Oh Sehun's Child

26.

twenty six.

Pagpasok na pagpasok ko ng bahay, nawala yung ngiti ko sa labi at napalitan ng pagtataka ang mukha ko. Nakita ko kasi si Chanyeol hyung at si Sett na naka-gapos sa sofa namin at may mga drawing sa mukha.

"Ano'ng nangyari sa inyo?" Sinibukan kong pigilin yung tawa ko pero nabigo ako. Nakakatawa kasi yung mga itsura nila! Pfft. Mukha na talagang palamunin si Chanyeol hyung at si Sett naman, halata mo sa mukha niya na nagpipigil siya ng tawa.

"Mmm-hmm-mm..." 'Yan lang 'yung narinig ko na sinabi nila. May panyo din kasi silang kinakagat. Aakalain mo talaga na hostages sila eh. Huhulaan ko kung sino gumawa nito. Si Tao 'yan. Hahaha.

Umiiling-iling na naglakad ako papalapit sa kanila habang kinukuha yung cellphone ko sa bulsa ko. Nang makuha ko na ay agad kong binuksan yung camera at tinutok sa kanila. "O, tingin na sa lens!" Sabi ko at sinunod naman nila. "Say cheese!" Dagdag ko pa.

"Mmmmm!!" Rinig kong ungol nilang dalawa na parang nagsabi nga sila 'cheese'. Natatawang kinuhanan ko naman sila ng litrato at mas lalo akong napatawa ng makita ko yung kamay ni Chanyeol hyung na naka-peace sign pa. Edi wow. Hahaha!

Pagtapos ko silang kuhanan ay nilapag ko na yung cellphone ko sa isang sofa. Narinig ko pang may sinabi si Chanyeol hyung pero hindi ko pa rin naiintindihan dahil may harang nga yung bibig niya. Kaya nung lalapit na sana ulit ako sa kanila para tanggalin yung nakaharang sa mga bibig nila ay bigla kong narinig yung sigaw ni Tao.

"Hoy! Hoy! 'Wag mong gawin 'yang pinaplano mo, Sehun!" Singhal nito sa akin habang papalapit siya sa'kin.

Naka-ngisi na tinaasan ko siya ng kilay, "Ikaw gumawa nito, 'no?" Tanong ko at saka tumawa.

Taas noo na tumango-tango naman siya habang naka-ekis pa 'yung mga braso niya. "Payback is a must. Hah!" Sagot niya.

Umiling na lang ako habang tumatawa pa rin. "Ano ba kasi 'tong trip na 'to?" Tanong ko ulit.

Nagsisimula nang lumakas 'yung mga pag-ungol ni Chanyeol hyung at ni Sett. Naglakad papalapit sa kanila si Tao. "Ito kasing mga 'to eh!" Aniya. Marahas na tinanggal niya 'yung panyo na nasa bibig ni Chanyeol hyung. Marahas pero syempre pabiro lang. "Ginanito kasi nila ako kanina!" Dagdag niya pa.

"Hoy! Naglalaro kasi tayo kanina!" Usal ni Chanyeol hyung pagka-tanggal na pagka-tanggal ng panyo sa bibig niya.

Narinig ko namang umangal si Sett na para bang sinasabi na tanggalin na rin yung kanya. Kaya lumapit ako para tanggalin yun. "Hi dad!" Bati niya sa akin at nginitian ako. Tapos nilingon niya si Tao, "Oy Tao hyung! Tanggalin mo na yung tali sa katawan ko po! Hindi ka po ba naaawa sa akin?! Ang bata ko pa po oh! Si Chanyeol hyung na lang po itira mo!" Singhal niya kay Tao.

Napa-sapo na lang ako sa mukha ko. Naka-gapos na nga't lahat ang anak ko, ang angas pa rin makipag-usap kay Tao hyung niya. Haha.

"Mamaya na!" Sagot ni Tao. Tapos nag-sagutan na silang tatlo. Napa-ikot na lang ang mata ko at nagsimula nang maglakad.

"O sige, dyan muna kayo. Enjoy!" sabi ko habang iniiwan silang tatlo. "Hoy Sett, 'pag naka-wala ka na dyan, umakyat ka ah?" Bilin ko kay Sett.

Nang nasa hagdan na ako, narinig kong sumigaw si Sett. "Daddy ko!!! Na-kidnap po 'yung anak mo, ano ka ba po!" Napa-ngisi na lang ako at tuluyan na silang iniwan. Bahala silang tatlo dyan, mukhang nage-enjoy naman sila eh.

Pagka-akyat ko ay naka-salubong ko si Kris hyung. Tinanguan niya ako at ganun din ang ginawa ko.

"Yah, hyung. Bakit 'di ka kasali sa kanila?" Tanong ko.