After Five Years

Chapter 2.9

"Get your things and we will have lunch."

"Get your things and we will have lunch."

"Get your things and we will have lunch."

"MA'AM SHAZE?!" Ang malakas na boses na iyan ang nagpabalik sa akin sa wisyo.

"P-po? Ma-Ma'am Pil a-ano po sabi niyo?" Medyo lutang at gulat na sabi ko kay Ma'am Pil.

Hindi pa rin ako nakakapasok sa room dahil noong sakto na papasok na ako at hindi na nga pinansin pa si Breeze ay dumating naman si Ma'am Pil na hindi pa yata alam na nandito siya. Baka tapos na rin siya maglinis ng room kaya nakabalik na dito. Nandito pa rin kasi ako sa may pintuan at bukas na bukas na ang pintuan. Hindi rin ako makalabas para kausapin siya dahil nandito pa rin si Breeze sa bukana ng pinto at nakayuko at nasa bulsa pa rin ang mga kamay. Si Ma'am Pil naman ay nandoon lamang sa may kapantay na ng couch habang kinausap ako dahil paano niya ako makakausap ng malapit kung nakaharang ang isang ito?!

Theodon, ano ba nakain mo at ayaw mo pa na umalis?! Saka bakit mo ba sinabi yung mga sinabi mo na iyon kanina?! Hah?! Ayan ka na naman sa mga galawan mo eh! Nagmalfunction na naman tuloy ang utak ko!

At kamalas-malasan sa harap pa nga ni Ma'am Pil nangyari ang pagmalfunction nito. Si Ma'am Pil na mahilig mang-asar! Sigurado ako na laman na naman ako ng kwento nito mamaya sa faculty. Sana naman wag muna siya na mang-asar ngayon. Please lang po, Ma'am Pil! Not today po. Please?? Hays.

"Ayos ka lang ba, Ma'am Shaze? Matino ka pa naman kanina noong magkasama tayo sa canteen, huh?!" Then she slowly walked to my direction na parang nagtataka pa. May patilt pa ng ulo sa right side. Nakacross-arms pa. "Ano ba iniisip mo, Ma'am Shaze?! Yung kumatok sa pinto mo kanina?" Saglit siya na napahinto at tinanggal ang cross-arms. Nakatilt naman ngayon ang ulo sa left side.

Huwag, Ma'am Pil! Huwag ka po na lalapit! Please! Please po, Ma'am! Please!

Eto na naman yung tibok ng puso ko na parang nangangarera nang walang humpay. Papikit pikit pa ako na nakatingin ng diretso sa direksyon ni Ma'am Pil na kung saan ay nasa likod na ni Breeze sa right side. Ibig sabihin lang noon ay malapit na talaga siya dito at makikita niya talaga ang masungit na ito. Kung saan-saan naman naglakbay ang mga mata ko at nang mapasulyap naman ako saglit sa direksyon niya ay nakatingin pa rin sa akin ng diretso. Para naman akong matutunaw sa tingin niya kaya mabilisan ko na binalik ang tingin ko kay Ma'am Pil na ngayon ay binigyan ako ng naguguluhan na mukha habang ang mga kamay ay nakalagay sa bewang.

Nilagay ko naman ang mga takas na mga buhok ko sa likod ng aking tenga dulot nang agresibo na pag-iling ko na binigay bilang sagot sa tanong ni Ma'am Pil. Gusto ko na magsalita pero parang umaatras ang aking dila at tanging pagbukas at sara lang ang nagagawa ko. Nagpapasma na din ang mga kamay ko dahil sa sobrang kaba. Kinakabahan ako kasi mentras na lalo siya na naguguluhan, mas pupursigihin pa niya na lalo ka na gulihin. Isa pa kapag nagsalita ako ay baka lumapit siya di--.

"Oh hindi naman pala eh! Eh kung ganoon, Ma'am Shaze, sino ang iniisip mo, aber?!" Sabi niya pagkatapos ay pinagpatuloy ang paglalakad papunta dito. Pero huminto ulit siya sa may pinaka likod na ni Breeze na dalawang lakad na lang ay makikita na niya si Breeze. Nagcross-arms ulit siya.

Nataranta naman ako at palinga-linga kung saan-saan para makahanap ng ibang sagot sa tanong niya. Ang mga kamay ko nga ay pinagsaklop ko na at nakashape na ang mga braso ko na pa-o. Yung sagot kasi ay nandito sa harapan ko kaya hindi ako pwede tumingin sa harap dahil malalaman ni Ma'am Pil at maging si Breeze na iniisip ko siy---. Teka, mali, hindi siya yung iniisip ko, yung mga sinabi niya!

Pasensya na Ma'am Pil pero magsisinungaling muna ako sa iyo ngayon! Forgive me po, Ma'am Pil! Ayaw ko man na gawin ito pero para sa kapakanan ko at ng nasa harapan ko, gagawin ko!