Cease Of Mirage [COMPLETED]

Chapter 3: New Beginning

"Sa ito ang gusto ko, eh. At saka kung reserved na 'to, sana hindi niyo na dinisplay," nagtitimping sabi ni Xy. Hinawakan ko siya sa braso at pinanlakihan ng mata.

"Hayaan mo na, sa iba na lang tayo tumingin," mahinang sabi ko.

"Ayoko, fren ang ganda nito eh saka parang wala na 'kong magugustuhan na damit sa ibang shops. Ayoko," nagmamaktol niyang sabi.

"Pa'no mo malalaman kung hindi mo susubukan, 'di ba? Saka nakaaabala ka ng iba, oh," tingin ko sa mga taong nakapila sa likod niya. Napanguso na lang siya at binitawan 'yong damit.

Tumingin ako ro'n sa cashier. "Ako na ang humihingi ng tawad sa ginawa ng kaibigan ko, pasensya na, Miss Kaye," paghingi ko ng tawad. Unti-unti lumaki ang mata niya at bumuka ang bibig. Siguro nagulat siya nang binanggit ko ang pangalan niya.

"A-Ayos lang po 'yon, ma'am. Pasensya na rin po... ma'am," baling niya kay Xy, pero ang gaga inismiran lang siya.

Hinila ko na lang siya palabas. "Come again, ma'am," nakangiting sabi nung lalaking nakabantay sa labas.

"Hinding-hindi na 'ko babalik!" Nagulat 'yong lalaki dahil sa biglang pagsigaw ni Xy, pati ako nagulat, eh.

Hinila ko na lang ulit siya palayo sa shop na 'yon. Kahit kailan talaga, skandalosa. "Alam mo, kain na lang kaya tayo ng ice cream para medyo lumamig naman 'yang mainit mong ulo," suggestion ko.

"Ice cream? Psh. No way." At umirap pa! Pesteng 'to. Pasakit masyado.

*****

"Uhh, fren, ang sarap ng bagong flavor!" sabi niya. Tikman mo oh," nilapit niya sa 'kin ang ice cream niya na nasa cone.

Kanina lang ayaw niya tapos ngayon, sarap na sarap.

Ngumiwi ako. "Nakakadiri ka! Nilawayan mo na tapos ipapadila mo pa sa 'kin?" nandidiri kong sabi.

"Ang arte mo, nilagyan ko nga ng kulangot 'yang ice cream mo eh."

"Ano?!"

"Biro lang, uhog lang talaga ang nilagay ko riyan."

"Gaga ka! Bat 'di na lang plema ang nilagay mo, ano?" sarkastic kong sabi.

"Oo nga, ano? 'Yong plemang may bubbles pa. Hahaha. Iwwwww. Taena! Nasusuka ako," napahawak siya sa bunganga niya at namumula na ang gilid ng mata niya.

Binelatan ko lang siya at pinakita ko pa kung pa'no ko dinilaan ang ice cream ko. "Buti nga sa 'yo. Sinimulan mo eh. Hahaha." Pang-aasar ko. Nakita kong lumunok siya ng dalawang beses at do'n na 'ko nadirian. "Yuck, Xy! 'Wag mong sabihing nilunok mo ulit ang pagkaing umapaw riyan sa bunganga mo?" nakangiwi kong tanong.

"Ang sarap, fren, try mo," nakangiti pang sabi niya at muling kinain ang ice cream niya.

Kinilabutan ako at nandidiri siyang tinignan. "Siguro pinaglihi ka sa tae, 'no? Nakakadiri ka!"

"Hahaha. Ang bango ko namang tae, fren."

"Psh. Whatever," inismiran ko siya at muling kumain ng ice cream.

"So, sa'n tayo mamaya?" tanong niya.

"'Di ba bibili ka pa ng damit?"

"Tss. Nawalan na 'ko ng gana."

"Eh? Where are we going next, then?"

Tumingin siya sa 'kin at ngumiti ng pilyo. Parang alam ko na kung ano ang ibig-sabihin ng ngiting 'yan. "Do you think what I think?"

"Yeah." Nakangising tango ko.

"FOOD TRIP!!!" sabay naming sabi.

*****