Poems - Tula (Book 1) Published by: Ukiyoto

"Pasaylua Ko"

Lisod ug dili sayon dawaton
Ang mga sayop nga dili dali solbaron
Taas nga proseso kung kini utay-utayon
Apan tawo ra ko nga gi hagit sa mga tentasyon.

Kabalo kog nahugmak ang imong mga plano
Kalit nahanaw sama sa asu tungod kanako
Daw ang akong kasing-kasing magpabilin kanino
Bisan pa man dili na ko nimo mapasaylo.

Gibasulan ko na ang tanan
Sala naku kung ngano ikaw nasakitan
Daghan koy mga panaad nga wala natuman
Mga panumpa nga akong gibaylo sa laing butang.

Daku kaayo ang akong mga pagmahay
Kasakit ang akong gi sud-ong imbis nga kalipay
Murag wala nay bili ning akong kinabuhi
Sakit pas gi hampak ug latigo ang akong gibati.

Pasaylua Ko! Pasaylua intawon ko!
Ang akong mga nabuhat wala naku gituyo
Andam kog mudawat sa tanang sakripisyo
Maangkon ko lamang ang imong hugot nga pagpasaylo.

Busa ampingan ko na gyud ang imong gugma
Tagaang pag tagad ang imong pag-amuma
Gapuson ko na ikaw sa akong dughan
Busgon sa paghigugma ug dili na pasakitan.

-Septermber 29, 2020   3:32PM