🧿🧿🧿🧿🧿🧿
نزله لمحرم الحرام
«««««««»»»»»»
هل محرم والحزن ويانـــه
عيني بدموع الحزن غرگانه
ــــــــــــــــــــــــــــــــــــــــــــــــــــــــــــ
يوم عن يوم احسب العاشورك
والله ناسي العيد وتنه ابيومك
بالگلب مبني الحزن وعيونك
تبقه عين المابچت ندمانه
هل محرم والحزن ويانه
ــــــــــــــــــــــــــــــــــــــــــــــــــــــــــــ
حسين ما ناسيك انت بالگلب
ياظوه عيوني اليظويلي الدرب
احنه ما نسوه بلياكم ترب
ابقى وياك العمر حزنانه
هل محرم والحزن ويانه
ــــــــــــــــــــــــــــــــــــــــــــــــــــــــــــ
كون دنيه وياك نگضيه لطم
من خدمتك ابد ما يوم انحرم
وحزن وياه العقيله ونهضم
واذكر ابيوم المشت حيرانه
هل محرم والحزن ويانه
ــــــــــــــــــــــــــــــــــــــــــــــــــــــــــــ
ابد ما فارگني لا يوم الحزن
عمر حزنانه وضل ويه الزمن
غير الاسود ما لبسنه شنلبسن
نلبس اسود مابقت دنيانه
هل محرم والحزن ويانه
ــــــــــــــــــــــــــــــــــــــــــــــــــــــــــــ
لا يمر عاشور گله لا يمر
تاذي زينب والگلب صاير جمر
بيك مسبيه تظل ام الخدر
بلطم نبقه الچ ديانه
هل محرم والحزن ويانه
ــــــــــــــــــــــــــــــــــــــــــــــــــــــــــــ
تدري من يگرب محرم والمشي
تنزل الخدام للشارع بچي
هلا بزوار الحسين اشما تجي
يلا يا زوار باتو ويانه
هل محرم والحزن ويانه
ــــــــــــــــــــــــــــــــــــــــــــــــــــــــــــ
نبقه نحيه المجالس للابد
خل يهل والمايهل نلطم بعد
كله عاشورك سنيني لو أعد
ما نبطل هذا ظل مسرانه
هل محرم والحزن ويانه