العميلة306 الجزء الثاني (اللهجة الجزائرية)

الحلقة 65

:
حكمت بلاصتي .. و تنهدت .. غمضت عينيا...شوي و سمعت صوت تكسار .. و خبيط .. مش نورمال .. رحت نجري للباب .. ظهر متقفلش كي خبطوا قبيل .. تبعت الصوت .. حليت الباب .. لقيتوا قاعد وسط الزجاج تاع لفيروندات مطيحهم كامل

.. يديه مجروحين على طول ذراعو..  جريت فكيت من يدو الزجاجة اللي كابس عليها ..
ريان؛ وشبييييييك !!! وش كااااين ؟!
باقي منزل راسو .. طلعتو ..
ريان؛ وشبيك ؟؟اهدر
باقي تايه .. نهز فيه والو .. .. بدا يضحك بالصوت ..  ضحك هستيري ... 
حبس و طلع راسو يخزر فيا ...

إيان؛ كيفاه خرجتي ؟!
ريان؛ اه ؟؟
تقعد وقف .. وقفت ..
ريان؛ شوف يديك .. هبلت ..

إيان؛ علاه كنت عاقل ؟
ريان؛ ويني علبة الاسعافات
إيان؛ معلاباليش
ريان؛ إياااان
إيان؛ فالدوش
تلفتت نحوس على باب الدوش .. و رحت جبتها ..
ريان؛ قدم اقعد هنا ..
غزرلي تافف مبعد قعد .. باقية نعقم و نلف فيهم ..

ريان؛ متبقاش تشوف معايا هكا
إيان؛ كيفاه قاعد نشوف ؟
ريان؛ معلاباليش ذبل في عينيك ..
ضحك نص ضحكة و مبعد ولا سيريو .. مع كملت هز الدخان و راح للبالكون  ..
ريان؛ مكش خايف نهرب
إيان؛ اذا قدرتي روحي .. الدار تمشي بسيستام الكترونيك ..بلا بصمتي ميتفك حتى باب ولا طاقة
ريان؛ قادرة ندوخك .. و نخرج .. متعرفنيش
قدمت عندو للبالكون .. و حطيت يديا عالحرف.. نفخ فالهوا و تلفت ..
إيان؛ علاه مكش قادرة تقتليني ؟؟
للحظة ركزت .. علاه ما راني ندير في والو صح ؟.. راهو خاطفني ..مي محاولتش أصلا .. كي عاد إيان ؟؟
فقت كي طرشق صوابعو بش نفطن
إيان؛ نراهنوا
ريان؛ علاواه ؟
هزت الفاست من تحتو .. جبد الفرد .. ركحوا .. و قلبوا مدهولي
إيان؛ احكمي
حكمتوا