အပိုင်း-(၉)
Idiot Brother
ကောင်လေးတစ်ယောက်ကတော့ စိတ်ကူးတွေ
အယဥ်လွန်ကာ အိပ်ပျော်နေပေမယ့် တစ်ယောက်သောသူကတော့ တက်ကြွစွာ မနက်ပိုင်းထပြေးခြင်းအလုပ်ကို ပြုနေပြီဖြစ်သည်။
ရှားသည် မနက်ငါးနာရီခွဲ alarmမြည်တာနှင့် ခြေစွပ်ရယ် Shoeဖိနပ်ရယ်ကို ကောက်စွပ်ပြီးသားပဲ။ အနည်းငယ်မိုးအေးသောကြောင့် အနွေးထည်အပြာရောင် ထူထူထဲထဲကိုဝတ်လိုက်၏။
အိမ်တွင် ထမင်းချက်သော အန်တီကြီးက
" အစ်ကိုလေးရယ် အပြင်မှာမိုးရွာမယ်ထင်တယ်
မပြေးပါနဲ့ "
" အန်တီရယ် ကျွန်တော်ပြေးနေကျပါ ဘာမှမဖြစ်ဘူး စိတ်မပူနဲ့ မာမီနဲ့ ဒယ်ဒီနိုးရင်သာ ပြောပေး။
ဝီရိယရှိတဲ့ သားလိမ္မာကလေး ထပြေးနေပါတယ်လို့တိုင်ပေး"
"ဟေ့ကောင် လူကြီးကိုဘာမှမပြောနဲ့ ငါလဲ နိုးပြီ။ ခဏစောင့် ငါပါလိုက်မယ်"
"ဒယ်ဒီပါ လိုက်မလို့လား ဒါဆို ကျွန်တော် ဖြည်းဖြည်းပြေးရတော့မှာပဲ။"
သူ့ဒယ်ဒီသည် သူ့စကားကိုမကြားချင်ယောင်ဆောင်ကာနေလေသည်။
ကြည့်ရတာ ဒယ်ဒီက မာမီ့သဘောကျ သားနှင့်စစ်ပြေးငြိမ်းချင်သည့်သဘောဖြစ်မယ်ထင်သည်။
သားအဖနှစ်ယောက် စကားတပြောပြောနဲ့ လမ်းလျှာက်တဲ့အခါလျှောက်၊ ပြေးတဲ့အခါပြေး၊ မောသည့်အခါ နားကြသည်။
သူ့ဒယ်ဒီကိုငဲ့ကာ ရှားသည် joggingလုပ်ကာစောင့်လေသည်။
"ပါးပါးက ကြာလိုက်တာ"
ပါးပါးဆိုတာက ရွေးလေးခေါ်နေကျအသုံးနှုန်းမို့ ဒယ်ဒီသည် သူ့ကိုမျက်လုံးလှန်ကြည့်လေသည်။
"ဟေ့ကောင် မင်းနဲ့တော့ခက်သား။ အဖေကတစ်ယောက်တည်းကို ဖေဖေ ဒယ်ဒီ ပါးပါးနဲ့ "
"ဆိုလိုတာက မာမီယောက်ျားပဲလေ"
"ဒီကောင် ခွေးသား"
သားအဖနှစ်ယောက် မတွေ့တာကြာပေမယ့် ပြေလည်တဲ့သဘောသို့ရောက်နေပြီဆိုရမည်။
ဒယ်ဒီရဲ့ သူ့အပေါ်မကျေနပ်ချက်ကတော့
တစ်အချက် သူ့သားရွေးချယ်တဲ့အလုပ်ကိုသဘောမကျခြင်း၊ နှစ်အချက် သူ့ချွေးမဖြစ်မဲ့သူကိုပါ ဆုံးရှုံးလိုက်ခြင်းဖြစ်မယ်ဆိုတာ ကျွန်တော်ကောင်းကောင်းကြီးသိပါ၏။
YOU ARE READING
Blind Date (OC) (Completed)
Teen FictionDee× Shar ဒါက ကိုယ်Plotချထားပြီးသားဇာတ်လမ်းထဲကအရံအတွဲလေးကို side storyအနေနဲ့ရေးတာပါ အလွတ်တမ်းစုံထောက်ကောင်လေးDeeနဲ့ အမှုစစ်စုံထောက်ကောင်လေးShar(ရှား)တို့ရဲ့အလွဲတွေကိုဒီBlind dateမှာဖတ်ရမှာပါ စုံထောက်ကျော်နှစ်ယောက်ဟာ အချစ်ရေးမှာတော့ကံခေရှာပါတယ် ထို့...
