Blind Date (OC) (Completed)

Ep6:ရည်းစားတစ်ယောက်အဖက်တင်လေသည် (Zawgyi)

အပိုင်း ၆
ရည်းစားတစ်ယောက်အဖက်တင်လေသည်။

ညကအသားကုန်သောက်ထားတဲ့အရှိန်ကြောင့်ခေါင်းတို့ကနောက်ကျိကာ မလန်းမဆန်းဖြစ်နေသည်။ အကုန်လုံးတက်ညီလက်ညီအိပ်နေလိုက်တာများ လူသေကောင်ကတောင်သူတို့ကို အဖေခေါ်ရမယ်။

သူမျက်နှာသစ်ဖို့ရေချိုးခန်းထဲဝင်ပြီး၊ ချွေးနံ့ထွက်နေသလိုရှိနေတာနဲ့ အပေါ်ပိုင်းအင်္ကျီကိုချွတ်လိုက်သည်။
မှန်ထဲတွင်မြင်လိုက်ရတဲ့အရာကြောင့် ကိုနန်ဒီးတစ်ယောက်အသက်ရှူပင်မှားတော့၏။

သူ၏လည်ပင်းမှာ ကိုက်ရာတွေပြုံနေတာကို မြင်လိုက်ရသောကြောင့် လိပ်ပြာပင်လွင့်တော့မတတ်ဖြစ်သွားတော့သည်။
ဒါတင်မကသေး သူ့၏ဝဲဘက်ရင်အုံနားမှာလည်း အနီကွက်တစ်ခုကရှိနေပြန်သေးသည်။

သူတကယ် စိတ်တိုသွားတာမို့ "ငါ့ကိုဘယ်ကောင်ကိုက်တာလဲ ဒါတွေကဘယ်သူ့လက်ချက်လဲ "
ရေချိုးခန်းတံခါးကိုထုကာ အပြင်အိပ်နေတဲ့ကောင်တွေကိုအော်လိုက်မိတော့၏။

သူ့ရဲ့ရေချိုးခန်းထဲကမှ အသံကြောင့်အားလုံးနိုးလာကြတော့သည်။ စိုးမြင့်ကအိပ်မှုန်သုန်မွှားရောက်လာပြီး
"ကိုနန်ဒီးရာ မင်းကလည်း ကင်းကိုက်ခံရတာကျလို့ အနီကွက်လေးတွေကိုဖြစ်ပျက်နေလိုက်တာ
လူကိုက်တာပဲ အဆိပ်မရှိပါဘူး
အသည်းငယ်နေလိုက်တာများ..."

"ဟာ မင်းမှအကိုက်မခံရတာပြောအားရှိတာပေါ့ မင်းကြည့်ကြည့် တစ်နေရာလောက်ဆိုတော်ရောပေါ့
အခုက နေရာအနှံ့လိုလိုပဲ"

ရှားကဆေးဘူးကိုယူလာပြီး
"ကျွန်တော်ဆေးထည့်ပေးမယ်
လာ လာအစ်ကိုဒီး"

ဘေးကကောင်တွေက တိုးတိုးနဲ့
"မင်းလုပ်တာပဲ မင်းတာဝန်ယူမှပေါ့"
ဟူသောစကားသံသဲ့သဲ့ကို ရှားကြားဖြစ်အောင်ကြားလိုက်ပေမယ့် သူတို့ပြောတဲ့စကားတို့ကို
သူနားမလည်ပေ။

ကျွန်တော်သေချာသတိထားကြည့်မိတော့ကိုက်ရာတွေကကွင်းခနဲရဲလျက် လက်ဖမိုးပေါ်တွင်တစ်ခု၊ နောက်တစ်နေရာက ဝဲဘက်ရင်အုံအပေါ်နားလောက်မှာရဲခနဲအရာတစ်ခု၊ ပြီးတော့ကျ လည်ပင်းနားမှာအမှတ်သားတစ်ခု တစ်ကောင်ကောင်လက်ချက်ဆိုတာသေချာပေမယ့် သေချာပေါက်အမှတ်အသားပေးသွားတာ
ပိုင်စိုးပိုင်နင်းနိုင်လိုက်တာများ ငါ့အစ်ကိုကို...
ဘယ်သူကိုက်တာပါလိမ့်...