الحلقة 70
النهارت فيسع ما تعداو... و سادس سهرية من سهريات ألف ليلة و ليلة جات .... ههههه تي نقصد سادس سهرية من سهريات عرس السلطانة منى عهعه...و آخيرا الرجال باش يشاركو فيها ههههههالجنينة تزينت بفيانة و ذوق راقي ... الأضواء الملونة عطت رونق خاص للشجرات لي تحطو فوقهم ... الأمبايل و الورد طفحو على سطح البيسين لي معبي بماء أزرق جديد يشهيك تعمل غطسة فيه ...شويا وقت و الجنينة تعبات بنساء و رجال عيلة الرايس و أقاربهم و أحبابهم المقربين ياسر .. فضلو يخليوها سهرية مصغرة.. و يستدعيو بقية الناس لسهرية الكبيرة .. هههه خاطر متأكدين إنو باش يجي عدد هائل من المدعوين .. و حتى لي ماستدعاوهمش باش يجيو من طلقاء نفسهم .. هكا عليه قررو يخليوها مصغرة باش يتصرفو بحرية أكثر....تشوف كان في الذخامات .... ريحت les parfums signés. .. تتشم على بعد أمتار .. كأنك متعدي في أرقا أحياء باريس ... بكلهم لابسين و متشيكين ...تشوف واحد تنسا لوخر ..فتنة لبست روب saumon مايلة شويا عالباج هبااااال .. لونها طلع على البشرتها البيضة و عطاها رونق خاااص .. روب أجيستي على بدنها .. فصلتلها الدخلة لي في أجنابها ... حزمها العريض ... صدرها المغري الواقف .. و الأهم فورمتلها دريارها البومبي الكبيرة .. عملت شعرها ضفيرة tresse مايلة على جنب ...و جبدت قصتها على نفس الجنب بطريقة ياسر sexy ... برغم ضفرت شعرها و باقي يوصل لدريارها.. عملت في عيونها مكياج nude مرون فاتح.. عطا رونق للون عيونها و خلا نضرتها مغرية أكثر ... في شفايفها روج على نفس لون الروب ... لبست طالون louboutin باج .. حبت تلبس سلسلة محمود و بعد بطلت... عمات رشة بارفا و خرجت تطرشق ... و أول ما وصلت للجنينة وين كانو ملمومين ... الناس الكل سكتت و الحس بات ... النساء الكل تبهرت بجمالها ... تصلي على النبي و تعاود عليها و على درجة الفتنة لي هي فيها... و الرجال عيونهم كانت باش تتقلع من الرغبة ... نضرتهم أحرجتها عالأخر .. وجها حمار ... زربت و قعددت ...الناس الكل كانت مركزة معاها ما عدا زوز ... مريم لي كانت تغلي و تسب فيها و تلعن في قلبها .. بعد ما وصلت فتنة مريم متحملتش و هزت روحها و طلعت لفوق .. و الشخص الثاني هو محمود ... لي من أول ما راها طول لفت راسو و ركز مع نظرت الرجال ليها ... خاطرو متأكد ... متأكد آنو اي حد يراها انشاء الله حتى في أتعس حالتها يتفتن بجمالها بدون نقاش ... فعلان لي سماها فتنة مغلطش ... كبس على الكاس لي في يدو و رشق عنيه في القاعة ...يرعش في سقيه بغزول ... مش متحمل نضرت الرجال ليها أكثر .. نضراتهم ذبحوه .. و كلامهم نقبلو طبلت وذنو ههههههه -محمود شكوني هذي ... شكون هصاروخ أرض جو هذا !!!. - قول صروخ أرض مريخ .. أرض عطارد هههه- لااااا يا ولادي لاااا .... هذي صروخ من المجرة متعنا متوجه للمجرات المجاوره هههههه- تي بالحرام سخنت و خدمت بالوقت ... ملا بدن عليها هذا الكلام لي قالوه لولاد لي قعدين مع محمود .. كل واحد فيهم رمالو كلمة شكل ... و هوا مسكين جن و الدم طلع لراسه ... ههههه تلفتلهم بعيون تقدح بالنار..- تي شنوا توا لولاد .. لي عندو ز .. أم كلمة يلمها ... إحترمو جد بو أم رواحكم .. قلهم هالكلمتين و قام بنطرة دخل يغلغل .. يمشي و يجي كيف الثور الهايج في الصالة ... شويا وقت و جاه سرفور قالو سي محمود تشرب حاجة!! بقا يثبت فيه شوي و بعد قالو- برا لمدام فتنة قولها سي محمود يناديلك... قولهالها بينك بينها.. و قلها تجي توا توا...و هذاكا لي صار مشى نادا عليها و هي جت تطرشق ... فتشت عليه ملقاتهوش بهتت .. ناداها و بعدها مشا !!! ... غريبة والله ... و بعد قالت أنا وصلت وصلت .. خليني نحي التالون قلقني .. توجهت لبيتها ... هي حلت الباب قد قد و و تحس كان بشكون جبدها بنطرة من مرفقها .. محمود واقف قدامها و عنيه حمر تقدح بالشر ...شادد يدها و كابس عليها لين حستها باش تتكسر...#ريما
