قسوة ثم حنين 2 ( كاملة )

🔥🔥 اقتباس🔥🔥

#_قسوة_ثم_حنين2.
#اقتباس_من_الحلقات_القادمة..

يآكل التراس ذهاباً وإياباً بوجه يحتله الغضب متمتماً بكلمات غاضبة ويكاد بالجنون ، رفع بدر أنظاره نحوه ببرود ليتابع طعامه بلامبالاة ويتمدد بأريحية علي الأريكة متجاهلاً إياه ، رمقه زين بغيظ وهم بالصراخ عليه ليتوقف علي ولوج عمر للمنزل بسرعة راكضاً حتى توقف أمامه يستعيد أنفاسه ليهتف زين بترقب_ها عملت ايه ؟!
ضرب كفه بالآخر بحنق _ولا اى حاجة .
كادت ان تنفلت ضحكاته ليكتمها فيتطلع له كلا منهما بغيظ ثم يتإفف زين بانفعال _والعمل ايه دلوقتي ؟؟!...احنا ممكن نطرد من الجامعة.
تأفف عمر ليخلل أصابعه بين خصلاته بحيرةً_المشكلة دلوقتي فى دكتور كارم اللي راح القسم يبلغ علي اللي عمل كده في شقته وكسرها...ده غير أخوه اللي دماغه اتفتحت بسبب الحيوان ده اللي كسر الڤازة علي دماغه وراح بيه المستشفي ودلوقتي رايح علي القسم..
ختم حديقه وهو يشير لمن يكبت ضحكاته بلامبالاة ، تطلع له زين بشرار ليصيح بانفعال_اموت وأعرف جايب برود الدم ده منين..
أجابه بدر مبتسماً ببرود وهو يداعب القطة بين يديه دون النظر إليه _ من كازيون...عندهم اسعار تحفة.
اقترب عمر صائحاً بغضب _ بدر متجننيش...قوم معايا دلوقتي علي القسم نعترف.
عقد زين حاجبيه صائحاً بحدة _ نعترف بأيه انت كمان ! انت متخلف ؟؟..لو عايز تعترف انت اتفضل
تطلع عمر لهما بدهشة صائحاً _ انا مش فاهم بصراحة..يعني اللي انتو فيه ده بسبب مين بالضبط !!..انا ولا انتم ؟؟..
رمقه بدر ببرود _ هو بسببنا اه..بس انت صاحبنا...يعني ممكن بكلمة مني أجيب رجلك فى الموضوع بكل سهولة وأخليك انت اللي شجعتنا علي الخناقة من الأول وكسرنا شقة كارم وفتحت دماغ أخوه..كل ده بأمر وتشجيع منك يا صديقي الصدوق..وأظن انت عارفني..
ضحك بسخرية صائحاً بحدة _ طبعا عارفك..واطي وتعملها.
ابتسم له ببرود _ شكراً يا حبيبي.
زفر زين بحنق _ ممكن تخرسوا بقا عشان نعرف نفكر..
تطلع له عمر برفع حاجب ساخراً _ نفكر بأيه انت كمان !!..انتم لازم تروحوا القسم وتعترفوا انكم عملتو كده من غير قصد مش حرامية هجمت علي البيت زى ما الدكتور كارم قال وتلاقيه بيدور عليهم دلوقتي...
وكمان تعتذر لأخوه يا مصيبة باشا..
ضحك بدر ساخراً _ أعتذر !!..ده انا أجيب الواد بعتذر يعملها غصب عنه ولا إني أفكر حتي أعملها..انت مجنون يا عمر ؟؟
ولج " بعتذر " لمنزله ليراهم علي تلك الحالة ، تعالت ضحكاته الساخرة لتتحول لبكاءٍ صائحاً بحنق _ حسبي الله ونعم الوكيل..
رفع عمر اصبعه بغيظ _ دى جملتي علي فكرة يا صاحبي....ثم اتأخرت ليه لدلوقتي ؟؟..
اقترب " بعتذر " وهو يرمق ذلك الممدد بغضب ليزفر بحنق _الدنيا والعة فى القسم هناك..والاستاذ كارم علي أخره..شكلنا كدا أترفدنا رسمي من الجامعة لو عرف بينا...وده علي وشك انه يحصل.
عقد عمر حاجبيه بعدم فهم _ ازاى ؟!
وقف " بعتذر " لجانبه يتأفف _ الزفت ده لما كسر الڤازة علي دماغه وحاول يهرب وأخو كارم مسكه..لكن لان النور كان قاطع معرفش يشوف ملامحه بس تقريبا استنتج حجمه وسنه قبل ما يهرب.
رفع بدر حاجبيه ساخراً _ ايه التحليل الغبي ده !؟..
بعتذر أنا مش ناقصك..
عقد " بعتذر " ساعديه ساخراً بغيظ _ المشكلة يا حضرة مش فى التحليل...تليفونك وقع فى الشقة لما هربت وأخو كارم لاقاه..وحالياً بيحاولوا يفكوا الباسورد عليه
هب بدر واقفاً بفزع _ تليفوني !؟..نهار اسود.
صاح بعتذر بتشفي _ حضرتك انكشفت يا استاذ..ودلوقتي بس حسيت ؟؟
تأفف بدر يُردد بغيظ وبلاهة كأنه لم يستمع له_ الخلفية عليها صورة أمي زينة وكدا ممكن يعاكسوها ؟؟
وضع عمر يديه أعلي رأسه بحسرة _ يا الله..
صاح زين بنفاذ صبر ويكاد ان يفقد عقله من ذلك الابله _ احنا فى ايه ولا ف ايه ياأخي ؟؟..
تطلع له بغيظ صائحاً _ دي أمي يا حبيبي...واللي مش ممكن ابداً أقبل ان حد يعاكسها مهما كان مين...ليه الكرامة انعدمت ولا ايه ؟؟..
تنفس عالياً ليردف بإصرار _ اسمعوا...انا هروح القسم وأعترف ان عملت كداوأعتذر كمان لأخوه بس ارجع التليفون قبل ما يفتحوه وبدل ما يعاكسوا أمي بس..هيعاكسوا عيلتي كلها.
***********
أمسك العامل الهاتف يحاول فك شفرته بعد ان جلس لجانب الضابط الذى يجلس أمامه برأسٍ مضمدة بالكامل ويتأوه بألم شديد بينما يجلس قبالته شقيقه الدكتور كارم بوجهٍ غاضب يتوعد لمن فعل ذلك بمنزله وبشقيقه وينتظر فتح ذلك الهاتف حتي يعرفه هاتفاً بغضب للعامل_ لو سمحت خلص بسرعة..
الضابط بزفر _ اهدي يا دكتور كارم...متقلقش هنعرفه.
هتف بنفاذ صبر _ أهدي ازاى أنا بيتي مفيهوش حتة سليمة ..
تطلع " سالم " له يتأوه بألم يحتل ملامح وجهه ذو التجاعيد ليهتف بتأفف_ اهدي يا كارم ان شاء الله هنعرف الحيوان ده مين.
زفر العامل ليضع الهاتف علي المكتب أمام سالم هاتفاً بجدية _ للأسف يا فندم التلفون بيه شفرة صعبة جداً انها تتفك بدقايق..
لمح " سالم " الهاتف المُضئ ليرى صورة تلك السيدة الجميلة بمنتصف عمرها وعلى ثغرها ابتسامة ساحرة..عقد حاجبيه يحاول التذكر فهو يشعر بأنه قد رأها من قبل...خفق قلبه حين بدأ بالتذكر شيئاً ف شيئاً...فهذة كانت والدة أحدى طلاب مدرسته منذ سنوات وكانت قد تأتى مراراً لولدها ذو المصائب المشاغبة....هل يمكن أن يكون !!!..
جحطت عينيه بفزع شاهقاً بقوة لا تناسب عمره فصدمته الآن إنه سيلتقي به مجدداً بعد تلك السنوات أمراً جحيمياً...قاطع تفكيره من فتح الباب فجأة ليدلف صائحاً بتذمر_ أيوةأنا اللي عملت كدا ودخلت بيت آآآ..
توقفت الكلمات عن الخروج فكاد فمه أن يلامس الأرضية وهو يراقب ذو الرأس المُضمدة بصدمةً لا مثيل لها..هل حقاً رأه مجدداً !!..تلقائياً تزاحمت أفكاره بجميع ما قد فعله بالصغر...حين كان صغيراً مشاغباً لأبعد حد لا تمر دقيقةً إلا بورطةٍ جديدة تنتهي بعقابه أمام الحائط علي قدم واحدة رافعاً ذراعيه لأعلي منتظراً أمر المدير سالم الصارم أن ينزلها..
وقف سالم يراقبه بعينين متوسعة يراقبه بصدمةً وكم تغير مظهره ما ان نضج الآن وأصبح شاباً وسيماً!..
لم يعي بدر بذاته وهو يرفع ذراعيه لأعلي ويقف علي قدمٍ واحدةً ولا تزال الصدمةً أنه يراه يقف أمامه وقد خطي الشيب خصلاته صائحاً بلاوعي كالطفل الصغير بصدمة_ أنا أسف..
ولج " بعتذر " يتأفف ليقف شاهقاً بقوة ولم يختلف حاله عن عمر الذى توقف لجانبه بصدمةً..ف أصبح الثلاثة بحالة لا يرثي عليها وهم يروا مُدير مدرستهم بالصغر عدا زين الذى يرمقهم باستغراب وتعجبٍ..
جاهد سالم للتحدث بصدمةً _ بدر !!!..
هتف كارم باستغراب رافعاً حاجبه بحدة _ بدر !!..
اذدرد بدر ريقه ليهتف بصعوبة بصوتٍ مبحوح حين بدأ يستوعب الأمر من الشبه بينهما _ هو...حضرتك يا أستاذ كارم...أخو الدكتور سالم !؟؟.
أجابه كارم باستغراب وحدة مُشيراً علي أخيه_ انت تعرفه ؟؟.
وقف بدر باعتدال متحمحماً بإرتباك _ طبعا..حد ميعرفش مُديره..دول عشرة سنين.
صاح سالم بصدمةً _ سنين سودة..
دقق النظر بمن يجاوره ليتحمحم عمر ببسمةً توتر ويتمسك ببدر بخوف _ ازيك يا استاذ سالم !!..انا عمر أكيد حضرتك فاكرني مش كدا.. مش طالبة احراج يعني.
تطلع كارم لشقيقه _ تعرفهم منين دول يا سالم ؟؟
اشتعلت عينيه بنيران التوعدٍ مردفا _ كانوا طلاب عندي بالمدرسة من سنين..من أعظم ما أنجبت المشاغبة...كبار المشاغبين بالمدرسة وحاصلين علي أعلي درجات للمصايب والفشل
.لينظر نحو الآخر الذى تمسك بهما بخوف ليهتف الضابط بحدة له_ وانت مين انت كمان ؟
جاهد للتحدث بصوتٍ مبحوح _ بعتذر.
عقد الضابط حاجبيه بتعجبٍ _ تعتذر علي أيه ؟!!..
صاح كارم بنبرة كالرعد بغضبه  _ الأفندى اسمه " بعتذر الدين متأسف خالص "..ساكن معايا فى نفس العمارة وطالب عندي فى الجامعة مع البهوات...
اقترب سالم ببطئ وعينين تشع شراراً متوعداً نحوهم ليتمسك الثلاثة ببعضهم البعض بخوفٍ ليزداد الرعب بداخلهم وهو يهتف بوعيدٍ _ وأكيد هما السبب فى اللي حصل لشقتنا ودماغي...
تطلع لهم ليصيح بنبرة أفزعتهم _ مين فيكم اللي فتح دماغي ؟؟؟..
أشار " بعتذر " له سريعاً صائحاً _ هو ده والله العظيم هو أنا مليش دخل فى اى حاجة..
شهق بدر بصدمةً صائحاً بغيظ _ اه يا واطي.أناااا ؟؟..
اومأ برأسه صارخاً بلا وعي_ ايوة انت..مش انت اللي مسكت الڤازة وكسرتها علي دماغه لما صرخ اننا حرامية واحنا مش حرامية !!!...واحد صحي بالليل لقي تلاتة بيجروا ويتنططوا فى بيته والدنيا ضلمة ...ايه  بيلعبوا كرة سلة ؟؟
صاح بدر بعصبية _ ما هو الزفت ده عصبني..
دفع زين بعتذر ليقف أمامه صائحاً بعصبية _ ليه هو انا اللي استفزيت حضرتك الأول ولا انت ؟؟..
= لو مكنتش انت كلمتني ببرود مكنتش استفزيتك..
_ وإن مكنتش انت حليت عن دماغي مكنتش كلمتك ببرود..
= مش هحل عن دماغك يا زين ايه..
_ يبقى حكمت علي نفسك بالمرمطة يا بدر..
= انا محدش يقدر يمرمطني غير التؤام الغاضب ..
_اعتبرهم النهاردة زادوا واحد..
= لاااااا مرمطة أخواتي غير أى مرمطة شوفتها في حياتي..
_ يعني مش ناوى تجيبها لبرا ؟؟
= أنا هدخلها لجوا ايه رأيك بقا...
_ متخلنيش أتغابي عليك..
= تتغابى علي مين يا ابن ال.
طرق الضابط علي مكتبه صارخاً بعدم تحمل _ باااااس....أخرسوااااا.
هتف " بعتذر " متأفف بغيظ_ ياريت يا باشا تاخدهم ع الحجز وتريحني من الصداع وتريحني كمان من شنب الفأر اللي طالع فى وشك ده..
رمقه بغضب ليتحسس شاربه الغريب ثم يصيح عالياً _ انت بتقول ايه ياض ؟؟.
انتفض بفزع ليتراجع _ أنا بعتذر يا فندم..
استدار سالم للضابط بعد ام رمقهم نظرةً نارية هاتفاً بجمود _ أنا بعتذر يا فندم علي الازعاج ده وو
قاطعه " بعتذر " برفع حاجب متذمراً _ علي  فكرة انا بعتذر مش انت....انت مبتسمعش ولا ايه ؟؟
اردف سالم بصرامة _ اخرس يا حيوان....ياريت يا فندم تقفل المحضر علي كدا...
جلس الضابط زافراً _ ازاى يا استاذ سالم وحقك ؟؟...دول متهمين بالتعدي علي بيتك وو..
قاطعه كارم بجمود _ انا متنازل علي المحضر..
تنهد الضابط بحدة مُشيراً إليهم_ بس دول لسه مخدوش حسابهم..
ابتسم كارم بخبث متوعداً بداخله لهؤلاء المشاغبين ولم يختلف حاله عن سالم الذى تطلع له بنظرةً ماكرة عرفها الآخر جيداً ليتنهد كارم بخبث _ متقلقش يا فندم...دول حسابهم عندي غااااالي أوى.
تطلع إليهم بدر بفزع ليضحك عالياً ببلاهة وعدم تصديق_ كارم أتلم علي سالم..
أغمض عينيه ليقع أرضاً فاقداً الوعي فعقابَ مُدير واحد لم يكن يحتمله فماذا إن أصبحوا أثنين !!!
.....
#_قسوة_ثم_حنين2..
#بقلمي_صفاء_محمد..
****************
اقتباس حصرى أهو لحد ما الفصل يكمل بإذن الله ومش هقول ميعاد لاني مش واثقة انى هنزل فيه كالعادة زى ما بعمل سامحوني😂😂😘❤❤..بس حابة اتكلم شوية عن التأخير وكدا..
البارت فين !!..ليه التأخير ده كله !!...انا زهقت بقا نزلي...كتر التأخير بيقلل شغف الرواية...انا زهققققت...
.الاسئلة دى بتجيني من فترة كبيرة كل ما بخلص بارت وده حقكم طبعا علي رأسي لأني عارفة كويس انى بتأخرر جداااا..بغض النظر عن ظروفي اللي بتمنعني بس فيه حاجة تاني بتمنعني اتمني تفهموني..
الحبكة.....حبكة الرواية مش مظبوطة عندي...الدراما والتشويق والمواجهات والكوميديا وأحداث الرواية كله عاملي ضغط علي أعصابى ولاني للاسف بطبعي بفكر كتير كتيير فى الحبكة لاني مش عايزة اكتب اى حاجة كدا وخلاص واقول ياعم اهو خلاص البارت خلص ..مش عايزة استهون بعقل القارئ وأخليه يقرأ حاحة وخلاص لان الرواية دى بالذات عندي مش حاجة وخلاص....الحبكة وربط الأحداث وتفسيرها مش مظبوطة عندى بالعربى مش جاهزة وده سبب اساسى فى التأخير..اتمني تقدروا تفهموني ان الحبكة ده شئ أساسى وان شاء الله انا هحاول اضغط علي نفسى
وأظبط الأحداث....لكن حالياً انا معنديش حاجة أنزلها فى الرواية غير الكوميديا 😂...مشاهد الكوميديا بس هى اللى بتتظبط معايا وانا لحد ما ابارت يخلص كتابة هنزلكم اقتباساات مختلفة عشان متنسوهاش بس اكثرها كوميديا لان الايام دى الواحد عايز يضحك بصراحة واتمني تنال اعجابكم وتبقى خفيفة علي قلبكم بإذن الله 😂😘💜💜💜💜💜..