قسوة ثم حنين 2 ( كاملة )

إعلان مهم 💔

السلام عليكم...
إن لله وإنا إليه راجعون...
أصعب يوم وأصعب لحظة فى حياتك لما تفتح عينك تلاقي أمك اتوفت !!...
بتكون تقلب فى الفيس بوك عادى وبتضحك...فجأة وشك يضلم وانت بتقرأ بوست أخوك ناشر...أمي فى ذمة الله !!...انتو متخيلين كمية الوجع والصدمة !!...متخيلين تنزل تحت تلاقي القرايب متجمعة فى البيت بينضفوه عشان العزا !...تستناها لحد ما تيجي من المستشفي عشان انت حاسس انهم اكيد اكيد بيهزروا...فجأة تلاقي أخوكي دخل البيت بعد ما رجع من السفر وكان متغرب شايل أمك بين أيديه !!...طب ازاى !!..وليه وامتي !!..دى كانت لسه كويسة امبارح وطالعة من البيت بتضحكلي وبتتكلم معايا...فجأة تلاقيها نايمة مغمضة عينيها مش بترد ولا بتتحرك !!...بصرخ وبكلمها وبترجاها تقوم ترد عليا او تفتح عينيها لانها مينفعش تسبني ...مينفعش والله انا لسه صغيرة مشوفتش حاجة فى الدنيا وعمايلها لسه...الاقيها هي أول وجع أعيشه فى حياتي !!...ازاى يعني الكلام ده..هي هي أكيد هتصحي وتكلمني زى كل مرة بتتعب فيها من غسيل الكلي..بتقوم وتكلمني وتضحك ونتصور رغم اني مقصرة معاها والله مقصرة كتير ومكنتش بلاقي منها غير الدلع والصبر والدعاء....طب خليها يارب ترجعلي وانا هتغير..والله هتغير معاها وأسمع كلامها وأحرق التليفون ده اللي حرمني كتيير من اني اقعد معاها وأشبع منها...الندم بيقتلني اكتر وبقول ياريتني ياريتني..بس للاسف الندم بعد فوات الآوان مبينفعش أبداً.....كنت بسمع ان سنة 2020 دى سنة كوارث وحصل فيها دمارات كتير ومش بصدق...لكن بعد وفاة حبيبتي وكل حاجة ليا فى الدنيا صدقت...سامحيني يا أمي...سامحيني بالله عليكي اني قصرت فى حقك....سامحيني فى كل مرة ندهتي عليا فيها ومقومتش ليكي...سامحيني علي كل مرة رفضت فيها اني أنضف البيت وأكنس وأغسل المواعين وأحضر الأكل بحجة ان اختي قاعدة او انتي تعمليها...سامحيني يا حبيبتى وخلي ربنا يسامحني لحد ما أجيلك وأنا أوعدك مش هتأخر عليكي لاني بموت من غيرك والبيت مضلم أوى...
أرجو من كل بنت و ولد يسمعوا لأمهم وأبوهم..يسمعوا كلامهم ويقعدوا معاهم ويتكلموا ويضحكوا ويتصوروا أوى...يتكلموا ويشبعوا منهم كتير..التليفون الله يلعنه بيحرمنا من حاجات هتقتلنا..سيبي التليفون هيستني وأقعدى مع مامتك وباباكي كتيير.لان الموت مبيستناش....هتصحي ف مرة زيى هتلاقي حد منهم بعد الشر راح للى خلقه ومش راجع..ساعتها أهلا بيك فى أيام ملهاش عدد بتموت كل لحظة من الندم انك مقعتدش معاها..وهتموت من الشوق انك تسمع الصوت بس ومش هيحصل...لان اللي راح مبيرجعش..
مع السلامة يا أمي..مع السلامة يا حبيبتي...وحشتيني ومش قادرة أقعد فى البيت وانتي مش فيه...امبارح بس عدا عليا وانا اتمنيت الف مرة انك ترجعيلى وهقعد معاكي والله على طول ومش همسك التليفون ولا الكتابة ولا القراءة ولا أقلب فى الفيس بس ارجعيلى البيت وحش أوى من غيرك والوحدة بتقتلني...مش بسمع ندائك ليا ولا ضحكتك وهزارك معايا...كله أختفي ومش راجع تاني ..ربنا يصبرني علي فراقك يا حبيبتي...
أرجو منكم الدعاء لوالدتي بكثرة فى دعواتكم وصلاوتكم بالرحمة والمغفرة والعفو عنها فضلاً...
اللهمّ أبدلها داراً خيراً من دارها، وأهلاً خيراً من أهلها، وأدخلها الجنّة، وأعذها من عذاب القبر، ومن عذاب النّار، اللهمّ عاملها بما أنت أهله، ولا تعاملها بما هي أهله، اللهمّ اجزها عن الإحسان إحساناً، وعن الإساءة عفواً وغفراناً، اللهمّ إن كانت محسنة فزد من حسناتها، وإن كان مسيئة فتجاوز عن سيّئاتها، اللهمّ أدخلها الجنّة من غير مناقشة حساب، ولا سابقة عذاب، اللهمّ آنسها في وحدتها، وفي وحشتها، وفي غربتها، اللهمّ أنزلها منزلاً مباركاً وأنت خير المنزلين، اللهمّ أنزلها منازل الصدّيقين والشّهداء والصّالحين وحسُن أولئك رفيقاً، اللهمّ اجعل قبرها روضةً من رياض الجنّة، ولا تجعله حفرةً من حفر النّار، اللهمّ افسح لها في قبرها مدّ بصرها، وافرش قبرها من فراش الجنّة، اللهمّ أعذها من عذاب القبر، وجفاف ِالأرض عن جنبيها، اللهمّ املأ قبرها بالرّضا والنّور، اللهمّ إنّها في ذمّتك وحبل جوارك فقِهِا فتنة القبر، وعذاب النّار، واغفر لها وارحمها، إنّك أنت الغفور الرّحيم، اللهمّ يمّن كتابها، ويسّر حسابها، وثقّل بالحسنات ميزانها، وثبّت على الصّراط أقدامها، وأسكنها في أعلى الجنّات بجوار حبيبك ومصطفاك صلّى الله عليه وسلّم، اللهمّ أمّنها من فزع يوم القيامة، ومن هول يوم القيامة، واجعل نفسها آمنةً مطمئنّةً، ولقّنها حجّتها، اللهمّ اجعلها في بطن القبر مطمئنّة، وعند قيام الأشهاد آمنة، وبجود رضوانك واثقة، وإلى أعلى درجاتك سابقة، اللهمّ انظر إليها نظرة رضا، فإنّ من تنظُر إليه نظرة رضاً لا تعذّبه أبداً، اللهمّ أسكنها فسيح الجنان، واغفر لها يا رحمن، وارحمها يا رحيم، وتجاوز عمّا تعلم يا عليم، اللهمّ اعف عنها، اللهمّ إنّ رحمتك وسعت كلّ شيء فارحمها رحمةً تطمئنّ بها نفسها، اللهمّ احشرها مع المتّقين إلى الرّحمن وفداً، اللهمّ احشرها مع أصحاب اليمين، واجعل تحيّتها سلامٌ لك من أصحاب اليمين، اللهمّ اجعلها من الّذين سعدوا في الجنّة خالدين فيها ما دامت السّماوات والأرض🤲🙂🖤