العميلة306 الجزء الثاني (اللهجة الجزائرية)

الحلقة 46 (تابع)

فيا كنت نخمم علاه حتى نتي .. و المفارقة انو ديتك لدارنا .. و قتلهم هادي مرتي .. جبد الخاتم من جيب الشورت فكوا ..و حطوا فالارض مقابلها ..
منار؛ كنت موجد لسوربريز .. بصح السوربريز اللي درتيلي نتي مكانش كيفو ..
تلفت غزرلها مبقاتش تدوح كيما كانت ..
منار؛ مخممتيش بلي هاذي المدة كامل جامي خممت نقيسك ولو بشعرة ..و اللي يقدم ولا يشوف برك *********** .. انو كيفاه حتى ليوم درت هكا .. علاه ليوم هكا .. نبانلك لهاد الدرجة سليم صغير قدامك .. هذا المدة كامل مقدرتيش تعرفيني
ريان؛ ك ك كنت كيفو .. ه هو تاني دزني ه هكا .. و و قطع ال ....
مع هدرتها بلع ريقو ..
منار؛ مش كيف كيف ريان مش كيف كيف .. مكنتش فوعيي .. و كي قدمت  ليك قدمت باسكو نحبك
على كلمتوا التالية .. حبس .. تنهد و ناض ..مشا خطوات و ضحك بقهرة عاود رجع .. رمش بزربة بش تحبس لمعة تاع الدموع .. قعد مقابلها قد قد .. غزرتلوا ..
منار؛ علاه أنا ريان علاه أنا .. كي عدت ولدوا ؟؟ .. منيش كيفو .. كنت قادر ندير كلش علاجالك .. كلش علابالك وش معناها كلش .. توقف الدنيا كامل .. جنون الدنيا .. حاجة متقيسك .. بصح نتي ... هههههه .. و اللي تقتلني كثر اني مش قادر نوجعك كيما درتيلي .. حتى كي قدمت ليك .. قدمت خاطر حاب نكون معاك .. خاطر غشي منك تنحيه نتي .. وش ندير فهميني نتي .. يخي حبيبتي توصلي للعدل ..و الحق .. انا وين من هاذوا كامل راح نهبل ..
غزرتلوا .. دموعها نازلين
ريان؛ كون قتلك بلي انا مش وحدة نورمال و اني رايحة ننتقم من باباك و خوك اللي دمرولي حياتي .. باباك اللي حاول يغتصبني .. يحرقني و و انا حية .. خوك اللي خلاني ... كنت راح توقف معايا و تأمني !!!.. كنت صح تحس بالشي اللي حسيتوا وقت باباك فوقي يقطع في قشي كيما كنت تدير قيبل .. كنت راح تحس بعياطي وانا فالبيت هاذيك .. كنت راح تحس بوجيعتي و انا نشوف فوجهي محروق .. انتا عشت حياتك بكل فالعز .. متعرفش معنى انو واحد يربا فالحضيض .. يربا في ميتم كيما الفضلة .. هههههه علابالك علاه الخط وراكم على خاطر اللي حاكموا ظهر بابا .. تصدق هاني بنت وسخ منفرقش على دمكم .. مكش راح تفهم .. مكش راح تحس وش حسيت .. صح مغلطتش معايا من قبل .. و انا كنت اللي تستغل فيك .. بصح عمري خممت نأذيك .. و فالنهار اللي عرفت فيه الصح نتا خيرت جيهة باباك .. و وقفت في وجهي معاه .. هاذي كانت راح تكون ردة فعلك كون عرفت من لول .. تاني .. ملي بدينا كان كيما بيناتنا فراغ كبير .. اللي جمعنا هو الشي اللي فرقنا بعد ... اللي تعرفوا دوكا اني معندي حتى جواب لحتى حاجة .. تعبت من كلشي.. مش قادرة نعمل حتى حاجة ... عييت صايي .. اذا حاب تنتقم .. هاني قدامك .. ..
غزرلها .. لحظات و عينيهم في بعضاهم .. طلع يدو مسح دموعها
منار؛ انا نجاوبك على سؤالك .. كنت راح نوقف معاك ... و منيش حاقد عليك على خاطر كنتي تنتقمي على جال حقك .. وجعني انك كذبتي .. كون بيا على جال وش صرالك و اني نكون نسخة منو .. كون خليتوا يقتلك نهارها .. كون خليتوا يقتلك ليوم ...
تنهد ..ووقف .. وقفت الغطا طاح عليها .. جات مقابلتوا غزرلها ..
ريان؛ سؤال واحد ... بعد ما عرفت شكون انا .. وش درت وش كذبت .. عيوبي .. تقدر تتجاوز كلشي و تكون معايا كيما كنت .. راح تقدر تجيبلي حقي ؟ .. راح تقدر تحميني كيما كنت و مزلت دير ؟؟ ... راح تقدر تمسح  كل شي على جالي .. ؟

غزرلها
منار؛ لالا
#يسرى_أمجوج
#العميلة306