العميلة306 الجزء الثاني (اللهجة الجزائرية)

الحلقة 51

...الحلقة  51  :
جبد روحو منها .. غزرلها في عينيها .. لحظات و هو هكاك ..
منار؛ علابالك وش حاب ندير .. نخطفك منا .. نروحوا لبلاصة واحد ما يعرفنا .. حنا و منعرفوش رواحنا .. وين منكونش ولد الهاشمي و متكونيش ريان تاع الماضي .. يكون كاين حاضر برك ..
ريان؛ تشفا نهار قلتلك اذا مستعد تكون فجانبي  . .جوابك كان لالا
قدم اكثر حصرها حط راسو في وذنها يحكي ..
منار؛  مش نفسهم حاب نبعد على كلش بصح نتي حابة تكملي فاللعب
جات دزو كبس عليها
ريان؛ بععد
منار؛ مش حاب نبعد .. بالاك متزيدش تصحلي فرصة هك .. نهار كامل و نتي معاه؟؟ ..
جبد روحو يثبت في عينيها 
ريان؛ شكون
منار؛ علاه كاين بزاف ؟ ..اللي صافحتيه قدام البحر
هزت حاجبها تڨحرلوا. .
منار؛ نذبح ******** نتي واياه و نتهنا دوك ؟
ريان؛ نتا مريض غير روح داوي .. كل دقيقة يتحول لبنادم خلاف
منار؛ هههه
ريان؛ هاذي حاجة تضحك !
منار؛ امم.. آخر وحدة قاتلي مريض فرغت فيه زوج فرد
ريان؛ مجرم كيفك كيما باباك
منار؛ كانت جاسوسة لمافيا خلاف
ريان؛ حاب يقول راح تفرغ سلاحك فيا
منار؛ خممت فيها .. بصح منين نجي نلقا عينيك يقتلوني قبل ما نخمم .. نعشق الرحمة تاعك
على كلمتوا التالية ثبتت في عينيه .. احساس غريب .. شغل حاجة كانت تستنا فيها .. و سمعتها .. حبت تثبث لروحها بلي هو الغالط خاطر فرط فيها .. لا والعكس انوو تخلى على على جالها لخوه.ريان؛ منار
منار؛ ممم
ريان؛ نتا أحسن كي تكون مش واعي
دور خصلة من شعرها على صبعوا
منار؛ على هادي راني هنا .. كون جيت صاحي محال نجي
ريان؛ كبريائك هو اللي وصلنا هنا
منار؛ و انتقامك و برودك و كذبك و ..
ريان؛ مش راح تفهم غير روح
منار؛ احساس خايب من الداخل نحس فيه .. من جيهة راكي فدار زوج رجالة بغض النظر انك تربيتي معاهم .. من جيهة اياد .. راح نهبل
دزتوا رجع بخطوة للتالي .. غزرلها ..
ريان؛ هدرتك اللي تحكيها و نتا مش واعي معادتش تعنيني .. و قبل ما تخمم انك تغير و تتحرق و معرف واش .. تذكر نهار رفضتني .. و تذكر بلي قلت لخوك  منيش مهمة فحياتك .. دونك نتا اخترت .. نتمنى منزيدش نشوفك فطريقي .. هي فالاصل مكش راح تصادف بيا ..
جات تتحرك للباب .. عاود جبدها بقوة .. رجعلها يدها ورا ظهرها و كبس عليها .. لين توجعت .. جات تفك روحها بيدها الثانية حكمها تاني
منار؛********* وش قاعدة تخلطي .. مش صاحي مش معناتها .. تخلطي ******** الهدرة ..قبل كلشي متنسايش شكون انا .. منار .. منااار تفكري هاذ الاسم اذا نسيتي .. مرفضتكش و مقلتش متهمينيش .. و حطي رجليك في ما بارد .. تطبق السما عالارض واحد ما يديك ..
ريان؛ ههه زايد ثقة
تبسم باستفزاز اكثر من ضحكتها
منار؛ نتي جربيني و شوفي .. ديريها مليح في مخك الصغير هذا ..مش كي كي مرانيش معاك .. نسيب .. و صدقيني حياتي بكل ماكانش حاجة حطيتها فراسي ماكانتش ليا ..
طلقها نفضت تمسح في معصمها وجعها .. عطاها بالظهر جا رايح مشا خطوات و عاود رجع .. تنهدت .. كي رجع هزت حاجبها تڨحرلوا .. رما يدو تحت رقبتها .. و جبدها بغل باسها .. باقية تدز فيه .. جبد روحو عدا صبعوا على شفتوا .. و ڨحرلها
منار؛ تاع بالسيف خير
غمزها و مشا .. طلعت يدها تمسح فشفافها بغل .. تعدا بالطاكسي .. هبط الكارو .. غزرلها و ديمارا. .
ريان؛*******
تنهدت .. تاخو فالنفس و تعاود .. بش تهدا .. شخصيتوا النرجسية تكرهها .. متحبش شعور انو تتفرض عليها حاجة. . متحبش فكرة انو يبعد كيما يحب و يرجع وقت ما يحب

مطار هواري بومدين :
الرحلة على وشك الاقلاع الرجاء اغلاق الهواتف ووضع حزام الامان ..
تنهدت و طفات التيليفون .. شعور من الداخل قاعد يقولها بلي راني قاعدة تهرب مرة خلاف .. تلفت لجاكي و ريكي لقاتهم كل واحد وين سارح .. جاكي يقرا في كتاب و ريكي يبزنس عالمضيفات ..  تبسمت و تلفتت تخزر للطاقة .. الطيارة بدات تطلع . للحظة ضرب فراسها كلامو .. وش انو كي قالت نبداو من جديد تبعد هي واياه لبلاصة جديدة عباد جدد .. تمسح كلش .. لهاد الدرجة الانتقام عشش في راسها .. خلى سنين حياتها تعدي وحدة ورا حتها ..بلا ما تفيق .. انو طول عمرها كانت تتمنى تتلاقى عايلتها .. كي جات اللحظة .. جفن مرفلهاش.. انو قدرت تركب فالطيارة بلا ما تقدير حساب لاي شعور ندامة داخلها .. تفكرت الميساج اللي بعثتوا لاياد بلي راني مسافرة .. زعما علاش خممت في اياد و بعثتلوا و منار لالا..  هو سؤال واحد .. شعور مختلف .. انك حبيبتي وواحد و زدتي حبيبتي الثاني .. هكا الناس مشاعرهم مخلطة .. منقدروش نكونو هاذاك الشخص اللي نظامي في كل شي .. عند و الشعور المناسب فالوقت المناسب .. كل واحد فينا مزاجي لحد ما ..
............ ... تنهد .. صح واجعتوا انو سافرت و كانت مخممة تسافر و محكاتلوش .. بصح من جهة خلاف حاجة مطمنتوا .. على خاطر بعثتلوا ميساج.. كانت قادرة متهدرش .. معريفتوا بيها تخليه متأكد انو بلاصتوا مزالت .. جيست لازم يتعب عليها برك .. كمل نشف شعرو .. هز التليفون .. غزر لميساجها مرة خلاف و خدم نومروا ..
إياد؛ وليد  وش جوالك.. لباس حمد الله .. كاين اسامي اكيد تعداو بالمطار نحب نعرف وش من رحلة .. دوك نبعثلك Lee détails .. ميساج ..
كوبا رما التليفون ووقف فالبالكون .. خذا نفس ..
إياد؛ راح نكون وين ما تكوني .. مصبرتش السنين هاذي كامل بش نخسر دوك .. دخل بدل قشوا و خرج ..
....................
حل عينيه .. حكم راسوا .. راح يطرشق .. غزر للبيت اللي راهوا فيها .. تنهد .. دار كامل ما لا غير البيت اللي كانت ترقد فيها هي  هز يدو يغزر للتاتو .. تفكر للي صرا البارح.. رغم اللي شربوا كامل مزالوا متذكر كل شي .. عدا يدو على شفتوا التحتانية .. وتقعد طول للدوش .. حل السبالة .. و بلا هكاك ولا حركة .. معلابالوش وش لازم يدير.. لاول مرة حساباتو تتخلط لهاد الدرجة ..  كمل الدوش لف منشفة عليه و خرج..  بدل قشوا و هز تيليفون .. مع هزوا ليا .. خمسين ابال و ميساج .. ضيق عينيه .. نومروا تاع اللي حاطهم يعسوا عليها .  خاطر متأكد الديب واب ميسكتوش .. زرب عيطلوا ..
منار؛ وش كاين !!
-مقريتش الميساج
منار؛ مقريتش
-ريان ر
منار؛********* واش اللي ريان هاذي صحبتك ! متسميش اسمها خلاص  كون تصرالها حاجة علابالك يخي
-سامحني .. جيست حبيت نتأكد منك اذا علابالك بلي سافرت
منار؛ كيفاه
-تبعناها ليوم للمطار مع هاذوك الزوج خاوتها ..
منار؛ وش قاعد تخلط ******** صباح ربي ؟
-عند بالنا علابالك و حاولنا نعيطولك محكمناكش
منار؛*************** خليتوها تروح !! وين وين سافرت ؟؟
-نيويورك
كوبا عليه .. غمض عينيه بالقاوي  تلفت للكوافوز .. عدا يدو كسر كلش فوقها .. تلفت للبيت .. ماخلا حتى حاجة ما كسرهاش .. ترما عالحيط .. لين قعد .. حط يديه على راسوا .. مش مستوعب .. كيفاه حتى سافرت ..علاه؟ ..راسو راح يطرشق .. كابس على يديه .. مش عاجبتوا فكرة انها بعيدة انو مش رايح يقدر يشوفها وقت ما يحب .. خبط راسو عالحيط اللي وراه ..و تنهد ..
........................... ........
#العميلة306
#يسرى_أمجوج