ثلاثة اصدقاء...اذا اجتمعوا معا...تحدث مشاكل لا نهاية لها. .....مجانين جدااا.....يعشقون المغامرات......لكنهم قوة ببعضهم....يشعرون بالنقص اذا غاب احد منهم......يفعلون اشياء تغضب عائلاتهم.....لكن مهما تلقوا من المشاجرات بينهم....فيبقوا يحبون بعضهم بشدة...
* صباح اليوم التالى * فتح سليم باب غرفته لكى يذهب الى عمله...ثم اغلقه وتحرك للخارج وهو ينظر حوله...ولم يجد احدا... نظر نحو الصالة فوجد بدر يجلس على الاريكة ويضع يده اسفل ذقنه ويحتضن الوسادة بشرود.... تعجب سليم كثيرا بل اندهش من هدوهء الغير معتاد....ثم توجه نحوه ليرى ما به....وما ان رأه بدر حتى نظر بعيدا بزعل وتزمر.......وقف سليم امامه قائلا بدهشة وسخرية : بدر بجلالة قدره قاعد ساكت وهادى !؟!.....انا مش مصدق عينى.. -بدر بتزمر : لو سمحت سبنى دلوقتى انا حزين. _سليم بضحكة سخرية : حزين !؟!......هو الموضوع جد ولا ايه !؟!.....ماتنطق يالا مالك !؟!.. -بدر بزفر وهدوء وهو يعقد ساعديه: مفيش حاجة..مخنوق شوية بس. _سليم وشعر ان الموضوع جدية....لذلك جلس بجانبه على الاريكة ووضع يده حول عنق بدر قائلا بجدية : مالك يا بدر !؟!....انت زعلان منى يعنى عشان علقتكم امبارح !؟!.. -بدر وهز رأسه بزفر قائلا بهدوء وصدق : لا....انت اخويا الكبير ومن حقك تعمل اللى عايزه لما اغلط...وهى مش اول مرة يعنى.....انا بس زعلان لانك شفتنى غلطان وانا مغلطتش. _سليم بهدوء وابتسامة صادقة وحنان : بالعكس...لو تعرف انا كنت فخور بيك ازاى انك مسبتش الاطفال دول وحدهم وساعدتوهم مكنتش قلت كدا...وكمان لحقت زمايلك قبل ما يزيدوا فى غلطهم وكمان قولتلى عليهم ولحقناهم وأهم هيتعالجوا وكل دا خير انتو عملتوه.. -بدر بعتاب وتزمر : اومال علقتنا ليه !؟ _سليم بجدية : عشان المفروض كنت تقولوا لينا سواء انا او دامر او ادهم..قبل ما تعملوا حاجة وتروحوا للمكان دا برجليكم وانتُم عارفين ممكن يحصل ايه ليكم على ايديهم......تقدر تقولى احنا هنعمل ايه لو جرالك او جرالهم حاجة !؟؟... ولا انت عايز توجعنا وميهمكش !؟؟....رد عليا. -نظر بدر لاسفل بصمت واحترام وعرف انه محق فى حديثه وانه تسرع وأخطا عندما لم يخبر احدا منهم.. ثم قال بزفر : انا عارف انى اتسرعت وماشى غلطت فى دا.....بس يا سليم والله عقلى وقف عن التفكير فى حد الا الاطفال والشابين دول....انا كنت بتخيل اهاليهم قدامى وهما بيشوفوا أولادهم بيموتوا قدام عينيهم.....مجرد خيال انا بكيت منه. _سليم بعتاب وجدية : ومتخيلتناش احنا مكانهم ليه لو كان بعد الشر جرالك حاجة ولا اتصبت من الرصاص اللى كان زى المطر !؟...قولى.. -صمت بدر باحراج منه فحديثه اصح من ان يرد عليه....ثم تنهد..وقبل يد اخيه التى تحيط كتفه بحب واحترام...ثم نظر اليه بأسف : انا اسف.يا سليم.. -نظر سليم بعيدا عنه بصمت...فتابع بدر بأسف ورجاء : غلطة ووالله العظيم مش هتكرر...ولو اتكررت اعمل فيا اللى انت عايزه.. _نظر سليم اليه بتحذير : مش هتتكرر !؟.. -اومأ بدر بسرعة وصدق بابتسامة.....ثم عانقه بقوة ويقول بضحك : خلاص بقا سامحنى...عديهااااااا. _ابتسم سليم بعدم فائدة من هذا المجنون...ثم عانقه ايضا وقبل رأسه قائلا بتنهيدة وغيظ : خضتنى عليك يازفت لما شوفتك هناك.. _ابتعد بدر وقد عاد الى مشاكسه قائلا بغمزة ودلع : اتخضيت عليا يا عمرى !؟! -لكمه سليم بيده بكتفه بحدة وتأوه بدر بضحك.. وقال سليم بغضب :اتعدل.. -بدر بضحك وتأوه : خلاص خلاص.....بقولك ايه هو فهد كلمك فى حاجة ؟؟؟ _سليم بتعجب :حاجة ايه !؟؟...لا مكلمنيش ولا شوفته امبارح لما رجعت. _بدر بدهشة : ولا حاجة خالص !؟؟ -سليم باستغراب :يابنى وهيكلمنى فى ايه !؟؟.. _بدر بداخله بتوعد وحماس : العشاق هيزيدوا اتنين النهاردة....دى احلوت اوى. ثم قال له :طب انت عرفت ان خطوبة علياء وامير النهاردة !؟؟...دا الكل فى شقة ادهم بيجهزوا لليلة. -سليم بزفر : ايوة ادهم قالى امبارح...رغم انهم اتسرعوا فى حكاية كتب الكتاب دى...لكن طالما هى موافقة خلاص طالما الجحش جواد مش هيتصرف وينطق.. _بدر بضحك : لا ماهو اتصرف.. -نظر اليه سليم قائلا باستغراب وتساؤل : اتصرف !؟! _اومأ بدر بضحك شديد قائلا بتأكيد : صدقنى اتصرف....دا انت هتشوف ليلة النهاردة ولا الف ليلة وليلة من اللى هيعمله جواد. _وقف سليم قائلا بتجاهل ولم يلاحظ ضحكات بدر الحماسية : يعمل اللى يعمله...المهم انها متضعيش منه وميسببش احراج لينا من الناس اللى جاية.. -بدر بصوت عال بعد ابتعد سليم : هترجع امتى !؟! _سلبم بعد ان اغلق الباب : كام ساعة وهرجع.. -فرك بدر يديه بحماس...ثم امسك هاتفه وكاد ان يرن على جاك....لكنه اتصل عليه..ففتح بدر بسرعة : ها !؟...عملتوا ايه !؟!.. -جاك بالهاتف : تعال احنا عند فؤاد دلوقتى فى البيت وجاب الحاجة. _بدر ووقف بسرعة راكضا الى باب المنزل ويقول : ماشى خمس دقايق وهتلاقينى عندك..سلام. -ثم فتح الباب وخرج..ثم اغلقه...واستدار..فوجد ديمة تنزل الدرج من اعلى...وتبدو انها ذاهبة لمكان.. قال لها بعدما وقفت امامه باستغراب : رايحة فين !؟ -ديمة بغيظ : وانت مالك !؟!.. _بدر بغيظ وحدة : اما اسألك تردى عليا عدل يا بغبغان ....رايحة فين.!؟؟؟.. -ديمة بغضب : ملكش دعوة يا بدر.. ثم استدارت لتنزل الدرج لكن مد بدر زراعه وامسك درابزون الدرج وقطع طريقها قائلا بغيظ : ما انتى مش هتنزلى الا لما اعرف رايحة فين ومفيش جامعة النهاردة!؟.. _تنفخت ديمة بغضب قائلة لتتخلص منه : رايحة السوبر ماركت اول الشارع..خلاص !؟ -انزل بدر زراعه قائلا بتزمر وغيظ : يعنى كل دا عشان رايحة اول شارع !؟...ما كنتِ قولتى من الاول. _ديمة بزفر : ممكن توسع من طريقى !؟!.. -بدر بتنهد وزفر بغيظ: انا كمان رايح اول الشارع عند صاحبى فؤاد....هتيجى معايا. _ديمة بزفر وتزمر : ماشى...ممكن بقا يلا عشان عايزين طلبات فوق !؟!.. -بدر.وتحرك للاسفل : يلا. نزلت هى بعده وخرجا من المبنى..وخطى الاثنان بجانب بعضها على جانب الطريق.....وضع بدر يديه فى جيوبه بعد ان ارتدى كاب سترته الرمادية...قائلا لها بغلاسةونظر اليها : بغبغان.. -زمجرت هى بنزعاج وغضب : متقوليش بغبغان..انا مش بغبغان.. _بدر بتفكير وسخرية : الله يرحم اول مقابلة بينا كانت ازاى......كنتِ بتتكلمى زى البغبغان بالظبط.. وبعدين انا اكبر منك يعنى اقول اللى عايزه.. -ديمة بسخرية : دا هى سنة واحدة بس اللى فرحان بيها دى.. _بدر بضحك وفكاهة: ياستى اهى اى حاجة نفرح بيها نفسنا وخلاص.. -ضحكت ديمة غصب عنها ..ثم قالت بحسرة وابتسامة :تعرف....الله يكون فى عونها. _بدر بغباء : أمى !؟؟ -ديمة بسخرية : لا...اللى هتتجوزك.يا هايف. _بدر بضحك عاليا وسخرية : اتجوز !؟؟....ايه الكلمة الغريبة دى يابنت خالتى !؟...وبعدين انا اصلا معرفش يعنى ايه حب وجواز والكلام الفارغ دا.... طب بزمتك مين دى اللى هتبصلى وتقع فى غرامى !؟؟...دا انا هطلع عين اهلها معايا لو دا حصل.. يعنى انتى مثلا توافقى انك ترتبطى بيا ؟؟!! -ديمة برفض وسخرية : اناااا !؟!....مستحييييل. _بدر بضحك وتأييد : اهو شوفتى....انتى قريبتى وقولتى كدا اومال الغريبة هتقول ايه !؟! -ديمة بابتسامة وغيظ : انا اصلا بحاول احطك فى صورة متجوز وعاقل وعندك اسرة واولاد...مش راكبة على بعضها...فيه حاجة غلط. _بدر بضحك وفخر رافعا كتفيه لاعلى : انا الغلط فى الصورة طبعا.. -ديمة بتأكيد : والله فى دى عندك حق.....بس تصدق نفسى اشوف مين دى اللى قدرها هيبقى مع واحد مجنون ومصيبة زيك !؟!...دى هتشوف ايام !؟؟ _بدر بابتسامة ومرح : هى بس تيجى وانا هعرف اتصرف بطريقتى.. -ديمة بغيظ : اهى طريقتك دى اللى بتجيب مصايب بعدها.... _بدر بغيظ : طب امشى طيب واقفلى أم الموضوع دا.. -خطى حتى وصلت هى الى السوبر ماركت...وقال هو لها بجدية مصطنعة : تاخدى الطلبات وعلى البيت عدل تمام !؟!.. _ديمة بغيظ : امشى من هنا يا بدر.. -بدر بتأكيد : من عينينا.....سلام. ثم ذهب بعيدا وولجت هى الى المكان.....خطى هو الى الجهة الاخرى من السوبر ماركت...وولج الى احد العمائر وصعد الدرج مسرعا...حتى وقف امام باب شقة.وطرق عليها...وفتح زميلهم فؤاد لكنه يدرس فى المسرح بكلية اخرى...ولج بدر قائلا له بمرح : ازيك يا فؤش !؟؟.. -اغلق فؤاد الباب قائلا بزفر : اهلا ياخويا..... _توجه بدر نحو احد الغرف..وولج اليها فوجد عمر يتمدد على الاريكة...وجاك يرى الملابس بيده... وكانت الغرفة مليئة بالملابس المتنوعة واشياء للتجميل والتنكر.وماسكات أوجه.... تمدد بدر على الفراش قائلا بزفر : ها جبت الهدوم !؟. -فؤاد بتنهد ويشير الى جاك: أهم معاه..والبندقيات برا فى الصالة. _بدر بمكر وحماس : والشنبات والعِمم !؟؟ -عمر بغيظ : ماقالك جاب كل حاجة....المهم ان محدش يشك فينا فى الخطوبة. _جاك بسخرية : هاه ياراجل ؟!.....اذا كنت انا متأكد انهم هيعرفونا على طول لما مش هيلاقونا فى الخطوبة.. -بدر بزفر : ايوة صح...طب هنعمل ايه ما هى الشنبات من هتكفى !؟! _فؤاد بهدوء وتنهيدة : انا عندى الحل.. -نظر اليه الثلاثة وقال بدر بسرعة : قول بسرعة.. _فواد ويشير الى ما بالغرفة من ادوات : انا عندى هنا ادوات تجميل يعنى ممكن نلعب فى ملامحكم شوية وتغيرها.. -عمر بحماس : حلو اوى كدا...انا موافق...هتعرف تعمله كويس !؟ _فؤاد بزفر ويعدل نظارته : مش انا اللى هعمله .. -جاك بغيظ : اومال خالتك !؟!... _فؤاد بغيظ : ما تسمعونى الاول.....انا عندى واحد زميلى معرفة وهو فى نفس الكلية بتاعتكم بس شاطر اوى فى حكاية التنكر والماكياج دى اكتر منى وكمان النحت والرسم وبارع اوى فيهم......لما قولتولى على اللى عايزينه عرفت انكم هتحتاجوه عشان يظبط وشكم والشنبات كويس....وقولتله وهو وافق وجاى دلوقتى. _بدر وحدف عليه الوسادة بحدة قائلا بغيظ : وطالما هو جاى يا حيوان....اومال معقدها من الصبح ليه !؟ -فؤاد بغضب : بقولكم ايه !؟؟....انا عملت اللى عليا والباقى بما يجى هو هيكمله.. -بدر بنبرة صعيدية ورضا : أمنيييح......حدح نيح حنحنى بحلوح النيح قنيح جول لاااع !؟!.. -جاك وعمر وفؤاد بنفس النبرة : لاااااع. _بدر بضحك وحماس : أمنييييح.. -ضحك الجميع وقال فؤاد : احترس من الخط الجزء الثانى لعام 2020.....الله معكم. ثم سمعا صوت جرس الباب فقال فؤاد وهو يخرج : دا اكيد هو جه.. ثم فتح الباب قائلا له بغيظ : كل دا ياعم العيال خللت..... _زين بضحك وهو يولج للداخل : يا كداب خللت ايه !؟...الخطوبة بالليل مش الصبح.. -اغلق فؤاد الباب وتحركا الاثنان للداخل ويقول : تعالى هعرفك عليهم..هما فى جامعتك اساسا.. -ولج فؤاد الى الغرفة مرة اخرى...فانتبه له الثلاثة بعد ان كانوا يدفعون بعضهم بضحك وغيظ.. وولج زين خلفه...وما ان شاهدهم حتى قال بصدمة :انتو !؟؟ -الثلاثة بصوت واحد بدهشة وغضب : انت !؟؟؟. $$$$$$$$$$$$$$$$$$$$$$$$$$$$$$ _فى منزل آدهم _ كان الجميع هناك يعمل على قدم وساق ويزينون المنزل بالاضواء استعدادا لليلة..ما عدا جواد وفهد وسليم فهم ذهبوا الى العمل.....وكان اسامة ومالِك يعلقون الاضواء على الحوائط...وبجانهم الأولاد يساعدوهم...وسارة مع علياء فى غرفتها...وبجانب يجلس آدهم وسليمة يتحدثون بضحك وهو يتغزل بها بعشق... وكذلك ساهر وسمارا يجلسون بالجانب الاخر ولا يختلف حالهم عن الاخرون..ويتحدثون بحب ومزاح.......وايضا العاشقين الصغيرين صقر وقمر يجلسون بالصالة يتحدثون.ويشاهدون الصور بالهاتف _عند الاولاد الذى يجلسون على الارضية ويقف على الدرج المتحرك بجانبهم أسامة ويجاوره مالِك يقف على الارضية.... نظر ريان الى العاشقين بسخرية وقال لمن معه: ايه يا جدعان احنا فى بيت العشق الممنوع ولا ايه !؟. -عمار بسخرية وحسرة : كل واحد واخد مزته على جنب واحنا قاعدين ياخواتى عازبين.. _مالِك له بغيظ وسخرية : اما انتو عازبين...احنا ايه بقى !؟!....اخرس يالا. -ليل بسخرية : ياعم سيبه يقول اللى نفسه فيه.. -ريان بغيظ له : انت ايه ياعم البرود اللى انت فيه دا !؟؟....اختك مع اخويا وانت قاعد بارد كدا عادى !؟؟ -ليل بغضب : طبعا....ما انت دماغك حادفة شمال هقول ايه !؟!.. _ريان بزفر : ولا تقولى ولا اقولك انا اسكت احسن. _لاحظ مالك شرود.أسامة..فقال له باستغراب : مالك !!؟.. -نظر اليه أسامة قائلا بغيظ : مش عارف ياخى...البت اللى خبطتها دى لازقة فى دماغى وعايز اقتلها.. مش عارف غبية..مجنونة.....والله انا شاكك انها اخت ساجد العاقل الراسى دا.. _مالِك بدهشة وضحك : يخرب عقلك.....انت وقعت يا واد ولا ايه !؟؟ -ضرب أسامة كفه بالاخر ويقول بغضب : شوف الواد اقوله ايه يقولى ايه !؟؟.....بقولك عايز اقطع لسانها اللى سايب منها دا وانت تقولى وقعت !؟؟..... _مالِك بضحك :اصل محدش بيفكر فى واحدة الا لو فعلا لزقت فى دماغه.. -أسامة بسخرية : طب بالنسبة ليك يا عم العاشق....الرسومات اللى عمال ترسم فيها دى للبنت ايه !؟ _مالِك بلامبالاة : لااا..دى خلاص راحت لحالها وبعدين دا هى مرة اللى قابلتها فيها فى روسيا ومعرفهاش اساسا....وملامحها بس اللى عجبتنى. -أسامة بدعاء وضحك : ربنا يجمعها بيك تانى ومتكنش اتجوزت يارب.. _مالِك بدعاء : ياااااارب. "كانت جميلة بالمطبخ تحضر الحلوى للامس ومنشغلة وتزين الكعك بالفواكه ..شعرت بأحدا يحضنها من الخلف ويضع رأسه على كتفها بتنهد وعشق...فابتسمت هى بهدوء وحب قائلة : ايه مالك !؟!... -دامر ويزيد من ضمها وقبل عنقها ببطئ وعشق وقال ويدفن رأسه به : كل التجهيزات دى حاسس انها هتيجى على الفاضى.... _نظرت اليه قائلة بضحكة : ليه بتقول كدا !؟!.. -دامر بتنهيدة : جواد بقاله كام يوم من ساعة ماعرف وهو ساكت كدا....كإنه بيقول عادى ميهمنيش كل دا.. بس هو من جواه هينفجر واكيد خطط لحاجة النهاردة مش عارف ايه هى.. _جميلة بزفر وابتسامة : خلاص نستنى لحد بالليل ونشوف هينطق ولا لا ؟؟! -دامر بتفكير ومكر: وافرض منطقش وكتب الكتاب تم !؟....يبقى كدا هيخبط رأسه فى اتخن حيطة. _جميلة ووضعت يدها حول عنقه واقتربت منه بعشق ودلال قائلة بشك : دامر هو انا ليه حسى الظابط بيقولى انك بتلعب بينا وان العريس دا تبعك !؟ -دامر وجذبها من خصرها واقترب منها بتخدر قائلا ببراءة وخبث : انا !؟!....وانا هعمل كدا ليه ؟!! _جميلة بابتسامة ودلال : يمكن عشان مش عايز قلب اخوك وصاحبك يتكسر مثلا !؟!. -ابتسم دامر بحب قائلا : بقيتى بتفهمينى كتير يا وحش..ودا غلط.. _جميلة بضحك وعشق : عادى يا ابو صقر.....يعنى كلامى صح بقا !؟! -تنهد دامر قائلا بتأكيد وابتسامة : جواد غالى عليا اكتر من اخ وصاحب....رغم انى عايز اكسر دماغه انه ساكت كدا وهو بيحبها.....بس بردو واجب عليا انى اساعده يتخلص من سكوته دا... _جميلة بمكر : بقولك ايه !؟!...انت مركز مع سليم وموضوعه...وفهد وجواد ومواضيعهم..وواقف جنبهم ودا حقك مقولناش حاجة...وناسينى انا خالص على فكرة !؟!....ودا يزعل ويجيب ناس تزعل. -دامر بمكر عاشق ويلمس بيده على وجنتها بحنية ويقترب منها اكثر : طب ما انا واقف جنبك ومعاكى اهو....انتى اللى سايبانى وشغالة فى التجهيزات.. -كادت ان تتحدث بابتسامة...لكن قاطعها ذلك الصغير الذى وقف على باب المطبخ واستند بكتفه واضعا سده فى خصره قائلا بسخرية : الله الله......كدا فى العلنى كدا يا شقى !!؟!!.. -كتمت جميلة ضحكتها...ودفعت دامر بخفة عنها...واغمض دامر عيناه بنفاذ صبر وغضب ويريد.ان يحطم عنقه.....وفتح عيناه ناظرا له بشرار : ريان انت عارف ايه اللى مصبرنى عليك !؟!.. -ريان بمرح وغناء وكان صوته بالغناء رائعا حيث ورثه عن دامر بتأثر ويفرد زراعيه : اللى مصبرنى عليييك...ان انا شايف بعنييك...حب العالم دا بحااله... خليك على كدا خليك.... -دامر بتوعد يتجه نحوه : لا واخلينى ليه....اجيلك احسن... كاد ريان ان يهرب من امامه لكن هيهات...امسكه دامر من لياقته ورفعه عن الارضية لوجهه قائلا له بتنهد ونفاذ صبر : بص......انا وانا صغير كنت شقى اه....غلس ماشى....كنت بقطع على ابويا الله يرحمه لحظاته الرومانسية ماشى.وانا كبرت وبطلت دا والحمدلله..ثم هزه بحدة من لياقته وتابع بغضب : انما اخلف عيل رزل سئيل هايف زيك...يطلع عليا القديم والجديد وكمان نسخة من الزفت بدر ليييه !؟!...انا عملت غلط ايه !؟!.. _ريان بفكاهة وغمزة: اقولك ولا تزعلش !؟! -دامر بتهديد وحدة : لا دا انا شكلى انا اللة هيزعلك بقا.. _ريان بسرعة وتراج : خلاص خلاص يا دامورتى انزلى واعدك ان لن تجدنى معك.. -جميلة بسخرية : سمعناها كتير يا حبيبى.. _ريان بفخر : وايه يعنى انا ابنكم واعمل اللى انا عايزه... -اغمض دامر عينيه وكاد ان ينفجر..ثم قال بتهديد : بص...انا هنزلك...بس لو عديت لحد اتنين ولقيتك قصادى ..ليكون يومك اسود يا ريان.. _ريان بدهشة واشار باصبعيه : اتنين !؟؟. -تركه دامر ارضا وقال بحدة وتهديد : واحد...ات.. _ركض ريان للخارج بسرعة....فتنفخ دامر ونظر لاعلى قائلا : يارب...يارب انت شايف وعالم.. *فى غرفة علياء * كانت تجلس على الفراش وتهتز بعصبية وخوف بآن واحد...جلست امامها سارة قائلة بضحك : يابنتى اهدى هتطقى مكانك... -علياء بغضب : مش قادرة يا سارة...هتجن...هتشل.. هموت....دا حتى ولا عبرنى بكلمة تصحى أملى اللى نايم فى الارض دا انه هيتلحلح.......انا مش عارفة حبيته ازاى.. _سارة وضحكت ثم قالت بسخرية : ياختى يعنى انا مختلفة عنك !؟!...طب على الاقل انتى معشتيش معاه زى ما انا عشت مع فهد وكنا قصاد بعض...شوفى كام سنة وانا بحبه ومستنياه يحبنى ف يوم....واهو جه اليوم ونطق..بس لسه متحركش.ولا كلم سليم حتى. _علياء بزفر : يابنتى دول باردين والله ...تلاجات فعلا يعنى.....والله لولا الكرامة كنت انفجرت فى وشه عشان يعرف انى بحبه.....ومش عارفة هينطق النهاردة ولا لا !؟!.. -سارة بهدوء حيث علياء لم تخبرها بما تخطط قائلة : ولو معملش حاجة...هتكتبى الكتاب وتتجوزى أمير زميلك دا !؟!.. _نظرت اليها علياء ثم تنهدت طويلا قائلة : مش عارفة......ربنا يسهل $$$$$$$$$$$$$$$$$$$$$$$$$$$$$ نرجع مرة اخرى الى منزل فؤاد... -زين بصدمة وغضب : هو انتو اللى عايزين كدا !؟! _ وقف بدر قائلا بدهشة وحدة : وهو انت اللي هتعمل لنا كدا !؟!. -فؤاد بتعجب : ايه دا انتم تعرفوا بعض !؟!... _زين بغضب : معرفة سودة.. -بدر بغيظ وغضب : دى معرفة ملهاش الوان... _جاك بضيق : احنا مش عايزين تعملنا حاجة.. -زين بسخرية : لا انا اللى عايز والله.......ثم نظر الى فؤاد وقال بحدة : انا مش عامل حاجة لحد.. 'ثم استدار ليذهب لكن امسكه فؤاد بسرعة قائلا : استنى بس يا زين.واهدى. -عمر بغضب : سيبه يا فؤاد يمشى ولا احنا اللى هنمشى.. _بدر بتنفخ : مفيش مكان ينفع نقعد فيه مع بعض.. يا احنا يا هو.. -فؤاد بغيظ : ياعم اهدى انت كمان......دا انتو ثانية هتمسكوا فى بعض... ثم نظر الى بدر وتابع : بدر...زين بارع اوى فى الحجات دى..يعنى لو عايز تكمل التنكر بتاعك يبقى مفيش غيره هيعرف. _بدر بغيظ : وملقتش الا دا.. -زين بعصبية : ماتحترم نفسك يالا ايه دا كمان !؟! _بدر بغضب : انا محترم غصب عنك....انت اللى ااا -فؤاد بصراخ وغيظ : بااااااااس....بس.....ماتهدوا ياجماعا بقا وتصلوا على النبى.. _صلى الجميع عليه وزفروا لكى يهدأوا......وصمت بدر قليلا ثم قال بتنهيدة وغيظ : ماشى موافق.....انه يعمله....بس بشرط.. _زين بسخرية : كمان هتتشرط....على فكرة انا اللى هعمل مش انت.. -بدر بغيظ وعناد : مليش دعوة بقا هو شرطى وانا حر فيه.. _عمر بغضب له : اوعى تكون هت.. -بدر بتأكيد وغيظ ولم يحيد نظره عن زين وكذلك هو: ايوة يا عمر....لو عايز تعملنا التنكر يبقى هتساعدنا وتشاركنا فى اللى هنعمله.. _زين بسخرية وغضب : نعم يا اخويا !؟!....دا على جثتى.. -جاك بحدة : بدر انت بتقول ايه.. _بدر ببرود.وخبث لزين وتحرك حتى وقف امامه : انت قلتلى قبل كدا فى الجامعة ان اللعب بتاعنا لعب عيال.وعملتلى فيها كبير وعاقل.....انا بقى عايزك تشاركنا فى لعب العيال دا.. -زين بتحدى وبرود واقترب حتى اصبح وجهه امام وجه بدر : دا حتى فى احلامك مش هيحصل...وسبق وقولتلك ان انت اللى عايزنى مش انا...الا بقا لو انت مش بتفهم.. _بدر بزفر وتحدى بتوعد : لا بفهم....بس بردو هتشارك... -زين بسخرية : اتكلم على قدك يابابا... _نظر بدر له من اسفل الى اعلى.بمكر..وجاءت عيناه على جيب سترة زين ومن سوء حظه ان مذكراته اليومية ظهر اسمها من الجيب...فرأها بدر.وعرف انها مذكراته..وابتسم بمكر...ثم بسرعة البرق مد يده والتقطتها من جيبه...ومد زين يده ليأخذها.بعصبية.لكن ابعدها بدر خلف ظهره قائلا بمكر : تؤ تؤ تؤ تؤ...ارجع... -زين بعصبية وهدوء ما قبل العاصفة : هاتها... _بدر بخبث : معقولة فيه حد لسه بيكتب مذكراته !؟!...دا انت قديم ورايق اوى.... _زين ويتنفس بغضب ومد.يده : قولت هاتها.. -بدر بمكر وتحدى مبتسماً بتسلية : يبقى تنفذ اللى انا عايزه من غير نقاش والا مذكراتك هتتفتح ويمكن تتفضح كمان.. _اغمض زين عيناه ويكاد ان ينفجر من الغضب من ان يرى احدا مذكراته وصور اخيه ويعرف وجعه ويشفق عليه قائلا : لاخر مرة هقولها...هاتها..والا انا مش مسئول عن اللى هيحصل... _بدر بإصرار وعناد بتسلية : وانا لاخر مرة هسألك....هتنفذ اللى انا عايزه معانا والا انت عارف ايه اللى هيحصل وشكلك كدا عامل حاجة غلط ومخبيها فيها..... _امسك زين لياقته بغضب..فحدف بدر المذكرة لجاك الذى التقطتها وهو يرمقه بغضب......وبدر يبتسم لزين ببرود وتحدى.وتجاهل لياقته التى بين يده....زمجر زين وتركه..ثم قال بغضب : موافق.. -هندم بدر ملابسه ببرود وغمز اليه بابتسامة : تعجبنى......كدا بقا اقولك اللى هيحصل...وعلى فكرة انت هتسبب فى اجتماع اتنين حبيبة..يعنى خير متقلقش.. -زين بتنفخ وغضب وتحرك حتى جلس على الفارش: ارغى.. $$$$$$$$$$$$$$$$$$$$$$$$$$$$$ *قصر الزينى* كانت تتمدد ريم بالحديقة على الارضية والالوان الخشبية حولها تلون احد الرسومات التى رسمتها.... جاءت ديالا من الداخل وهى تتمشى قليلا بالهواء ..ف رأتها هناك...فتوجهت نحوها فهى لم تجلس او تحاكيها منذ فترة طويلة.وكلام زين مازال فى رأسها انها خسرت أشقائها للابد ..وقفت بجانبها قائلة بهدوء وابتسامة بسيطة : بتعملى ايه ياريم !؟ -تفاجإت ريم منها وجلست باعتدال قائلة بتوتر : ااا برسم.. _ديالا بضحكة اظهرت ملامحها الجميلة وادهشت ريم قائلا : طب ومالك اتوترتى كدا ليه !؟!...هو انا هكلك !؟!.....ينفع اقعد معاكى !؟!. -ريم بفرحة شديدة من تغيرها المفاجئ ذلك لكن لم تهتم وقالت بسرعة ولهفة : طبعا..ياريت يا ديالا.. _ابتسمت ديالا ثم جلست بجانبها على الارضية قائلة بابتسامة : ها بترسمى ايه بقا !؟!.. -امسكت ريم الورق واخفتها وهزت رأسها برفض.. فقالت ديالا بضحكة : فيه يا بنتى ليه ؟؟!..ورينى. _هزت ريم رأسها برفض....فنظرت لها ديالا بمكر...ثم مدت يدها بسرعة وخطفتهم..ثم ركضت بعيدا عنها بضحك وتلاحقها ريم.....كانت ديالا تغيظها وتهرب منها...وتركض ريم وتريد ان تأخذ الرسومات.. حتى توقفت ديالا وهى تضحك...ورفعت الرسمة لتراها...فتلاشت ابتسامتها عندما رأت ان الورقة تحتوى على صورة لها وهى تضحك بفرحة ومخططة بحرافيةومكتوب اسفلها " أرجعى ابتسامتك يا شقيقتى فهى من تجعلنى اشعر بالسعادة ".....فنظرت الى ريم التى ابتسمت بتزمر وتوتر....تلقائيا ادمعت عين ديالا انها كان تتجاهل ريم لهذا الحد لدرجة ان تتمنى ولو ابتسامة.....ثم رٱت الرسمة التالية فوجدها رسمة لعائلة تمسك ايد بعضها ويضحكون.بحب ومودة..وبالجانب شاب وفتاة ومعهم ولد صغير وطفلة رضيعة...... حقا هل تلك الصغيرة تشعر بالوحدة وتفكك عائلتها لتلك الدرجة !؟؟..لكن نحن موجودون حولها....حقا ديالا !......لا فهى محقة......انكم موجودون اسماً وليس فعلا.....كلا منكم ينشغل بنفسه فقط وليس بالاخر....لقد اهملتى اشقائك الصغيرين وانتميتى لوالدك وعملتى معه هذا العمل السئ ....وانظرى ما نتيجة افعالك من زين وريم.. نظرت الى ريم بشرود..ثم فتخت زراعيها...فركضت وهى تبكى بفرحة وعانقتها وهى تتعلق بعنقها وتدفن رأسها بها....وعانقتها ديالا بقوة شديدة وهى تتنهد بألم ووجع.مغلقة عيناها واراحت رأسها على كتف ريم...ولاول مرة منذ موت ليث تشعر بالراحة والامان. من هذا العناق الدافئ ...حقا عناق الاخت الحنون لا يكون له مثيل....فهذا يبدو كمن وجد ملجأه رغم انه بجانبه..لكنه تجاهله ببرود ....فرت دمعة من عين ديالا بوجع وكم كانت تحتاج الى اشقاءها الان ليشاركيها العناق لتشعر بالامان وليس بالضياع.... قبلت رأس ريم.طويلا بحب..وابعدتها وهى تمسح لها دموعها...ثم دارت بها وهى تعانقها...وضحكت ريم عاليا بفرحة..وايضا ديالا تضحك بمرح.....وتبدلت الاحوال من الوجع والاشتياق الى الفرحة والضحك.. واخذت تلهو معها بالحديقة وضحكاتهم تتعالى..... وانشغلت المياه التى تُسقى الحديقة بها...فزادت الموقف جمالا وبهجة... وتصيح ديالا وريم بفرحة واغرقتهم المياة..وهم يركضون بمرح.. وبنفس الوقت.. كانت هناك خادمة تنظر من باب القصر عليها وتصور ما يحدث بين الشقيقين بفرحة وابتسامة.من بداية حديثهم الى تلك اللحظة... ثم اغلقت الهاتف وارسلت الفيديو الى من طلب منها ذلك...ثم ذهبت واكملت عملها.. _على الطرف الاخر فى منزل فؤاد _ كان يجلس الشباب على المقاعد يلتفون حول الطاولة....وبدر يشرح لزين ما سيفعلوه....ويتحدثون معا لكن لم تتوقف النظرات الغاضبة والمتوعدة بينهم.....رن هاتف زين الذى بيده يعلن عن رسالة...ففتحها..فوجد مقطع شقيقاته وهم يتعانقون...ويلعبون بمرح وضحك.....لا ارادى ابتسم زين بحنان وفرحة داخلية من رؤية تغير ديالا ولو قليلا مع ريم.....تحت تعجب الشباب منه....ولمح بدر بعيناه ما يراه بالهاتف..وتعجب من هؤلاء الفتاتين..ولما هو يبتسم هكذا.كأنه كان ينتظر حدوث ذلك من سنوات...حقا تعجب منه وشك ان له قصة غامضة ....ثم تمالك نفسه وابعد ناظريه قائلا له بسخرية : حضرتك معانا ولا نأجل الكلام شوية !؟!. -انتبه له زين واغلق الهاتف قائلا بزفر وضيق : كمل.. $$$$$$$$$$$$$$$$$$$$$$$$$$$$$$ حل المساء سريعا وأُنيرت الاضواء بشكل يدخل البهجة والدفئ بالمنزل... بدأت المدعوين بالمجئ ودخول المنزل..وكان يستقبلهم ادهم وساهر.وفهد ودامر.....وكانت الفتيات مع علياء يساعدنها فى التجهيز.....ومالك وأسامة يتحدثون مع ريان وعمار بغيظ وضحك... قال فهد الى دامر : اومال المهلوسين فين !؟!. -دامر بزفر : مشوفتش وش حد فيهم من الصبح.. _ساهر لهم بهدوء : جاك كلمنى وقالى انهم بيلبسوا عند صاحبهم فى اول الشارع.... -ادهم بغضب بداخله : يعنى اليوم اللى نفسى فيه يعمل مصيبة زى فرحى كدا يتأخر....انت فين يا حيوان.. _زفر ادهم ثم قال لهم : هو جواد فين !؟!.. -ساهر بتنفخ : لسه مجاش.وسليم لسه بيلبس تحت.. بإسفل المبنى.. توقف جواد بسيارته وترجل منها بصمت وبرود وبداخله يشتعل من تلك الاضواء..وعزم على تنفيذ ما بداخله...لكن اين انت يا بدر وماذا ستفعل !؟؟... صعد الدرج وهو يرى الاشخاص تدخل الى المنزل...وهذا ما يزيده غضب....وصل للمنزل لكن لم يولج..وكاد ان يكمل صعود الدرج...لكن اوقفه دامر الذى رأه وخرج له قائلا بجدية : جواد.. -توقف جواد واغمض عينيه بنفاذ صبر ويكبت غضبه..واستدار له قائلا بهدوء مميت : نعم !؟!. -دامر بمكر : مدخلتش ليه !؟...وايه اللى أخرك.. _جواد بابتسامة باردة : كنت بحضر هديتى...لاختى.. ثم قال بجمود : هطلع شقتى البس وانزل... ثم اكمل طريقه لاعلى...وزمجر دامر من بروده..لكن عليه ان ينتظر ليرى ماذا سيفعل.. رأى ساجد يصعد الدرج....فقال دامر له بغيظ : انت دايما متأخر كدا !؟!...اقتلك دلوقتى ولا اعمل ايه !؟؟ -وقف امامه ساجد وهو يضحك ثم عانقه بحرارة فهو لم يراه منذ فترة...وكذلك دامر....ثم ابتعد عنه قائلا بابتسامة : ياعم ما انت عارف الشغل وعمايله....مبروك. _دامر بتنهيدة : ابقى قولى لما البيه ينطق. -ساجد بزفر : ربنا يعدلها والليلة دى تبقى معاه ويقول.. _دامر بهدوء : يارب...يلا ندخل.. *فى شقة سليم بالاسفل * انتهى من ارتداء قميصه.الابيض...ثم امسك سترته السوداء وارتداها وكان وسيما بحق....طرق باب غرفته...فاذن بالدخول قائلا : ادخلى يا جود.. -ولجت جود التى كانت متألقة بفستان فضفاض موف وبه ورود ملونة ..وحجابها بنفس اللون الذى اذادها جمالا...حيث اصر سليم ان ترتديه منذ صغرها وهى لم تمانع بل احبت ذلك.....اصدرت صفيرا باعجاب قائلا بغمزة : اوعى بابا المز....ممكن نتعرف يا عسل !؟!.. -ابتسم سليم بعدم فائدة منها وهو يرتدى ساعته...قائلا بدون ان ينظر لها : عايزة ايه يا مصيبة !؟؟... _جود بتزمر وهى تتقدم نحوه : ربنا يسامحك.....بقا بنتك القمورة الكيوت العسل دى مصيبة...انت ظالمنى على فكرة.. -استدار بها بعد ان انتهى قائلا بسخرية : ظالمك !؟!....طب قولى كلام غير كدا.....عايزة ايه !؟؟ _رفعت يدها بتاج ورود وردية وكشمير قائلة له بتزمر : لبسنى التاج دا عشان ثانية وهقطعه.. -ضحك هو...وامسكه....ثم جذبها امام المرآة ووقف خلفها...ووضعه على رأسها فتألقت اكثر واغلقه لها.....ثم عانقها من كتفيها وقبل رأسها قائلا بابتسامة حنان وهو يطالعها بالمرآة : طالعة حلوة اوى.. _جود بابتسامة جميلة : وانت كمان.... -ثم استدارت له قائلة بغمزة وغرور : عقبالى.. _سليم بسخرية : ياشيخة !؟!....انسى. -جود بتزمر : يعنى ايه !؟؟...مش هتجوزنى !؟! _سليم بتأكيد : دا انا مش هخليكى اصلا تفكرى فى الجواز..دا...انتى مش هتبعدى عنى بمزاجك او غصب عنك.. -جود بغمزة ومشاكسة وهى تفرد زراعيها : يبقى خش فى حضن اخوك يا فواز.. ثم قفزت عليه وعانقته..وهو يضمها بحنانه الذى دائما يغمرها به ويضحك على جنونها المحبب لقلبه.. ثم ابعدها قائلا بضحكة : احنا كدا ممكن يفهمونا غلط....يلا يا بت قدامى.. -تمسكت هى بيده بطفولة وتزمر : مليش دعوة هنزل معاك يلا يلا.. ضحك هو ثم امسك بيدها ين يده..وقبلها بغمزة...ثم تحرك بها وخرجا من المنزل....صعدا الدرج للطابق التالى وولجوا الى المنزل...فقابلهم فهد بزفر : كل دا عشان تنزلوا !؟!... _جود ببراءة مصطنعة رافعة يديها لاعلى وتشير الى ابيها: مش انا والله يا باشا....دا هو. -سليم بغضب : خشى جوا يا بت...وابقى اطلعى.معاهم.. _جود بجدية وغرور : من عينيا يانور عينيا.. ثم ذهبت بعيدا عنهم بجمود....وضحك فهد عليها.. وقال له سليم بتساؤل وهو ينظر حوله :اومال الثلاثى فين.!؟ -جاء أسامة ووقف معهم قائلا له : انا حاسس ان فيه مصيبة هتحصل.. _سليم بتوعد : والله لو عملها لتبقى ليلته ملهاش الوان معايا. _جاء ساهر لعندهم وقال بزفر : انتو واقفين هنا ليه....تعالوا العريس وصل.. -ذهب الاربعة نحو الخارج..ووجدوا المدعى أمير يسلم على ادهم ودامر وساهر......وبعد السلام والحديث بينهم.....جلسوا بالصالة مع المدعويين منتظرين قدوم العروس.وولج جواد بعد ان تألق ببليزر كحلى وقميص اسود وسروال بنفس اللون وهو يشمر عن ساعديه وكانت طلته وسيمة جدا..وانضم اليهم وهو يكبت انفجاره لحين ظهور بدر وهو يتوعد له..ووقف بجانب ساجد ومالِك وانظار الشباب تتابعه بغضب..ومكر...وحيرة.....فتح الباب وظهرت علياء الجذابة بفستان ذهبى فضفاض..وحجاب كبير وتاج..وخطفت الانظار بطلتها الجميلة...وخاصة جواد الذى كاد ان يذهب اليها ويخطفها من بين الجميع...وتنفخ بعصبية عندما رأى نظرات أمير الفرحة لها.....اطلقت الفتيات من خلفها الزغاريت بعلو....وابتسمت هى ابتسامة بسيطة وتحركت نحوهم ورمقت جواد بعصبية بطرف عينها...ثم جلست بجانب بعيدا عن الشباب ومعها الفتيات......ثم نظر أمير الى آدهم قائلا بابتسامة : بعد اذنك يا آدهم باشا..انا كنت عايز نكتب الكتاب الاول قبب ما نلبس الدبل..انا والانسة علياء زمايل نعرف بعض واحب انها تكون على زمتى قبل ما المسها.. -جواد وتمتم بغضب : الهى تتكب شهادة وفاتك يا بعيد.....انت فين يا بدر الزفت.. _آدهم بزفر وهدوء : ماشى...المآذون زمانه جاى يا استاذ امير.. -آمير بابتسامة : ياريت تخليها امير بس..احنا هنبقى قرايب.. _ابتسم آدهم بهدوء ويشعر ببعض الضيق...وتمتم جواد بغضب : دا انتو هتبقوا جثث دلوقتى......انت فين يا بدر الكلب.. -ولج المآذون من الباب فانطلقت الزغاريت مرة اخرى.....قال السلام بابتسامة فرد عليه الجميع...وجلس بمنتصف الاريكة..وامير وادهم على جانبيه.....وقال امير بابتسامة : اتفضل ابدأ يا شيخنا....مش عايزين نضيع وقت.. فتح الشيخ دفتره وبدأ فى القاء خطبته.....ونظرت علياء الى جواد وادمعت عيناها تريده ان يصرخ ويتحدث والا لن تكون له بعد عدة دقائق....وكذلك دامر يرمقه بغضب...والشباب والفتيات الجميع ينظر له ويحذره انها ستضيع منه...حتى إدهم رمقه بطرف عينيه بجمود وغضب لكى يتحدث...وهو ينظر للدفتر المفتوح فقط.......انهى الشيخ خطبته...واخرج منديله..ووضع ادهم يده فى ايد امير..ووضع عليهم المنديل.....وجواد سينفجر ويتنفس بغضب... الشيخ بهدوء وعلو صوت وبدأ : بسم الله الرحمن الرحيم....قول ورايا يااااا قاطعه وانتفض على صوت اطلاق النار وصرخ الجميع بخضة....ونظروا نحو الباب حيث الصوت.. ولج عمر بملابسه الصعيديه وعِمته الكبيرة المبالغ فيها التى تحيط.رأسه...وشنبه الملصق الطويل فوق فمه وملامحه المتغيرة قليلا الى الصعيدى وينظر بجمود وغضب..ويمسك بندقية طويلة وهو من ضرب..ووقف بجانب الباب...تابعه..جاك ويرتدى جلباب اسود وعِمته البيضاء التى يلف حولها شال اسود وشنبه فوق فمه الذى يلويه لاعلى وينزل حاجبه وحواجبه كثيفة ويكعمش وجه كالصعيدى الغاضب.ويمسك بندقية ايضا ووقف بالجانب الاخر للباب......تابعهم زين بملابسه الصعيدية ويلف حول رأسه شال من الجانبين بطريقة عشوائية ويرفع طرف عبائته من الاسفل وشنبه الكثيف...ووقف بالمنتصف ورفع بندقيته قائلا للجميع الخائفون والعائلة المنصدمة..بنبرة صعيدية اصيلة وخشونة : وجف يا ولد ايه اللى عم بتجوله ديه......الفرح ديه لا يمكن يتم وااااصل.. -وقف الجميع وقال سليم بغضب وشك : انتو مين !؟...وازاى تتهجموا كدا.!؟!.. _تهللت اسارير جواد وابتسم بخبث وتابع ما يحدث بتسلية...... قال ساجد باستغراب لأسامة : انا ليه شاكك فى الناس الصعايدة الصغار دول !؟!.. -أسامة بمكر بعدهما عرفهم : دا حبيب قلبى بدر.. _تقدم دامر للامام قائلا لهم بجدية وغضب : انتو مين وعايزين ايه !؟!.. -زين بالصعيدى وبغضب وخطى بعيدا عن الباب : الفرح ديه لا يمكن يتم واصل....البت ديه عتتجوز قريبنا....الكبير.... سمع الجميع صوت من الخارج يقول بالصعيدى وخشونة : حدح نيح حنحنى بحلوح النيح قنيح جول لاااع.. _زين وعمر وجاك بصوت واحد : لااااع.. -امنيييييييح... _جاك بالصعيدى وغضب : اتفضل أ كَبيير... -عمر بالصعيدى وصوت عال : الدُنيااا....أماااااان.. ولج من الباب الكبير بدر بملابسه الرمادية الغامقة ويمسك طرفها من الاسفل ويرتدى بنطال ابيض اسفلها...ويضع على رأسه شال رمادى وشنبه الاسود الكبير وحواجبه الكثيفة..وبندقيته التى يمسكها خلف كتفه من حزامها.....تعركل فى عتبة الباب وكاد ان يقع...لكن تماسك نفسه ووقف باعتدال قائلا بالصعيدى وعيناه تدور : انا احولييت يا رداالة.. -عمر وجاك وزين بالصعيدى : بجييت امنييح يا كبير. -بدر بتساؤل وصعيدى : بجيت امنيح.. _الثلاثة بصوت واحد : ايواااااا.. -بدر وانزل بندقيته..وتحرك للداخل ويقول : امنيييح.....اييييه..!؟!....مالكم يا جمر منك ليه.!؟!.. _دامر بسخرية وبرود : انت جاى تمثل احترس من الخط هنا ولا ايه !؟... -وجه بدر البندقية نحوه قائلا بخشونة ويبرق بعيناه: اخرس يا وِلد....اما أأذنلك تتكلم...ابجى اتكلم.. _دامر ويجاريه وقد عرف من هما وقال بغضب : انت مين !؟!.. -بدر بالصعيدى وغضب: انا المهبول وِلد الاهبل.. _سليم بسخرية : نعم !؟!.. -بدر بخشونة ويرفع حاجبيه : انا الخِط خليفة الخُط الاصلى يا حيلتها..... _عمار بفكاهة : عادل امام !؟!....اهلا وسهلا.. -بدر بغضب وصوت خشن صعيدى : اخرس ياااض خااالص.......ثم وجه بندقيته نحو وجه دامر قائلا : اسمع يا حيلتها يا ابو عيون عسلية....الفرح دييه لغ يمكن يتم ولا العيل ديه هيتجوز البت دى.. _أمير بغضب : اطلع برا يا راجل يا مجنون انت.. -جحطت عينان بدر والثلاثة..وقال عمر بصدمة وغضب : وااااه....دا غلط فيك أكبير !؟!.. -بدر بخشونة وصعيدى : معلش يا اتش....عيل وغلط...الواد ديه شكله قبله ابيض وسمح.....انا بجه..هخلي شكل امه السمج ديه..ابيض......ثم نده قائلا لجاك : منسور... _جالك بجدية وصعيدى خشن : أمرك أكبير... -بدر بالصعيدى : اجهز يا ولدى........هاتوه يا ردااالة. _خرج جاك من الباب واتى بطفاية حريق الحمراء.وجردل به اشياء واعطاه لبدر..وذهب زين وعمر الى أمير وقيدوه واتوا به نحو بدر وهو يحاول الافلات منهم... بدر بخشونة كعادل امام لجاك : إرمى يا عنتر..إرمى.. -وجه جاك الطفاية نحو إمير...وضغط عليها..فانغرق أمير بالمادة البيضاء منها....وبعد ان تلون بالكامل منها بالابيض....رفع بدر الجردل قائلا له بالصعيدى : بالهنا والشفا يا ولدى.. ثم سكبه عليه...فانغرق بالماء والسلايم..والبهارات..ولعب صغيرة....واصبح امير بحالة لا يرثى عليها وملامحه لا تظهر.... ثم قال بدر ووقف امامه ووضع البندقية اسفل ذقن الاخر ورفع وجهه قائلا كالخِط وغضب بالصعيدى: اسمع يا حيلتها....انت تنسى انك تعرف واحدة اسمها عيلياء داى.....تنسى انك فكرت فيهى.من أساسه... والا وحياة امك اللى معاك ديى لتكون سنتك مهببة على دماغك.. -امير وهو يلا يرى بغضب : انا مش هسكت ع الكلام دا... _بدر بسخرية وصعيدى وضربه على عنقه من الخلف : يلا يااد ورينى حلاوة قفاك.....يلااا....إرموه براا يا ردااالة.. طردوه برا المنزل.....وتوجهت عائلته خلفه وقبل ان يخرجوا رش عليهم بدر بالطفاية واصبحوا باللون الابيض ويقول لهم وهم يخرجوا بالصعيدى : ديه عشان البيكتريا بس......يلااا بره بره.. وبعد ان خرجوا....رمى بدر الطفاية...وامسك بندقيته...وتقدم نحوه سليم ودامر بغضب وعصبية..ورفع هو البندقية نحوهم..فتوقفوا قائلا بالصعيدى وغضب : اللى هيجرب منى هطخه يا حيلتها منك ليه.....وقف عندك... -دامر بتنهيدة وغضب : انت عايز ايه الفرح خلاص باظ اطلع برااا. _بدر بضحك كالصعيدى وتحرك من بينهم ويقول: اطلع برااا......لا انسى يا روح تنت......الفرح هيتم وانا هختار عريس البت بنفسى... ثم توجه نحو جواد ووضع البندقية امام وجهه قائلا : انته..... -جواد بغضب : عايز ايه !؟!. _بدر بخشونةصعيدى : البت ديه هتتجوزها بعد تلت دجايق من دلوجتى......اتحرك جدااامى.. -علياء بغضب : انا مش هتجوزه..انت مجنون. -بدر لها بعصبية وصعيدى : اخرسى يا بت خالص... وانت اتحرك جدامى......اتحرك.. تحرك جواد امامه..وبداخله يريد.ان يعانقه بفرحة... وبدر يوجه نحوه البندقية ومر من جانب التؤام...وضربه دامر بقدمه...وسليم بمعدته...فتأوه بدر وأكمل طريقه بتماسك....واجلس جواد بالقوة محل امير....ثم رفع جلبابه و قفز كالقرد على الطاولة امامهم..ووجه البندقية نحو الشيخ قائلا بغضب وصعيدي : ابدأ يا شيخ....ابدأ.. انتفض الشيخ....ومد ادهم وجواد يده عندما وجه جاك وزين كلا منهما بندقيته نحوه...ووضعوا يديهم ببعض وعليهما المنديل....وبدأ الشيخ فى كتب الكتاب..وعلياء تكاد منصدمة وفرحة بأن واحد..وكم شكرت هذا الصعيدى لكن لا تعرفه انه بدر وكذلك الفتيات تبتسم بفرحة وايضا لا يعرفونه.... وغمز بدر بعينه الى جواد.....وانتهى كتب الكتاب...ووقع جواد على العقد...ووجه عمر بندقيته نحو علياء بغضب...فانتفضت هى..وذهبت مسرعة وهو معها...ووقعت ايضا..واصبحت زوجته رسميا.. واطلقت الفتيات الزغروتات بعلو.... ابتسم جواد وغمز الى بدر بمعنى احسنت......... ابتسم الشباب بفرحة..واحتضن ادهم جواد بحرارا وهمس اليه : والله لو مكنتش نطقت الليلة لكنت عمرى ما هسامحك ابدا.. -ابتعد عنه قائلا بصدمة : انت كنت عارف.. _ابتسم وغمز اليه قائلا بصدق واخوية: واضح نسيت انك اخويا وبفهمك من عينيك....بس سايبك تنطق..براحتك وحافظت عليها ليك..لانى مش هلاقى احسن منك انها تعيش معاه يا صاحبى.. -ابتسم جواد بفرحة وعانقه بقوة...وربت ادهم على ظهره بابتسامة وراحة... ثم ابتعد جواد..وذهب نحو علياء...التى تبتسم بفرحة وعيناها ادمعت انها اصبحت ملكه....قبل رأسها طويلا قال لها بعشق وتنهيدة واسمعها للجميع : بحبك.. _علياء بدمع ولكمته بصدره : اخيرا نطقت.....حرام عليك تعبتنى.. ابتسم هو وعانقها...وهى الاخرى عانقته بدموع الفرحة انها حصلت عليه اخيرا وستبقى معه للابد بعد عذاب من صمته المهلك.....وصفق الجميع بفرحة وابتسامة تنير وجه الجميع....ورفع بدر وحاك وعمر بندقياتهم يرقصون بحماس وفرحة..وزين يبتسم عليهم وعلى جنونهم الذى اعجبه....ثم لكم بدر بغيظ فى قدمه..فتمالك بدر نفسه ليكمل باقى مخططه.ابتعد هو عنها..ثم مال حملها فجأة بين يديه فشهقت هى بضحكة وخجل وتنظر لمن حولهم.... تحرك هو بها للخارج بسرعة...فقال ادهم والشباب بصوت واحد بدهشة وضحكة : رايح فين يابنى !؟! -نظرت اليهم قائلا بضحكة ومرح : رايح الحق اخلف عيل قبل الاربعين...ادونا فرصتنا بقاا....نتقابل بعد سنتين. ثم خرج بها..وضحك الجميع عليه...نظر فهد امامه بضحك..فوجد بدر امام وجهه يطالعه بصمت..ويوجه بندقيته عليه..فقال فهد برفع حاجب : نعم !؟!.. -بدر بنبرة صعيدية وخشونة : هتتجوزها دلوجتى.. _فهد بغضب : نعم !؟؟...هى مين دى !؟؟. -اشار بدر برأسه نحو سارة قائلا بالصعيدى : البت يارا.. _سارة بغضب : اسمى سارة.يا شخص انت. -بدر.بغيظ وصعيدى : يارا...سارة...حارة....عتتجوزيه يعنى عتتجوزيه.........هادى......اتش... _تحرك عمر ووضع البندقية على رأسها قائلا بالصعيدى وخشونة : جدامى يابت ع المأذون.... _سارة بخوف منه : سليم.. -تحرك سليم بغضب ليوقف تلك اللعبة...لكن توقف امامه زين ويشير بوجهه بندقيته قائلا بالصعيدى ويرفع حاجبه : جدامى ع المأذون يا وكيلها... _زمجر سليم بتوعد....لكن تحرك امامه وجلس بجانب الشيخ.....وهدد بدر فهد..واجلسه بالاجبار امام سليم... وبدأ الشيخ كتب الكتاب الاخر بعد ان وضع فهد يده بيد سليم .....وانتهى....ووقع فهد على العقد...وتحركت سارة بخوف من عمر...ووقعت ايضا اصبحت زوجته رسميا.....ومالَك عيناه ادمعت بفرحة براحة لرؤيته ذلك...وأسامة يضحك بفرحة..وعانق مالك...وجود تقفز بفرحة وسعادة..والاطفال يرقصون بسعادة لفهد وسارة واخيرا اصبحا زوج وزوجة... رفعت سمارا وسليمة وجميلة ايديهم واطلقوا زغروتة بفرحة شديدة..لان صديقاتهم قد اصبحا مع عاشقيهم......وابتسم بدر بانتصار..... سليم الى فهد وهو يحتضنه بحرارة وفرحة وتنهد قائلا : اخيرا يا ابن الساكتة هقولك يا جوز اختى.. لقد هرمنا يا شيخ.. _فهد بصدمة من ان يعرف...لكن عانقه بفرحة وراحة وانها اصبحت زوجته.......ثم ابتعد عنه.وضرب رأسه برأسه بضحك ومزاح...وذهب نحو سارة وقبل يدها ورأسها...وهمس لها بعشق : بحبك.. -سارة بعشق فائض وابتسمت بدمع : بعشقك يا فهد. ابتسم فهد..وكاد ان يعانقها..لكن انتفض على بدر الذى قفز امامهم ووجه بندقيته امامهم قائلا بالصعيدى وعصبية : اتحشم يا وِلد منك ليها.....ليكم اوضة هتتقفل على دماغكم.....شيلها.. _سارة بخجل وفزع : ايه !؟!...لا طبعا !؟....انا ااااه. صرخت عندما مال فهد وحمليها بين يديه فشهقت بخضة وخجل وتعلقت به...وقال هو لبدر بتنفخ وسعادة: اى أوامر تانية !؟!.. بدر ويوجه بندقيته عليهم ويقول بصعيدى وحزم : تطلع من هنه طوالى على شجتك هتلاقى ليلة عنب هناك......بعد تسع دجايج عايز اسمع صوت عيل.. -فهد بصدمة : مش كانوا تسع شهور !؟ _بدر بصعيدى وصرامة : عندى بجوم تسع دجايج...يلاااا.. تحرك فهد بها وخرج من المنزل تحت ضحك الجميع وفرحة...وقال بدر بانتصار وصعيدى لاصدقائه وهو يرقص بجسده: حدح نيح حنحنى بحلوح النيح قنييح...جول لاااع. -جاك وعمر بفرحة وزين بضحك : لاااااع.. _رفع بدر بندقيته نحو الاعلى قائلا لهم : اضرب ياوِلد.... ضرب الاربعة نحو الاعلى..وانبطح الجميع لاسفل والفتيات تصرخ.....انفجرت اشياء من البندقية وهبطت على الجميع وكانت مياه وسلايم...وانغرقوا بها جميعا حتى اخوته.....وانتهوا وقال بدر لهم بفرحة وازال الشنب والشال : الليلة دى انجزنا يا اولاد المجانين.. ثم ضحك عاليا بفرحة هو يصفق...ثم استدار فوجد امامه اربعة وحوش تقف امامها تطالعه بتوعد وشرار....وساهر يقف بجانبهم.ودارت عيناه بحول...ثم اغمض عيناه وفقد الوعى على الارضية بسبب افعال هذا المجنون.....ونظر هو لهم بخوف وابتلع ريقه.. -نظر سليم لدامر وادهم وساجد قائلا بتساؤل وتوعد : تلاتة على واحد ايه !؟! _الثلاثة بتوعد وغضب : يادوب. -سليم بحسرة لهم : اربعة على واحد ايه !؟! -الاربعة بصراخ وغضب وركضوا نحو بدر : حراااااااااااام.. صرخ بدر عاليا وركض بهرب وخوف خارج المنزل وهم خلفه... وتعالت ضحكات الجميع حتى ادمعت عيناهم وضحك زين كثيرا عليه.... وانتهى اليوم بسلام وفرح وضحك للجميع..وكل ذلك بسبب ذلك المجنون.. .................. ############################# انا الفصل دا كتبته بالعافية من كتر الضحك😂 وانا بتخيلهم بجد والله دا مصيبة اوى بس جمعهم بردو 😂😘💃...اتمنى يكون عجبكم وحسيتوا بنفس شعورى فيه ❤❤❤.....متنسوش التفاعل والكومنتات على الفصل منتظراهم ❤❤❤ #قسوة_ثم_حنين2 #بقلمى_ملكة_الجنان_صافى_محمد....
....بدر الصعيدى بيمسى عليكم 😂😂👳👳 ايه رأيكم فى الحلقة يا وِلد منك ليه ليها؟!🤨🤥☹️
Oops! This image does not follow our content guidelines. To continue publishing, please remove it or upload a different image.
