الحلقة 71
- سي .. سي .. سي محمود ناديتني !!زاد شد مرفقها بقوة أكثر ... يحكي و ينزل على سنيه - شنوا لي لابستو ؟؟فتنة بهتت في السؤال .. ما لقت ما تجاوب .. النساء الكل لابسين كيفها و عريا أكثر منها و أولهم مرتو .. هي جت باش تجاوبو و قص عليها .. - شنوا لي لبستو فهمني..... و شنوا هذا ... كمل كلامو و عدا صبعو على فرقت صدرها الباينة .. - و هذا !! ... و زاد هزلها طرف روبها بنطرة... أفخاذها بانو ... حب يوصللها ب geste لي عملها إنها الروبة قصيرة و صدرها عريان .. فتنة جامدة ما لقت حتى كلمة تجاوب بيها ... باهتة فيه .. سكوتها زاد نرفزو و نزل على مرفقها أكثر -إجا نعطيك قاعدتين حطهم بين عنيك ... لولة أنا منحكيش، أنا إنفذ ... الثانية كيف نحكي منعاودش .. قحرلها بعنين تقدح نار و قلها ...- بدل هل فضيحة ..قلها هكا و خرج ... و هي مسيكنة فشلت..رخت شفايفها كيف الصغار و بدلت روبتها..... لبست سروال و و شميز و رجعت تكركر في ساقيها .. قعدت بحذا منى و باقي سارحة ... منى بهتت في فتنة !!! ... من شويا كانت فرحانة كيف الصغار بلبستها ... شبيها بدلتها !!... خافت لا يبدا نبزها حد ... ركزت شويا معاها و معا خزرتها المربوثة..... و بعدها فهمت طول من قحرت خوها لفتنة إنو فما حكاية .... قربت منها وسألتها بتوشويش...- شبيك بدلت روبتك فتنة ؟؟- ش.. ش .. شي .. هكا خير ..- كيفاش خير !! ... لا يا للا روبتك خير... متقليش محمود لي قالك بدل !!! فتنة تربثت من السؤال ... شفارها رمشو بزربة... حطت شعرها ورا وذنها و سإلتها بشوية... خايفة لا يسمع حد- كيفاه عرفت !! ... عوجت فمها و جاوبتها بإستهزاء ...- خويا و حفضتو .. و سامحني بالله كيف هو يقول حاجة إنت تعملها طول !!! - هو .. هو.. هوا يعرف .. أكيد فما حاجة في لبستي ... هههه تجاوب و تهرب في عيونها من منى... حشمت باش تقلها راو خوك هد عليا للبيت و جمدلي الدم في عروقي....-لا عزيزتي ما فيها شيء لبستك .. هوا هكاكا يحب يحكم بحكامو .. متقدرش تحل فمك و تقول لا إنت ...فتنة زادت حشمت ... طبست راسها و ما قالت حتى كلمة...- مد مد يدك و أعمل حنة و حرقوس كيف البنات الكل ... هزت حاجبها و كملت تحكي ... ولا تحبي نشاورو سي محمود متاعك قبل !!! - ياااا بلحق !!! حتى أنا نجم نعمل حنة و حرقوس .. زعمة نعمل ؟؟عوجت فمها - من قبيلة نستنو في حضرت جنابك لين تجي يا للا.... إيه كان تحبهم اعمل ... طرشقت بضحك و بعد قالتلها - متخافش محمود المرة هذي مش باش يقلك شي .. هههه يحب الحرقوس .. هوكا أعملو موتيفات نحفونين .. هههههههههههههه.... منى كملت كلامها و عطاتها غمزة متع تزعبين ههههههه...- وووه .. فاش قام هالكلام أختي منى .. تعملو مرتو .. أنا شنوا دخلي !!! .... هههههه جاوبتها وبعد بقت تدعي في سرها إنو عيونها متفظحهاش ... هههه خاطر فتنة و للأسف من الناس لي ماتعرفش تكذب .... و حتى لو كان تلزت إنها تكذب .. عيونها تبذل مجهودها باش تفضحها هههه- فتنة ياخي ترا فيا قدامك سيدي تاتا ... أنا راني نعرف كل شي .. النضرة لي في عيونكم نعرفها مليح مليح... أسمع الكلام هذا مش وقتو تو ...مد يدك و على ضمانتي هههههه ... j'aiiiiiiiiiiiiiiiiiiiiiiiiime yehdik#ريما
