باوعت للحرك البيدي، ورفعت راسي ،باوعتله حسيت صار هدوء بداخلي ،هذا الحرك لچم كلبي لچم
عفته ورحت للسرير ،بهدوء تمددت وغطيت راسي

هو استغرب وكف، فوك راسي وخر الديباج وكال .. كومي ليش، خنستي وين لسانج

مارديت عليه ،ظليت صافنه ،وهو صفن عليه مسح وجهة ،وطلع

من ساعتها انا ضليت، ع هل حالة ماعرف شنو سبب هل هدوء، بس حسيت نفسي، تعبانه تعبت من الصراخ وتعبت، من البجي وتعبت من كل، هل عيشة كلش، تعبت مو شلون ماجان واخر شي ، هدم حيلي بهاء

ظلوا يفتحون الباب بس ينطوني، اكل ويسدوا ويبقى الاكل ع حطيته ظليت، ع هل حالة يومين ماحاطة لكمه بحلكي ،بس متغطية وصافنه جنت قبل من يفتحون الباب ،اهجم عليهم واتعارك وياهم واجزعهم العافية بصوتي

بس هسة ،خنست وتفاجئوا ،من هدوئي

ثالث يوم نفتح الباب طب، هو حط جكايرة وموبايلة ع مكتب وكال .. ليش مجاي تزقنبين

مارديت عليه ،كعد كبالي وانا صافنه، باوع لايدي الحركها ورفع ،راسه باوعلي وهمس .. تأذيج كولي ليش ساكته يوجعج شي احجيي رواسننن لا تضلين ساكته رواسن فكييي حلكج كافي نرفزتيني

رفع الديباج، وسحبني من فانيلتي، حيل ،كام يحاول يحاجيني بس مارد عليه ،ضربني راجدي عفته ورجعت ،تمددت
تخبل ضرب المكتب، دفرة ويريد يرجع عليه يضربني بس تراجع

رفع موبايلة خابر واحد كال .. جيبلي ممرضة، انطيها رشوة شكد ماتريد وجيبها بس، اذا فتحت حلكها طلقة براسها ،وتندفن بصحراء

قفل الموبايل وشمره ع ،مكتب التفت باوعلي تنهد وضرب، الباب برجله

ساعه كاملة هو كاعد ومايحجي وياي، وانا صافنه

ندك الباب واحد كال .. سيدي اجت ،الممرضة

وكف فتح الباب ودخلت ابنية ،لابسة لابكوت وحاطه كمامة مغطية وجهة، كاللهة .. وين باج التمريض؟

طلعتها شافها ورجعها الها كاللها .. نزلي الكمامه

نزلت الكمامه ضل يباوعلها ويباوع للباج  ونوب كاللها .. شوفيها شبيها اكو شي يوجعها

كعدت كبالي كالت .. تعانين ،من مرض محدد يعني بيج سكر او ضغط

مارديت عليها ،رفعت راسها لبهاء باوعتله ودنكت قاست، ضغطي ونوب قاست السكر، وكالت .. مابيها شي

مسح ،وجهة وكال .. زين ليش ،مجاي تحجي

وكفت، وكالت .. متعرضه الصدمه؟

هز راسه وكال .. لنفرض مثلاً، اي شنو علاجهة

جان تكول .. ماعرف ولله لو دكتور ،لو اشخاص مختصين بهذا المجال

تنهد وكال .. عقمي هذة الحرك ،البيدها خاف يلتهب اكثر

رفعت ايديها باوعتلها ،عكدت حاجبها وكالت .. اثر جكارة؟

نتر بيها، بصوت ... مايخصج

جان تخنس عقمت، ايدي وطلعت

وهو باوعلي وكنبص كبالي، همس بهدوء .. احجي شنو تردينه، أمري وعينج تشوف اشري ويصير جوة نعالج بس احجي رواسن

مارديت سكت هو واخذ، موبايلة وغراضه وطلع واسمعه يحجي وياهم .. اذا حجت خابروني ،وخلي وحدة من البنات تنطيها ،اكل خاف تجوع

ردوا عليه .. حاضر سيدي

شوية وطبت، وحدة خلت الاكل، وطلعت وانا ظليت ع وضعيتي اكل مااكل، بس اشرب مي بديت اتخربط

وجهي اصفرر وعيوني، مرهقات وتحتهن سواد

اسبوع كامل بهاء يحاول، وياي احجي او اكل وانا بس صافنه
كام يتوسل، بيه توسل ويحلف، شنو اريده يسويليا بس ارجع لطبيعتي بس انا مارد، عليه صار يعصب وكوه يلزم نفسه مايأذيني

كام يكعدني غصب، يوكلني وعود يستفزني علمود احجي حاول ،وياي بكل طريقة، يطلعني من قوقعتي بس ماكدر لمن فد يوم دخل، وكعد يم راسي

جان يكول .. رواسن، وين امج؟
ماتت لان ،حرموج منها
وبيت عمامج ،جانو موزينين وياج
مرت عمج، تأذيج
ولد عمج يصيحولج ،المخبلة
عشتي عمرج ،كل يوم بيت
وخالتج تطردج من بيتها ،وتضلين بشارع
لو صاحبة الشغل ،جانت تذلج
ليش ،مايردوج

هاي الكلمة مال "ليش ،مايردوج " حييل حزت بداخلي انهاريت كمت ،بقهر ضربته بصدرة

وصرت اصرخ وابجي "طلعت حركت الـ ٧ ايام الي ماحجيت بيهن "

ارتجه ليورة لان دفعته حيل ،نزلت من الجرباية كمت اضرب ع ،صدرة واصرخ .. كااافي اسكتتتتت، كااافي شنووو ذنبي، انا مايردوني ليش تكسررررر، كلبي كاافي شبيدي، ربييي ماقابل ياخذ عمري، شبيدي اميي عافتنييي ،وانا طفلة وابوييي شمرني شمرت الحيوان ،ولا حن عليه عم ولا خالة
وهاي روحي، هيج خضرة من ،الجروح
وياهو اليجي، ينبت سهام بوسط قلبي
انا اريد امووت، تعبتتت تعبتتتت منكم

توقفت عن الصراخ والضرب ،ظل يباوعلي ليش توقفت درت وجهي، ع مكتب باوعت للاسلاح وكمت ركض

ها هنا انا اريد نهاية، حياتي التي لم
ارى منها غير القهر،فقر،ذل، وحدة،ظلم
انتهت كل الرغبه لي ان اعيش
فأن جسدي امتلئة شوقاً الى الموت

#بقلمي

انتضروني في البارتات القادمة

.
.
.
.
.
.
للحكاية بقيه

الكاتبة ...رباب حيدر