عشق الضواري

توضيح البارت22

اكو رسائل وصلتني يحجون على روزة الي اعتدى عليها زوج امها القصة الي بالبارت 22 هالقصة حقيقية والبنية اسمها "زاهدة" زوج امها اعتدى عليها وهيه بعمر ال13 سنه وللأسف أمها جانت ملاحضة نظراته للبنيه وحاسه اكو شي ابتها صاير بس مغلسه ليش ؟؟
لأن رجلها جان واحد واصل وعنده فلوس وامها لزاهدة جانت حالتها فد مره موزينة بعد وفاة ابو زاهدة فلمن تزوجت هذا النذل جان زواج سر مو علني وباقي وياهه سنوات ع هالحالة لحد ماصاير عمر البنيه 13 وهو معتدي عليها وعايد الكرة لمن بالغة ال16 بس زاهدة مقاومته وضاربته بسجين بخاصرته وشاردة من البيت وحاليا تشتغل باحدى المنظمات الي يساعدون النساء المعنفات وعمرها 32سنه لكن اني من اخذت قصتها حبيت ابنيلها فد حياة خاصه بيها ولمن كتبت البارتات وقرتهن هيه فرحت بيهن اعتقد انها حبت تعيش السعادة ولو حتى بالخيال لأن حياتها تدمرت بعد ما اعتدى عليها كامو يتقدمولها بس الكبار بالعمر والي يريد زواج وقتي وهيه ماقبلت احد يستنقص منها بهالشكل وترضخ للطامعين بيها بس تزوجت فترة اسبوع وتطلكت بس علمود تكون مطلقة مو مغتصبه ليش سوت هيج ؟؟
ببساطة لان مجتمعنا ظد المرا حتى لو جانت هيه الضحية وابسط مثال زاهدة اغتصبها زوج امها وهيه جانت بعمر طفلة ورغم هذا من كبرت وعرفو بسالفتها صارو يلومونها ويحجون عليها حجي باطل ويألفون قصص جذب عليها والمصيبة الي يألفون ويحجون همه نسوان يعني ماكالوها عبثآ المرأة هي عدوة المرأة حتى الي تغتصب متسلم من لسانات الناس
المهم اكو هوايه مصايب وكوارث دتصير بمجتمعنا مثل الاخ الي يعتدي ع اخته والاب والجد والخال والعم وكلها يتم التستر عليها وتعيش البنت مظلومة وتنتهك عفتها وحريتها وحياتها بشكل عام والمغتصب يشرد ويعيش حياته وهذا كله يتم التغاضي عنه ومحد يحجي بيه حتى الاعلام محد يذكر هالكوارث الي دترتكب بحق النساء الضعيفات والبنات الي لاحول لهن ولاقوة وهذول الوحوش البشرية الي محد سلم من شرهم لا مراة ولا بنت ولا طفل ولا حتى الحيوانات سلمت من شرهم يشردون من مناطقهم لمناطق اخرى ويعيشون حياتهم ويبقون يعيثون في الارض فساد

المهم حبيت اكول لكل وحده تحجي ع روزة الي هي زاهدة بالحقيقه لتلوموها لأن جانت بعمر صغير وماجانت تفتهم شي وتخاف منه بس لمن شوية كبرت ووعت صدته ودافعت عن نفسها لتصيرون ظد بنات جنسكم وانتم الي تطلعون الف عذر وغاية للرجال وتنسون الضحية اني حضرت التعليقات الي حجت ع روزة اول بأول امسح واحظر لان ميشرفني يتابعوني نساء همج ومتخلفات ينطن اعذار للجاني والمغتصب ويلومن الضحية وهيه جانت طفلة

ملاحضة: ارجع واكول اني اخذت بس مشهد الاغتصاب حقيقي من قبل البنت وبنيت عليه شخصية وقصة للبنت وسميتها روزة وللمعلومة مواصفاتها حقيقيه نفس الي رح ينذكر بقصة روزة

ويااا مكثر حالات الاغتصاب والتحرش ووووووو الى اخره .. الي تصير بمجتمعنا ويتم التستر عليها 💔