العميلة306 الجزء الثاني (اللهجة الجزائرية)

الحلقة 58

الحلقة 58 :
جات تبعد حكمها في حملتوا .. جبد روحو بلا ما يشوف شكون دخل ..هزلها حاجبو
إيريكا؛ اححمممم احممم
تلفتوا غزرولهم .. عينيها تحلوا ..
منار؛  مجيتوش مجيتوش كي جيتو خيرتوا وقت مناسب بزاف
إيريكا؛ نحس هاذي مهمتي على وجه الارض .
بقات عينها فعينوا .. حوايج يتحكاو بلا ما يتنطقوا .. فلللخر الوقت اللي عداوه كيف كيف كافي بش يفهموا بعضاهم غير بشوفة . دور منار غزرلها و تلفت غزرلوا .. ..فاقت على روحها دخلت من البالكون ..
ريان؛ وش حوالكم صافا ؟
إيريكا؛ حنا هاد السعة صافا .. نتوما للي سمعنا بلي حبوا يديروكم مشوي
ريان؛ ههه بلعي قدمت حضنتها و غزرت لاياد اللي وراها ..
تعداها و مشا وقف قدامو ..
إياد؛ صافا منار ؟
منار؛ ممم و نتا
إياد؛ صافا ..
ريان؛ كيفاه عرفتوا ؟
إيريكا؛ خبرنا باباك و قالنا بلي لازم نجيو هنا بش نفرزو المشكل خي هاجموني و
ريان؛ كيفاه !!! وكتاه ؟؟
إيريكا؛ منعت حبوا يحذرو برك اكي تعرفي .. أصلا إياد وقف معايا
تلفتت غزرتلوا
ريان؛ مرسي
هزلها براسو .. تلفتت غزرتلها بتأسف ..
ريان؛ سامحيني .. كلش صرا بسبتي
ضربتها ببوكس لكرشها
ريان؛ ااه
إيريكا؛ بش تحبسي السماطة تاع الذر
منار؛ حدك المدام سونسيبل
إيريكا؛ هههه مدام ؟ من وكتاه أنا موافقتش عالعرس من اصلوا
منار؛ نديها كون يوقفوا كامل كونتر
نزل راسو.. يحاول يبقا كالم .. . مبعد طلعوا ..
إياد؛ بون زيارة المريض لازم تكون خفيفة ..
تلفت غزرلوا فعينو ..
إياد؛ سلامتك مرة خلاف
منار؛ يسلم راسك
ريان؛ وين تبقاو ..
إيريكا؛ في قصر باباك هههه
ريان؛ مش بابا اسموا يزيد
إيريكا؛ المهم كشما يكون ولا خبري
خرج إياد .. غزرتلوا
ريان؛ اوكي
قدمت تسلم عليها .. همست في وذنها
إيريكا؛ ليه ليه بسلامتوا كون مش كلينيك يكمل المفيد فالبالكون قدام خلق ربي .. و نتي بسلامتك تاني مش مقصرة ..
جبدت روحها تضحك
إيريكا؛ على سلامتك منار   اك تبانلي صافا عااللخر
تبسم على جنب
منار؛ يسلم لسانك
إيريكا؛ ايا باي
خرجت .. باقية في بلاصتها .. بلا ما تتلفت تغزر لمنار .. حاسة بلي إياد بالذات مكانش لازم يشوفهم هكاك .. قدم حضنها من التالي
منار؛ شبيك ؟
ريان؛ اه والو .. جبدت روحها منو
ريان؛ سيي ترقد رتح شوي و مبعد نشوفوا وش يقول الطبيب
طاوعها تكا فبلاصتوا ريقلتلوا الغطا و قعدت قدامو .. بلقي يغزرلها مش قد بعضها .. بلع ريقو .. كبس روحو .. و سييا يغمض عينيه .. قداه من فكرة فراسوا حتى غفا ..
ريان تحكي :
مش متغششة خاطر كنت مع منار ولا انو قرب مني .. بصح فكرة انو إياد يلحق في موقف هكا معجبتنيش ..  على خاطر انا اللي قتلوا نعطيك الفرصة انو نوليو صحاب و الوقت هذا بكل محاولش يجبدلي الحكاية .. كات صح الصاحب تاع الصح .. ساعات كنت نحس انو سفراتو لايطاليا كانت جيست هروب من مواجهتي .. على خاطر مهما كنا صحاب و نعديو وقت .. كانوا كاين ليالي يشرب فيهم و يحكي على ذكرياتنا كيف كيف ..حتى و هو صاحي .. ساعات يجي يهدر و يتردد .. تلفت غزرت لمنار .. ووقفت خرجت .. لازم نقعد مع راسي شوي ..
..................
إيريكا تحكي : حاولت قد ما نقدر نلطف الجو .. بحكم نعرف الحكاية بيناتهم للثلاثة .. لحقتوا نجري خلاقو واصلة للتوب .. مشيت بلا ما نحكي ... ركب فالطوموبيل ركبت .. تلفت نريقل فالسبتة .. تهزيت على خبطتوا للفولون بيدوه الزوج حط راسو عليه .. غزرتلوا نعرف شعور انك تحب حد و هو ميحبكش بصح انك تشوفو مع حد خلاف منتوقعش نقدر نتحملها .. بقيت ساكتة .. منعرفش وش نقول .. من الاحسن يقطع هاذ المرحلة وحدو .. شوي و هز  راسو ديمارا ..
...........
-مخدم عندي حيوانات !! كيفاه منعوا !!  راكم نورمال في مخكم باعث 7 من افضل القتلة المأجورين فاللخر ولا واحد فيكم يجيبلي راس من اللي طلبتوا
-هربوا و
تلفت طرشق ،رصاصة بين عينيه ..
-الهدرة هاذي مش ليا
سليم؛ بعد قتلك من وجهي !  ماكسيموس وينك يا ****
ماكسيموس؛ اخرجوا كامل
ماكسيموس؛ خير وش تعيط
سليم؛ كنت راح تقتل ولدي يا ***** حكموا من كول الشوميز
ماكسيموس؛ كنا راح نقتلو ا غير الطفلة ولدك اللي دخل روحو اصلا من الاول ماكانش لالازم يدخل نحب نفكرك بلي اللي قتلو من قبل راو من أقرب التلاميذ عندي  و بالاساس نتا اللي دخلت ولدك لهاد الجوجمة .. كي ولات طفلة. تلعبها عالديب واب مبقاتش ..
نحالو يديه ..

ماكسيموس؛ راني للدوك عامل حساب أنك خويا .. خلي علاقتنا مليحة كيما هاذ السنين بكل .. و اجبد ولادك من حساباتي .. نتا أكثر واحد تعرف كي نحط عبد فراسي ..وش يصرا .. هذا في عوض ما تكون جزء من الديب جاي تلوم
سليم؛ الطفلة هاذيك ******* أنا أول واحد حاب نشوفها طراف
ماكسيموس؛
دونك لحق الوقت وين نكون جنب للجنب .. مفهمتش وش مخليك تبعد عالديب واب و نتا خدمتك كامل تلباز .. محسوب تخدم فالحلال ..
سليم؛ شوف ملخر .. نكون جزء من الديب واب .. يعني ظهري في ظهرك .. و علابالك كي طيح  كلمتي .. صاي  بصح هو شرط واحد .. ولادي برا حسابات الديب واب كامل ..
ماكسيموس؛ و اعتبروا تحقق
ريان تحكي: 
منعرف قداه تعدا وقت و انا نخمم ..ساعات نحس انا السبة فالشي اللي راهو يصرا كامل ..انو يعني لحقت للديب واب .. وش بقا .. تاع الصح وش بقا ..وليت نحسد الناس .. اللي نهار يعدي نورمال ..تلفت على حس واحد كي قعد قدامي .. معرف واش راهو يقول
ريان؛ وش قاعد تقول اولدي..   I don't speak Russian
ضحك و بدا يحكي بلونقلي (اسخايلوا الهدرة الجاية بلونقلي مش قادرة نكتب و نترجم 😂)
-منين نتي نحس زينك من البرازيل ولا ألمانيا
ريان؛ قعدت قدامي بش تقول الهدرة هاذي ؟
-امم لالا بصح مم واجب الطبيب النفسي يطمن على مرضاه
ريان؛ راني نبانلك بسيكو
-لالا بصح انسان حب يحكي
ريان؛ منظنش قادرة نحكي
-نخليلك نومرويا راح يجي النهار و تحبي تحكي
منار؛ نومرو تاع مك ..قولها طيحي معايا خير ######
تلفت هاذاك خزر فيا تاع وش قال مفهمتوش .. حكمني الضحك ..
ريان؛ منار هيا
تلفت لهاذاك
ريان؛ مرسي دكتور
منار؛ نخلط جدك هنا نتي وياه وشلي thank you 
باقية ندز فيه بالسيف يدخل و هو يڨحر للطبيب هاذاك .. دخلتوا لبيتو .. مشا خطوات عاود رجع لصقني مع الباب .
منار؛ وش هدر جدك باباك مع جدزو ال
تنطرت حضنتوا .. علابالي مش راح يسكت .. سكت .. جا يكمل مبعد تنهد .. و لف يديه على وسطي .. غرس راسو فرقبتي ..
منار؛ قداه استنيت على جال بش نكون فهاد البلاصة
ريان؛ السبيطار ؟
منار؛ ريان
جبدني من حملتوا
منار؛ تالمو خممت في حوايج بزاف ملقيتش بش كنت مخططلهم
ريان؛ اه ديجا كنت  مخطط
منار؛ مزال مزادش للي يدي حاجتي مني
ريان؛ ممم و وش خممت ؟
منار؛ محتوى للكبار ..يحتوي على مشاهد
دزيتوا
ريان؛ اعع روح روح.. شيعة مريض
.........
إيريكا؛ اهيه و مبعد إياد
إياد؛ وشيا اللي مبعد
إيريكا؛ راح تبقا تخزر  للفراغ هكا
إياد؛ قتلك نوصلك للدار محبيتيش
إيريكا؛ انزل تشوف
إياد؛ وين تنزلي فالبرد نتي بطرف قماش اللي لابستوا منيش ناقصك.. دوك شوي نتحركوا
فكت السبتة و نزلت ... الثلج معبي لبلاصة راحت لجيهتوا .. حلت الباب ..
طبست للارض هزت الثلج.. و لبزتلوا بيه وجهو
إياد؛ يا *******
إيريكا؛ فوالا خرج مكبوتاتك إياد الهاشمي
طلع راسو ينفض في وقشو ووجهوا.
إياد؛ ملعبتيش كي كنتي صغيرة ؟
إيريكا؛ اللي طحت معاهم مكانوش بوقوصين بش نستمتع كي نلبزلهم وجهم هههه
طبست هزت كمشة خلاف
إياد؛ مكلاه منيش ناقصك
إيريكا؛ ههه ميهمنيش .. خبطتوا سبق بيديه. .. و هربت ..
.................
ماكسيموس؛ يزييييد عندنا بزاف محكيناش
يزيد؛ ماكسيموس هذا نتا ؟؟
ماكسيموس؛ مقودة تنسا صوتي
يزيد؛ علاواه عيطت ؟
#يسرى_أمجوج
#العميلة306
[اللي فالفوطو ماكسيموس ]