العميلة306 الجزء الثاني (اللهجة الجزائرية)

الحلقة 45

الحلقة 45 : 
إياد يحكي :
طلعت  مع الرجال نمشطوا الديار المحيطين بالابارتومون .. لين لقيتوا .. مركز السلاح عالابارتومون .. شفت مع السلاح .. عينيا تحلوا .. ممنوع .. مش اي واحد عندو .. طرشقت السلاح و صاوبتوا بلا ما نخمم زوج مرات .. الديب واب !!.. وش بعثهم ليها .. متأكد انو منار محال ينزل للمستوى هذا ... قدمت قلبتوا برجلي .. نحيتلوا الكاڨول ...وجهوا ميباانش من الوشوم .. نزلت جبدت تيليفونو .. محبش يشعل كامل .. دوك تاكدت بلي ديب واب ..حطيتوا في جيبي و شاورت للرجال ..
إياد؛ نظفوا الحالة ..و السلاح للمقر .. نزلت نجري... للأبارتمون .. مدام مزال هنا كي لحقت .. يعني مكملش مهمتوا ..و هي مزالها هنا .. .. كسرت الباب .. كلش ظلمة .. شعلت الضو لين لقيت .. كونتور تاع تريسيتي شعلتوا .. باقي نحوس عليها والو .. لقيت كاس مكسر فالكوزينة قدامو الرصاصة .. كاس تاع قهوة  فوق التابل .. كرسي مقلب .. اكيد هبطت كي ترمات الرصاصة ..كملت نحوس عليها و نعيط ..
إياد؛ ريان !!!! رياااااااان ؟؟؟؟
دخلت لبيت لقيت طاقتها محلولة ..شفت للخيط لي على برا .. رحت نجري حكمتوا .. محكوم فالسطح تاع الباطيما .. غزرت للتحت .. نازل حتى لرض .. خبطت الحيط بيدي .. داوها !!..
نزلت نجري حاكم التيليفون نكلم فيه ...
يزيد؛ إياد ؟؟
إياد؛ ريان !! د داوها
يزيد؛ شكون ؟!!
إياد؛ الديب واب
تنطر من قدام الجماعة اللي دهشوا فيه ..خرج من البيرو
يزيد؛ وش قصدك بالديب واب وينك نتا ؟؟؟
إياد؛ لاقيني عند ************
............................. تعدات 8 سوايع .....
مريم؛ وشبيك كل دقيقة تشوف مع التيليفون
سليم؛ نستنا في ضرتك تعيطلي مش قادر نتنفس 
مريم؛ ندفنك نتا و هي
سليم؛ ههه يعجبوني اجاباتك ..
مريم؛ مجاوبتش
سليم؛ نستنا في خبر ال***** اللي هبلوا عليها ولادك
مريم؛ هه ولادي ؟؟ .. عمرك تغلط .. عندي ولد واحد .. لاخر ولدك .. اللي جر على ولدي و رجعوا مطنه كيفو ..  منار محال يغلط دوك كي عرف الصح ..
سليم؛ مش مشكل غلطة الماضي نصححها دوك .. هذا لمرة نتأكد من جثتها بيدي
مريم؛ ايه نشوفوا ...
شوي هكا جات وحدة من الخدامات .. مدتلوا طرد  ..
سليم؛ هههههه وشنوا هذا
الخدامة؛ جابوا ساعي البريد .. و الرجال تاكدوا بلي مفيهش متفجرات ..
مريم؛ حلوا
للحظة تبسم .. جات في بالو انو بعثلوا طرف منها .. معروف انو هاذ القناص كي يخلص على واحد يبعث حاجة منو .. حلها .. و لتم كانت الصدمة ..
مريم؛ اعععع
غزر لباس موشم مرشوقة فيه رسالة ..
"المرة الجاية جرب حاجة جديدة فوتك من الأسلوب التقليدي  _الخط_" ...
..................فلاش باك ...........
واقف فالمقر تاع اياد .. بعد ما عيط لهاكر الخط ..  يهكر التيليفون يعرفوا شكون وراه .. ساعة قدر يجبد محادثة سليم معاه
يزيد؛ سليييييم *********** ..
إياد وجهوا حمار من الغش ... ناض و خبط الكرسي برجلوا
يزيد؛ زيد قرصنلي الكاميرات تاع الشارع كامل .. و زومي تاكسي بتاكسي نحب نعرف شكون داها .. تعدا وقت و هز راسو .. تنطروا في زوج
الهاكر؛ لقيتوا بصح منقدرش نحدد وجهوا  مغطي
جبد إياد  البيسي من يدو .. مع غزر قلب وجهوا ..
إياد؛ منار
يزيد؛ كيفاه !!!
إياد؛ منار اللي داها
يزيد؛ قصدك منار تاني مع
إياد؛ منعها منو مش متعاون
يزيد؛ وش يخليك متأكد
إياد؛ نعرف خمج بابا ..و نعرف تربيتي لمنار .. و مش لوجيك انو يتفاهم مع منار بش يروح يقتلها .. و يبعث واحد من الديب واب فنفس الوقت .. مش رايح يخاطر بمنار
يزيد؛ والحل
تنهد .. و قدم لخزانة الأسلحة ... جبد منها سيف .. .. حكموا على طول غشوا ..خبط الجثة تاع هاداك طير راسها ..
قدم عندو يزيد
يزيد؛ سليم خاصوا ميساج
شاور لواحد من رجالو قدم حط الراس فالباط .. نزل سليم رشق الورقة بمسمار فراسوا و شاورلوا يديها ..
إياد؛ كمل راقب كاميرات الشوارع اللي وراها لازم نلقاوها ..
يزيد؛ إياد تصرا لبنتي حاجة مش راح نرحم منار .. متقولي خوك ما *********
تلفت غزرلوا .. و مشا للطاقة شعل ڨارو .. نفخ بغل .. و حكا فداخلوا
إياد؛ وين حاب توصل منار !
........................
ريان تحكي :
حليت عينيا .. راسي مدقدق .. تقول مارطوا قاعد يخبط فيه .. للحظة تعاود صدى الرصاصة اللي خبطت الكاس فراسي ... تنطرت نشوف حولي .. لقيتوا .. قاعد عالكرسي مقابلني .. حاط رجل فوق رجل .. هاز موس فيدو .. يديه .. مشلحين شوي بالدم .. عقدت حواجبي مستغربة ..يغزرلي غزرة متعبر على والو .. برود تام .. متقدر تشوف انعكاس حتى حاجة فيه .. تنطرت وقفت ..
ريان؛ وش جابك ! .. و
حكا بكل هدوء مزال يغزر للبلاصة اللي كنت متكية فيها
منار؛ بلعي .. حسك منسمعوش ..
ريان؛ ههه تتمسخر بيا .. وش معناها تجي و تخدرني هكاك .. ديجا حنا وين !!!
تنطرت طليت من الطاقة .. بحر !!! 
تلفت ڨحرتلوا .. و مشيت جيهة لباب .. نجبد فيه نحل فيه .. بغش .. سمعت صوا خبطة الكرسي من التالي .. مع تلفت .. جيت ماشية عندوا .. خبطني .. مع الحيط .. ظهري تقسم ..
ريان؛ اااااه ..
قدم جا قدامي ..جيت نتحرك .. تركز عالموس ..و خبطوا .. غمضت عينيا بقوة .. خاطر كان قريب ليا حسيت بالخبطة جيست قدامي وذني قد قد ..بلعت ريقي و حليت عينيا .. لقيتوا يغزرلي نظرة غش جامي شفتها ..
منار؛ خفتي من موس ..و مخفتيش وش قادر ندير ..
ريان؛ بعد عليااا
حصرني أكثر سدرو يتهز و يتحط ... .ريحة الشراب منو .. غزرت للتاتو تاعو .. خاطر مش لابس تريكو .. زايد حرف R و مشطب
منار؛ لحق الوقت نصفيو لحسابات لالا
ريان؛ وش تقصد ؟
منار؛ في بالك منعتك من واحد تاع ديب واب .. من كثر ما نحبك !!! ...
ريان؛ ديب واب !!
منار؛ اممم ديب واب .. بعثوا سليم
ريان؛ ******** يبقى حياتوا بكل هكا ...
منار؛ آآآي
ريان؛ ههه واش داك النيل على باباك .. كون جيت  منك نحشم نقول بابا ..  ديجا كي جايبني هنا و لاتي تهدد وين حاب توصل ؟.. يخي باباك حاب يقتلني .. و نتا قلت بلي لقائنا الثاني تقتلني علاه مالا تمنعني ؟؟ ..علاااااه !
منار؛ علاه !! .. ممم سؤال مليح هذا .. نورمالمو نتي تجاوبي ..علاه درتي هكا ..
ريان؛ كلوا كان انتقام .. محبيتكش تدخل بصح نتا فكل مرة كنت فالطريق
منار؛ هههههه كنت فالطريق .. اللي صرا بكل و فاللخر ظهرت كنت فالطريق .. مش مشكل
جبد الموس من الحيط ..غزرتلوا
ريان؛ هذا هو حسابك .. موس
عداه على دمو الجامد فوق السلطات .. اللي على يديه ..تلطخ الموس .. غزرلوا ..و جبد التيشرت تاعي ... عداه عليه بزربة .. تشق عالزوج ..
تنطرت عيطت فرد عيطة ..
ريان؛ مناااااااااااااااااااار
حكمت التريكو نلم فيه .. .. ضحك و حكم يدي في زوج .. طلعهم مع الحيط .. باقية نفرفط .. قدم حصرني بجسموا .. و هبط راسوا
ريان؛ بععععد منااااار بععععععععد عليا .. م مش قادرة نتنفس ...
كل شي كان كيما الكابوس .. الشي اللي حاولت ننياه هذا السنين كل .. فوبيا حياتي قاعدة تعاود تصرا ..كبس على شفافي بسنيه .. قد ما فارعت قد ما دزيت .. والو ..دموعي نزلوا .. و انا ندز فيه .. نشوف في سليم قدامي .. قاعدة نرجف من رجليا لراسي .. كلش تبدل .. الغرفة رجعت قديمة .. صوت تاع تصفار تاع السرير .. الي كنبدا نفارع فوقوا قوا في وذني .. أنفاس سليم على رقبتي ..  اللي هربت منو من سنين .. تعاود دوك ..
جبدها من شعرها و رماها عالسرير ..
#يسرى_أمجوج
#العميلة306