الحلقة 76 jeya 7ala9a .. 9wiiiiiiiiiiya ba3d hedhi..... nal9a tafa3ol nhabat ... sinon a 2m1. . en7iraaaaaaf شويا وقت و راها جاية تمشي بفشلة و بخطوات رزينة ..ضيق عيونو و ثبت فيها شويا ... ملامح وجها لي كانت تضحك من دقايق هما توا مكشبرين ... عرفتوهم آكا الصغار لي تشدهم البكية و ميحبوش يبكو !! هههه ... وجهم يبدا مغصور ... و شفايفهم مقلوبة و مكبوسة ... هههه أي أي ... فتنة كانت حالتها كيفهم ...قربت من الطاولة ... و زياد لمحها و فهمها من غير ما تحكي .. قرب منها يزرب ... و أول ما سألها على حالتها ... دموعها المحصورين خانوها و هبطو ... مريم الساقطة بخصتها و مخلات ما سمعاتها ... أما ما قدرت تقول قدامو حتى كلمة ... و زياد أول ما را دموعها تخلع و قلبو رعش ... قدم منها بزربة ... مسح دموعها لي هابطين على خدها بيدو ... و كمل مسح بيدو الأخرا على شعرها الحرير ... يحاول يهدي فيها ...ااااعععععع و عيون الصقر تراقب فيهم .... يقحرلهم من بعيد ... و هما مش معدلين عليه... يستنا فيها باش ....... تخزرلو حتى بصدفة ... أما شي يحاول يركز مع سي فرحات و مش قادر ... داخل بعضو مش فاهم شي ... يرا كان في زياد لاسقها كيف القرادة و كل شويا يمسح على شعرها و هو فد ... كان جا بجنبهم راهو كسرلو يدو و علقهالو في رقبتو... يحكي معاهم و كل ما يفرغ كاسو يعبيه من جديد... يغلي عالأخر ... كل شويا و هوا ينفخ و يعدي في يدو على وجهو بعصب لدرجة إنو لي قعدين معاه حسو بيه متقلق .. قلب كرسيه من جيهتها باش تبقا عينو عليهم ... و ياريت ما عمل هالعمل ... قرب زياد من فتنة زاد حرقو ... و وترو أكثر و أكثر ...ملا سهرية زرقا تعدت على راسك يا محمود ههههههههه ....الليلة فيسع ما تعدات .. و السهرية أشرفت على أبواب النهاية ...و وصلنا لآخر فقرة فيها و هي فقرة الفنان ملحم زين ..أول ما دخل الناس الكلها فرحو ...و منى و سليم ما قال حد لحد ... منى ولت تصفق و ترصع و سليم بدا يزفر .... هههه فرحو عالأخر و زادو هاجو... ملحم قرب منهم ... سلم عليهم و باركلهم ... خذا المكريفون و رحب بالحضور ... وحكا بااارشا كلام مزيان يعبر بيه على فرحتو بجيتو لهوني و مشاركتو في الفرح ... حكا و حكا و حكا .. و غنى و غنى و غنى و الناس هبلو معاه .. اما خسارة الوقت لحلو فيسع ما يتعدا و وصلو لغناية الختام ... و ملحم كان مختار غناية القفلة بعناية كبيرة .. وقف في المنصة بجنب العرايس و تمنالهم حياة سعيدة و هدالهم الغناية ... حكا جملات قصااااار أما حلوين على الحب و في وسط كلامو قال جملة دغدغت قلب محمود ... - يا حبيبي يا حاوين ...وصلنا هلا لنهاية العرس ... بدي ياكن تسمعو هل الغنية منيح .. هيدي الغنية هي من ألبومي الأخير ... غنية كتير غالية ع قلبي ... كلماتها هي هدية من قلب كل معشوق لقلب معشوقتو ... لي بيإلا و بيأمرا إنو تضلا تضحك لأنا عيونا الحلوين ما خلقو للبكي .. ملحم كمل جملتو و أشر بيدو للفرقة لراحت تعزف في ايقاع الغناية بقوة و بحرفية كبيييرة .. الناس الكلها هجمو للpiste يحبو يرقصو عليها ...و محمود .. آآآآععع.. .. محمود كلمات الغناية هبطت عليه كيف البلسم ... الغيرة عملت عمالها ... و حركت فيه محمود القديم ... هو توا محمود العاشق الطاير و المتحرر من كل شي ... تبسم و هو يسمع في غناية الختام و هي غناية "ضلي ضحكي "" .. https://www.youtube.com/watch?v=FuhVm-0pPBY
ركز مع كلماتها اكثر ... التبسيمة ولت ضحكة عريضة .. بدا يدندن معاها .." ضلي ضحكي... ضلي ضحكي ... عيونك ما خلقت للبكي ... بحطك ع جرحي بيطيب ... ما بيسوا عمري بلاكي " .... حط الكاس .. و توجه لفتنة لي قاعدة مع زياد ...خطفها من يدها و توجه قدم بيها لل piste باش يرقص ....يدو في يدها و يقدم بيها في وسط المدعوين بكل ثبات و قوة ...المدعوين بكلهم كانو يرقصو أما فسحولو المجال ههههه ... سي محمود باش يرقص .. هذا حدث ما يصادفهمش ديما ... وقفها قدامو وهما بكل عيونهم عليهم ... و فتنة مسكينة عرقت من الحشمة ... واقفة و مهبطة راسها و جامدة في مكانها... ههههه عكس محمود لي فرد يديه بدا يتمايل مع الغناية و يغني معاها ... حتى رقصتو رجولية ... هالراجل عذااااب ... حل يديه .. عضلاتو تفصلو .. أكتافو العراض واقفين ... رافع راسو الفوق و مغمض عيونو. .. تبسيمه على شفتو ... واقف يتمليل و باعث الناس الكل ... إخوتو ، نساهم ، أمو ،بوه فامهم محلولين طاقة مش مصدقين لي يراو فية ...#ريما -
ملحم زين - ضلي اضحكي | Melhem Zein - Dalle D7ake
youtube.com
الحقاني .. هذي شخصيتو الحقيقية ....و محمود في هذا الكل ما كان معدل على حد .. يرقص و يغني لفتنة ... كيف يتبسم عيونو الصغار يضياقو أكثر و يولي كيف الولد الصغير ... هوا صحيح ميعرفش يرقص .. هههه أما قاعد يقدم و يوخر في خطوت ساقو و فارد ذراعاتو كيف الصقر ... كيف تلمت العيلة الكل ترقص فتنة ترخفت شوي و بدنها تمايل مع الغناية أما مريم بقت واقفة في نفس المكان ... بدنها جامد ... كأن شكون صب عليها سطل ماء و حست نخزة في قلبها ... عارفة الي جاي مش باش يكون لصالحها#ريما جااااااية حلقة قوييييييييياااااااا ... نلقا تفاعل نهبط