We Can't See You

Chapter 1

Numunguya at padukot-dukot sa BFF fries sina Eddie, Theo, Rove at Bean na magkakaharap sa isang mesa na naka-pwesto sa gilid ng glass wall kung saan kita ang view sa labas mula sa itaas. Sa corner lang ng mesa nila ay ang mga kaninang ubos na pagkain.

Sa gitna ng mesa ay phone ni Bean na binabasa ang replies sa tweet niya.

"What if may nang-hold up kay kuya John no'ng pauwi siya? Tapos napatay at tinapon ang katawan sa ilog o kaya chinap-chop tsaka nilagay sa maleta o kaya tinapon sa basurahan?"

"What the..." si Eddie.

"Tang'na..." halos pabulong na aniya ni Rove.

Si Theo naman ay napangiwi. Napahilamos naman ng mukha si Bean gamit ang palad. May parte na sinisi ang sarili dahil sa pagiging padalos-dalos nito kagabi at na-tweet ang tungkol sa pagkwala ni John na wala rin silang lead. John's family also kept them in the dark. Dito nagre-report ang mga police.

They decided to read the replies from his tweet, which was already deleted, thinking that they may find something useful. Bean took screenshots before deleting the tweet. Inasar pa siya nina Rove dahil sa typo niyang 'asa' imbes na 'asa'n'. What can he do? He was drunk that time.

It's their break time and they are in McDonald's where their squad usually hangs out whenever they have classes.

"But she has a point..." Eddie said referring to one of the fans. "It could be John had some errands to run that night, like his part-time job as a grab driver after the party so he didn't drive me home anymore," hinuha nito.

"Tapos na-holdap siya ng pasahero niya? Bago 'yun ah. Diba mga driver yung mga nangho-holdap?" sabi ni Rove.

Natahimik silang apat. May mali.

Kung ano-anong pumapasok na senaryo sa isip nila tulad ng baka may nakisakay nga kay John tapos pinatay ito, o baka naman kinidnap, o baka may nangyaring mistaken identity at pinagbabaril ang kotse nito, o baka naman nabangga tapos dinispatya para hindi makulong ang nakabangga.

"O baka naligaw siya tapos hindi binaliktad 'yung damit kaya hindi na nakabalik," Bean said loudly.

All of them grunted.

"Basahin mo na nga 'yung next," ani Rove na itinaas ang hintuturo pagkatapos sumipsip sa soda nito.

"Baka naman nagtanan na."

They all expressed their disgust.

"Wala nga 'yong girlfriend, sino itatanan no'n? Yung kotse niya?" asik ni Rove.

Sumang-ayon naman sina Theo, Eddie at Bean. Alam na nila agad na hindi nila iyon tagasubaybay o kakilala dahil sa teorya nito.

"Naglayas," basa ni Bean. Iisang salita pero ramdam nilang lahat ang pagka-offend.

"Hindi gano'n si John..." komento ni Theo habang nakatulala sa ketchup.

Bean nodded. "Atsaka konti na lang graduate na tayo ba't naman niya gagawin 'yon?" he said trying to cheer Theo up.

"Naglayas... That's the common cover up for a missing person in media black out," Eddie sarcastically said.

"It doesn't make sense. Una, sa pagkakakilala na'tin sa kanya hindi siya gano'ng klase ng tao. Pero wala rin namang masama kung bubukod siya kung kaya niya na sarili niya, ang conflict lang ay hindi man lang siya nagsabi kahit sa'tin. At madalas sa mga naglalayas, sa mga kaibigan din nakikitira. But we have to cross all of that thought from our perception as his friend." Rove sighed. "We have to be open to all possibilities."

"Ibig mong sabihin iko-konsider din na'tin 'tong naglayas o nagtanan siya?" parang napapagod na tanong ni Bean habang nakahalumbaba at pinahaba ang tunog ng 'r' sa 'konsider'.