العميلة306 الجزء الثاني (اللهجة الجزائرية)

الحلقة 46

الحلقة 46 :
كمل هبط التريكوا على يديها .. و غطس راسو فرقبتها ...صوتها نقص خلاص .. طلع راسوا .. غزرلها .. عينيها مليانين دموع ... مع جات عينوا فعينيها .. طرشقت بالبكا أكثر ..
ريان؛ متكونش كيما باباك ربي يعيشك .. متكونش اهئ اهئ
كلمات كانوا كيما السطل البارد اللي تكب عليه .. الغش اللي كان فيه كلوا طفا .. غزر لرقبتها كيفاه حمرا .. لشفايفها .. دوك وين فاق الغلطة اللي كان راح يديرها .. شهقاتها .. ناض غمض عينيه بالقاوي .. حط يدو على جبهتوا .. الدوزة اللي  شربها .. أثرت عليه .. هبط يدو كبس عليها .. و خرج ......... (هاني طمنتكم علابالي حارقكم هاد البارتي )
......................................
الجنرال؛ المعنى
صهيب؛ الخط هو تنظيم روسي
الجنرال؛ شمعنى يظهر فالجزاير
صهيب؛ ريان
الجنرال؛ ريان !!
صهيب؛ اللي حاكم الخط عندو علاقة بيها .. رجال الخط هاجموا فيلا منار .. وراها اختفات .. و عاودت ظهرت .. كي رجعت هاجمها .. واحد من الديب واب ..
الجنرال؛ واش التخليطة هاذي .. علاه محكيتليش  من قبل ..
صهيب؛ كنت نتحرى .. كاين لغز منيش فاهموا
الجنرال؛ وش من لغز .. الطفلة صافا!!!.. تعرف شمعنى يجي وراها الديب واب ..
صهيب؛ منعها منار .. و اياد قتل القناص ..
الجنرال؛ و نتا وش كنت دير كي صرا ماذا كامل
حط رجليه فوق التابل و تكا راسو للتالي ...
صهيب؛ نتفرج
الجنرال؛ انعم  ا بابا ؟؟ ... ناسي بلي راني وحدة منا
صهيب؛  هيه و علابالي بلي منار يسلكها كون شفت الوضع يستحق التدخل نتدخل ..
هز الجنرال تيليفونو لقا ليزابال تاعها ..
الجنرال؛ عيطتلي !!
صهيب؛ باينة كي هاجمها القناص ..
...............................
إياد؛ زيد فتش مليح ..و نتوما تاكدوا من القارب تاع منار و دار المزرعة.. مشاو .. ترما عالكرسي .. حط يدو على وجهوا .. و تنهد .. ميقدرش يتحرك .. حاس روحو مربط .. ميحبش يكون إياد اللي كان قبل ما يدخل للمصحة العقلية .. مايحبش يرجع العبد اللي يحرق كلش على جال روحو ..لانوا هذا المرة الأمر متعلق بمنار .. كون اللي حياتو كامل و هو يخاف عليه من الشوكة .. ليوم راهو فطريقو بصح مايقدرش يأذيه .. تنهد بعصبية .. يحبها .. ميقدرش يفرط .. خسر من قبل .. و مش راح يتحملو خسارة خلاف .. يكفي اللي صرا فيه ... تعرفوا هاذاك الاحساس وقت لازم تتحركوا و تديروا حاجة بصح معلابالكش وش لازم ديروا .. علا خاطر راح تكون انانيين كون تتحقق رغبتكم .. على حساب سعادة غيركم .. و الحلول كامل تولي ..غلطات كون تديروها .. هذا  هو الاحساس .. انكم تقعدوا فكوان قي بيتكم تشوفوا مع الفراغ .. كلش يمشي .. غير نتوما توقفتوا عند اختياراتكم و حياتكم . دخل فارس .. حكا بلا ما يهز راسو ...
إياد؛ مش قلتلكم متجيوش حتى تجيبوا خبر
فارس؛ ههه بصح جيت
طلع راسو كي شافوا تبسم .. فارس ... خوه كثر من صاحب .. كان شاهد على كلش ... من المرات اللي كان يطيح فيهم يتوجع .. للحظاتو فنص المصحة العقلية .. لليلات اللي كان يطيح فيهم سكران .. و هو يهز فيه .. هو اللي علابالو تاع الصح شكون إياد .. كيفاه كان .. و علاه ولا هكا ..
فارس؛ ايوووو وين تهت .. مكش راح ترحب بيا فالجزاير عندي عامين مهبطتش .. مزالت البلاد دايرة كي ************ هههههه
ضحك على هدرتوا .. سلم عليه و قعدوا
فارس؛ ايه من الوجه هذا باين بلي صرات حاجة .. وجهك كي الهجالة يبان
إياد؛ نوض نعتلك الهجالة وش دير
فارس؛ ههههههههههه لالا خلي برك .. دوكا سيريو وش كاين ياخي قلت عرفت كلش و مديتلها وقت تخمم
إياد؛ منار بيناتنا تصدق .. خويا يحب المرا اللي نعشق فيها .. و منقدر ندير والو .. راهو ودلي كتر من خويا .. حاس روحي مربوووط
فارس؛ كيفاه منيش نفهم مليح ...
حكالو....
...........................................
الديب واب :(الحوار بلغة أجنبية كي نعود نحكي عالديب واب مش قادرة نكتب بلونڨلي و نزيد نترجم دونك تخيلوا برك )
-كيفاه يتقتل هاذي شكون قتلوا !!!
-كاين واحد كلفوا بمهمة وراها تقتل .. بصح عندي كلش
- البزوز تاع الجزاير ولا و يقتلوا من جماعتنا راك فايق وش راك تقول
-وش نديرو
-طلعلي دوسياتهم كامل .. عندنا بزاف مدرناش فيلم مليح ..
........................ الليل ...................
خرج من الدوش .. أخيرا تنحا مفعول الشراب .. لبس تريكو و شورت .. حاب يمحي وش صرا من راسو كامل .. مش فاهم الدوامة اللي دخل فيها .. قبل أيام كان مخمم يخطبها .. لقاها دوكا عميلة .. عدا يدو على وجهوا .. قدم للكزافوز .. حل القجر .. قابلوا البوات تاع الخاتم تنهد بوجيعة .. هزو حلوا شاف معاه .. عاود خباه و قفل القجر .. مشا خطوات و حبس .. عاود جبدوا و مشا لبيتها ..  حل الباب بقوة .. لقاها قاعدة فالشوكة تاع البيت لافة الغطا عليها .. ترجف .. و تدوح (حنا نقولوا هكا شغل تروح و تجي ) ...مع سمعت الباب تنطرت حصرت روحها للشوكة كثر .. شوفتها هكاك قسمتوا .. توقع يلقاها رقدت.. يدخل تسبوا .. تضرب .. تعيط .. تحاول تهرب .. ترقد .. تبكي .. بصح الحالة اللي كانت فيها تخوف كثر من هادوا كامل ... قدم بخطوات فاشلة .. مهزتش راسها جيست تتكمش برك .. هبط لين قعد. لا مقابلها .. مهزتش عينها من لرض .. جا يقيسها .. تنطرت جبدت .. حبس قبضتوا .. قداش عف روحو .. غزر لشعرها للي داخل بعضو .. لرقبتها كي زراقت .. تنهد و جبد يدو ...
منار؛ مش راح نقولك تسامحيني ...انا مش قانع بالشي اللي درتوا .. و الشراب كان مدوخني ..كثرت الدوز .. و غلطت .. مهما كان الشي اللي درتيه فيا .. منخممش اني نرجعهالك بحاجة كيما .. هاذي .. مالڨري اللي درتيه ميفوتش و ما ميتقبلوش العقل ..
غزرلها مزال نفس الحالة
منار؛ فالشي اللي صرا هذا الشهور كامل .. درتيني تاپي حطيتي رجليك عليه بش توصلي لوين راكي حابة .. محسيتيش ولو شوية .. وش ممكن يكون شعوري .. ريان عمري حبيت طفلة .. تعرفي وش معناها .. يعني نشوفهم حاجة تاع تمسخير ...حتى شفتك نتي .. طحت .. لقيت فيك انا .. كنتي مرايتي .. العناد الغموض الحاجة السهلة الممتنعة ... كنت كل نهار نزيد نطيح فالوقت اللي تستغلي