الحلقة 62
اليوم أول نهار من أيامات العرس ... الناس بكلها على اهبتة الإستعداد و فرحانين ... حتى من محمود لي أول ما وصلو الخبر هز كرهبتو و طار للقصر ....داخل يضحك من الباب ... شايخ و عامل جو .. يصفق بديه و عيونو فيهم فرحة مش عادية ... كيفاش ما يفرحش و حفصية هوني !!! ... دخل يلقا الدنيا مقلوب .... السرفارات يتجارو و يحضرو في الغدا ... لي متولهين بالديكور كل حد يعمل في حاجة .... يسمع في صوت الدربوكة تضرب .... وتزغريط و التصفيق جاي من الصالة الدخلانية و قالب الدنيا .... قدم يزرب .... يمشي و يلفت في راسو يفتش عليها ... و أول ما شافها حس قلبو يفرفت في صدرو . .... لقاها قاعدة في الصالة البرانية وحدها ... شادة سبحتها و قاعدة تسبح ...تبسيمتو ولات أعرض ... قدم منها بخطوت خفيفة ... حل ذراعاتو و عنقها بقوة ... ييوس فيها من خدها في بوسات مرصوصين من كثر الوحش ... و حفصية شايخة بالضحك ... هو جهامة عليها.. طول و عرض و هي جات طريف في حضنو ... - أهيا حبي جات ... أهيا الغزيلة جات و شرفتني ... يحكي معها و يضحك و يقرص عليها في حضنو أكثر...- وووووه يا مكبوب السعد ... باش إطبقني بين يديك ... يهديك سايسني راني ميمتك ...هههههه ضحك و رخف عليها شويا ... ضيق عيونو ... و قلها .. - أما إنت زينت يا حلوفة هههههه .... زاد بعد عليها شويا ... حك لحتو و سألها بخبث... - شنيا هالروبة لي بنوار يا حفصية .... إييييه ..... نوار روز زادة ... شنيا يا وحيدة غبت عليك أيامات وليت تلبس على كيفك !!!! .... متعرفش إني حزار و نكوي بالنار كيف ما يقولو هههه... ههههه كمل كلامو و gدمها من خدها بشويا ... و هي ولا تضحك و تفارع فيه باش يسيبها ...- الله لا يحرمني منك يا بابا ... تتلمس في وجهو ووتثبت في بدنو بلهفة كبيييييرة ... تعمل في كنترول سريع بعيونها عليه هههه ... تحب تعرف إذا ضعف ولا لا هههه ... ولدها وتحب تطمان على صحتو ... كيف أي أم و بعد ما كملت كنترولها ... جبدتو من يدو و قتلو ... - إجا عندي شويا .. إجا نشبع بيك ... و محمود لقاها من الجنة و الناسي ... هي رجعت قعدت و هو تبزع بجنبها . . حط رجل على رجل فوق الصالون و حط راسو في حجرها بfaçon كان يهز راسو شويا تقابلو الصالة الدخلانية و يرا البنات لي فيها ... حفصية جتها الفرصة ليديها ههههه ... حطت يظها على شعرو تمسح عليه ... و شرعت في العمل ههههه ... و بدات كيف العادة تنسنس عليه و على أخبارو... و تسأل فيه على العلة و بنت العلة و الطبيب باش مات (مثل تونسي ) هههه ... و هو هاززها بهواها ... و يتلف فيها .. عامل عليها جو و هي إتنتس عليه .... مسكينة عاطية ما عندها ...مركزة معاه... و تصدق في كلامو .. وبعد كيف تفيق بيه قاعد يدكك عليها تبدا تسب فيه .. و لهنا وين محمود يزيد يعمل جو و يشيخ على كلامها و سبها اكثر ههههه ... أما في هذا الكل منساش فتنة .. يحكي مع حفصية و يقلب في عيونو في كل بلاصة يفتش عليها ... متعود أول ما يدخل تجيه تجري و تبقا تخزرلو بنظرة ذابلة .... تشبك يديها و تبقا متردة تكلمو ولا لا .. خايفة لا ينبزها هههه ... أما عجبتو حاجة .. عجبو إصرارها على إنها تبقا تستناه كل ليلة برغم من قحرتو و نبزانو ليها.... أما المرة هذي شبيها مفماش !!!! علاش مستنتوش كيف العادة ... زعمة فدت و نساتو !!!! ... يحكي معا حفصية و عيونو مرشوقة في الصالة الدخلانية ... قال أكيد موجودة معاهم ... باش يموت و يراها .. أما مش منجم يشوف بالباهي .. كل شويا و هو حاسب روحو يردع في راسو في حجر حفصية ... و يعمل هكا يطول رقبتو باش يشوف مليح .. أما شي باقي ما شاف شي ... حفصية ذيبة و نمسة عليه ههههه .. فاقت بيه ...و قالت خليني أنا زادة نكدد شويا ... شدت البسمة في شفايفها .. كبست روحها و قتلو ... - محمود إيجا نخرجو للجنينة ... الداخل غاطة و الحق أنا نحب الخضار و النسمة ... ههه أما صوتها خانها و بانت فيه نغمة متع خبث و محمود فهمها يالوقت ... تبسم و حك لحتو ... - لا يا للا ... الدنيا باردة و أنا نخاف على عظامك من الصقيع ... ضحك و كمل يدكك عليها ... بالله فهمني أما نسمة تفتش عليها !! ... متخافش لا يهب عجاج على غفلة و يطيرلك آكا النورات لي في الروبة !!! ههههه .... و وقتها نلقا روحي مطلوب نشريلك روبة جديدة و أنا الحال حال الله ... هاك عارفة الضروف على قدها و الدنيا غلات هههههععععههه ... يحكي و شايخ ضحك عليها و هي ملقت ما ترجعلو مسكينة ... جات تفرك فيهم عليه ياخا شلق بيها و شاخ عليها ... قام من بحذاها .. و بدا يستوي في شميوتو و يهبط في سروالو لي تشمر شويا .. - إيجا هوني وين ماشي !! .. ضحك قرب منها و طبع بوسة على خدها .. ضربها بصبعو على راس خشمها الصغرون .. وتكلم بصوت كلو خبث ..- أوووو.. النساء قداش تحبو تنسنيس اللطف ... لوحلها أكا الكلمتين... عمللها bye bye بيدو .. و توجه للباب خارج .. عندو قضية لازم يعملها اليوم ...#ريما 4 ·
