العميلة306 الجزء الثاني (اللهجة الجزائرية)

الحلقة 47

...الحلقة 47 :
غزرتلوا .. تبسمت  غزرت لفوق .. خذات نفس طويل ..
ريان؛ جواب كافي ..
تعداتوا حلت الخزانة لقات قشو .. جبدت شوميز .. نازلة الدروج و تقفل فيها خرجت .. لقات واحد في وجهها ..
- مسيو منار طلب مني نوصلك ..
غزرتلوا .. و ركبت .. حطت راسها عالكارو .. تاخذ نفس ورا خوه .. ملازمش تبكي .. هزت يدها عنقت روحها (عناق الفراشة  .. عبارة عن علاج نفسي يستخدموه بش يركح العبد .. شوي طب نفسي مع يسرى السايكو😅) .. باقية تربت على كتافها بهدوء .. غمضت عينيها .. الفكرة اللي تجي فراسها تمحيها عليه .. كانت حاسة انو راح يرفض .. فاللخر .. مش راح يفرط في باباه على جال طفلة .. مهما يكون الانستن ولد بيئتو. و العايلة منها يبدا كلش .. تفكرت كي قال لالا .. حلت عينيها .. باقية ترمش بزربة .. لمت شفافها لبعضاهم ..تحاول متبكيش .. رمات يدها حلت الكارو .. هوا ضرب في وجهها ..تنفست و عاودت لفت يديها عنقت روحها ..تعدا وقت دخلت للمدينة ..
قص عليها .. كي سقساها وين يوصلها .. عطاتو لادراس تاع دار ريكي .. و تلفتت
...........
تلفت كلشي يلقاه قدامو. . يكسرو .. باقي يعيط .. مبعد ترما قدام للسرير .. تكا راسو .. و طلع يديه حطهم عليه .. غزر للتريكو تاعها .. تنهد. . كان لازم يقول هيه .. كان حاب يقول هيه . . علابالو بروحو يلي يحبها ..وعلابابو بلي غلطوا معاها باباه و خوه.   بصح ميقدرش .  محال يقدر يعاملها دوك كيما كان يعاملها من قبل .. كلشي تبدل .. من بكري شخصيتوا نرجسية .  و ابثقة عندو فوق العباد . . مام سي كانت مظلومة بصح كذبت عليه .. ميقدرش يتجاوز فكرة انها دوك عدوة باباه .. المرا اللي يحبها خوه .  العميلة اللي حابة تطيح كامل وش بناتو عايلة الهاشمي. .. و الاهم الطفلة اللي حبها و كذبت عليه  ... أول مرة قلبوا يحب حاجة .. بصح عقلوا و شخصيتوا يحبوا حاجة خلاف .  طول عمرو كان انسان عقلاني بخصوص قراراتو. ..بصح هاد المرة توجع ...
دخلت للدار لقاتهم .. مخلوعين وجوهم صوفر .  حاكمين التيليفونات و يستناو .. مع غزرولها تنطروا جاو قدامها ..
ريكي؛ ريان !!! وينك .. وش صرا
جاكي؛ صافا!!
غزرتلهم... غير هوما اللي ممكن يتقلقوا عليها من قلبهم .  حضنتهم في زوج من غير حتى كلمة .. شوي وقت و جبدت روحها .. غرتلهم .. فعينيها لمعة تاع دموع...
ريان؛ باينة متعشيتوش .. و زدتوا مرحتوش تخدموا .. تحسب دراري صغار .. كان كاين مشكل و فرزتوا .. هيا نطيبوا اندومي ولا كاش حاجة .. تعداتهم مشات للكوزينة .. هزت كاس ما شربتوا .. لحقوها .. حطوا كرسي  و قعدوها ..
ريان؛ ههه شبيكم !!
جاكي؛ احكي وش صرا .. تعيطي تقولي قناص و ما نعرف .. وراخا تختفي .. اياد يقول الديب واب
ريان؛ اياد !!!
ريكي؛ ايه عيطتلوا وؤا ما عيطتيلي .. و هو جا بصح قال ملقاكش و القناص قتلوا و بعث راسو لسليم .  خاطر هو اللي وظف واحد من الديب واب يقتلك
هزت حاجبها .. إياد!!
ريان؛ أهم شي تفرزت .. تي بعدوا خليوني نوض نطيب حاجة جعت
غزروا لبعضاهم و غزرولها ..
ريان؛ ماكمش رايحين تطلقوني حتى نحكي
هزولها براسهم ايه
ريان؛ خرجني منار .. بعدني منا بش ميلحقش... مبعد جيت برك
ريكي؛ مش منار كان حاب يقتلك .. كيفاه يعارض قرار باباه ويجي زعما يمنعك منيش نفهم
ريان؛ حاب نصفيو حساباتنا وجه لوجه نظن ..
غزرلها جاكي مش مصدق كلامها
حط يدو على يدها