العميلة306 الجزء الثاني (اللهجة الجزائرية)

الحلقة 69

الحلقة 69:
جا مقابلني ..
إيان؛ نورمال في مخك نتي !! نهار كامل نحوس عليك!!
ريان؛ جبت في طريقي دجاج ريحتو تشهي
تلفت جبدتوا من الطوموبيل و قفلتها .. دورت ليه ..
ريان؛ هيا راح تبات برا ؟
حطيتهم عالتابل و جبدت  كوكا .. باقي واقف عند الباب ..
ريان؛ مدرت والو .. قعدت وحدي برك .. احتجت شوي هوا
قدم قعد و بدا ياكل .. بلا حتى كلمة .. كملنا كلينا فسكات .. كمل وقف راح .. ضحكت على جنب .. كاين طبايع ميتبدلوش .. حتى و يكبر الواحد 60 سنة ..لميت الحالة و مشيت ..مع دخلت خرج من الدوش .. شعرو مبلول  يمسح فيه ..
ريان؛ منظر مليح هههه
هزني و حطني .. و تلفت جبد تريكو من لخزانة لبسو ..
ريان؛ حطيتك تبدلت مي مزالك نتا هو نتا .. تتغشش تهز روحك .. و تولي تشوف من طرف عينك ..بصح عندي الحل
جبدت الكوجاك من جيبي و لوحتلوا بيها  جا يضحك مبعد حكم روحو
ريان؛ ههههه تقدر تضحك .. ياك ترضيك هادي ؟
قعدت على حرف السرير..قدم قعد قدامي .. نحاها من يدي .. يغزرلها ...
ريان؛ فراز
إيان؛ مزالك تشفاي ؟
ريان؛ حاجة باينة كنت نخسر 5 فرنك تاعي بش نرضي جنابك  منجي نلمها نشيب .. سع تاكلها نتا كوجاك (مصاصة🍭) بالواجد
إيان؛ هاديك هي حلاوتها.. كي كنت ندي الحاجة العزيزة عليك ..
ريان؛ مزال
غزرلي و نزل راسو
إيان؛ منظنش .. تبدل كلش .. كبرنا ..
ريان؛ صح ..
إيان؛ مي أنا متبدلتش .. مزالني نفس الطفل هاداك ..
ريان؛ نحسدك .. تمنيت كون مزالني نفس الطفلة اللي كنت في صغري ..
إيان؛ مزلت نشوفك نفس الطفلة .. رغم كلشي .. مزالت البراءة في عينيك
ضحكت .. تلفت قدمت ليه جا وجهي مع وجهو ...
ريان؛ شوف مليح  اولدي ههههه
غزرلي ندرا كيف و رجع شعرة للتالي ورا وذني ..
إيان؛ علابالك بلي منيش كيفهم .. و علابالي بلي مكش حابة ندخل .. و بلي حابة تنتقمي وحدك .. و كيما تحبي منيش راح ندخل .. مي اوعديني كون تحتاجي معاونة .. انك تجي تقوليلي
ريان؛ اوكي
....
الغدوة
الليل
بعثلي ميساج
غزرت للساعة ..التسعة
عملت دوش  و خرجت إيان مكانش فالدار كاملة نظن طلعتلوا خدمة ..
ركحت الفرد على خصري  .. 
-جا النهار اللي يتحطوا النقط عالحروف ..
نص ساعة وصلت للاستوديو ..
ريان؛ لقيتو ؟
وايت؛  يس دراهمي ؟
ريان؛ فالكونط تاعك باينة
غزرلي و ضحك
وايت؛ علابالك كيفاه لقيتو
ريان؛ ميهمنيش لمهم للنتيجة
وايت؛ لالا يهمك بعثلي ميساج ببلاصتو
ريان؛ كيفاه
وايت؛ اممم
ريان؛ حبيت تقولي بلي امنتو و محوستش !!
وايت؛ سي مي لقيتو بعث للصح
إيان؛ و هذا دليل بلي ينصب في فخ
تلفت كي خرج من البيت المقابلة
ريان؛ إيان ؟
وايت؛ وليت فالفرع معاه  عندي عام  تسما ...
عديت يديا على وجهي نحاول نستوعب و غزرتلوا
ريان؛ زيدو ؟؟ سوربريز خلاف ؟؟
إيان؛  مام انا بعثلي ميساج بلي راح يسلم روحو و المباحث الفيديرالية في طريقها ليه لازم نروحو بش نلحقو معاهم
ريان؛ كيفاااااااااااااه ؟؟؟ وش قاعدين تخلطوا ..
قدم ليا إيان حط يدو على كتافي .. لحقنا للنهاية ريان هيا .. حكم يدي و خرجنا .. طريق كامل و انا نطلع و نهبط مستحييييل علاه ؟؟
لحقنا منظر اقل ما نقول عليه مرعب .. كمية لابوليس و الطوموبيلات و السلاح .. اللي مطوق المنطقة ... مع نزلنا قدموا لينا
-احترامي سيدي طوقنا و المشتبع بيهم للداخل ..
إيان؛ مضادات الرصاص جيبو لريان وحدة
تلفت جيت ماشية ندخل ..
حكمني رجعني
إيان؛ رياااان وين
ريان؛ إيان اطلقني
إيان؛ بهاد الحالة للهستيرية !!! راكي تحت وصايتي ندخلوا كيف كيف البسي هذا
نفخت و لبستوا .. رحكنا السلاح
-هز واحد منهم ال haute parleur  منار الهاشمي سلم نفسك المكان محاصر و سلم المجرم المطلوب
لحقنا ميساج فنفس الوقت
- نتلاقا بيها قبل ما نسلم روحي
تلفت غزرت لايان .. غزرلي ندرا كيف و تلفت مدلهم التعليمات .. و مشا هاز الفرد فيدو
إيان؛ تبعيني .. 
باقية مركزة مع الفرد .. حل الباب تاع الفيلا .. كان ديجا مش مقفول. .
إيان؛ مناااااار !!!
منار؛ نسمع منيش طرش

تلفتنا غزرنا لجيهة الصوت .. دخلنا لقيناها الصالة ..باباه متكي راقد عالفوتاي .. و هو واقف قدام الطاقة يتكيف و يغزر للبرا ... تنطرت رحت ليه نجري حطيت الفرد على راسو من التالي ..
إيان؛ ريان ؟
منار؛ اديه قبل ما يفطن ..المنوم ميخدمش كتر من ساعتين
ريان؛ تسكككت متهدرش
جا يدور كبست كتر عالفرد ... لصقتو في راسو
ريان؛ حركة خلاف نفرغو في راسك سي منار