العميلة306 الجزء الثاني (اللهجة الجزائرية)

الحلقة 53

الحلقة :
تلفتت غزرتلوا .. و تبسمت
ريان؛ happy new year
فيليكس؛ هاكي خرجتي قبل ما نلحق
ريان؛ نتا تاني عرضوك
فيليكس؛ هههه بانت .. هيا ندخلوا متقوليليش مروحة !
ريان؛ توسخت لاشوميز شوف
فيليكس؛ هاكي حطي لفاست تاعي عليها
ريان؛ ههه هاك طلعت جانتل مان
فيليكس؛ من بكري غير نتي متعرفيليش ههه
لبستها و دخلنا .. مش انا اللي نهرب من بلاصة يكون فيها هو .. تعدينا الناس مشينا للكونتواغ .. لقينا ايريكا و ريكي يشايخوا
إيريكا؛ ياه رجعتي
ريان؛ ههه فرزت اموري ..
فيليكس؛ ريكي كاس كيما العادة
ريان؛ وينو جاك دوك شوي يبدا العد التنازلي لازم نبداو العام كيف كيف
إيريكا؛ ايه طلعي عيطيلوا .. او معاه واحد خلاف يحكم الديجي بيزمان
ريان؛ اوكي
تلفتت  تتعدا بين الناس .. جات طالعة قابلها فالدروج حاصرها يعدي فصوابعوا على خدودها .. و يتبسم .. غزرتلهم بصدمة .. مبعد زربت كبست روحها ..و طلعت تعدات .. كانوا مكانش بعد .. مع دخلت للديجي روم خذات نفس طويل .. تلفت جاكي واللي معاه غزرولها..
جاكي؛ ريان ؟ صافا !
عدات يدها على وجهها .. و غزرتلوا ..
ريان؛ ههه باينة صافا .. هيا نديروا العد التنازلي كيف كيف
جاكي؛ بانت كنت هابط بعد .. مارك تهلا .. هيا
حكم يدها و خرجوا .. جاو نازلين .. هز حاجبوا مستغرب كي شاف منار ! .. تلفت غزرلها .. كي مركزة مع الغاشي لاخر .. دوك وين فهم علاه دخلت متوترة هكاك .. كملوا نزلوا كانوا مكاين والو.. جا يحكي مبعد خمم بلي مش وقتوا .. وصلوا عندهم
إيريكا؛ اععع مزالوا زوج دقايق و يبدا عام جديد .. نبداه معاكم السنة يادرا كيفاه
ريكي؛ هههه سقسي ريان تقولك
ريان؛ جامي ربحت ههههه
جاكي؛ ههههخهه
فيليكس؛ وقت النخب
هزو كامل الكيسان .. بداو العد التنازلي
6 ..5...4..3..2..1.. Happy new year....
.....
واقف من بعيد يدور فالكاس و يرشف منوا .. يغزرلها تحسب معاهم .. تلفت للي معاه ..
-منار عا
منار؛ شششش اسمي ميتنطقش على لسانك.
- كيما تحب المهم نكو
منار؛ اسكتي دوك شوي نخرجوا
غزرتلوا و سكتت .. كمل يغزرلها و هي تسلم عليهم ..و شربوا النخب .. عدا لسانوا على شفافوا.. و تلفت جبد هاديك من يدها و خرجوا ..
..........
متكية تغزر للسقف .. متوقعتش تبدا العام الجديد تشوفوا .. آخر لقاء ليهم كان الليلة هاذيك .. تفكرت لي كان معاها .. متحتاجش تخمام بش تعرف بلي وحدة تاع ليلة و عقب .. تقلبت .. علاه منرفزة هي بصح .. مش بعدت و كلش فات عادي ! .. هزت يده فرفشت شعرها
ريان؛ افففف
........... الصباح ...........
إيريكا؛ شوفي جاني مليح السروال هذا!
ريان؛ نكمل قهوتي نروح و نخليك معرف شكون سامع بيك
إيريكا؛ اهم حاجة الاناقة متدريش يفوت كش عميل مز
ريان؛ كملت
إيريكا؛ اععع اصبري
ريان؛ الحقي ..
لحقوا للمقر مع دخلت للبيرو عيطلها فيليكس .. راحت لبيروه
ريان؛ صباح الخير وش شايفني فمنامك ولا
فيليكس؛ صباح النور ريحي
ريان؛ من وجهك باين كاين حاجة
فيليكس؛ كاين عندك مهمة جديدة
ريان؛ مش مشكل اصلا القضية اللي فيدي انا و ايريكا تاع التهريب منطولوش و نفرزوها مدام تحكم اللي كان يسوق فالطيارة .. يعني يطول ولا يقصر ينطق .. و الراس لكبير بالشوي نلحقوا مش راح نوصلوا مدام متركز فالميكسيك .. لين يمدوا لاوكي مش من صلاحياتنا نتحركوا خارج حدود الولايات
فيليكس؛ علابالي تقدريلها ..
ريان؛ ايه قوليفيليكس؛  حماية تاع سفير كاين مداولات دبلوماسية رايحين يصراو هاد المدة