After Five Years

Chapter 3.1.2

Shaze's PoV
Ngayon pa lang ako natapos maligo at saka ako lumabas ng C.R. Grabe naman kasi ang hina ng tulo ng tubig nga pala ngayon dahil Saturday kaya siguro natagalan din si Kale na matapos maligo. Pero mahina man or hindi, as usual, matagal pa rin yan maligo. Nilagay ko na ang tuwalya dito sa may alambre.

Speaking of that girl, umalis na kaya siya? Anong oras na kasi at talagang nakakahiya sa mga kagroup niya. Malapit lang kasi yata dito sa amin pero hindi rito sa baranggay namin, yung bahay ng kaklase niya pero kahit na diba? Dapat pa nga mas maaga siya na dumating eh. Hays, Andie Kale.

Pumunta na ako sa kwarto niya para nga icheck at kakabukas ko pa lang ng pinto...napasigh na agad ako. Ang tigas talaga ng ulo!

Nandito pa nga siya.

Nakita ko kasi yung bag eh. Sinara ko na lang ang pinto at pumunta sa kwarto ko.

"...Samahan niyo po kung kinakailangan..."

Boses ni Kale iyon pero teka! Sino naman ang kausap niya? Pero baka nagprapractice lang ulit siya para sa script niya kaya pumasok na ako sa kwarto ko.

"Natural lang din po na mahulog niya yung tinidor, malamya po yan. Basta po---." Namilog naman ang mata niya noong una pero agad din napalitan ng ngiti na mapanukso. Wait! Hu-huwag mo na sa-sabihin na alam na niya?! Tinignan ko naman ang cabinet ko pero parang hindi naman ito binuksan. Pero hindi pa rin ako sigurado doon! Napa face palm naman agad ako noong naalala ko na hindi ko nasara yung pinto ko. Aish.

"Andie Kale, ano ang gi-ginagawa mo rito at sino ang sa-sasamahan?" Kahit nenerbyos na ako ay nakuha ko pa rin na ikunot ang noo ko, itilt sa right side ang ulo ko, at saka panliitan siya ng mata. Nandito pa rin ako sa bukana ng kwarto ko at hindi pa rin ako naglalakad ulit dahil sinusuri ko talaga nang maigi yung cabinet baka kasi binuksan talaga ni Kale. Nandoon pa naman yung teddy bear. 

Pinakaramdaman ko naman si Kale at feeling ko mang-aasar siya anytime soon, itsura niya pa lang kasi eh!

Bakit ko pa ba sinabi iyon?! Ayan na nga dahil binigyan niya lang ako nang ngiti na malaki. Gusto ko man siya na tanungin kung bakit siya nakangiti nang ganoon eh huwag na lang baka kasi gusto niya lang na ngumiti. Kaya I just give her too a smile then, pumunta ako sa tabi niya at nagsuklay.

"Basta po sulitin niyo na po ito na gabi na ito na kasama siya kasi hindi po palabas yan and ngay--."

"Sino ba yan?" Hindi ko kasi makita kung sino ito dahil nasa right hand niya yung cellphone at saka hindi pa nakatulong na nakalugay siya. Hindi pala siya nagprapractice para sa project nila at hindi na rin niya ako pinansin. Baka, yung parent ng isa sa mga friend niya ito kaya hindi ko na lang din siya pinansin at kinuha ang lotion at naglagay nito sa braso at legs ko.

"Tapos na po siya. Naligo po eh. Tignan niyo po ang tagal sa C.R kasi ang bagal po kumilos. Pero, gusto niyo po ba na kausap---."

Uupo sana ako sa kama nang may nakita ako na kalapati na nasa bintana kaya nakatalikod na ako ngayon kay Kale. Binugaw ko naman ito dahil baka mapagalitan pa kami ng may-ari kapag nakita na nandito yung mga alaga niya. Pero, tambayan talaga ng mga alaga niya yung bubong namin eh.

Hindi pa rin ako humaharap dahil katulad ni Kale, ang tigas din ng ulo ng huling kalapati na ito, tatlo kasi iyon eh. "Andie Kale, anong oras na at baka malate ka pa sa group niyo porket malapit lang yung bahay hindi ibig sabihin na magpa---."

"Sige po, Kuya. Mauuna na po ako baka magalit po sa akin eh. Grabe po magalit yan pero hindi naman po bagay sa kaniya. Enjoy your din---."

Sa wakas ay napaalis ko na rin yung kalapati na iyon. Parang si Breeze lang din, ang hirap paalisin sa buhay ko kahit na hinahayaan muna yung sarili mo na siya ay i-let go.