العميلة306 الجزء الثاني (اللهجة الجزائرية)

الحلقة 57

..الحلقة57:
إيريكا؛ هههه البرد لالا ..
إياد؛ تولهي طيحي !
إيريكا؛ هه نورمال والفت .. هادي دارك ؟
إياد؛ اممم امشي بلعقل تطيحي .. نورمال تشربي قرعة كامل ..
دور يحل الباب تاع لابارتومون ..
تلفت لقاها قعدت فلرض تبكي ..نزل عندها
إياد؛ علاه راكي تبكي ؟!
ضحكت و طلعت راسها شافت معاه
إيريكا؛ على خاطر كل نهار نتأكد بلي راني وحدي
إياد؛ هيا نوضي ..
حط يدها على كتافو و دخلها .. ترمات عالسرير. .
إيريكا؛ علاه لللي نحبوهم ميحبوناش ؟ لهاد الدرجة رانا خايبين
إياد؛ سيي ترقدي
جا خارج حكمتلوا يدو تلفت غزرلها ..
إيريكا؛ متروحش حتى نرقد عيشك. 
غزرلها جبدت يدها و ريقلت روحها في بلاصتها .. قعظ عللفوتاي مقابلها  .. فراسو الف من حاجة .. حتى غفا هو تاني ..
......................كملت هزتوا حتى خرجوا من النفق .. دخلت يديها لجيبو جبدت تيليفونوا .. عيطت لباباها .. شوي و هز
يزيد؛ منار ؟
ريان؛ م م نار مش يتتفس و هاجمونا و
يزيد؛ رياااان وش صرا
ريان؛ رانا برا النفق اورب جيب اسعاف ولا اي حاجة
يزيد؛ اوكي متخافيش
نزلت التيليفون من يدها .. تهز فيه .. طبست تعملوا تنفس صناعي والو ..دموعها نزلوا .. مرات تمسحهم و مرات تهز  فيه .. تغزر ساعات بالاك يكونوا لحقوهم .. شوي و حبسوا طاكسلت قدامهم ..  و اومبيلونس .. نزلو يجريو بالنقالة .. جا عندها باباها
ريان؛ بالشوي هزيه حاطتوا جمل نهدر معاك
يزيد؛ اتهدني متفهمش لونقلي .. يعرفوا خدمتهم وش صرا ؟!!
ريان؛ هاجموا القصر .. طلقوا فيه غاز  ال VX
يزيد؛ الرجال مشطوا لفصر ملقاو حتى واحد
ريان؛ مش وقتها الهدرة هادي  طلعت فلومبيلونش جات تمنعها خزرت فيها .. هزلها يزيد براسو تاع خليها تطلع .. حاكمة يدو و خوما حاطينلوا اكسجين ..
ريان؛ مكلاه تموت نتا تاني .. بزاف  مش كل مرة نتوجع أنا ..
طلعت راسها ترمش بزربة .. بش متبكيش .. شوي و وصلوا للسبيطار  دخلوه ايرجونس .. ترمات عالكرسي .. حاطة راسخا بين يديها .. مش راح تركح نهار من حياتها ..  تلفتت كي قغد قدامها .. ڨحرتلوا و دورت
يزيد؛ رح يكون بخير ..
ريان؛ وين علابالك نتل .  عشت وش عشنا !! هاذي هي حمايتك غي نهار قريب تقتلت .. غير حبس دراما الأبوة تاعك .. شايفوا اللي مطيش للداخل مالڤري ولد عدوي بصح حماني خير عليك لقيتوا في ظهري كتر من بابا .. ولد عدوي تصدق ..
يزيد؛ عندك الحق. ..
سكتت مش قادرة تحكي .. معادش عندها قوة بش تلوم ولا تعيط .. تجاوزت مرتحل الغش الانفعالي .. يلحق الوقت وين ننصجوا قبل وقتنا .. و الحوايج اللي كانوا  يخلوينا نعيطوا ولينا نتجاوزوهم بكلمة "ايه صح "
تلفتت كي خرجوا تنطرت تسقسي فالطبيب و هو مش فاهم قدم باباها يحكي معاه بالروسية .. شوي وراح
ريان؛ و و وش راو يقول علاه نزل راسو ؟!!
يزيد؛ تجاوز مرحلة الخطر متتفسش كمية كبيرة ..  مي معلابللهمش وكتاه يفطن ..
تنهدت و قدمت للمراية تغزرلوا ..
ريان؛ حابة ندخل مكلاه تقولي ميخليوكش
يزيد؛ الكلينيك تاعي
ريان؛ هه بش داوي الناس .. كاين جروح متتداواش سي يزيد ...
خلاتوا و مشات تحوس وسن تبدل. .. لبست البافات و كلش و دخلت عندوا .. قعدت عللكرسي قداموا ..
ريان؛ متوقعتش يجي النهار و نكون انا وياك في بلاصة هكا .. توقعت يا قاتل يا مقتول .. بصح تكون انتا هكا لالا .. يمكن حتى لاخر لحظة كنت فعيني صورة هاذاك المتمرد .. اللي حاجة متوقفوا .. حتى باباه ..  شوفتك و نتا في موقع الضعيف .. متعجبش خلاص .. تعرف وش المفارقة .. انو كل مرة تجمعنا مشكلة ..و اللي غايضتني انو كل مرة نكون انا نقطة صعفك ..
هزت يدها مسحت دمعتها ..
ريان؛ هاك خليتني نبكي .. نورمالمو تكون ميت بالفرحة دوك ..مع نتا مكش مصدق روحك و زيد ههه ...  تلفت تخزر لجهاز تحطيط القلب ...
ريان؛ مدام قلبك يخبط مش راح تصرالك حاجة ..
.....بعد أسبوع ..........
تاكل فالسندويش تغزر للعباد .. هادي حالتها كل يوم .. حتى لدوك مفاقش .. يزيد كل يوم يجي يطل .. هذا غير رجالو اللي متبعيني عالدقة مخصهمش يدخلوا للتوالات معايا .. كملت السندويش و طلعت حليت باب بيتوا لقيتوا مكانش زدت التوالات تاني مكانش !! ... تنطرت نسقسي فالفرملية بالاشارة
مفهمتش .. حطيت يدي على راسي ..عاودت رجعت للبيت .. حليت ال porte fenêtre لقيتوا متكي عالحرف يتكيقفو يغزر للشلج يصب ..
ريان؛ منااااار !!! نتا نورمال في راسك نا مقلبة الكلينيك و نتا اك هنا و زيد تتكيف و لا بالدومي مونش فالبرد ..   ديجا منين جاك اخان وكتاه لحقت تغطن و تجيب جدو .. رماه  قدمت حطيت يدي على كتافو ندوروا .. جبدني في حملتوا .. ريان؛ وش دير
منار؛ اول مرة نخاف ريان !!  كنت خايف نموت و منقدرش نقولك بلي نحبك.   نموت وانا نادم على خاطر قلتيلي هيا نكون كيفكيف و انا محبيتش .. على خاطى سمحت هاذي المدة كامل .. اني نروح و منزيديش نحضنك و لا نكون قريب هكا .. لحظات قبل ما ندوخ كنت نشوف معاك .. بزاف هدرا كان لازم نقولهم ..و مقدرتش .. حسيت صح بلي عشت حياتي كامل ضايع و الوقت اللي لقيتك فيه زدت ضيعتك ... فكرة اني واقف معاك دوكا .. كيما الحلمة .. نتي دفايا .. و نتي كلش ريان ..
جبدها من حملتوا باقي لاف يديه على وسطها ..يغزرلها .. من قبل نتي قلتيلي نطيشوا كلش و نهربوا .. دوكا نا نقولك نغرزوا كلش و نستقروا .  مش حاب نهرب من اليوم .. حاب نكون معاك .. 
ريان؛ وش ق اعد تهدر هز حاجبوا و ضحك
منار؛ ههه تمسخري بيا مم قبيل و انا نهدر فلخر
ريان؛ هههههه م
طبس باسها
تحل الباب دخل إيادا و ايريكا ..
#يسرى_أمجوج
#العميلة306
توضيح صغير :
للي يقولوا طولي و كدا و رانا نستناو و .....
انا كي نبدا كرونيك نحط فلول بلي مزالت في طور الكتيبة شفتي روحك متصبريش اقراي كرونيكات كاملين 
انا انسانة نطول فالكتيبة .. كل مرة كيفاه .منيش نعيش 24 ساعة هازة تيليفون بش نكتب كيما نتوما تقراو وقت فراغكم انا نكتب وقت نفضا من شغالاتي .. و بالزيادة انا كي نكتب نحب افكار مختلفة ما عندها حتى معنى نكتب بلي مشاو كلاو داروا زوجو .. +18 .. كاين بزاف انواع هكا اذا تحبوهم اقراوهم لحقنا وين في عوض ما يقدروا تعب الواحد يقولوا علاه طول و علاه هكا وو.. راهي مهيش خدمة هاذي جيست تعقاب وقت .. دونك فوتكم من طولتي و علاه هاذي
مع احترامي للبنات اللي متفهمين طريقتي فالكتيبة ❤