After Five Years

Chapter 1.2

Ayaw yatang magsink-in sa utak ko kung sino ang taong nasa harapan ko nang makapunta kami dito sa main gate. Tama nga ako! Hindi ko alam pero parang lumiit ang mundo para sa aming dalawa. Aaminin ko na mas lalo pa siyang gumwapo at tumangkad kaya hindi na ako magtataka kung pati sa trabaho niya ngayon ay habulin pa din sya. Minsan madedescribe mo sya na perfect sabi ng iba kasi daw matalino, gwapo, matangkad, at higit sa lahat maka-Diyos. Ideal boyfriend nga siya kung maituring ng maraming babae dati nung nasa high school pa kami pati kamo lower grades non, kilig na kilig sa kaniya. Pero sure din ako na kahit hanggang ngayon eh ganoon pa din ang environment niya dahil sa undying kagwapuhan niya.

Gusto niyo ng proof? Kasi dati nung nasa high school pa kami he was nominated as our candidate for Mr. PISA. Alam ko he hesitated to join but eventually na papayag din sya dahil dagdag grades din yon. He won the title "Mr. PISA" for District and Provincial Level. Siguro next time ko na lang sa inyo ikwekwento yon dahil nagiging blangko at hindi talaga ako makapagfocus kapag malapit lang ako sa existence niya.

Wala akong magawa ngayon, ni magsalita at lumunok ay hindi ko magawa dahil hindi ko maalis ang paningin ko sa kaniya. Hawak pa rin ni Gavin ang kamay ko dahil nga hinatak niya ako kanina papunta sa main gate. Hindi niya ako napapansin dahil abalang-abala ang tito niya sa cellphone nito na sa nakikita ko ngayon ay mukhang siyang siya ito sa katext niya. Paano ba naman kasi pati yata tenga niya ngumingiti. Sino naman kaya ang katext nito?! Eh ano naman sa akin kung may katext siya, kami ba?!

Pinakaramdaman ko ang sarili ko sa mga oras na iyon, pinakaramdaman ko kung ano na ba talaga ang estado ko pagdating sa kanya. Nakamove na nga ba ako sa kanya?! Wala namang kami pero ewan ko ba bakit ako nagkakaganito. Halo-halong emosyon ang bumabalot sa akin ngayon. Sa punto na ito, feeling ko bumalik ako sa pagkahigh school.

Nabalik lamang ako sa wisyo ko nang narinig kong magsalita si Gavin.

"Tito, *tingin sa tito niya* this is my favorite teacher *tingin sa akin and sa tito niya* na I'm talking about po kanina. She is beautiful right?" Hawak pa rin niya ang kamay ko at wala yata siyang balak na bitawan. Hindi pa rin siya nililingon ng tito niya kahit nakailang kalabit na siya dito.

Ngunit habang abala pa ang tito niya sinamantala ko na ang aking pagkakataon na makatakas sa bingit ng aking kahihiyan. Kinausap ko muna si Gavin bago ko sya iwanan.

"Gavin, *yumuko muna ako ng magkalevel kami ni Gavin at hinawakan ko siya sa balikat* your tito is here na so Ma'am Shaze will go na because she have also another things to do. So is it okay with you if I will leave you here na with tito?" Mukha namang nalungkot siya sa sinabi ko dahil yumuko siya. Syempre hininaan ko yung boses ko para hindi ako marinig ng tito niya. Ewan ko ba bakit sobrang busy ng tito niya sa cellphone nito. Tss!

"Okay lang po teacher, Tito will fetch me naman po ulit tomorrow so magkikita pa po kayo ulit. Goodbye po teacher and see you tomorrow!" Sinabi niya sa akin ng may ngiting malaki sa kaniyang mukha.

Napakacute na bata!

At ngayon ko lang din narealize na medyo hawig nga sila ng tito niya. Kaya pala, may pinagmanahan ka naman pala Gavin.

Pero sana paglaki mo huwag kang maging masungit katulad niya.

Nagulat na lang ako ng niyakap ako ni Gavin pero agad naman akong kumalas dahil baka makita pa ako ng tito niya. Nilagay ko na sa likod niya yung bag niya at nagwave sa kanya habang binibilisan ko ang paglakad papunta sa room ng pinsan ko.

Grabe parang tumakas lahat ng dugo sa aking katawan dahil sa sobrang nerbyos na nadarama ko kanina. Medyo nakahinga na ako ng maluwag ng makalayo ako ng konti sa kanila. Hindi ko maintindihan kung bakit ako kinakabahan pero laking pasasalamat ko sa katext niya kasi kung hindi baka nakita na niya ako.