عشق الضواري

البارت 41

البارت 1460 كلمة

لا تنسو الضغط على النجمة للتصويت ومتابعة حسابي لقراءة باقي القصص
🌹⁦❤️⁩🌹
.

.
.
فتح الباب وهو يفتح عيونة بصدمة ويكول اسم الشخص الواكف گدامه ويه ام البنات .

يمان : ايهم ؟!.

گلب عيونة ايهم بنفاذ صبر وهو يدفع الباب ويفوت ووكف بالحديقة يباوع لسرور بغيض وغضب وكال .

ايهم : اقدملك حرم والدي المصون الزوجة الثانية والي هية ام البنات الي جوة ابيتك . . وياريت تفضوها للسالفة حتى ارجع من وقت لان عندي كومة شغل .

باوعله يمان بملل من اسلوبة الجاف والي متعود عليه واشرلهم يدخلون للاستقبال ، واول ما فاتو ركضت سرور على ايفان وهيه تتتلمسها وتحضنها وباست راسها وتسالها اذا اذوها بشي ، ونظرات ايهم جانت تراقب فيان وهيه گوة مفتحه عيونها وجسمها يرجف وتباوع لامها بأشمئزاز واضح ، ويمان متفاجئ لان امهن ماحضنت فيان ولا سالتها عن حالها جانت ملتهيه بس بايفان باوع لفيان شافها تباوع لامها بنظرة كلها غضب وقرف من امها وبعدها نزلت عينها وكالت موجهة حديثها لأسيا .

فيان : اسيا كوميني خلي نرجع للبيت .

وأول ماوكفت اسيا حاجاهه يمان بنبرة محذرة .

يمان : شالقصة يابة شنو طفلة انتي حتى هيج تسوين ترة هستوهم جانو ابيتكم عصابة مو واحد لو ثنين لاا ثمانية تعرفين شنو يعني ثمانية لا وفوك هذا مبين مخططين لكلشي وحافضين البيت شبر شبر ويندلون المكانات الي بيهه فلوسكم بعدين ابو يزن هنا واكيد مايقبلههترجعن وحدجن وانتن عرضة واخواته .

باوعله ايهم بصدمة وبعدها تحولت نظرة غضب وانزعاج بسرعة خفاها وكال .

ايهم : احم . . اي اكيد ماكو رجعة للبيت هالمرة سلامات مرت الثانية بالگبر . . وياريت لو بس هيج احتمال يسوولجن شي .

حجت سرور بعصبية : كله من وراهه ام راس اليابس مثل جدها عاندت ومتقبل تجي يمي حتى اختها هم منعتها وهاي تاليها شفتي بنت جدج شفتي يترباية الشيوخ مو جان لعبو بيجن وصار اسمنا ع كل لسان .

استفزت فيان الي جانت منهارة وخلتها توكف بعدم توازن وتسند ضهرها لأسيا وتحجي بتعب واضح ونبرة حادة .

فيان : اسمنا . . قصدج اسمجن وبس . . لتجمعين نفسج بينا . . انتي متعنيلي شي . . اني امي سهير الي ربتني وتعبت عليه وسهرت ودارت ووالدي سفيان الي اول ما توفى ما انتظرتي شهر كدام الناس ركضتي تزوجتي عشيقج مدري حبيبج مدري منو وابوي واهلي وسندي الوحيد الي كسرني بروحته هوه رافد . . وبالنسبة لاختي الي باعتني علمود ام باعتها من صغرها علمود الفلوس والجاه الي جانت كله تكدر تحصله لو باقيه ويه بناتها ومربيتهن وتعبانة شوية عليهن امها الي س . . . استغفر الله مو مال اجي احجي وياج انتي متستاهلين كلمة عتب وحده مني . . لأن العتب بس للعزاز .