الحلقة 66 جام قبل ما تبدا
- أما تفاوني (طفاوني)... كلمهم إنت مودي .. هما يسمعو تلامك (كلامك). أسمع عيط عليهم ... خوفهم يعني ... أما سويا مس (شويا مش ) ياسر لاهو (راهو )... عيط سويا برك ... ومتكلهميس لزين هي لي كتلي ( و ما تقلهمش لجين هي لي قتلي )- ههههههه ... تهنا يا بنتي ... هاذي مش أول معاملة بينا ... أتو نوريك فيهم .. باسها و جا قايم من الفرش ... و هي شدتو من يدو تتيتم ..- وصلني ميدو .. حتا أنا حب عوم تيفهم ( حتا أنا نحب نعوم كيفهم ) ... لحكني(لحقني) أمان ... - باهي يا للا خليني ندوش و نجي نهزك ... حضر روحك ...-فرحت و في لمح البصر جات واقفة ... حازلا (حاضرة ) أنا ... طبس عليها قدمها من خدها ... و باسها من كرشها ...- ههههه ... يعمبو زينها الشريرة يا ربي ... - منيس سليلة (منيش شريرة ).. - مممممم ... جملة ... تي إنت الشر يسلم عليك و يقلك وينك يا زميلتي ههههه .. لجين ضحكت .. وهو دخل خذا دوش سخون فرشك بيه روحو .. خرج لبس سروال دجين gris ...إسبدري نايك نوار و فيها أشرطة gris يرعب بالذخامة ... pull coll V في ال vert militaire جاه يقهر يا عباد ربي ... سموريتو الفاتحة و حرجو الاكحل .. لحيتو المقيومة ... و بكلهم عملو كوكتال متجانس مع لون ال pull زادوه في وهرتو و زينو ... آآآععععع ... يقتل هالراجل ... زينو و وهرتو ترهوج ..حمل لجين في يدو و هبط بيها الدروج يضحك و عامل جو .. برفانتو وصلت قبلو ... برفان بنييييينة...البنات الجدد لي يخدمو في القصر و جماعت décoration بكلهم باهتين في زينو ... عيونهم تخرج في القلوب. .بدنو عذااااااب ... بدن قوي و مسكل ... طول و عرض مشاء الله على هالطلة و هالزين ...يتغامزو بين بعضهم و يتضيحكو ... و فيهم حتى لي عملت روحها مراتوش و دخلت فيه ... و بعد قتلو بصوت مايع ... " سااامحني مسيو وووه لطف عليك فيا و لا فيك... "هههه ..أما معا شكون جاية .. هههه مع محمود .. طفاها و تعدا كأنها مش موجودة جملة .. لقا حفصية باسها و تعدا باش يفطر في الجنينة ... في لحظة الطاولة تنصبت ... أكا البنيات هابلين من وهرتو .. في لحظة حضرولو فطور قمقوم .. كان يلقاو تو يوكلوه هوما بيديهم .. هو يفطر و هما واقفين يخزرولو .. باش يبكيو أصل .. حاسدين اللقمة لي تتمسلو شفتو .. تيموتو بالغزول من لجين لي لاسقة فيه و قاعدة في حضنو ... لجين قصتلهم بونو .. مررت الفطورو على محمود لي ميت بالجوع .. تحب يوصلها توا توا .. و تلحق عليهم .. و هو فد و قص عالفطورو ... أعطيه بركا يوصلها و يرتاح من تنڨنيڨها ..وصلها للحمام .. وكلم سمر جات خذاتها .. و لجين هبطت من الكرهبة تتبخطر تقولش السلطانة هيام في زمانها هههههه ... ملا شنوا !! ... شكون يقدر يكلمها توا و لا يقلها ربع كلمة ... محمود شخصيا وصلها و وصاهم عليها ... توا يعوموها و فامهم ساكت مالفوق و ... و زادت تحلت أكثر و أكثر كيف وصلها لباب لحمام ... هبط على ساقيه شويا ... باس يديها الصغرونين .. وقلها- كيف تكمل قول لسمر ولا لمنى تكلمني .. ماتروح مع حد كان معا محمودي ... متفاهمين !!.. قتلو إيه بزربة و خلتو و دخلت للحمام تضحك و عاملة جو.. و سمر تجري وراها ... فتنة ، منى ، و امها تصدمو كيف شافوها داخلة للحمام .. هما هربو عليها خاطر يعرفوها و يعرفو عمالها الزرقة ... إلا ما تقلب الحمام الكل .. و تشيبلهم ريوسهم بعمالها .. قد ما نقلكم إنو عمايل لجين ما تخطرش على بال حد مش باش تصدقو ... و توا إلا ما تنتقم منهم شر إنتقام .. من الباب لجين كشرت عن أنيابها و بدات تجري و تعيط و تقلب في الدنيا الكل ... و لا واحد منهم يقدر يقلها شي ... محمود موصي عليها ... حتى أمها بسمة ما تقدر تقول شي ههههه ... تفجعت مسكينة كيف رات لجين و فشلت ... نأكدلكم كان جا محمود عارف باش يصير بيهم هكا .. راهو وصا لجين عليهم .. مش يوصيهم هوما عليها هه7
