We Can't See You

Chapter 3

Team Theo vs. Team Lillian Exhibition Game

Naghihiyawan at nagtatawanan ang mga audience habang pumipili ng hero ang team ni Theo.

Game two out of three na sila ngayon. Ang nanalo sa unang parte ng exhibition game ay sina Theo.

"At binan ang Balmond!" sigaw ng commentator.

Nagsitawanan ang mga audience, hinarap naman kay Theo ang kamera at maging siya ay tumatawa. Dahil si Balmond ang hero na ginamit niya kanina ay hindi niya na pwedeng gamitin ngayon.

"Sino naman kaya ang hero na gagamitin ni Theo ngayon, mga pamangkin?" panggagaya ng commentator sa tawag ni Theo sa mga manununuod ng stream nito.

Tinutok ang camera sa mga audience, nasa isang mall sila ngayon. Ang iba ay may banners at nakataas ang phone na may nakalagay na "Bitter Sweet Men", mga pangalan nina Eddie, Theo, Bean, John at Rove. Mayroon pang mga cut out pictures nila at ang pictures ni Theo kasama si Lillian na taga-kabilang team na shini-ship sa kanya.

"Miya."

Dinig nila at lumabas sa screen ang hero na pinili ni Theo, isang marksman.

"Wooooh!"

Nag-cheer at tawanan ulit ang mga tao na tila nae-entertain dahil alam na nila ang mangyayari. Tank build ang gagamitin ni Theo kay Miya.

Naging mas intense ang pangalawang laro dahil malakas din ang kalaban lalo na ang nag-iisang lalaki ng Team Lillian na gamit ay ang hero na si Lancelot.

Tatlong tore na lang ang natira kina Theo at apat naman sa kabilang team. Magkakasamang nagbabasag ang kalaban nila ng tore habang sila naman ay nagde-defend hanggang sa nag clash ang dalawang team at nagsigawan ang mga tao dahil nabaliktad ang sitwasyon.

"Ang hapdi naman no'n! edgardodicarpio!" banggit ng commentator sa username ni Eddie.

Gamit nito ang support na si X.Borg na nakapatay kay Lancelot.

"Napakasakiiiiiiit! Kuya Eddiee~" kanta ng mga audience. Theo always play Napakasakit Kuya Eddie by Roel Cortez whenever Eddie does something remarkable in his live stream, na siya rin ang nage-edit at iu-upload sa YouTube.

Habang kumakanta ang audience, tumatawa ang commentators, nag-uusap ang mga kalaban, sa mesa nina Theo ay hindi nakaligtas sa kanilang apat nina Eddie, Rove at Bean ang paulit-ulit na pagsulyap ni John sa isang babae sa kabilang team na katabi lang nila ng mesa.

Nagulat ang lahat nang namatay rin ang Odette ng kabilang team. Ang kaninang slow motion ay tila bumalik sa totoong takbo ng oras.

They didn't see it coming.

Sino ang pumatay?

"Ay grabi naman 'yon mga pamangkin! Literal na 'You Can't See Me'," sabi ng commentator. "Eto si John Ceno nagpapaka John Cena eh," dagdag nito kaya natawa sila.

Dahil nakita nila kung saan nakapwesto si Lesley, ang hero na gamit ni John na kayang mag camouflage sa loob ng tatlong segundo ay pinuntahan ito ng Guinevere at Franco ng kabilang team.

Na-stun ni Guinevere si Lesley at hinook naman ito ni Franco, pero bago pa man maubos ang buhay ng hero ni John ay sumulpot ang Tank Miya ni Theo.

Sa mapa naman ay walang habas na pinapasok na nina Rove at Bean ang tore ng kalaban para patayin ang mga heroes nito. Hanggang sa mag resurrect ang iba at pinasok ulit nila ito para labanan.

**

Natapos ang laro at ang BSM ang nanalo.

"Salamat sa pagpunta," tipid na sabi ni Rove.