ففيلا أوس فبلجيكا..
واقف قدام المرايا كيقاد شعرو.. رش من عطرو المفضل ودار ساعتو..رفع النظر ديالو جيهتها..جالسا كتلبس حذائها وقفات ماأن انتهت بفستانها القطني الناعم نطقات بصوت أنثوي جذاب
سونا:ساليت
أوس:مزيان
بقا كيتفحصها حتا احمرو خدودها من شدة الخجل..سمعو صوت أوطوات وقفو قدام الفيلا طل من النافذة وترسمات على محياه ابتسامة عريضة
أوس:جا الوقت لي تعرفي فيه على عائلتي
سونا:بصح
أوس:وي تعالي تشوفيهم..وقبل ماننسا صاحبتك غتجي لعندك باش تمشي معانا لمغرب
(خطف قبلة من فمها حاوط خصرها بايدو..نزلو فالدروج وهو كاتم ضحكتو)
سونا:غير طلقها
أوس(بجدية مصطنعة):لا مكنضحكش غير...
(قاطعهم دخول طفل صغير كيجري تلاح على أوس عنقو وهاد الاخير بادلو العناق وهزو ضمو لصدرو)
الطفل:بااابااا
(فلحظة توقف الزمن بالنسبة لنور سين.. صدمة طغات على ملامحها كتمنا تكون غير تخايلات واش أوس عندو ولد)
أوس:حبيب باباه فين غبرتي عليا
الطفل:داتني ماما لروسيا
أوس:وفين هيا دبا
الطفل:هاهيا داخلا
نور سين هزات راسها بانت ليها شابة طايتها خطيرة..محجبة وعينيها عسليين بشرتها بيضا لابسا سروال جينز وتريكو قطني فالغوز بيبي طويل مع بالغين فالبيض وشال بيض ودايرا نظاظر طبيين وهازا صاك صغير فالأسود ومعاها طفل آخر يكون كبر من الأول لابس سيرفيط نوار وسبادري بيضة وكاسكيطة ولكن داير الچبص لايدو..
...:هااااي
أوس(بفرحة):فين كنتي قلبت عليك بزاااف
....:ظروف ابب ولكن تانتا مساهلش تزوجتي بلا متقولها ليا
أوس:راك عارفا وأصلا كلشي جا بالزربة(سلم عليها بلابيز وعنقها وسلم على الولد لاخر)مالك فايدك
الولد2:تهرست
أوس:كيفاش وقع(كيقلب فيه)وشوف وجهك مجروح
الولد1:هههه عرفتي ابابا كان هاز السلاح وفوقت التدريب شافتو ماما هرب هههه ملي بغا ينقز هههه (كيعبر بايديه ووجهو وتيضحك) طاااح..كون تشوف كيف دار تموت بالضحك..ويلييي
الولد2:ششو كذاب انا مهربتش غير ..غير
....:غير اش نتا دايرها قد راسك(شافت فنور سين لي من كترة الصدمة بقات واقفا)بركي احبيبة هادو مغيتقاداوش ليوم
نورسين:احم(بارتباك كتحاول تجمع الحروف) شش.. شكون نتي
...:اووه ديزولي..نسيت مقدمت ليك راسي..انا جهاد(مقالتش وعد) صديقة أوس..وهادا رضى و قيس ولادي
نورسين:احم..وشنو علاقتهم بأوس
جهاد:اجي حدايا نشرح ليك
نورسين(قربات منها باستغراب واضح وهي كتشوف فيها):شنو كديري
جهاد حيدات الشال لاحتو وبان شعرها الذهبي طلقاتو على راحتو..وحيدات لي لونتي وعطات الحرية لزرقة عويناتها..
جهاد:اووف عيت والله وعنكشني هاد التريكو (عطاتها بالظهر)حلي ليا السنسلة
مدات ايديها بنوع من الغضب تجاه حركات جهاد المريبة..ولكن سرعان متحولات لخوف ورهبة قشعريرة سرات مع جسمها..وهادشي بان فملامح وجهها..فمها بدا كيترعد ووجها مشا منو الدم.. مقدراتش تحرك ولا تنطق..كيفاش غتحرك وهي كتشوف الوشم لي نص قوى العالم كتخاف من صاحبو..عقلها توقف..وجميع وظائف جسمها ختل توازنها..دقات قلبها تقدر تسمعهم عن بعد.. داكشي لا إرادي..سمعات على الوهم تاعيات ودرسات القضايا ديالو شحال من مرة تمنات كون خدمات معاه ولى حصل ليها غير شرف توقف بجنبو ديما تخايلاتو شي عميل شاب قوي بعضلات بارزة وذكاء خارق مقدراتش تستوعب بلي الوهم مجرد بنت فنفس سنها..20سنة تقريبا..ملامحها طفولية البراءة كتبان من عينيها..كتبان شخصية ضعيفة مقارنة بداكشي لي سمعات على الوهم كيفاش تقدر أنثى بضعفها دمر رجال شداد..وتفكك خلايا ارهابية..تختارع أسلحة..وتسير شركات بل امبراطوريات..
وهي فعز حيرتها وسكونها..جهاد انساحبات من قدامها قادات حوايجها ودارت اشارة لأوس باش يفيق مرتو من صدمتها..تاجهات لطابق التاني والدراري تابعينها متحتاجش تأمرهم ولا دوي معاهم باش يفهمو ريوسهم..غير بنظرة من عينيها الحادة يفهموها ويعرفو شنو بغات منهم
أوس:نور فين سرحتي
نورسين:شكون هادي..وفين كتعرفها..شنو جابها لهنا.. وشكون داك الولد وعلاش كيعيط ليك بابا(بالغوات) شنو بيناتكم..واش عندك ولد دوي..هاااا
أوس(بحدة):جهاد غير صديقتي وقيس أصلا ماشي ولدها ورضى تاهوا..
نورسين:كذااااب وزيدون علاش جات متنكرة أكيد وراها شي مصيبة..ووو الوشم لي فكتفها
أوس(بقلة حيلة):هانتي غير سمعي..انا غنشرح ليك
نورسين(بنفاذ صبر):كنسمع
أوس:عندي صديق سميتو قيس بنشيد
نورسين:عرفتو هاداك لي مات حيت شعلات العافية فالقصر ديالو ياك
أوس:وي..هو عندو ولد عندو 4سنين وهو اياس وأنا الوصي عليه وولات سميتو قيس يعني خدا سميت باه
نورسين:ممم وشنو علاقتها بيكم
أوس:مرتو لقيس هي صاحبة جهاد وكانت خدامة معاها وقيس عارف بلي تاحد فهاد العالم مغيقدر يحمي قيس من غيرها
نورسين:وضح كتر
أوس:قيس مماتش بسباب العافية وانما تقتل وهي باش تحمي ولدو شعلات العافية فالقصر ووهمات كلشي بلي قيس وولدو ماتو
نورسين:اوا لا راجل مات ولدو مالو
اوس:حيت المافيا لي قتلات قيس باغا تخلص من اياس تاهوا..وحنا تبنيناه باش نهربوه ولا تقدري تقولي غير هي لي تبناتو حيت هو على سميتها واياس لقا عندي حنان الأب داكشي لاش تيعيط ليا بابا..ورضى غير ولد لاقاتنا بيه الظروف وجهاد عتقاتو ومبغاتش تخليه..سميتو روميو..هي بدلات ليه سميتو ودخلاتو لاسلام
نورسين:يعني ختناتو
اوس:وي..ونزيدك معندك مناش تغيري..وأصلا جهاد مزوجه و تتبغي راجلها..
نورسين:ولاش جايا لعندنا
اوس:هي لي غتعاونا باش نرجعو عائلتك و
نورسين(بفرحة):بصح..قولها من الاول(ناضت طايرا لبيت جهاد..في حين بقا اوس كيشوف فهاد المخلوق العجيب باش بلاه الله)
نورسين(حلات الباب بجهد):سلاااام
جهاد:دخلي والمرة الجاية دقي قبل
نور:اوكي تال مرة اخرة..المهم دبا بغيت نسولك(مع نفسها)اووف كيفاش غنجبدمعاها الموضوع
جهاد:دخلي فالموضوع ديريكت بلا مقدمات
نور:هااا(مع نفسها)دبا داك الوشم بصح
جهاد:اييه بصح ودوي معايا متبقايش دوي مع راسك
نور(مع نفسها):واش كتقرا افكاري
جهاد:بحال داكشي
نور😣😣😣
جهاد😊😊😊
نور:شكون نتي
جهاد:الجنرال جهاد الجوهري
نور:متشرفين..ويلي شكديري
جهاد:غنبدل لوك تاعي تابعاني بزاااف دالخدمة
نور:شعرك حرام عليك
جهاد(هازا مقص):الشعر غير اكسيسوار تقدري تحيديه الوقت لي بغيتي(بدات كتقطع شعرها تا وصلاتو لنص فظهرها وجبدات برودويات ديال الصباغة كتخلط فيهم)شنو كنتي باغا تقولي
نور:قاليا اوس غتعونيني باش نرجع عائلتي
جهاد:هههه عائلة سقراط تابعاني تاهنا
نور:كتعرفيهم
جهاد:بحال داكشي..(حسات بمغص وهي تأوه)
نور:مالكي
جهاد(شادا فكرشها):عادي فهاد الفترة يوقع ليا هاكا
نور:كيفاش عادي
جهاد:انا حاملة وعندي شهرين ونص..هههه مبيناش فيا ياك
نور:لا عندك طاي خطيرة
جهاد:غير التدريب
نور(بسذاجة):الصباغة كحلة حرااام
جهاد:لا هادا مارو شوكولا لونو غامق ومغيبينش لي راسين شهبين تسناي تانسالي وشوفي اللون كي غيطلع(تنهدت)نسيت مقلت ليك مبروك
نور(بفرحة):الله يبارك فيك(سمعو صوت خبطة قوية فالما طلو بزوج على البيسين كان فيه قيس)
#بلسان نور..
ملي شفنا الولد وسط البيسين تخلعت شفت فجهاد كانت عاضا على شفيفها بعصبية..وعينيها حمرين.. وحنيكاتها غيطرطقو جمعات النفس حتا تنفخ صدرها البارز وخرجاتها..كتبان سيكسي بزاااف اي راجل غيتمناها..باقا متيقتش بلي هي كتقتل..جلست فالفوطوي وكنراقب حركاتها..جاتني عفوية بزاااف.. وفنفس الوقت كترد البال لأي حركة حداها..اي غرض ولو يكون بسيط كيفما هزاتو كترجعو..عندها داكشي محسوب عبااار..باينا فيها منضابطا بزاااف..حلات شنطة متوسطة..صدمني محتواها..عامرة أسلحة وقفت عند راسها باهتمام بالغ سولتها على نوع الأسلحة لي هازا...جوباتني بثقة واضحة ولمعة فعينيها كتبين مدى حبها وعشقها للأسلحة..
انا:شنو نوع هاد الأسلحة
جهاد:كلاشنكوف عمرك جربتيه
انا:لا ممنوعة راك عارفا المنظمة ماشي قانونية وكنا كنستعملو أسلحة مرخصة دوليا والكلاش راه ممنوع ياإما عند المخابرات ولا فالسوق السوداء
جهاد:اه
انا:شنو الفرق بيناتهم
جهاد:هادو بتلاتة AK47 من نوع كلاشنكوف.. هادا كيهز 30 وهادا 40 وهادا 75
انا(هزيت واحد):وااو تقيل
جهاد:بالعكس ماشي بزاف
انا(جبدت الرصاصة):شحال تكون كتوزن متلا 9
جهاد:خف فيها غير 7.6 غرام
انا:ودبا شخال هي سرعة المدى ديالو
جهاد:عيار الطلقة: 7.62 × 39 ملم والمدى: 750 أو 1000 والطول 869 ملم ولا 876 ملم، 1020 مع الحربة في المقدمة،الوزن 4.3 كلجم.. 3.15 كلجم فارغة، 3.68 جاهزة.وزن الحربة مع الغلاف: 450 جرام.وزن المخزن فارغ: 322 جرام.وزن الرصاصة مع الظرف الفارغ: 16.2 جرام.وزن الرصاصة وحدها: 7.60 جرام.أقصى ضغط على حجرة الانفجار (بيت النار): 2850 كلجم/سم² باقا شي حاجة😐
انا:والسرعة شحال😕
جهاد:السرعة الابتدائية للطلقة: 715 م/ث.قوة الزناد ملي كتسحبيه: 2.750 كلم😥😥
انا:هههه سمحيليا ديرونجيتك
جهاد:خودي راحتك راه غير مشارباش الدوا ومع العيا عيانة شوية
انا:اوكي رتاحي نتي دبا وانا غنعيط ليك مع العشى وعنداك تنساي الصباغة فشعرك