العميلة306 الجزء الثاني (اللهجة الجزائرية)

الحلقة 54

الحلقة 54 :
قاعدة في نص الطاكسي .... من بعيد تغزرلوا .  داخل هو وياها لداروا ... تبسمت بقهرة و تلفتت .. غزرت للكادو تاع لانيفارسار اللي جابتهولوا .. ضحكت كثر .. طلعت راسها رمشت بزربة .. و خدمت الطوموبيل .. فيتاس عاللخر .. حلت الكارو .. رمات الساشي تاع الكادو من الطاقة .. هزت يدها مسحت دمعتها .. ديراكسيون للنادي تاع ريكي و جاكي ..
حبست دخلت طول مشات للكونتوار ..
ريكي؛ أهلا شريكي توحشناك ..
إيريكا؛ ممم هات كي العادة
ريكي؛ مكش عاجبتني شكاين
حكاتلوا بلي شافت فيليكس داخل لداروا شايخ مع وحدة .. فالوقت للي خممت تجيبلوا كادو فلانيفارسار تاعوا .. هو مش لاهي .. صح هادوا شهور و هي تحاول تخلي علاقتهم تتخطى حدود الصداقة برك ... و فالوقت اللي حست انو صاي  قربوا بما يكفي .. تلقاه هكا .. باقي يغزرلها .. علابالوا بلي تحبوا بصح متوقعش انو توصل لهاد للحد .. على خاطر فيليكس .. مبين انو مخلي علاقاتهم..في حدود الصداقة برك .. حطلها كوكتال ..غزرتلوا
ريكي؛ مش وقتوا التخلاط أيري .. نعرفك أقوى من أنو تتحطمي بسبة هاذ الحوايج ..
غزرتلوا و هزت الكاس ترشف منو ..
....................
دزتوا على طول جهدها ..  تغزرلوا مشوكية .. هو يتبسم .. قدموا رجالو حاكمين الزوج اللي شافتهم الصباح اللي كان فالحفلة و اللي صوب من لفوق .. غزرتلهم و غزرتلوا .. كلش ملعوب منو ..جبدت يدها اللي كانت كابسة بيها عالجرح تاعها ..  غزرت لدمها تبسمت .. و طلعت راسها غزرتلوا..
شاور لرجالو يروحو ..
ريان؛ وش غايتك ؟؟؟
قدم عندها طل عالجرح و وقف مقابلها
منار؛ والو حبيت برك نتأكد بلي مزالنا كيما من قبل كل واحد مستعد يموت على جال لاخر
ريان؛ كيفاه ؟؟؟!!!
حط صوابعو على يدها عداهم عالدم .. تطلاو صوابعو .. و هزهم عداهم على شفافو .. و تبسملها .. كلمة ثدمة قليلة ..
ريان؛ مكانش راح يقوص ولا كنت متقصد يقيسني .. من وكتاه تلعب لعب الرخس مكش قادر تقتلني بيدك ؟؟
هز يدوا حطها على شفافو ..
منار؛ ششششش  و في بالك كي نصفي حسابي مع واحد نخلي واحد من العابي يقتلوا !! .. القصة و مافيها أنو حبيت ندير رهان على حياتي  بيدك مرة خلاف .. المرة اللولة كنتي معايا كذبة .. و المرة هاذي مكانتش باينة .. دونك راهنت .. و ديت جوابي   اللي حابوا ...
ريان؛ اللي هو ؟
منار؛  كنتي قادرة تخليني نموت و تتهناي علاه رميتي روحك في بلاصتي ..
ريان؛ هههه هذا وش فهمت
منار؛ جاوبي علاه ..
ريان؛ وليت مريض نفسي علابالك ؟؟
منار؛ تحبيني ريان .. فالكذب اللي صرا كامل تحبيني هذي الحقيقة الوحيدة
ريان؛ كون مت بالرصاصة هاذي كنت راح ترضي غرورك؟؟
منار؛ كون تقستي و صراتلك حاجة نلحقك ..كنت و مزلت و راح نبقا ظلك حبيتي كرهتي .. هربتي .. بقيتي ... حكايتنا أنا نحدد مصيرها
هزت كف على طول جهدها خبطتوا بيه .. دور وجهوا .. لحظات و عاود دور ليها .. جبدها من وسطها جا وجهها مع وجهوا .. راح نعتبروا ثمن الجرح هذا .. و نكونوا متعادلين ..
ريان؛ متعادلين ؟؟
منار؛ ريان افهميها هاذي .. اكي مهربتيش مني على خاطر كل دقيقة ليك كنت علابالي وش راكي ديري .. اتقبليها في راسك أنا الحقيقة الوحيدة في حياتك .. مش بارادتك هاذي
جات تدزوا كبس عليها كثر ..
منار؛ اركحي مزلما نحكيو و دوك ندخلوا نعقموا الجرح ياك ..
ريان؛ منار الفرد مزال في يدي علابالك .. زوج رصاصات نبعثك لفوق بيك بالهلاوس تاعك
تبسم عدا لسانوا على شفافو ..
منار؛ دوكا اللي رمات روحها للموت علاجالي رايحة تقتلني .. علابالك بلي فالدنيا هاذي كامل غير نتي اللي تقدري ديريها ..
ريان؛ كي عدت علابالك فك يديك خير ..
منار؛ حطي الفرد على راسي و ركحيه و صوبي وعد منتحركش .. بصح نطلقك انسايها
ريان؛ اوكي ..
هزت يدها .. طرشقت الزناد.. و حطتوا على جبهتوا ..  باقي لاف يديه على خصرها .. مع لمحوها رجالو من بعيد قدموا يجريو صوبوا السلاح عليها .. غمض عينيه بغش و تلفت ليهم
منار؛ وش جاب *************** مش قلت روحو
-مسيو منار ال
منار؛ بيني بين مرتي *********** قلب وجهك بيك بيهم .. يقدم واحد نبعثوا يشوف جدودو
بعدوا و خلاوهم تلفت ليها نظرة حادة .. غمزها  و تبسم ..
منار؛ اهيه وين كنا
ريان؛ وش حاب مني يخي بعدت على جرتكم كامل .. علاه لحقتني
منار؛ شفتي شغفك للانتقام اللي كان مخليك عايشة .. شغفي بيك مخليني نخرج فطريقك ..
بدات تحرك فصبعها فنص الزناد
ريان؛ اطلقني منار
منار؛ و نموت بعد
ريان؛ منااااار متهبلنيش
منار؛ ديجا اكي روطار فالهبال انا ديت ڨراد هاداك العام
جات تتحرك .. وجعها الجرح .. خرجت منها اه خفيفة .. جبدت يدها بظربة حطتها عليه .. تنطر
منار؛ يوجع ؟؟
ريان؛ وش يبااااانلك
رما يديه تحتها هزها
ريان؛ ******* هبطني
منار؛ هههه لازم نعلمك وحايد جدد .. هادوا كيما نحبك عندي .. و اركحي خير  و خير
............................
حددنا موقعها
-تعملوا اللازم .. لحق الوقت يتسكروا الدوسيات ...
#يسرى_أمجوج